....
العُزله عن الناس
ده شئ اهون بكتير
من انك تعيش وسط الكدابين
مش زنبي ان الوحده والليل حبوني
لو كان كلامي دوا
فكلامي بالنسبالي مورفيني
يا ست الوحده
يا ست الكل حِليني
..
في كتير زِعلوا انك حضناني
بقوا فاكرين انك الوحيده اللي فهمتيني
جيبالي ايه المرادي
حبر عيونك هيعيط يا عيني
يا ست الوحده طلعتي عيني
لكني والله حبيتك
لانك صادقه
حتي بتقفلي الباب
وتقعدي تسمعيني
يا وحدتي واحد قهوه
وراجع احكيلك
انتي وورقي والليل وقهوتي
علي كل اللي باعوني
..
يا وحدتي انا بموت فيكي
لو يوم زهقتي مني
ولو فكرتي تكرهيني
او مني مليتي
افتكري اني قولتلك مليش غيرك
....
بس عادي لو هتكرهيني وتملي مني
عادي دلوقتي بقا في غيرك
اصلاً الليل بقا بيموت فيا
ونجومه وقمره بيزعلوا لو مسمعوش صوتي
وفي كمان قهوه لو ناسيه
ودي بقا بتسمعني بدون ما بنطق حرف
وفي كمان الورق
وده بقا بيستسلم اول لما أمسك قلمي
لكل اللي بيتحكي وبيتقال
حتي اهو فرح اتحرك بفعل الريح
وفي كمان حاجات تانيه حلوه
مش هقولك عليها
عشان الحاجات الحلوه لما بنحكي عنها
بتصبح بايخه
...
لمون بنعناع إيه ده يا وحدتي
اللي عاوزاني أشربه مكان القهوه
حد قالك إني عاوز أهدي أعصابي
ده في جوايا نزيف الليله خرافي
عارفه يا وحدتي لو إتكلم ورقي
ميعرفش يطفيه جميع عربيات المطافي
...
أيوه انا اللي عِشقتك
عشقتي فيا إيه بس يا وحدتي
بتعيطي ليه يا وحدتي
صعبت عليكي
تعالي في حضني حضني دافي
زعلانه ومقموصه عشان مكتبتش عنك
ده مفيش حاجه كتبتها الليله
الا إنتي وهيا فيها مرفقاني
يا كل ما ليا انا ببقا في وسطهم
وبحنلك وبشتاقلك
وببعتلك سلامي
إيه بتقولي حاسه
نفسك ناقصه من غيري
طب وحياتك عندي ما هسيبك
اصلاً انتي حلوه
وكل الوحشيين عمالين يقولوا عنك كلام مش فيكي
يلي بتقولوا علي الوحده شئ بايخ وممل
أحب اقولوكوا إن الوحده بريئه منكوا ومن كلامكوا
لو حبتكوا الوحده كانت حضنتكوا
مش كل اللي في الوحده كئيب
الوحده عمرها ماكانت مصدر حُزن
الوحده صديق الضلمه
الوحده مضيئه مش غامقه
الوحده صديق وقت الضيق والخنقه
الوحده فيها حاجات كتير حلوه بس للي يفهمها.
تعليقات
إرسال تعليق