خاطرة بعنوان "عيناها اللامعتان" بقلم المبدعه «أسماء عطيه » |تورنيد مصر

متزعلوش من الناس اللي بتعاتبكم، لأن العتاب ده محبة ومعناها إن الشخص باقي عليك..

العتاب عامل زي( إعادة تشغيل) النفوس تاني، بيصفيها، وتعرف اللي بيعاتبك زعلان ليه، وتحاولوا ترجعوا الود تاني..

لكن رفضكم لسماع العتاب والهروب منه، بيخلي اللي قدامك يخزن زعله، وتفضل تتراكم جواه مشاعره السلبية لحد ما تزيد، ويوصل الشخص لمرحلة أنه يقفل خالص، وقتها هتتمنى لو يرجع يعاتبك ولو لسنة كاملة.. بس يرجع تاني، وقتها هو بيبقى مش قادر يصفى ولا يفتح صفحة جديدة، بيحس بالخذلان، وإن العلاقة دي سواء صداقة أو ارتباط أو قرابة، بقت عبء عليه وعلى قلبه، فيقرر يبعد خالص.

عشان كده ادوا الناس فرصة تعاتبكم، واهتموا بزعلهم لو أنتم باقيين على وجودهم فعلا، لو مش باقيين بقى دي قصة تانية.