.....
قبل التحيه ...
رحلت في صمت
لكنك عايش وسطينا
ومن طفل بيتولد
لعكاز بيقرا في الجرنال
لنسر بيرفرف وسط العلم
بنبعتلك السلام
...
صدقني عايش وسطينا
وحكاويك بنقولها لعيالنا
وكلنا عيالك رحلت والله
وتركت فينا كل شئ حلو
فاكرينك علي فكره مش ناسينك
عِشت وسطينا
وأشعارك بيحبوا عليها عيالنا
إشتاقنا يا خال لحراجي القُط
والعَمه يَمنه
...
يا خالي عبد الرُحمن
يا خالي إيه
يا خالي وخال الخلق
وحشتنا
وأشعارك وغناويك
بتجري في دمنا
...
تاريخك باقي
باقيه ريحتك في هوا مصر
باقيه أشعارك في كل نهار
باقيه حكاويك في كل البيوت
باقيه آثار إيديك في السد
باقيه سيرتك في كل عرق فاس
كيف النخل الطولان
نعيش نحلف بيك ونفتكرك
وإن يستجري حد يقول عليك شئ
نثور عليه كيف الطوفان
...
والله يا خال عبد الرُحمن
فراقك سايب في قلب
شعب حبيبتك مصر علامات
في حوار زمان
قلت علي الهوي هوايا
إنها هتعيش بعديك وبعد بليغ
وقال بليغ لولا مصر مكان الأبنودي ولا أنا
وأنا وكلنا نعيش نعيش وتحيا مصر
حِلفت بسماها وترابها
بكيت عليك الأهرامات يوم وفاتك
ونيلها صابه من البكا فيضانها
كلامك دفا يا خال مرافق حيطانها
...
بنصحي علي صوتك وننام علي غُناك
ووحشتنا جبلاية الفار
وفاطمه احمد عبد الغفار
وجملات بتعيط عليك
إتعلمنا منك يعني إيه وطنيه
والله صوتك عمره عنا ما غاب
....
يا خال عبد الرحمن
كل حروف العربيه بكيت بعديك
ننساك إزاي وفي كل دار ساكنه أشعارك وكتبك وغناويك
مصر يا خال بتسلم عليك
ونجيه وعزيزه وعيد هما كمان
بيسلموا عليك
وفاطمه والله
ما هتعاتبك علي الغِياب
بس يا خال وحشاها جواباتك
يا خال حُبك في القلب عنان
يا خال كل الحب كل الامتنان
..
الدار من غيرك مهجوره
وزي النهارده
بتاعت ورده حلوه جداً
متزعلش إن مش كتير سمعوها
يا خال النيل والأهرامات
والمراكب والنواصي والقصور والبيوت الطين
والعِشش والبدله والعمه والنبوت والطربوش
والأحمر والأبيض والإسود والنسر
بيبعتولك كل التحيه وكل السلام
يا خال في الاخير مليون شُكر تعظيم سلام.
تعليقات
إرسال تعليق