أقل حاجة تعملها هي انك تقوله مشاعرك، المشاعر مش ثابته، بتتغير وتتهز، وفـ ثانية ممكن تختفي،
أقل حاجة فـِ الحُب هي المشاعر"
كتبت الكومنت دة فـ جروب، السؤال كان" أزاي تعرف اللي قدامك انك بتحبه؟"
لقيت نوتفكيشن علي الواتساب "أطلعي، مستنيكي فوق في حاجة مهمة"
مسكت تليفوني وطلعت علي السطح
_في أية، خضتني!
لقيته لف ليا وبص عليا بـ أبتسامته الهادية، واللي أول ما تشوفني بتظهر لوحدها؛
لقيته بيقرب مني وفاتح دراعاته!
_أنتَ بتعمل أية؟
=هحضنك!
_هـ أية؟
=اية؟ هحضنك، مش أنتِ قولتي لو عايز تعرف حد انك بتحبه، أحضنه!
ضحكت وفهمت هو بيعمل اية
_دة كُل اللي لفت نظرك من كلامي!
=موج، أحنا بندخل علي المهم علطول
_طب أبعد كدة، كُنت بحسب في حاجة مهمة، خوفتني!
قعدنا انا وهو فـِ الأرض، بعديها هو أتكلم
=متخافيش طول ما أنا معاكي، أنا موجود عشان أطمنك يـَ موج
ابتسمت له بحُب، أمان كان جاري بعد خناقات كتير بينا القدر لعب لعبته ووقعت فـ سحر عُيونه
سرحت فُ ذكري أول مرة أشوفه، ذكري مرافقة لـ بالي علي طول
=مالك يا آنسه؟
_بعيط
=طب بتعيطي ليه؟
بصيت عليه واتكلمت
_مين قال إني بعيط!
=أنتِ قولتيلي دلوقتي
_لا، انا مقولتش كدة، انا قولت أن حاجة دخلت فـ عيني
=لا، مقولتيش كدة
_لا قولت، أنتَ بتكدبني!
=ولا بكدبك ولا حاجة، بعد إذن حضرتك أعدي
_أنتَ هتمشي وتسيبني وانا بتكلم!
=حضرتك عايزة أية
_أنتَ مال حضرتك!
=انا غلطان يستي
طلع سلمتين ولقيت نفسي بفتح في العياط تاني!
=يـَ آنسه لو سمحتي، ماينفعش تعيطي كدة، طب أنتِ بتعيطي ليه طب؟
_ما انا قولت أنتَ مال حضرتك، بتتدخل ليه!
=انا غلطان اني مش عايز أسيبك بتعيطي!
حطيت أيدي علي وشي وانا بعيط
=طب انا أسف
_علي اية؟
=مش عارف بس أسف وخلاص، ممكن تقوليلي بتعيطي ليه بقا؟
_الكلب بتاعي جري ومش لقياه
'قولتها وانا بعيط، كأن حد مات!
=دة اللي مخليكي تعيطي كدة!
_أنتَ مش عارف انا بحبه قد اية
=طب خلاص متعيطيش، هنلاقيه
_هنلاقيه ازاي!
اتنهد وجه قعد جمبي واتكلم
=مش عارف، بس هنلاقيه، هو جري من أمتي؟
_لسه نازل من شوية
'لقيته قام واداني ضهره وماشي
_أنتَ رايح فين؟
=نازل ادور عليه
_بجد.. هتلاقيه؟
ابتسم أبتسامة هادية تشبه لملامحه
_هلاقيه عشانك.
=سرحتي في أية؟
بصيت وانا مرسوم علي وشي أبتسامة تشبه لـ أبتسامته
_أفتكرت اول مرة شوفنا بعض
'ضحك
=لما كان في بنت كبيرة بتعيط علي السلم عشان كلبها ضاع
_بحبه يـَ جدع، أنتَ مش مقدر ليه!
=طب ما تحبيني معاه
_بحبكوا أنتو الاتنين
=بتحبيني زي الكلب!
_متعرفش أنتَ انا بحب الكلب دة قد اية
=والله دة اللي مضايقني، مشاركني حُبك
'ضحكت عليه لأنه بجد بيغير من"ايجا"وكأنه هياخدني منه!
'لما كتبت الكومنت فالجروب انا كان كلامي يقصد أمان، هو مش بس كلام، انا كتبت اللي بحسه فـ وجود أمان!
للأمانة فهو بيتثبتلي دايماً حُبه، فترة الخطوبة دي معمولة عشان محدش يكون مثالي، نشوف عيوب بعض وهل هنعرف نتقبلها ولا لا، هتعرف تشارك الشخص دة حياة كاملة ولا لا، وانا طول فترة الخطوبة كُنا فـِ اختبارات مع بعض، ووللأمانة بردو فهو كان شريك حياتي وحبيب عمري.
"بيعرف يداوي حُزني"
=طب ممكن متعيطيش، صدقيني هي هترجع تكلمك
_انا بحبها اوي يـَ أمان، انا بجد مليش غير سَند، انا مش قد خُسارتها
=موج، عشان خاطري متعيطيش، انا مبحبش أشوف دموعك دي
_طب هي مش بتكلمني!
=هترجع تكلمك، وهتتصالحوا، أنتِ عارفة أنها بتضايق وترجعوا تتصالحوا
'يومها فضل يكلمني ومسابنيش لحظة، كان مشاركني كُل لحظة زي ما سَند كانت بتعمل،
تاني يوم اتصل بيا وقالي انزل، نزلت لقيت سَند معاه واول ما شافتني جريت علي حُضني.
"حنين، ودي أهم صفة فـ الشخص، الحنيه دايماً بتفوز"
_انا آسفة
=لو سمحتِ يـَ موج سيبيني دلوقتي
_أمان، انا بجد اسفه مش قصدي أقول كدة
'قولتها وعيط، يومها فاكرة نظرته الحنينه اللي طبطبت علي قلبي رغم اني غلطانة، ساعتها عرفت أن أمان هو، مكان أماني، شخص بتحامي فيه بدون خوف.
"بنتعاتب، مش بنسيب الزعل يسرق وقتنا، مش بنخلي الكلام بينا يسكت، الكلام لو سكت يعني المشاعر قلت، يعني الحُب خلص، عشان كدة مش بنسمح أن الكلام بينا يسكت"
=متسكتيش يـَ موج، دايماً بتقوليلي انك بتخافي الكلام بينا يسكت
_أنتَ معملتش حاجة تزعلني، صح!
=لا عملت، اتعصبت عليكي، وزعلتك، زعلك أغلي حاجة عندي، عاتبيني خلي الزعل يخلص
_خايفة
=مني؟
_من عتابي، خايفة أقول كلام وقلبك يزعل
=عاتبيني، قولي كُل حاجة عايز اسمعك.
"بيفهمني، شخص فاهم نيتك ومش لازم تبررله، عارف تلقائيتك ودايماً عارف قلبك!"
=أنتِ غلطتي لما وقفتي معاه
_صدقني كان بيسألني علي المحاضرة، وانا مشيت علطول
=ماكنش ينفع تقفي معاه يـَ موج، محدش هيفهم أن نيتك خير وانك تساعديه لما يشوفوكي واقفة مع واحد فـِ الشارع
_مش هعمل كدة تاني، بجد ماكنتش أعرف
ابتسم لي بـ دفى عُيونه
_أمان؟
=نعم يحبيبي
_شكراً
=علي اية؟
_انك فاهمني، عارف قصدي، مفهمتنيش غلط، غلطت لكنك فهمتني براحة، شكراً انك حنين عليا، وعلي قلبي.
"بيشاركني تفاصيلي، نكدي، ولحظات جناني، بيسمعني بـ روحه وبيهتم بـ تفاصيل حكاياتي التافهه"
_تعرف؟
=عرفيني
_انا عندي أمنيات كتيرة اويي، كُنت مستنية الشخص اللي هيجي يشاركني أحلامي
=احكيلي، هنحقق انا وأنتِ مع بعض كُل حاجة كان نفسك فيها
ابتسمت له بحُب، حتي لو مش هيعمل كدة يكفي أنه مطمني، بيحاول يسعدني
=نفسك في اية؟
_كان نفسي نتمشي ونغني فـِ الشارع، لحظات مجنونة لكنها هتسعد قلوبنا
'شدّ أيدي ووقفني
_اية؟
=اية! هنغني
_انا بس كُنت بقول أن نفسي، مش قصدي بجد
=موج، هنحقق كُل أمنية حلمتي بيها
_الناس؟
=مش شايف غيرك
'اليوم دة اتمشينا كتير..كتير اويي، فضلنا نغني فـ الشوارع والناس تبص علينا!
_أنتَ خايف من رموشي؟ يجرحوك مبيجرحوشي..
'بصيت عليه
_دول حبايبك يـَ حبيبي، ولا خايف حُبي ياخدك، بحر تغرق فيه لوحدك، لا، دة انا معاك، يـَ حبيبي"
=غرقان فيهم.
'أمان اختياري الوحيد اللي عمري ما ندمت عليه، وفضل هو أماني حتي بعد الجواز، لسه بـ حنيه ودفا عينيه.
"أنتَ خايف من رموشي، يجرحوك مبيجرحوشي"
🥺❤️❤️❤️❤️
ردحذف