..
وحشاني
وعلي بالي دايماً فاكرك
تبعد المسافات بينا وبرضو مش ناكرك
بس انا عمري ما كنت بخانقك
كلامي كله في وصفك قليل
هديتي فيا الحيل وبرضو بحبك
…
ومتسألنيش سوالك البايخ
بتحبني ليه؟
بحبك ومش لاقي سبب
القلب كان متصان وقدامك اتنهب
حياتي معاكي هي دي حياتي
طبطب عليكي قلبي يوم لقاكي
ولا عمره بعدها بكاكي
قالو انك مش ليا
وانا قولت انك الوحيده في العالم اللي ليا
بحبك صدقيني ومش عارف ليه
وده شئ واجع قلبي
بس بيفرح قلبي بوجودك
لو كان ممكن ان يكون في اسباب
كان ممكن نبعد
مقابلتنا كانت صدفه
فاكره اول لمسه لخدودك
واول لما شوفتيني قولتي عليا
كِشري وعصبي وغشيم
ومستحيل يكون جواه مشاعر
واول كلام ما بينا لقيتي العكس
لقيتي عين مليانه طيبه
وقلب حضنك دون ما ينطق حرف
وايد هترفعك لفوق
وحد قابلك بكل ما فيكي تحت اي ظرف
…
اه نسيت….
عنيكي ساعتها قالت كلام
قالت ونبي افضل جنبي
وقلبك ساعتها اول مره يطمن بوجود حد
وقولتي في نفسك
ان ربنا اكيد بيحبك
عشان الصدفه تجمعك بحد شبهي
وان الدنيا لسه فيها خير
بعد ساعتين…
كانت ولاول مره تشاركي اسرارك مع حد
وتحكي وجعك واللي فيكي لحد
بدون تبرير
بكل صراحه حبيت صراحتك
وبدأتي يا حلوه تحكيلي وتشكيلي
ولا عمره قلبي في مره صدك
ولاول مره قدام حد تعيطي
وده لانك عارفه انك بعدها في حضني هتستخبي
وحضني ليكي امان وشئ مطمنك
وانا لقيت مشاعري بتمشيلك
ولقتني امنتلك
…
فينا حاجات من بعض
بنحب السفر
والمشي تحت المطر
نعشق شكل النجوم وهي حاضنه القمر
نعشق سكون الليل
وسكنتك انا بين ضلوعي
وموضوعك بقا موضوعي
ومضموني مضمونك
وخبيتك جوايا وقفلت عليكي
وحشاني ودايما فاكرك
تبعد المسافات بينا وبرضو مش ناكرك.
تعليقات
إرسال تعليق