...
عايش ازاي وسطهم
وانت في دماغك غاغا
انت مش كويس..!
وعمال تكدب علي نفسك
وبقيت مريض نفسك
وعمال تلعن في حالك وحياتك في الليل
قالوا عليك مريض
وانك مجنون ولا لسه؟
لو لسه يبقي انتا ياصحبي بخير
الدنيا يا صاحبي
مصحه وانت فيها وحدك
وحدك صدقني جواها
وهتعالج نفسك تتعافي
تتعافي نفسك بنفسك
من غير ديتوكس ولا مورفين
وقف تفكير التفكير ملعون
عجبك حالك وهو ماشي علي وتيره
انعزال في انعزال
انهار قلبك تحت بند الانتظار
لو لسه فاضل حته سليمه في قلبك
البشر هيدوسوا عليها صدقني
البشر بقوا بلا رحمه
ولا عاجبهم حالهم
ولا بيحبوا للغير الفرحه
البشر اكاذيب جواه النشره
تايهه ليه ياصاحبي وسط الزحمه
بتسمعني من جواك
لكن بحد غير نفسك
بكتب عني لكني
في الحقيقه بكتب عنك
كسروا فيا وهدوا كتير
وملقتش غير نفسي
هدوا فيك يا صاحبي
انا سندك وتملي موجود
قالوا كلام مش فيك
متقلقش انا جنبك
هتتعب في الوحده
لكن متقولش أبداً انك وحيد
تزعل منك الوحده
ويصيبك الاكتئاب علي طول
تحبك الوحده تحضنك
ووقت عياطك تديك مناديل
وتبقي ليك مجتمع وسط المليون
تصاحب الوحده
تصاحبك علي حبايبها
الضلمه والقهوه
تتعب من كتر التفكير
تفكر معاك تملي الوحده
ومعاك تملي تلاقيها
يزعلوك هما
تلاقيها تطبطب عليك
تشتكي منهم
تسمعك وتواسيك
تتعصب عليها مهما تتعصب
عمرها ما تقول كلام مش فيك
هتقولها مش قادر تكمل
هتمدلك ايدها
وتقولك انا جنبك
هتقولها تعبت من المحاوله
هتقولك يلا نحاول
ونعتبرها اخر محاوله
هتقعد تدرس معاك كل خطوه
وكل خطوه بعد الوحده ياصحبي ناجحه
هتشتكي من الوحده
هتقولك برضو مش هسيبك
وهتفضل جنبيك
قولي ياصحبي دلوقتي
لسه مصمم تعيش وسطهم
وانت في دماغك غاغا..؟
تعليقات
إرسال تعليق