....
الالوان الباهته
ساكنه الاضواء الخافته
الاضواء جاهزه
جاهزيين ممثلين بدون بروفه
ولا حتي ممثلين بيأدوا الدور
واخدين اوسكار درجه اولي
الافكار الحلوه
ساكنه جوه العقول المرميه
...
علي الكورنيش في كتير ورد
في كتير ورد في البلكونات الحزينه
البلكونات الحزينه فيها كتير فناجين سهرانه
الفناجين السهرانه
سهرانه معاها الحواديت
هوبجد كل شئ قاصد يوجع فينا ؟
بجد كل شئ راحل؟
بجد كل اللي جاي هيبقي في يوم فايت؟
القهوه مظبوط
والجرح واضح في عين البن المدلوق
كل الحاجات تشبه لكوم حاجات لكن ملعونه
الذكري وكل الحاجات الحلوه راحله
...
كان لازم حل في القِصه
لكن منين نجيب حاجات تانيه للذكري
كل الحاجات تشبه لحاجات لكن ملينا من القصه
هننزل نتمشي شويه في الذكريات
ولاهنجيب قهوه
ونروح ندور علي احزن قصه في الذكري
...
المترو عيونه شَحت تدوين
ورافقه الترام خَمر مصحوبه بالكسره
كل الناس حواليك طياره ورق بتحركها الريح
وانت بدون شبكه ولا حتي خيط متين
السمك بدون اهتمام يموت من الحسره
كل الاورده مشتاقه لكافيين ميه عذبه
الميه المالحه كان ليها في الذكريات سيره
لكن كلها انتقلت في مواجع مسيره
..
كل أماكن البروفات موجوده
لكن بدون وسيله
كل الحاجات تشبه لحاجات لكن بدون قيمه
كل الحاجات ملعونه
كل الحواديت تشبه نفس حدوتك الملتوته
اجبلك شئ
ولا الأشياء أصبحت ممله
وناقصه حدوتك بنوته
كان ممكن نكون
لكن كل الحاجات واقفه تحدف
الجرح علينا بطوبه
الحدوته ناضجه وواضحه
في بيت العمده
لكن السنيوره بنت الاكابر مقموصه
واقف تبكي بدون ادراك منك
وكل الحواديت اصبحت ملتوته
بس لسه ساكنه الالوان الباهته
الاضواء الخافته
وكل الحواديت ناقصه حدوته
البدايات نهايتها مرعبه
وفي الغالب مجهوله
علي فين هنروح
ولا الليله بروفه
أضواء جاهزه
حافظين ممثلين
جاهز الكل
تم إلغاء البروفه.
تعليقات
إرسال تعليق