أكيد لأ
سِندريلا
دي أكتر شَخص يِشبهني بَس مُش أنا
وِجودها في حَياتي أصْبح فَرض
بِحق خالِق السَبع سَموات والأرض
بَحِبك
ياسِندريلا
بعد ما إيدك سابِت
الملامِح شابِت
والفَرحه غابِت
والقَلب مَهجور
بِكل سِرور
بَحِبك
يا سِندريلا
حَالي مُش نَفس الحال
إللي كُنت عليه مَعاكي
بسْ صَدَقيني
في سَعات السَفر
وِوَقت المَطر
بدعيلْك تِبقي في أحسن حال
إنتي في وادي
وأنا في وادي
وطَريق طَويل إسمه حياة
سِندريلا
أنا عَمال بَهرب مِن نَفسي مِنك
وكُل ما بَهرب بَنساكي جِوايا
إنتي كِنايه عَن كُل حاجه جَميله
وِكُل حاجه جَميله إنتي
سِندريلا
ساكنه بيت قَلبي وإسمَها في كُل حيط فيه
سِندريلا
بنوته هاديه وطيبه وعندها كِبرياء
وكبرياء شاعر ميمنعوش إنه يِعترف بِحُبك دِلوقتي قُدامهم بلا إستِحياء
أنا من غِيرك طير غَريق في أرضْه
وتوهة الغَريق في حُبك تِستاهل المُجازفه
وأنا لَفيت في العُمر ميت لَفه دونِك
يا سِندريلا إنتي مِلكي ومُلاكي وكُل أملاكي
يا سِندريلا الشاعِر
شِعره إتصاب بِحُبِك
ومِش عارف يداوِيه
وأديه دِلوقتي قُدام جُمهوره
بيخيرك ياتِحبيه
أو تِشوفي طَريقه وتُهجريه
تعليقات
إرسال تعليق