يثرب: لو سمحت يا أستاذ إنتا مش شايف إننا قاعدين هنا
إسراء: أعرفك ياثوبي ده شادي زميلنا ولسه فاضل واحد في الشله وده الفرفوش بتاعنا
حماده قاطعهم: جايبين في سيرتي ليه
نور: وهنجيب سيرتك ليه ياعم قعد وبما إن كلنا إتجمعنا أعرفكوا علي صحبتنا الجديده يثرب
حماده: غنيه عن التعريف دحيحه الدفعه مين ميعرفهاش
يثرب بكسوف: انا اتأخرت ولازم أمشي سلام.
إسراء: أي ياثوبي إستني معانا شويه لسه مكلناش والقاعدة هتحلو اهي إستني
يثرب: لا معلش إعذروني أنا لازم أمشي سلام
نور: خلاص يا إسراء سيبيها على راحتها بس قبل ما تمشي يا يسرب هاتي رقمك عشان نبقى نتطمن عليكي
يثرب: اهو يانور اكتبي ************ يلا سلام
أي يا ربي الناس دي ولا شبهي ولا طبيعي كويس إني هربت منهم يوووو ضيعت المحاضره بسببهم بس انا السبب مخي ده كان فين ساعتها، انا مش لازم أقرر الموضوع ده تاني وأركز في دراستي وكمان اأسلوبهم معجبنيش يا رب مش عاوزه أشوفهم تاني انا ما بعرفش احرج حد وفي نفس الوقت فرحت إن بقي ليا صحاب،بس يوم ما أقول صحاب يطلعه دول!!!
تاكسي لو سمحت حضرتك ممكن توديني وسط البلد السواق إتفضلي يا آنسه
بعد تعب وبهدله حاجات غريبه طول اليوم لازم ارتاح بقى شويه انا اول ما اروح مش عاوزه اشوف غير السريره،اه هنا لو سمحت على جنب شكراً
ماميتو ماميتو أنا جيت
مامت يثرب : حمدالله على سلامتك كل ده يايثرب تأخير
يثرب: أسفه يامامتي النهارده كان يوم طويل،عريض،متعب،غريب، هحكيلك اللي حصل لما أصحا بقي نقعد نحكي للصبح
مامت يثرب: مفيش نوم من غير ماتاكلي
يثرب: لا يا ماما مش قادره خالص انا هموت وأنام
مامت يثرب: طيب إنتي حره، ياحسام ياملاك، يلا المكرونه البشاميل جاهزه
يثرب: اي قلتي أي!! مكرونه وبالبشاميل يامامتي ياحببتي أنا حاسه إني لازم أكل وبعدين أنام مش هيحصل حاجه يعني لما أكل الأول وبعدين أنام
مامت يثرب:بضحك أه منك إنتي هتجننيني
يثرب: اه يابطني حاسه إني كلت فيل
حسام: حاسه مش متأكده ده إنتي ناقص تكليني
يثرب: عااااااااااا ياماميتو شوفتي بيقول أي ده أنا أكلتي ضعيفه خالص
العيله كلها ضحكت ويثرب طلعت تنام
تصبحي علي خير ياماميتو اموووووه
مامت يثرب : يابت ابعدي عني هتخنقيني
يثرب بدلع: طيب أخر حضن وخلاص الأخير الأخير
لما بابا يجي متخلوش يصحيني انا عاوزه أنام يومين عشره كده
مامت يثرب: إنتي مش بتشبعي نوم
يثرب: انا نمت نوم الساعه كام فين موبايلي يا موبايلي انت فين اهو لقيتك مستخبيه تحت السرير فاكرني مش هلاقيك تعالاهنا مسكتك
اي الرقم اللي بعتلي ده
الرقم: إزيك يايثرب انا نور وده رقمي سجلي طمنيني عليكي عامله اي !!
يثرب: يووووووه العيال دي ورايا ورايا رديت الحمدالله يانور تمام
ملاك: يثرب يا يثرب فينك بدور عليكي من الصبح
يثرب :تعالى يا ملاكي الحلو مالك بتعيطي ليه
ملاك : صحابي كلهم بيقولوا عليا تخينه هو انا تخينه يايثرب
يثرب بهدوء وحنيه : لا يا ملاك الحلو انت قمر مالكيش دعوه بكلام حد حبي نفسك تخينه أو رفيعه فاأنتي أجمل بنوته شافتها عيني طب تعرفي إني نفسي في خدود زي خدودك كده انا عاوزه شويه هاتي ياملاكي الحلو أكلك منين ،
ملاك:بضحك خلاص يايثرب بغير كفايه
يثرب : ايوه كده أضحكي ملكيش دعوه بيهم وكمان إنتي لسه في تالته إعدادي عيال مين دي اللي يقولوا كده لي ملاكي دول عيال بتسمعي كلامهم انتي صغنونه بكره تكبري وتبقي أجمل وأجمل لازم تبقي واثقه في نفسك تعالي بصي في المرايه حد عنده عيون عسلي زيك كده ولا الخدود،والشعر الناعم الطويل شوهالجمال بس قوليلي ،حبي نفسك زي ماهي تخينه،رفيعه،طويله،قصيره،بشرتك ايا كان لونها ف إنتي جميله ياست البنات
ملاك: بحبك قوي يا يثرب انتي احلى اخت في الدنيا تصبحي على خير
يثرب: وإنتي من أهل الخير ياملاكي الحلو
صباح يوم جديد!!
مامت يثرب :فتحت الشبابيك قومي يلا الجامعه كل ده نوم هيفوتك الباص الحقي مره من نفسي
يثرب :حاضر حاضر إقفلي النور ده بس كده والشباك وإخرجي
مامت يثرب قومي يابت فين الشبشب
يثرب بطنطيط علي السرير لا لا كله إلا هذا السلاح خلاص ياماميتو قومت أهو
يثرب ببرطمه الواحد ميعرفش يرتاح في بيته
مامت يثرب :بتقولي حاجه ؟؟
يثرب: لالا ياماميتو بقول صباح الخير علي أجمل أم
وصلت الجامعه يا ربي فاضل خمس دقايق والمحاضره تبدأ
نور: يثرب يا يثرب إزيك أي يابنتي جريت وراكي الجامعه كلها مستعجله كده ليه
يثرب :المحاضره هتبدا عاوزه الحقها
نور باستهزاء: أي ياست الدحيحه هتجيبي الامتياز متقلقيش جبتيهم التلت سنين والسنه دي كمان هتجيبيها
يثرب :أنا بس راحت عليا المحاضره بتاعت امبارح مش عاوزه دي كمان تضيع
نور بس امبارح معرفناش نتكلم
يثرب: معلش خليها وقت تاني تعالي أحضري معايا
نور : لا لا مليش في جو المحاضرات والاجتهاد ده
يثرب: طب سلام يلا أكلمك بعد المحاضره
يثرب: الحمدالله لحقت المحاضره النهارده اليوم متعب أوي والأمتحانات قربت
حماده: إزيك يايثرب أنا اللي كنت أمبارح .....
يثرب بمقاطعه : أه عرفاك شوفتك أمبارح أنا أسفه لازم أمشي
حماده : أنا بس كنت عاوز تبعتيلي المحاضرات ومش عارف أذاكر وانتي عارفه أخر سنه وعاوز أعدي بقي السنادي
يثرب: بس المحاضرات علي جروب الدفعه بعد إذنك
حماده بنرفزه : أي البت دي شايفه نفسها علي أي ده مفيش بنت إتجرأت تتكلم معايا كده ده ما بيصدقوا أبص في وشهم، بس المشكله بقي إنك عجباني يايثرب
يثرب: بتكلم نفسها أخر سنه بالسنين اللي فاتت كلها يارب أتخرج وأحقق حلمي
نور: أي يا يثرب بنادي عليكي من بدري
يثرب: معلش مختش بالي
نور: ولا يهمك مش هتخرجي بقي معانا خلصتي أهو والامتحانات قربت خلينا نخرج شويه واسراء وحماده وشادي زمانهم جايين
يثرب :لا معلش أنا هروح وكمان حماده ده ملزق وشايف نفسه،واحد مغرور
نور بضحك: بتقولي علي أحمد ملزق ده نص بنات الجامعه بيحلموا إنه يبصلهم ده قمر يابنتي وكمان تعرفي ده أبن عميد الكليه
يثرب: ولو أبن رئيس الجمهورية أعمله أي بردو أنا مالي
نور :أهد أهدي إتعصبتي كده ليه إسكتي دول جايين علينا فقريه
يثرب :وأنا ماشيه سلام
نور: إستني إستني
شادي: في أي
إسراء :أكيد كالعاده روحت دي نجيبه في نفسها ياجماعه
حماده: دي تحمد ربنا إننا عبرناها أصلا
نور باستغراب : إنتو الاتنين مش طايقين بعض كده ليه اي ياعم حماده أول مره أشوف بنت شغلاك كده
حماده: لمي الدور يانور مش فايقلك انا مروح
نروح عند يثرب بتجهز للأمتحانات وبدأت تذاكر ومفيش أي حاجه جديده لحد ما بدأت الامتحانات وخلصت وفاضل نتيجتها تطلع وتبقي خريجه
إسراء:ثوبي هتوحشيني وأخيراً خلصنا ،بما إننا خلصنا بقي هتعملي اي بعد ما النتيجه تطلع
يثرب: بحماس اتمنا انجح واطلع الأولي علي الدفعه وابقي معيده واعمل دكتوراه كمان و....
إسراء: حيلك حيلك أي يابنتي كنت أقصد تخرجي تسافري كده
يثرب: لا ماليش في الجو ده أنا
نور بتريقه : من ساعه ما عرفناكي ما ليش ما ينفعش على لسانك ايه يا بنتي ما بتعرفيش تفرحي
يثرب بزعل : لا بعرف أفرح بس بطريقتي سلام
إسراء: ايه يا نور ده ازاي كده هتدينا وش تاني إزاي ناصحه زعلتيها عارفه إنها قماصه أوي
نور: أصلها نرفزتني
إسراء : كل حاجه باظت كده حماده هيقتلنا وريني بقي هتتصرفي أزاي ياناصحه ،أنا أعرف حماده عجباه البت دي علي أي أصلاً
نور: هتصرف جتلي فكره ......
تعليقات
إرسال تعليق