افتح باب السنه اتفضل اركب
في حياه مصفحه أحزان
إركب سواق وحدك
وركب في الكُرسي اللي جنبيك حُزنك
إجري بأخر تنهيده في قلمك
عارفك بتجري بسرعه
لكن لابد في الطريق تقابلك شبوره
لو فضلت ثابت تعدي عليك السنه
بدون ماتاخد صوره
إتفضل إتفرج عليهم معايا ليك تذكره في الوحده درجه أولي
هتلحق حلمك أكيد لكن الناس عاشقه الموضه
حمل حُزنك علي كساحه
وإعزف بيه مكان ما تحب
ومكان ما تحب عَلق يافطه وإكتب عليها إستراحه
كل سنه وأنت نفسك راضيه بالوحده ومرتاحه
برجاء عدم إزعاج الوحيد وقت الراحه
...
هدوء يا تسع حروف
هتفتح فونك مش هتلاقي حد يسأل عليك
هتراقب هتلاقي الكل سعيد وإنتا وحديك
هتفكر فيهم مجرد تفكيرهم فيك ده وهم وفِييك
كل سنه وإنتا وحدك ومحدش حاسس بيك
كل سنه بتقول
ليلة رأس السنه مش هتكمل غير بيك
لكن يا معاليك
كل سنه وإنتا بتتفرج عليهم وهما بياكلوا الكيك
حتي مش هيشيلوا نايبك
منتا نايبك منهم إيه غير كلام يهد فيك
كل سنه بتقول اللي جايه هتبقي أحسن
وأحسنلك يا تسع حروف إنك تبقي
وحيد وحديك وحدك
...
حزنان ليه؟
مش فاضل غير دقايق علي بداية السنه
لكن ولا وصلتك رسالة كل سنه وإنت طيب
ولا حتي عزموك علي الكيك
هتعاتب مين وتشكي لمين ؟
إفتح باب السنه إتفضل إركب وحديك
خايف تبقي لوحدك ركب حُزنك جنبيك
إجري بأخر سرعه مهما يحاولوا يهدوا فيك
هما إتصوروا وفرحوا وغنوا
ونسيوا إنك مش في الصوره
...
سيبك يا تسع حروف
بكره تلف الأيام ويجولك بعين مكسوره
طب بالذمه ده إسمه كلام
عاوز ترمي روحك تحت الترام
معذور يا صاحبي تلاقيك إفتكرت
إنك لازم تقولها كل سنه وإنتي
ونسيت إن إنتي مش موجوده
يا تسع حروف هما فَتحوا باب الطياره
وإنت الوحيد اللي قالولك نط
نسيوا إن حزنك عمره ما هيسيبك
ونسيوا إن حزنك طوق نجاه براشوت
...
طيب يا تسع حروف يلا نفتح باب السنه
إتفضل إركب وهات حُزنك اشيله عنك
كل سنه وإنتا وحديك ومحدش حاسس بيك
كل اللي حِلفوا يبقوا
بِقيوا مع غيرك وسابوك وحديك
...
مش فاضل غير ثواني علي بداية السنه
كل سنه وإنت بخير وسعاده وهنا
كل سنه وإنت بدون عنوان طاير في الهوا
كل سنه بدون كل أحسن
كل سنه بدون كل أجمل
كل سنه وانتا لوحدك أحسن
يا أجمل تسع حروف موجوده علي الكوكب .
تعليقات
إرسال تعليق