_بس أنا مش فاشلة علشان دخلت أدبي هو كل اللي بيدخل علمي بيبقى دكتور يعني
ردت عليا صاحبتي
_ لاء فشلتي أساسا أدبي دي مش بيدخلها غير الفاشلين اللي زيك بالضبط إنما أنا دخلت علمي وهبقى ناجحة وبعدين أنتِ عاوزة تبقى دكتورة نفسية لأ وكمان عاوزة تروحي نيويورك وأنتِ واحدة جاية من تحت البقرة
_ صدقيني بكرا هنجح وهبقى أحسن منك لأني واثقة فى ربنا ودا كفاية
جات تالتة ثانوي وكنت بضغط على نفسي واذاكر كتير واضاعف الوقت ومكنتش بأخد دروس غير فى الانجليزي والفرنساوي بقيت احل كتير وبسمع باقى المواد أون لاين
لحد ما ربنا كرمني وجيبت٪97 وصاحبتي اللي قالتلى إني فاشلة جابت 55 وشالت مادتين
-ولاء أنتِ مش فاشلة أنا أنا آسفة
-بعد أي تعرفي ربنا مابيضيعش تعب حد وأنا تعبت وربنا كرمني وقدرت أفرَح وأفَرح أهلي اللي كانوا برضوا شايفين إني فشلت لما دخلت أدبي
بالرغم من إني كنت ممكن ادخل ألسن أو اي حاجة تاني بس الحمدلله دخلت كلية آداب علم نفس منها إني كنت بحبها وكمان علشان أهلى محدش كان راضي إني أدخل جامعة مش في المحافظة بتاعتنا دخلت وبقيت بطلع من أوائل الدفعة والحمد لله ربنا كرمني برضوا لحد ما جات المنحة اللي فضلت مستنياها
-يا بابا بالله عليك وافق ما ترفضش وكمان هأخد لازم أخد معايا مرافق يعني هأخد أخويا معايا مش هبقى لوحدي
-يا بنتي أنا خايف عليكي
-بنتك ب100راجل يا حاج بس أنت أرضى وأنا بإذن الله هرفع لك رأسك وتبقى أبو الدكتورة زي ما كان نفسك إني أكون
أخويا/وافق بالله يا بابا أنا عاوز اسافر حد طايل اليومين دول
-حاضر هوافق لأجل سواد عيونكم
-تسلم يا حاج وربنا يباركلنا فيك ويطول بعمرك
- وسافرت وحضرت الدكتوراة وبقيت دكتورة نفسية رسمي فهمي نظمي
كنت بقول كل دا وأنا جوة المحاضرة وأنا جوة كلية طب وقاموا كلهم سقفولى
اتكلم واحد من الطلبة
-يعني حضرتك دكتورة من أدبي
رديت عليه وقولت
-خليك واثق إنك شخص ناجح وهتنجح طول ما أنت مؤمن بالله وواثق فيه وفي قدراتك ف انت ناجح ماتسمعش كلام محبط وتمشي وراه
غمصت عنيا وقولت
"مش معنى إني دخلت أدبي أبقى فشلت أنا بس آمنت بقدراتي وكنت واثقة فى ربنا وفى قدراتي "
تعليقات
إرسال تعليق