يابني بطل لف خيلتني بقالك ساعه رايح جي أي التوتر ده كله مكنش مشكله صغيره يعني.
اه أعرفكوا بنفسي أنا يثرب عند ٣٠سنه خريجه أداب إنجليزي،بحب شغلي جدآ،بعد ماخلصت دراسه أشتغلت علي نفسي لحد ما بقيت دكتوره في الجامعه وحققت حلمي ،عايشه مع ماما وبابا واخواتي ملاك وحسام أستاذ رميو، انا الكبيره طبعاً وبالنسبالي عيلتي اهم حاجه في حياتي كلها،
يوم هادي وجميل وفي وسط اليوم حسام بوظ اليوم كالعاده ،ده اخويا الجميل قالب وشه ربنا يستر
يثرب: اي يا بني مالك وشك مقلوب كده ليه نكدت عليك هههههههه هرمونات بنات صدقني
حسام: يثرب أمشي من وشي مش طايق نفسي وأسالتك اللي تفور الدم دي
يثرب: طب أهدي بس كده ياحبيبي وتعالي احكيلي مش هستظرف تاني احكي اي اللي حصل وزعل اخويا كده يابني بطل توتر خيلتني رايح جي كده اقعد واستهدي بالله
حسام: ونعم بالله ،اللي حصل إني دي خطبتي وكلها كام شهر وهتبقي مرآتي وبتتصرف تصرفات تعصب
يثرب : أهدي بس ممكن فاهم الموضوع غلط
حسام : غلط اي انا كل يوم بروح أجابها من شغلها لما تخلص وأروحها لحد البيت الهانم تتصل بيا تقولي متجيش أصل أبن عمي جه وخدني وانا قلتلها كذا مره بكره الواد ده وهي عارفه أنه كان عاوز يتجوزها واتخانقنا ومن ساعاتها قافله تلفونها ،وانا علي أعصابي من ساعتها مش فاهمه ليه إني بحبها غيرتي دي حب ،عارف إني عصبي بس غصب عني مش بستحمل حد يبصلها حتي،مابالك بقي وصلها،هتجنن أنا مش هسيب حد ياخدها مني، لحد أخر نفس فيا هي ليا وبس
يثرب: طب أهدي بس كده وأنا هكلمها وأفهم منها ممكن مددتهاش فرصه تفهمك وجهه نظرها
حسام: ماشي ياستي وريني هتعملي اي كنتي نفعتي نفسك ههههه
بهدوء مشيت وضحكت ضحكه بسيطه
يثرب: بكره تشوف ياحسس أختك هتعمل أي،دخلت أوضتي وكالعاده إنهرت مش من كلمه أخويا لاأنا سمعت الكلام ده من ناس كتير وقطر الجواز فاتك وانتي قاعده كده ليه اتعودت خلاص انا بس تعبت طول اليوم بمثل إني قويه بس ميعرفوش إني مجروحه لسه والجرح مر عليه سنين بس لسه مفتوح فكرين هزار وهما بيصحصحوه تاني وهو أصلاً متقفلش يوم ،هلخصلكوا حكايتي أنا زي أي بنت كان حلمي أحب وأتحب والاقي أمير علي حصان ابيض جي يطلب إيدي كنت بحلم من الاخر ببطل رويات،لما كنت في الجامعه وانا ديمًا في حالي مليش صحاب كنت بقول كفايه أختي و أمي هما صحابي ورغم اني أختي ملاك صغيره هي صحبتي وبير أسراري وبعتبرها بنتي قبل ما تكون أختي ما كنتش عاوزه حاجه في الدنيا غيرأشوفهم مبسوطين،وأنا في أخر سنه جامعه كان عندي ٢٢سنه يااااه فكرني بالسنين اللي مش بقدرأنساها ولا بحب أفتكرها،بس أنا قويه و مش هعيط لا أنتي قويه يا يثرب أوعي تنزل دمعه منك كفايه وجع قلب ، بس مقدرتش وعيوني خنتني بعيط غصب عني وجع قلبي غلبني اللي جوايا مش مجرد كسور وعاوزه علاج، ولا جروح في يوم هتروح ،اللي جوايا اكبر بكتير،مش عارفه حتى أوصفه،زي كل سنه من السنين كانت اخر سنه ليا وأنا زي ما أنا بحب اقعد في الكافتريا قعدتي المفضله كان بيتقال عليا دحيحه الدفعه،كان في فاصل بين كل محاضره اروح اقعد هناك واجيب أكل واقعد ازاكر المحاضره اللي ختها لحد ما معاد المحاضره الجايه،وزي كل يوم قاعده لقيت كم بنوته جايين على وقالوا لي ازيك احنا صحابك في الدفعه حابين نتعرف عليكي ولو مش هنديقك نكون صحابك،وبيني وبينكم اتبسطت وقلت وماله نتعرف انا يثرب وانتو
نور: انا نور ودي اسراء
يثرب: اهلا بكم يا قمرات إتشرفت بمعرفتكوا
قعدت أكمل اللي كنت بعمله رغم إنهم قعدو جنبي وبيتكلموا
نور: أي يايثرب إنتي على طول كده بتذاكري وتحضري المحاضرات ومش بنشوفك تعملي حاجه تانيه هتفضلي سايباني كده مش احنا بقينا صحابك أجلي المذاكره شويه احنا كمان شاطرين على فكره مش لوحدك يعني
يثرب: أهو سبت المذاكره أنا بس مش عارفه أتكلم أقول أي على العموم انا لازم أمشي عشان المحاضره بدأت مش هتحضروا ولا أي
إسراء: بضحكه استهزاء ايه يا ست الدحيحه فكك كده شويه ما جتش من محاضرة خليكي وأهو نتعرف اكتر ونعرفك على بقيت الشله
يثرب: أصلي مالي....
نور: قطعتها إنتي لسه هتقولي أصل وفصل يا ستي تعالى بس مش هتندمي ده في مطعم جنب الجامعه إنما أي عليه حته بيتزا لازم نجربها وانتي بقى معنا هيبقى يوم مختلف
يثرب: ماشي ما يضرش من يوم
إسراء: أيوه بقى قشطه عليك ياثوبي
يثرب: باستغراب قشطه و ثوبي؟
إسراء: اي ياسطا بندلعك
رحنا المطعم وانا علي أخري وأنا ماشيه طول الطريق وبيني وبين نفسي بقول كنت نفسي في صحاب بس مش اسلوبهم كده بس شكلهم طيبين، بس ضميري مش مرتاح وخايفه اول مره اسيب محاضره اول مره اخرج مع اصحاب بس في الوقت نفسه فرحانه اني بقى لي اصحاب او حاساها مش شبهي بس اهو اصحاب بدل ما انا كنت لوحدي وصلنا وأحنا قاعدين فجأه جه في نفس المكان اللي قاعدين فيه ولد طول بعرض بشرته قمحاويه ؤ وشعره بني، وعيونه عسلي ،وراح قعد في نفس المكان انا فجأه زعقت وقلت...
تعليقات
إرسال تعليق