لو مَره تِرجع تِقولي الحَدوته
مش هسأل كِتير فيها
وِهَنام وإنتا بتِحكيها
وِهسمع كَمان كَلامك
وِعارفه مَفيش عُذر لِتارك الصَلاه
بس أنا حالي بَعدك مِتدهور وِوَره
الدُنيا قاسيه عليا بَعدك
فين الاقي طيبتك وحِنيتك
إرجع كِفايه بُعدك
باينه قُدام الكٌل مِستَقويه
البِنت مِن غير أبوها صَدقني ولا تِسوي
ولا عُمرها تبقي مِستقوِيه
لو فاكر آخر حَدوته
عن البِنت إللي مات أبُوها
والكُل بَعد موته جَرحُوها
وبَعد الكُل ماكَان يِتمني يِشوفها بقا يستهوِن بيها
مهو مَلهاش ضَهر يحميها
وكأن بَطلة الحَدوته دي هي أنا
غِيابك طْال سَنه
أحليَ مِن حُب الأب لِبنته مَفيش
لِغير أبوكي يَبنتي مَتِضَحيش
ولو أبوكي حَي
إوعي تِعدي ثانيه مَتضحَكيش
لحسنْ بُكره تِنامي تِشْكيله
في خَيالك عَن كُل اللي بِعده وبَكوكي
ولو مَهما زَعق أوإتعصبْ
مَتزعَليش مَهو بَرضو أبوكي.
تعليقات
إرسال تعليق