.....انا دهب عندى 19سنه وعندى اخت اصغر منى وبابا طالع على المعاش وامى ست بيت
-فى يوم من الايام وزى اى بيت مصرى قاعدين قدام التلفزيون مستنين الموتمر يخلص عشان نتيجه الثانويه تنزل لان انا ساعتها كنت ثانويه عامه وقاعدين ف توتر وقرف مستنين مستنيه نتيجتى مستنيه حلم 18سنه حاجات كتير جوايا تعب وخوف وقلق ورعب
-بس حصلت بقا الصدمه الكبرى اللى مكنش حد يتوقعها وهى ان انا ارسب واجيب مجموع اقل من الخمسين حاله من الصدمه حاله من الانهيار
-محدش مصدق الكلام دا مش حقيقى الكلام دا غلط دى مش نتيجه دهب بنتى لا يا دهب يبنتى متعمليش ف نفسك كدا انتى عملتى اللى عليكى واجتهادتى والتوفيق دا من عند ربنا
-بس بابا قال جمله لحد دلوقتى بترن ف ودنى دهب بنتى (رب الخير لا يأتى الا بالخير )يبنتى وبعدها قال (لعل فرج الله قريب) وفضل يهدى فيا ويقولى (ان الله يعلم وانتم لا تعلمون)
-بس انا م سامعه اى حاجه غير ان حلمى ضاع هندسه راحت ازاى دا انا كنت مخططه حاجات كتير اوى كان ف احلااام كتير اوى اتهدت بسبب ضياعى دا دخلت اوضتى ف صمت ودموعى نازله ع خدى
-Flash back
-يماما انا ان شاء الله لما ادخل هندسه هعمل حاجات كتير اوى تعرفى يماما من اول قبض ليا هساعد ناس كتير تعرفى يماما انا بجد بذاكر واجتهد عشان ارفع راسك انتى وبابا
-ماما ماما انا قفلت انهارده ف امتحان الفيزياء تعرفى انا ناقصلى جزء صغير اوى اوى وهخلص الكتاب اللى جبتو دا وهبدا ف الكتاب الجديد
-لا يماما انا م هاكل ولا هنام غير لما اخلص الفصل دا كلو ورايا مذاكره كتير يماما عشان اوصل لهندسه يحبيبتى
-اى بتقولى اى يماما لا انا م جايه معاكو انهارده عند خالتى عشان هذاكر رياضه ونازله حصه وهاجى اذاكر شويه دا كلو فدا هندسة
-back
-قاعده بفتكر كل دا ع سريرى ف صمت بفتكر كلامى واحلامى وتعبى اللى راح بفتكر فلوس بابا اللى تعب وشقى فيها عشان بس يخلينى ابقا مهندسه قد الدنيا بقا انا دهب محمد اللى مكنتش بعمل حاجه غير مذاكره وكتب وحاجات كتير اعيد السنه بس يدهب انتى من النهارده هتبقى قاسيه وصعبه نمت وانا بعيط ومنهاره ع حالى اللى وصلتلو....
-تانى يوم ماما بتصحينى دهب حبيبتى قومى يلا عشان تفطرى
-لا يا امى انا مليش نفس ...قومى يا حبيبتى محدش هيفيدك ف الزمن دا محدش ف ايديو حاجه يعملها
-وقفت وزعقت وكان اول مره ازعق من ساعه الصدمه ...ايوا محدش ف ايديو حاجه يعملها بس انا ف ايدي انى اذاكر واتعب واتحمل حاجات كتير وضغط عشان ف الاخر اقعد ف البيت اشوف كل الناس كل اصحابى ف الجامعات وانا قاعده صح لى انا هاا لى انا يا امى لى بنتك هى اللى بتتعب ف كل مره لى حلمى يضيع انا طول عمرى برضا بحكمه ربنا وقضاءه بس لى لى المره دى لى كان نفسى افرح كان نفسى ادخل هندسه واحقق حلمى وحلمكو
-خلاص يدهب يحبيبتى خلاص يماما ربنا بيعمل اللى فيه الخير ربنا هيعوضك خير والله
-ممم هيعوضنى خير طب انا مستنيه والله مستنيه
- .............................................
-"ف مكان تانى"
-شلة بنات قاعدين ..شوفتو يبنات اللى حصل لى دهب
-اى حصل حصلها اى ...سقطت ههههه كانت بتقعد تقول انا ان شاء الله هكون مهندسه قد الدنيا انا هتعب واذاكر وهبقا مهندسه ..
-شغلت دماغنا وف الاخر احنا نجحنا واحنا م بنذاكر والدحيحه بتاعتنا منجحتش هههههههههه بجد عشان تعرف بعد كدا تقضيها بالطول وبالعرض ....يلا هتتعبو نفسنا لي يلا نفرح احنا
- ................عدا فتره كبيره ع دهب نزلت واشتغلت عشان تقدر تنسى وبردو مش بتنسى بس اهر بتحاول ...
-ف مره باباها قالها جهزى نفسك الجمعه الجايه ف عريس جاي يتقدملك هنشوف يبنتى لو مناسب هنتوكل ع الله
-دهب بصت ف الارض وقالت اللى تشوفو يبابا ماهى مش هتقدر تتكلم بعد اللى حصلها دا وبقت راضيه بأى حاجه قالت واى يعنى هقعد واشوف ولو زوج صالح ومناسب ليا هوافق ربنا يعمل الصالح يارب لو خير ليا يارب قربو منى ولو شر ابعدو عنى
-................
-انهارده الجمعه البيت كلو واقف على رجل وبيخلصو عشان العريس جاى بليل ودهب ولا هى هنا هى بقت بتقعد سرحانه وساعات نلاقيها بتعيط من غير ما تحس شكلها بقا باهت اللمعه اللى ف عينيها راحت
-دهب دهب نعم يرغد قومى يحبيبتى البسى وجهزى نفسك عشان العريس واهلو ع وصول
-حاضر يرغد هقوم وامرى لله
-قومت لبست دريس بيبى بلو وخمار اوف وايت وجذمه بيضه وحطيت روج بسيط اوى عشان بس احس بتغير
-بس كنت جميله اوى رقيقه اليوم دا غير اى يوم حاسه براحه جوايا ف جمله جوايا عماله تتعاد (لعل فرج الله قريب) ...بعد فتره كنت قاعده انا والعريس اهه نسيت اقولكو اسمو يمكن من حلاوتو نسيت اقول اسمو
-ايوا متستغربوش انا ضحكت فعلا بقالى كتير مضحكتش بس ضحكت مع محمد حسيت ان ربنا بعتو ليا اشارة ووافقت وحبيتو وحبنى وبحكيلكو الكلام دا وانا متجوزه اهو وعندى زين ووعد
-عايزه اقولكو ان عوض ربنا حلو اوى انا دهب اهو صبرت كتير اوى لحد ما نولت ورجعت لهبلى وضحكتى والبركه ف محمد والله اوعو تيأسو خلى املكم ف ربنا كبير وربنا هيعوضكو
-ربنا بياخد من هنا ويوصل من هنا ودا كلو قدر ونصيب ومكتوب
عيشها ببساطه خلى جواك يقين ❤️
تعليقات
إرسال تعليق