"مليون شكر"
...
في البدايه
في لخبطه كده وحيره
مشاعر في كاس لكنها كتيره
فين راحت حكاوينا
لسه فاكرها
وعمال تحكي للكل بدون ذكر اسم
عقدين فل علي عيونك
مشاعر غياب
حاله اكتئاب
مشهد يدعو للحيره
قالوا عنك كلام مش ولابد لكني كدبت
وبرغم يقينك اني انا اللي بقيلك
برضو غبت
انا فاكر ياروحي فرحت وياك قد ايه
بس ألم الصحه روتين
ومكانك فارغ
وفراغك اجمل الحاضرين
هتتفاجئ كل مره برد الفعل اللي مجاش علي البال
وهيبقي بعدها عندك يقين تام
إن كل شئ ممكن حدوثه
وإن مفيش شئ ثابت الحال
انت في عز صمتك حاسس انك اتكلمت كتير
والحب ....
خيط صدفه بيجمع بين قلبين يصنع معجزات
والواضح ليك ان انتا عارف الكل
والكل عارفك
لكن في الحقيقه انتا غريب
متستغربش اه غريب وكمان وحيد
ونومك أصبح مجرد ابره تخدير
أو خلينا نقول تحضير لكابوس عمليه جراحيه اسمها بكره
...
هاوي ليه الانعزال
وخايف تبقي وحيد
انتا نفسك مستغرب من حالك الغريب
في قلبك حكايه مهما حكيت مش هتتقال
ليك في قلب حد فيهم مطرح عمره ما هيتزال
مشاعرك كلها في طريق اصبح زلزال
وايه معني راحه البال
غير حضن حبيبك وكام انجاز في برواز الوان
انتا حاضر وياهم
وفرحان معاهم
ايه لازمه حضورك وغيابك
وانت في الاصل متاخد غياب
الفين سلامات لكل اللي غابوا
مليون شكر
لنفسك لاهلك
لطيبتك لجدعنتك
مليون شكر
..
تعليقات
إرسال تعليق