عوض؟
يعني اي عوض..؟
يعني انت بتبقي مضغوط ومضايق و عندك مشاكل ويبقي ربنا يطبطب عليك بحاجه بسيطه
ما تيجوا احكيلكوا علي حكاية عم اسماعيل وهتفهموا يعني اي عوض
عم اسماعيل ده كان عنده 5 بنات و4 ولاد مسئول عنهم طبعا انه يكبرهم ويربيهم وميأثرش مع حد فيهم
كان شغال موظف في شركه كبيرة وعيشته مرتاحه ومبسوط هو وعياله ومراته ومش مخليهم محتاجين حاجه لحد ما في يوم جاله استدعا من المدير
المدير: استاذ اسماعيل الشركه بتمر بازمه وهتعلن افلاسها ف احنا قررنا اننا هنستغني عن العمال الكبار في السن اللي قربوا علي المعاش انت من اكفئ المواظفين عندنا بس صدقني مش بايدينا احنا اسفين ومكافاة نهاية الخدمه في الحسابات
طبعا اسماعيل الكلام نزل عليه كالصاعقه مش مصدق كل اللي ف دماغه دلوقتي مهما كانت المكافاة كتيرة في يوم هتخلص طالع من الشركه و المكافاه بتاعته كانت 3 مليون كان شايل هم عياله جدا ومش عارف يعمل ايه ومش هينفع يقولهم علشان ميزعلوش عليه
طلع من الشركه وقت اذان الضهر دخل الجامع اتوضي وصلي الضهر وكان مخنوق وفضل يدعي: يارب انا مش زعلان انت اكيد عندك حكمه في كده وانا راضي الحمدلله انك معايا وانا عارف انك جنبي وسامعني وحاسس بيا وهتحلها من عندك
وقام راح البنك فتح حسابات باسامي عياله ومراته ووزع الفلوس عليهم بالعدل بينهم وروح البيت
دخل سلم علي عياله و نادي علي مراته ودخل الاوضه
اسماعيل: حكي لها كل اللي حصل
مراته: طب هنعمل ايه بس المصاريف كتير في اللي داخلين علي جواز واللي لسه بيكملوا تعليمهم غير مصاريف العلاج بتاعتك هنعمل ايه
اسماعيل: قولي الحمدلله ربنا في بيتنا مالك في ايه احنا عُمر ما ربنا حطنا في ضيقه الا لما فرجت وطلعنا منها افتكري ربنا في بيتنا
مراته: يارب هقوم احضرلك الاكل
وقامت وهو طلع يقعد مع عياله وفضل يضحك ويهزر معاهم ودماغي بتفكر ازاي هيحلها وهيعدي ازاي بس هو واثق ان ربنا موجود وعنده ثقه وامل انها هتتحل
وعدت الايام وهو كل يوم ينزل ف معاد الشغل ويرجع ف معاده علشان عياله ميحسوش بحاجه وهو بينزل يدور علي شغل و فضل الحال كما هو عليه لحد ما عدي شهر
فونه رن الساعه 7 الصبح
استاذ اسماعيل
اسماعيل: ايوا انا مين
مع حضرتك ال HR من شركه OCD احنا عارفين ان حضرتك عندك كفاءة ومهارة كويسه واحنا محتاجين حضرتك الساعه 8 بالظبط تبقي عنا وهنفهمك كل حاجه
قام عم اسماعيل ولبس ونزل راح الشركه
*في الشركه
اتفضل اقعد دقيقه والHR هيبقي مع حضرتك
دخل الHR: مع حضرتك امير مدير الHR هنا احنا جالنا اوامر من مدير الشركه ان حضرتك هتمسك الشركه من بعده
اسماعيل: امسك الشركه؟ انا؟ طب هو يعرفني منين
امير: دقايق وحضرتك هتشوفوا
اسماعيل: طيب
بينه وبين نفسه وده مين اللي هيسيب الشركه ويخليني انا امسك الشركه من بعده وهو يعرفني منين يارب ايه الحيرة ديه بس
دخل راجل اخر شياكه واناقه
سُمعه ازاي ياراجل مش عارفني
اسماعيل: ابو حميد هو انت
وحضنوا بعض و سلامات كتير وبعدين قعدوا مع بعض
احمد: قبل اي كلام انت اللي هتمسك الشركه دي انا مسافر ومعرفش هرجع امتي ومش بثق في حد قدك وعارف انك هتبقي قد الثقه واكتر
اها اسماعيل واحمد صحاب من زمان جدا مكنوش بيتقابلوا بسبب حياتهم وكل واحد مشغول مع عياله
اسماعيل: بس انا لسه مش مرتب نفسي و مش عارف..
احمد: متكملش انا عارف كل حاجه ومفيش حد غيرك هو اللي هيبقي قد الثقه ديه
واتفقوا مع بعض و اسماعيل قام ومشي راح بيته
واتكلم مع مراته وحكيلها كل اللي حصل وقالها: مش انا قولتلك ربنا في بيتنا ومعانا دايما الحمدلله
طلع وجمع عياله كلهم وحكيلهم كل اللي حصل طول الشهر
قالهم: خلي عندكوا امل وثقه في ربنا انه دايما معانا وسامعنا ومش بياخد مننا حاجه الا لما بيدينا الاحسن منها ف دايما نقول الحمدلله علي كل حال واننا راضيين ومقتنعين بقضاء ربنا
ديه قصه عم اسماعيل
نرجع بقا لمعني العوض..
قد ايه العوض حلو وجميل وربنا بيحطنا في اختبارات وصعوبان وهو بيبقي عارف اننا قدها وهنعدي منها كمان فلازم دايما نبقي راضيين ومبسوطين باللي بيحصلنا واللي بنتحط فيه بنتعب وبنعاني كتير علشان كده ربنا بيعوضنا و بيورينا قد ايه احنا كنا مضايقين علي حاجه صغيرو متستاهلش لما يعوضنا بحاجه احسن من اللي كنا فيه طبيعي هنزعل وهنضايق وهنتعب وهنعاني بس اول ما بيجي العوض بنحس ان ربنا بيحضنا وبيطبطب علينا لازم يبقي عندنا تفاؤل علشان نعرف نعيش نعيش مرتاحيين ومبسوطيين مهما كنا مضايقين ومضغوطين نخلي عندنا امل وتفاؤل والاهم الامل يكون في ربنا انه هيكرمنا وانه دايما جنبنا ومعانا ربنا جنبك وشايفك وسامعك وبيحبك
المهم نكون احنا راضيين من جوانا ويبقي عندنا صبر احنا بنعيش الحياة مرة واحده ف لازم يبقي عندنا رضا وراحه علشان نعرف نعيش الدنيا بتبقي معانا يوم وعلينا يوم لازم نمشي امورنا ونعديها الدنيا مش بتقف ع حد لما بنزعل من حد ما بنبقاش مستنيين منه يتأسف لينا ويفضل يتحايل علينا بالساعات عشان نسامحه؛ بالعكس إحنا أبسط مما تتخيلو وسهل تراضونا بمُنتهى البساطة، يكفينا كلمة حلوة، طبطبة صادقة، وكفاية إننا نحس إن زعلنا فارق معاكم وماهونّاش عليكم دي عندنا بالدُنيا وما فيها، والله إحنا أبسط من البساطة إنتو بس اللي مش عارفين تتعاملو معانا.
تعليقات
إرسال تعليق