اما دلوقتي مفيش صحاب
كلهم نسخه لشخص كداب
الصحاب دلوقتي تجمعهم دُخانه
وتفرقهم بنوته
وفي الشده يقولوا ظروف
طب وانتا بتقولها مش مكسوف
اوعي الكلام يضايقك
صحبك في حزنك
هيطبطب عليك
صحبك ايد تشدك لفوق
صحبك عمره ما يقول كلام مش فيك
صحبك في الحزن قبل الفرح جنبيك
صحبك اللي مشالش معاك في المحنه
ملهوش يطفي معاك في فرحك الشمعه
صحبك عمره ما يخونك
ولو طال الزعل بينكوا يومين
يطلب ودك علي طول ويراضيك
سيب روحك لروحك هتلاقيهم احلي اتنين صُحاب
...
العيش والملح اتربينا اننا نصونه
بس خاينين ومفيش غيرك شكله إتربي عليه
واقعين في زمن كله غِش في غِش
في ضهرك عدوك
وفي وشك حبيبك
ملك شطرنج عمره ما اتقاله كِش
يا صحاب ملعونه
وظاهره بميت وش
بكره هنتقابل
وهنتلاقي بنفس الوش
هتكونوا لسه مكانكوا
وانا مكانتي لفوق بدون غِش
قول اللي تقوله ساعتها
هيبقي الرد
يا حبيبي معلش قولنالك
ده ملك شطرنج عمره ما اتقاله كِش
...
الصحاب بعد الموت
علي الفون كام صوره ليك
علي كام كومنت علي صوره قديمه فييك
ولو اتجابت سيرتك وسط القعده
هيقول حد ليه تفصلنا بس المود
منها واليها نعود
..
اه صعبان عليا يلي تملي
فوق كتافك شيلتهم
وطبطبت عليهم من الوجع
ورديت غيبتهم وصونتهم
دور بين صحابك هتلاقي
صاحب مغرور
وصاحب كداب
وصاحب ودني بتاع بنات
وبالرغم الكتره اللي حواليك
مفيش غير نفسك الوحيده
اللي هتعتمد عليها وقت الازمات
...
الصحاب سحابه بتحركها الريح
بتمطر في فونك
كام فويس نوت
علي كام سيلفي قديم
علي كام رقم متسجل لكنه مبقاش ليهم
الصحاب الصح فين اراضيهم
غايبين بقالهم فتره
يكنش وقعوا
هما كمان في الملكه كليوباترا
صاحبك نفسك
وسرك نفسك
وكل حاجه عشان نفسك احسن
واتمني انك تتغير للاحسن
يلي فاكر ان الدنيا دايمه
دي فانيه ولا ليها اي لازمه
...
الصحاب اللي بجد اللي قلوبهم دافيه
كان زمان في صحاب
وكان في صحاب زمان
وكل الصحاب دلوقتي كان يا مكان
تعليقات
إرسال تعليق