..
سكتت وقالت:..
انا حباه ونفسي اكون معاه
وحياتي بدونه بلا معني
بزعل لما بكون سيباه
وبفرح جداً لما ببقي معاه
مِسكت منديلها وكملت وقالت:
انا عاوزه اتأسف علي الوقت اللي ضاع وانا مش معاه
علي كل الكلام اللي قلته وضايقه
علي كل حركاتي الطايشه
انا مش عارف هيقبل اسفي ولا زي زمان هيقولي
"مافيش بينا اسف"
انا عارفه اني لو قُلت ١٠٠ اسفه هفضل برضو اسفه
انا شوفت جواه حاجات كتير حلوه
وفي عيونه انا كنت بتوه
وفي حضنه دايماً بستخبي
ولا هو سابني ولا انا سيبته
الحب اللي فاتنا فتره لكنه حالف هيعود
ده في ما بينا كتير وعود
انا بس دلوقتي مش عارفه
هو كرهني ولا لسه حببني
انا قلبي بجد بيوجعني وندمانه اني خسرته
انا خسرت حد كان ليا كل شئ
وانا بغبائي وكلامي كسرته ووجعته
مع اني وعهد الله بحبه
فتحت صورته وقالت:
هو صاحب قلب ومهما كنت اتعصب او ادايقه لحضنه ياخدني ويقولي برضو "بحبك"
وحشني حقيقي ومش عارفه اقولهاله
وانا خايفه يكون في واحده تانيه في حياته
لما كنت اتكلم
ودنه الوحيده في العالم اللي كانت قادره تسمعني
وفي عز وجعي وإكتئابي كان قادر يخليني اضحك
ومكنش ابداً يحب يشوف في عيوني دمع او خوف من شئ
وكان ياخدني الي حضنه وقت عياطي ويقولي
"عيطي في الحضن الوحيد اللي قادر يخبيكي عن العالم"
وكان يمسح دموعي ويقولي
"دي اخر مره تعيطي ويلا اضحكي مش عاوز اشوفك تاني زعلانه"
قالي في يوم اوعي تبعدي وبعدت وسيبته في وقت ما احتاجني
لما بفتكر كلامه بلاقيه كله صح
بالرغم من اني كنت علي طول بخانقه واعارضه
اشكي لمين واقول لمين وجعي
وهو لما كان يطل في عيني
بدون ما بنطق يحكيلي مالي
ولما اضحك واداري
يقولي "بلاش تمثيل ويلا قوليلي فيكي ايه مالك "
قولت انسي طيب قولي..
انسي ازاي اكتر حد بعد ربنا عالم بحالي
ابو قلب ابيض اللي مهما تكسره الايام قوي
انسي ازاي ايد وقت الشده سنداني
انسي ازاي اللي قواني
انسي ازاي اللي خلاني اشوف كل شئ جميل ولا عمره بكاني
حد برغم كل الهموم اللي فيه الا انه طوق نجاه للكل
انا قولت عليه كئيب
ولصحابي قلت انا اللي سيباه
ولعقلي قلت مش هينفع نكمل
انما قلبي بيعاقبني
وحالف ما يخرجه منه
والذكريات عماله تقتل فيا
وكل اما يعدي موقف واشوف فرق المعامله
اعترف اني اكبر هبله
انا قولت زمان اني مينفعش احبه
لكن دلوقتي بقول انه الوحيد في العالم اللي يستاهل انه يتحب
انا لسه فاكره اول كلمة بحبك
ومش عارفه مالي بقت خُلقي قصير وكل ما بفرح احزن
واما يقولوا الناس اني خسرته
بكابر واقول هو اللي خسرني
لكن بيني وبين نفسي انا فعلاً فعلاً خسرته
فكرت اكرهه لكن ملقتش شئ صدقوني اكرهه عشانه
قالوا عليه طايش وقاسي وبيبيع بالسهل
لكن عمره ما باع
وانا مراكبي بعده بدون شراع
ودلوقتي بقا في بنوته عملاله بلوك
وبنوته تانيه عملاله لايك وشير
الناس بقت شيفاه جميل
مش عارفه مالي بس الاكيد اني لسه بغير
برغم عصبيته الا انه كان حنين
وبرغم تكشيرته
بس كان لما يشوفني الضحكه تترسم
والاقيني ببتسم
دفا ايده وهي حاضنه ايديا شعور مختلف
في حته جوايا مِلكه وبإسمه ومهما اقول
هنسي اقول حاجات كتير في وصفه
انا مش عارفه او شوفته صدفه انا هعمل ايه
بس الاكيد اني علي حضنه هجري
واقوله انا اسفه سامحني المرادي
وقع منديلها علي الارض
بعدها راحت في غيبوبة النوم
وصحيت علي رنه تليفون
وصوت بيقول
وحشتيني ووحشاني وبتوحشيني
ومفيش داعي لاسفك
عشان زي منتي عارفه
"مافيش بينا اسف"
تعليقات
إرسال تعليق