اتنين شتا واتنين نجوم وقمر
مكنش ينفع تحب الشتا
وانت معندكش حبيب
ولا حتي تمتلك سقف محبه يغطيك
ولا حتي حضن في عز وجعك يحتويك
في الشتا علي الرصيف
في ناس مش لاقيه مكان تنام فيه
في علي الرصيف اطفال بيقولوا جنيه يا بيه
وبيكملوا حزن عشاهم نوم
علي الرصيف حكايات
جت تنور فرح ضلمت ممات
في ناس برغم ادراكها عيوب الشتا
الا انهم بيحبوا
في ناس علي الحصير في ليل لشتا بيتجمعوا يشربوا شاي
ناسيين امبارح بيتكلموا في بكره واللي جاي
وفي ناس في ليل الشتا
ام كلثوم بتغني ليهم سيره الحب
تزعلم حبه
وبعدها تسيبهم مبسوطين
طبيب من وجع الحب
في الحب طب
طلت علي قلبه ومن يومها
صورها
وذكرياتها
اشواقها
اغانيها
ضحكتها
ولون عنيها
في شقوق حيطان الشتا اوطان
اتمني تكون لقيت حبيب
وتكون لقيت جنبك في الشده صديق
اتمني متكنش لسه وحيد
الشتا من ظلم الحب صدقني برئ
الشتا برد في عز الفقير صحته عشمان
الشتا لكل المجروحين اسف ندمان
الشتا بركان
...
قولي
لسه تاعب الشتا وياك
بتغني بدونها
برغم ادراكك انها معاك
ذنبه ايه الشتا في الغدار حبيبك
ذنبه ايه الشتا بس في نصيبك
ذنبه ايه الشتا في اللي فايتينك
ذنبه ايه بس قولي
في قلبك اللي من الوجع اصبح هش
...
الشتا قاسي الشتا ظالم
لكل حبيب من حضن محروم
الشتا اشواق حاضنه المطره غيوم
في الشتا المطره حرب لسقف الفقير
وعدو بياع الكورنيش حزن ورد ومناديل
اسمع يا شتا
سمع الشتا
نزفت السما امطار
اكمل يا شتا
رعد وبرق في السما ازهار
اشكي يا شتا
اشتكي البحر فيضان
كفايه يا شتا
انهارت لياليك غزل واشعار
...
اتنين شتا مكنش ينفع تحب الشتا
قولي بنك لسه في عز وجعك
بيضايقك ويفور
والحلو اللي طاير منك
جالك ولا مجاش عليك الدور
الست قالت في الراديو انها مش قد الشوق ولياليه
طايق ازاي الشتا
طايقه بكل الحزن حكاويه
ازاي بدون حبيب تشوف عذاب
حبيبي في ليل الشتا كل حكاويه
بتحبه برغم عيوبه
بحبه بكل ما فيه
يا عزيز عيني الشتا ماله اتاخر ليه
ليه نمت صحيت ملقتكش جنبي
يا عيني عليك ياقلبي
بقا حبيبك بعيد عنك
وبدل ما اخاف عليك يا شتا
بقيت اخاف من وعدك جنبي
صدقني مكنش ينفع تحب الشتا
وانت معندكش حبيب
انت بتشتاق
وام كلثوم كانت بتشتاق
وانا بيسالوني عنك
وياما عيون شغلوني
لكن ولا اي عيون يا حبيبي
شغلوني الا عيونك انتا
تعليقات
إرسال تعليق