مسكت سيفي وانا بستعد فأي لحظه لـ اني اغرسه، فـ قلبه _هه! كداب، كُنت غبية يوم ما قررت أثق فيك
'وفـ لحظة كُنت غرست السيف، انا..انا عملت اية!
'فوقت من ذكرىٰ بشعه، بتطاردني فكُل مكان، بصيت لنقطه ما وانا بسترجع الذكرىٰ للمرة اللي مش فاكرة عددها
=واضح انك بتدربي، ومن بدري
'لفيت لمصدر الصوت، واللي نادرًا أن يكون في حد موجود فالمكان دة نظرًا لأنه بواقي مكان، طبيعي بعد الانقلاب اللي حصل للأسرة الملكية، اتقتلوا كُلهم، إلا شخص واحد
_انتَ..أنتَ مين؟ وجيت هنا ازاي!
=بالنسبة لـ انا مين فهتعرفي مع الوقت، أما بالنسبة اني جيت هنا ازاي، فأنا جيت صدفة، شوفتك وانتِ بتدربي
'كأني مسمعتهوش ورجعت كملت اللي كُنت بعمله
=مش غريبة أن بنت زيك تكون بتعرف تمسك سيف بالطريقة دي! بتتدربي كُل دة لأيه
_شئ ميخصكش، واحسن ليك انك متتدخلش
=لكني اتدخلت وانتهي الأمر
بس شكلك مش من المدينة، أو لا اكيد من هنا طالما تعرفي المكان دة
'وجهت سيفي لـ رقبته وانا بتكلم
_قولتلك شئ ميخصكش، زي ما جيت هتمشي، بدل ما تمشي ناقصك جزء
اتكلم وكأني مش رافعة شئ قادر يقضي عليه مجرد ما احركه =مجاوبتنيش، أنتِ من هنا صح
سيبت المكان ومشيت، شخص كان قادر يطلع مني حاجة بحاول جاهده اني اسيطر عليها
=صدفة غريبة، اتوقعت انك مش هتيجي تاني
_دة مكاني، أنتَ اللي متطفل
=المكان في شئ يجبرك انك ترجعي ليه، رغم أنه فعلا بواقي مكان لكن زي ما قولت، في شئ يجبرك انك تيجي عشانه، يمكن يكون عشان مصلحتك فـ يوم
_اية مصلحتك من المكان؟
=مكان حلو للتدريب، لكن قوليلي أنتِ بتعملي اية هنا؟
'بدون ولا كلمة كُنت رميت ليه سيف
=واضح انك عايزة منافس
ضحكت باستخاف عليه_ أنتَ هتكون منافسي!
=تجربي؟
'رفعت السيف اشاره لموافقتي وبدأ المنافسة
كان منافس قوي..قوي جدًا، عكس شكله اللي يبان أنه مجرد متطفل، قادر علي افقادي لصوابي، سرحت للحظه وانا بشوفه بيستخدم السيف بمهارة ازاي! خلال اللحظة دي كان موقع السيف بتاعي بعيد
= القاعدة الأولي، ماينفعش تسرحي ولو للحظه، خصمك يمكن يحاول يشتتك، لازم عينك تكون علي كُل حركاته وفنفس الوقت تكون ردة فعلك أسرع، تتوقعي حركاته قبل حدوثها وتعرفي تصُديها
'قومت وقفت وخدت سيفي الواقع علي الأرض وبدأت اني أقرب منه تاني
المرة دي وقعته، افتكر أنه قادر علي هزيمتي!
_القاعدة التانية، اوعىٰ لمجرد انك وقعت خصمك تفتكر انك كسبت الحرب، متخليش الغرور يعميك ويعرفك انك كسبت، فـ ثانية ممكن كُل حاجة تتقلب وتكون ضدك، اتعامل فـ كُل جوله انك خسران ولازم تكسب، حارب بقوة كُل مرة، واوعىٰ تشوف اللي قدامك أنه ضعيف، يمكن بيستعرض ضعفه قدامك عشان يدرس مقدار قوتك
'ضحك ضحكة خفيفه ورجع يمسك سيفه
المرادي كان أقوي، زي ما قولت، منافس قوي، يكاد يكون نفس قوتي، كان بيحارب بقوة، قوة قادرة توقع أي شخص، عدا شخص أفنىٰ عمره بين السيوف وساحات التدريب، شخص زيي، وفـ لحظه كُنا انا وهو بنقرب من بعض بكُل طاقة جوانا وكأننا فـ حرب بجد!، وفأقل جزء من الثانية كانت سيوفنا بتطير من قوة اصطدامهم في بعض.
=استسلمت
_غريبة!
=هي اية؟
_شخص بمقدار قوتك، ميستسلمش بسهولة!
=اعترفتي بقوتي، ودي نقطة فـ صالحي
ضحكت بخفه_ فعلًا، أنتَ قوي، عكس ما اتوقعت
=اتوقعتي اية؟
_شخص طايش وجبان
=اثبت انه عكس، ودة الأهم
'خدت سيفي من الأرض عشان ألم حاجتي
=تفتكري مين اللي كان هيكسب؟
_مش دة المهم
=ازاي؟
_مش مهم مين يكسب، مكناش هنستفاد حاجة لو حد فينا فاز، مش لازم تكسب عشان يكون دة المهم، في حاجات أهم بكتير وهي انك عرفت مقدار قوة الخصم اللي قدامك، عرفت بتواجه مين وساعتها تقدر تدرس حركاته وتتوقعها وتبتدي تتدرب علي هذا الأساس، ساعتها بس دة يكون نصرك الحقيقي
'اتكلمت وانا رافعه سيفي لرقبته، نتيجة فوزي بالجوله الاولىٰ
_القاعدة التالتة، متجربش الغش عشان الفوز، متحطش آمالك فيه وتقول هكسب بالطريقة دي، خصمك اللي قدامك مش سهل، مش سهل ابدًا، فوزك لما تغش مش هيحسسك بمتعة الانتصار، هتكسب؟ يمكن، لكن انتصارك لا يعني شئ لو ماكنتش تعبت فيه، لو ماكنتش بذلت مجهود علي شئ تستحقه، والأهم أنه لا يعني شئ طول مانتَ مش مبسوط، فـ لحظات فرحك بالفوز هيكون جواك نقطة بتعرفك أنه"بالغش"
'مد ليا أيده فشديت عليها عشان يقوم
=ذكيه، ودي أهم صفة فيكِ، ذكائك اللي مديكي كم القوة اللي فيكِ، وبسبب ذكائك بردو عرفتي تحطي قوتك فـ مكانها الصحيح
ابتسمت له بخفه_وراك سر، شبهك، معقد ومش مفهوم، وقوي
ضحك=قولتلك انك ذكيه صح!
'فـ يوم جه وهو لابس، لابس لبس مختلف، يشبه لـ الأمراء، حقيقي يشبه لأمير جميل
اتكلمت وانا مش باصه ناحيته_شكلك لذيد
رد عليا وهو بيمدلي أيده بفستان=دة شئ يشرفني، تسمحيلي
بعدت ايده الممدودة_بأية؟
=هنهرب، نهرب لمدة كام ساعة وساعتها هنرجع لساحة التدريب تاني
_موافقة
=غريب!
_غريب؟
=شخص قوي زيك، مش بسهولة يستسلم ويخضع لـ رأي حد
ضحكت_اعترفت اني قوية، ودة شئ فصالحي
'روحنا فـ مركب، هادية تشبه للأمواج الساكنه حواليها، ناس راقيه، مش كُلهم الحقيقة، فئة أصبحت قليلة، من بعد الانقلاب وحصل مجاعه واللي عايشين هما الفئه دي بس تقريبًا
=تسمحيلي بالرقصه دي
مديت أيدي ليه عشان يسحبها ونقف فوسط المركب ونرقص
_تعرف الناس دي؟
=مين!
_اللي بصوا ناحيتك كُلهم اول ما شافوك
'قربني منه واتكلم=متبصيش لحد، حسي الموسيقى واتمايلي معاها
'قربت منه اكتر وسندت راسي علي كتفه
=انا..انا اول مرة اشوف الوشم دة
_لاني ملبستش فـ ولا مرة فستان
=دة وشم اية!
'رجعت راسي علي كتفه تاني وانا بتكلم_متبصش لـ حاجة، حس الموسيقى واتمايل معايا
فيها اية لما نهرب لـ يوم، سايبه نفسي مع الالحان ولمسه ايديه الحنينه توديني وتجيبني، وبكدة تكون المركب شهدت علي لحظة من أسعد لحظات حياتي، أن ماكنتش أسعدهم.
'عدىٰ شهر، شهر وانا وهو قربنا من بعض، لكن أنا مش ضعيفه عشان أحبه، محتال فاكر أنه هيكسب قلبي الغشاش
كُنا قاعدين عالارض بعد تدريب استمر لأكتر من ساعات
=فاكرة أول مرة شوفتك فيها! سألتك سؤال حابب اعرف إجابته
_اسأل
=غريبة أن بنت زيك تكون بتعرف تمسك سيف بالمهارة دي! بتتدربي كُل دة ليه؟
ابتسمت وانا برد عليه_عشان انا مش ضعيفة، بعرف الكدابين والخاينين واقتلهم، تقدر تقول بخلص العالم من شرهم
'وفـ لحظة كُنت ماسكه سيفي وبقربه منه
_كدبت، خونت، وثقت فيك وخذلتني، مخادع فاكر انك تقدر تضحك علياا
ضحكت علي نفسي شوية وكملت_غبية، وفعلًا قدرت تضحك عليا، صدقتك ووثقت فيك وبكُل غباء كُنت بدربك معايا، هه وانتَ عايز تقتلني!
=مح.. محصلش
_انتَ كمان غبي، كُنت فاكرني مشوفتش ارتباكك لما شوفته، كُنت عارف اني الوحيدة المتبقية من الأسرة الملكيه صح!
=اسمعيني، انا ماكنتش اعرف انك من الأسرة الملكية، انا عبد زيي زي اي حد تم اخده ونفيه نتيجه الانقلاب اللي حصل، انا ماكنتش اعرف انك من الأسرة الملكيه غير لما كُنا علي المركب، يومها شوفت الوشم المرسوم علي كُل فرد من الأسرة
_اية اللي يشفعلك! النهاية واحدة، استغلتني..وكُنت عايز تقتلني، غبي مع انك قولت اني ذكية، من اول ما شوفت ارتباكك واحنا فالمركب بعد ما شوفت الناس اللي كانوا موجودين، دورت وراك وشوف لقيت اية! مجرد عبد دربوه كويس وجاي يواجهني، لكنك معملتش حساب اني اكون عارفة كُل حاجة
=معملتش حساب اني احبك
_فاكر انك هتقدر تضحك عليا تاني، تبقي مغفل
=انا..انا ماكنتش أقصد
مسكت سيفي وانا بستعد فأي لحظه لـ اني اغرسه، فـ قلبه _هه! كداب، كُنت غبية يوم ما قررت أثق فيك
'وفـ لحظة كُنت غرست السيف، انا..انا عملت اية!
=مغرستهوش فيا ليه!
_انتَ كُنت أقل من أن انا اموتك
غرسته فالأرض، انا..انا مقدرتش، غشاش معملتش حسابه أنه هيوقعني فـ حُبه
=بتكدبي علي مين! حُبك ظاهر فعنيكي
_قولتلك اول مرة كلمة، ياريت تراجعها تاني، يستحسن تمشي ومشوفكش تاني، صدقني ساعتها مش هكون رحيمه زي دلوقتي
'سيبته ومشيت ببقايا قلب، قوية؟ الي أقصىٰ حد، لكن كُلنا بشر، وثقت فيه وخذلني، انا اللي موثقتش فحد قبل كدة
مر سنه، سنه بدون ما المح طيفه، يستحسن، مين بتمني يشوف شخص مخادع وغشاش!
=واضح انك بتدربي، ومن بدري
'لفيت لمصدر الصوت وللمرة التانية اتفاجئ بوجود شخص هنا، ونفس الشخص، ملامحه ما زالت نفسها عدا حبات الحزن المتسرسبه لعينيه
_انتَ بتعمل اية هنا، قولتلك لو قربت تاني مش هكون رحيمه
=وحشتيني
_اللي يخون مرة يخون ألف مرة تانيه
=انا مخنتش، مقدرتش، كان المفروض كُل حاجة تتم من بدري لكني معملتش حساب، اني احبك
_كداب، متوقع مني اصدقك!
=قلبك مصدقني، لكنك بتكابري، قوية زي اول مرة شوفتك فيها
'وبدون ولا كلمة كُنت رميت ليه سيف
ضحك=واضح انك عايزة منافس
ضحكت باستخاف عليه_ أنتَ هتكون منافسي!
=تجربي؟
'رفعت السيف اشاره لموافقتي وبدأ المنافسة
كان منافس قوي..قوي جدًا، وفاز بـ قلبي.
"العُمر في قد اية عشان نقضيه فالزعل والخصام، زي ما قولت احنا بشر، بنغلط؟ طبيعي لكن متسامحش لما الانسان ميحاولش يكون"انسان"، لما تلمس مشاعره من عُيونه ،وانا لمست الحُزن، والحُب"
"إذا كانت المُعضلة تشابُك أرواح، فكيف تُكف الروح عن الروح؟"
تعليقات
إرسال تعليق