_صحيح غريب الحب مين فاهمه
= أنتِ باردة ولا عبيطة
_لا ده ولا ده
_بس هو انت ليه مش متقبلني
"بِزعيق نسيبيًا"=عشان مغصوب عليكي و انا مبحبش حد يغصبني على حاجة و بعدين مغصوب على جوازة اكتر قرار لازم انا اللي اخده
_ انا اسفة، تصبح على خير
=و أنتِ من اهله
"ده يزن ابن عمي، كنا بنحب بعض من و احنا صغيرين بس حب اخوات و صحاب و اتجوزنا عشان كان في خلاف بين العيلتين و عشان يثبتوا أنهم اتصافوا جوزونا من غير ما ياخدوا رأينا، بس اللي حصل العكس"
__________________________
=صباح الخير
_صباح النور
=منى انا اسف على اللي قولته امبارح، بس كنت مضايق شوية و أنتِ اكيد فاهمة
_ولا يهمك
= انا نازل الشغل
_ افطر طيب و انزل
=هفطر في الشغل
_اللي يريحك
=سلام
_ربنا معاك
"قومت خلصت اللي ورايا في البيت و ابتديت اجهز الاكل و عملتله اكتر أكلة بيحبها، اهل الحب صحيح مهزقين الست مكدبتش، فضلت مستنياه لما يجي عشان اتغدى معاه"
_حمدالله على السلامه
=الله يسلمك
_اتأخرت كدا ليه
=طبيعة شغلي عادي
_طب يلا عشان نتغدى
=اتغديت هناك
=تصبحي على خير
_و انت من اهله
"رُبما أنت ولا فارق معاك بس انا عايزة اللبسك الاكل اللي تعبت فيه عشانك في وشك، بس أنا اللي استاهل انا اللي كلاون و من بكرا هبقى تقيلة عليه جامد"
_يزن
=...........
_انت نمت
=.........
_انت سيبتني زعلانة علفكرة انا كنت مستنياك
=.....
_يوووه بقى، انت رخم اوي انت عارف اني بحبك ليه بتتبارد كدا
=و ايه تاني
_.........
=سكتي يعني
_ايوا مهي الرواية خلصت يلا بقى تصبح على خير
=و أنتِ من اهله
"ايوا انا قولت من بكرا هبقى تقيلة مقولتش انهارده الساعة لسه ماجتش ١٢"
____________
=منى تعالي ننزل شوية
_ انا جاهزة
=!!!!
=مش لسه هتلبسي طيب
_لا هنزل كدا
=بس ده مش لبس يتنزل بيه
_لا ينفع بس يلا
= طب مفيش نزول و هنزل انا رايح عند صاحبي
_انا ولا صاحبك يا يزن
=أنتِ عبيطة
"كنت متأكدة أنه هينصفني"
=انا نازل
"كنت متأكدة اني كلاون"
"نزل و انا فضلت قاعدة لوحدي زي كل مرة، هو انا اه بهزر معاه و مبحبش اقفش معاه بس خلينا متفقين اني بحس، اني بتأثر و بعيط و كمان انا اهلي مش قريبين مني عشان اروح اقعد شوية معاهم أو احكيلهم و هيرموا اللوم عليا اني مش بعرف احافظ على بيتي، عيطت لحد ما روحت في النوم"
"بصوت عالي فزعني"= منى
_ ايييييييييه بتزعق كدا ليه انت
=أنتِ بتعلي صوتك عليا
_ ما انت فزعتني حد ينادي كدا
= عينك وارمة كدا ليه
_ ممكن من البصل
= أنتِ اصلا مش عاملة اكل
_بجد
=لا جيرافيك، اكل ايه انا دلوقتي
_ اطلب من برا
= و أنتِ ليه متعمليش
_ انا كل يوم بعمل و انت مبتاكلش، انهارده معملتش ماجتش من يوم
"بدأنا نتخانق و صوتنا عالي جدا"
=لا جات أنتِ المفروض هنا تخلي بالك من كل حاجة تعملي الاكل حتى لو مش هاكل ترتبي البيت حتى لو مش هقعد فيه هي الخدامة لما بتعمل حاجة بتستنى ايه غير مقابلها المادي و هي ساكتة
"حاولت امسك نفسي من غير ما اعيط بس مقدرتش عشان انا مش خدامة و مستحقش المعاملة دي، فضلت مستنية يقول إنه ميقصدش المعنى اللي هو قاله أو يقولي انا اسف بس هو ماخدش باله و نزل و سابني مش عارفه اعيط على حالى ولا اعيط على حبي ليه، انا بحبه بس هو مش مقدر ده"
_____________________
=فين القميص
_على السرير
= و الفطار
_ على السفرة
= هو انهارده كام في الشهر
_مبصتش في النتيجة
=افطر ولا مفطرش
_اللي انت عايزه
"قومت و دخلت اقف في شباك الاوضة"
=انا هنزل
_مع السلامة
"فضلت قاعدة لوحدي كالعادة بس المرة دي مش مستنياه"
=السلام عليكم
_و عليكم السلام ورحمة الله وبركاته
=رايحة فين
_داخلة انام
=مش هتتغدي طيب
_اتغديت
=منى انا عارف اني كنت غلط في كلامي انا اسف بس أنتِ اكيد فهماني
_ماشي
=طب ممكن تستني عشان اتكلم معاكي
_ماشي
"اتغدى و فضل الاول يقول في كلام عارف انه ميهمنيش انا مالي و مال جارنا أو الشقق اللي اتسكنت جديد في العمارة"
=انا عارف ان اللي بقوله ميهمكيش
_و بتقوله ليه
= مش عارف
_طيب
=أنتِ مش متقبلة اعتذاري
_لا متقبلة عادي
=اومال بتتعاملي كدا
_بتعامل عادي، هي الخدامة لما بتعمل الحاجة اللي عليها بتضحك عشان تزود مرتبها ما هو هو مبيتغيرش
=منى أنا مكانش قصدي كدا
_اومال كان قصدك ايه
=منى متبقيش رخمة انتِ بقالك كام يوم متغيرة اصلا
_متغيرتش انا بعاملك عادي
=لا متغيرة
_ماشي
=يابنتي ما انا اعتذرت
"ابتديت ازعق من خنقتي"_ عشان جاي تعتذر متأخر بعد يومين جاي تعتذر، هو أنا مش بحس، من اول يوم و انا بهتم و بحاول على الأقل تتقبلني ده احنا كنا أصحاب و اكتر و لحد دلوقتي بتعامل على اني اعرف يزن بيحب ايه و ايه اللي يريحه بس انت بتتعامل على انك متعرفنيش، انت بتتعامل على إنك عايش في البيت لوحدك، ليه شايف حبي ليك و اهتمامي بيك حِمل كبير
=عشان مكنتش اعرف انك بتحبيني
_انسان مستفز
"دخلت الاوضة و مش عايزة اعيط، انا عايزة حضن يحتويني او حد يسمعني أو يفهمني، انا بعد ده كله هطلع الغلطانة"
______________________
"عدى اسبوع و احنا بنتعامل عادي"
=منون حبيبي
"انا بضعف"_.......
=منى
_عايز ايه
=عايزك
_في ايه
=لا ده أنتِ غبية بقى
_شكرًا
=انا هنزل هرجع متأخر و متعمليش اكل
_ ماشي
=سلام
"حيوان و حلوف لا يبالي، طب ده انا انهارده عيد ميلادي، لقيت كتير اتصلوا عليا عشان يقولولي كل سنة و أنتِ طيبة و ده فرحني عشان لقيت كتير فاكرني، بس لقيته اتأخر كتير و قلقت عليه غير كل يوم ايوا ايوا انا نو كرامة"
"لقيته داخل عليا الاوضة"=منى
_نعم
"ابتسم"=تعالي
"خرجت و لقيت بلالين كتير و تورته عليها صورتنا و احنا صغيرين و بوكس شكله لطيف اوي و ابتسمت"
_لطيف
=اه لطيف
=انا مش عارف ابتدي ازاي ولا اجيبها منين، انا بحبك حتى من و احنا صغيرين بحبك اكتر من علاقة صحاب يا منى انا مكنتش بلاقي اللي ينصفني لما نتخانق مع العيال اللي في الشارع أو اللي لحد دلوقتي فاكرني و فاكر انا بحب ايه، بصي انا كلامي ملعبك بس انا بحبك جدًا و مش عايزك تبقي زعلانة مني...حقك عليا و اسف على كل حاجة أنتِ تستحقي كل جميل، حقك عليا انا عايزك تسامحيني و تفضلي معايا
"حضنته مش عشان بحبه تؤتؤ عشان مبعرفش اعبر أو ارد على كلامه"
_انا معاك و جمبك يا يزن علطول انا ماليش غيرك
=انا مالقتش ونس للعمر احسن منك
"مالقتش ونس للعمر احسن منك"❤️
تعليقات
إرسال تعليق