ياسمين: فرح سيبيني على راحتي لو سمحتي...
فرح: ماشي خليكي براحتك....وعلى فكرة مدير الإنتاج كلمني النهاردة وبيقول إذا الحفلة متعملتش في معادها هتدفعي شرط جزائي ٧٠٠ ألف جنية وأنتِ حرة بقا
ياسمين -قامت من مكانها- : نعم..أنا مستحيل أغني في حفلة سيف هيغني فيها مستحيل.
فرح: يعني هتدفعي الشرط الجزائي؟!
ياسمين: لا طبعا...طيب بصي اتصلي بمدير الإنتاج وقوليله يبدل سيف بأي مطرب تاني أو يبدلني أنا.
فرح: أنتِ ليه مش عايزة تنسي اللي حصل يا ياسمين؟ وأيه دخل الشغل في حياتك الشخصية؟
ياسمين: فرح أنا مش عايزة اتكلم في الموضوع لو سمحتي...وياريت تكلمي مستر طارق -مدير الإنتاج- وتبلغيه بردي
فرح: خلاص اللي يريحك بس عايزة افكرك...سيف مطرب تقيل والحفلة دي هترفعك جامد في الشغل وخسارة فرصة زي دي تضيع
ياسمين: مين دا اللي يرفعني...دا ليه الشرف أصلا إنه يغني معايا
فرح: يا ستي مقصدش أقصد إن الناس بتحب تشوفكم مع بعض يعني وهتعلوا بعض جامد
ياسمين:وصلي لمستر طارق اللي قولتهولك يا فرح ومتوجعيش دماغي
فرح: براحتك
.........................................................................
بعد ساعتين
فرح: تيرا تيرا ترا را را تيرا
ياسمين: أي يا بت الروقان ده
فرح: احم لا مفيش بس هتضطري تغني في الحفلة يا قطة
ياسمين:دا ليه إن شاء الله
فرح: مستر طارق موافقش
ياسمين: فرح انتِ بتتكلمي بجد
فرح: اه والله زي ما بقولك كده
ياسمين: يعني اييه هغني مع سيف
فرح: بالظبط
ياسمين: اه يا طارق الكلب ...ماشيي
.........................................................................
يوم الحفلة:
ياسمين: ما تطلعي تغني انتِ يا فرح
فرح: ياريت يا اختِ ينفع..يلاا بقاا اتأخرتي والراجل واقف ع المسرح لوحده بقاله ساعة
ياسمين: يوووه طيب
صعدت ياسمين للمسرح وأشارت لفريق الموسيقى بلحن أغنية معينة
مال عليها سيف: ايه اللحن ده...مش دي الأغنية اللي في عقد الحفلة على فكرة
ياسمين: أنا جايه هنا غصب عني اصلا واضطريت اجي واشوفك لا واغني معاك كمان عشان الشرط الجزائي فسيبني أعمل اللي انا عايزاه وغني وانت ساكت...
سيف:طيب يا ياسمين اما نشوف آخرتها...سؤال بس أغني وانا ساكت إذاي
ياسمين:مبهزرش على فكرة...اتفضل يلا عشان الجمهور بدأ ياخد باله ان احنا بنتخانق
سيف: ماشي..بس بما إنك اخترتي أغنية على مزاجك ف مش هنغني أغنية واحدة وهيبقى دويتو
ياسمين: دا اللي هو اذاي يعني الفرقة مش جاهزة لدويتو
سيف: هتجهز حالا (وذهب للحديث إلى الفرقة الموسيقية)
بدأت الموسيقى وحيا كلًا منهما الجمهور وشرعا في الغناء
بدأت ياسمين تدور حول سيف ببطء وعيناها لا تفارق عيناه: قول إن أنا خونت وبعتك وحلمنا مش باقية عليه قول إني مرتاحة لبعدك والحب عمري ما حسيت بيه
سيف(وبدأ يقترب منها): أبوس إيدك متكسرنيش وتنطقها ولو كانت على لسانك طب الحقها دي مش كلمة هتكسرني دي تنهيني
ياسمين(وهي تبتعد عنه): جه وقتها علشان تعرف إن الحياة يوم ليك وعليك واللي قاسيته زمان منك دلوقتي عيشه من تاني
سيف(وهو يقترب منها ثانيةً): لو اتقالت خلاص ايامي مش هتفوت دا مش موضوع يعدي دا في حياة او موت بجد بموت تعالى في حضني واحييني
(وهنا صفق الجمهور بحرارة لإحساس سيف العالى)
ياسمين (وهنا قررت تحديه باحساس أعلى): وانسااانيي وعيش حياتك من تاني ملقتش في الحب مكاني
(اشتد تصفيق الجمهور)
سيف (أخذ يقترب منها ويحدق بعينيها بشدة): متقولهااش بلااش الكلمة ديه بلاش ولو حتى شايل مني ومتغير
ياسمين(اشاحت نظرها عنه وابتعدت): هتقولي ايه وانا قلبي فيه من جرحك أنت اللي يكفيه
سيف(وقف أمامها وامسك يدها): متقولهاش بلاش الكلمة ديه بلاش ولو حاجة مدايقاك فيا هتغير
ياسمين(كادت دموعها ان تأخذ مجراها على خديها وسلبت يدها من يده): انسااانيي وعيش حياتك من تاني
سيف: متقولهااش بلاش الكلمة ديه بلاش ولو حتى شايل مني ومتغير
ياسمين: وانسااانييي
سيف: متقولهااش ولو حاجة مدايقاك فيا هتغير
انتهيا من الغناء وبدأ الجمهور في التصفيق
أخذت ياسمين خطواتها ل أن تغادر المسرح ولكن إذا بيد سيف تمنعها وقال في المايك: استني يا ياسمين...أنا النهاردة بعتزرلك وقدام الناس دي كلها حقك عليا أنا اللي معرفتش احافظ عليكِ، للناس اللي متعرفش قصتنا، أنا وياسمين كنا مخطوبين بس...غلطت في حقها غلطة عمري ما هسامح نفسي عليها أناا...(دموعه سقطت) أنا خنتها...عندي أما إنها تسامحني
تصنمت ياسمين في مكانها لا تبدي أي ردة فعل سوى البكاء
ركع سيف أمامها: أنا آسف سامحيني وبوعدك مش هتتكرر تاني...والله ما هتتكرر..
استشعرت الصدق في حديثه ورق قلبها له(فأمدت له يدها ) ونهض وسط تصفيق من الجمهور
سيف: بحبك
ياسمين : وأنا كمان.
"عندما نحب بصدق كل الأخطاء تصبح معذورة"
تعليقات
إرسال تعليق