فتحت الفون لقت الرسالة من اعز أصدقائها اللي كان كل حاجه بيعملوها سوا ضحك وخروجات والكلية والهزار والعياط وهبل الامتحانات في الاخر اكون زي اي واحده عندها واكون اخر من يعلم بأمر خطوبتها .
-هتروحي شبكتها
*اكيد لازم اروح
-بعد كل اللي عملته معاكي وانك اخر من يعلم مع انك الأولي من اي حد انك تعرفي
*مش مهم عرفت امتي المهم اني مش عايزه اسيبها لوحدها في يوم زي ده دي صحبتي ازاي اسيبها مين هيلبسها الفستان كنا متفقين اني انا اللي هلبسها الفستان واعملها الطرحه كنا متفقين اننا نتجمع عشان نعمل الديكور الشبكة ونزين البيت كلة طب مين يحضنها وهي متوتره وقلقانه وهي مستنيه عريسها لازم اكون معاه عشان نعمل كل اللي اتفقنا عليه
-بس هي بدلتك بغيرك وعندها اللي تعمل معاه كل ده دلوقتي
*......
-روحي واعملي الواجب تجاهها بس مش اكتر من كده
*طب مين هيوصي عريسها عليها ويقوله يخلي باله منها دي زينة البنات كلها
-عندها اللي يقولها بس مش انتي
*......
-عطيتها كتير وقدمتي ليها كتير وكنتي بتعتبريها اختك وصحابتك هي مكنتش قد الصحوبية دي ومع اول مشكلة صاحبت غيرك وبدلتك ومش بس كده. دي لاغتك من حياتها
*يعني مستاهلش أنها تصاحبني
-انتي زينة البنات كلها وعندك صحاب كتير اوي بس اللي تعمل كده وتكوني اخر من يعلم دي تبقي هي اللي متستهلش انك تصحبيها اصلا
*المشكلة اني مش عارفه هي اتغيرت ليه ولية بتتعامل معايا كده احنا كنا بنعمل كل حاجة سوا مكناش بنفارق بعض مش متخليه ان علاقتنا بقت كده
-ماهو عشان من غير سبب المفروض انك تبعدي لانك كده هتتعبي وتاذي نفسك بكره ترجعلك ندمانه انتي متتعوضيش كصاحبة وكاخت مش هتلاقى حد شبهك وترجعلك تاني وقتها انتي اللي هتكون رافضها ورافضة اي حاجة ممكن تأذيكي
بنستنزف نفسنا وروحنا في علاقات متستهلش اننا نعافر عشانها ولا حتي نتعب روحنا بندي فرصه واتنين وعشره باسم العشرة والصحوبية ودي صاحبة عمري ازاي ينتهي بينا المطاف لكده وبنحاول مره واتنين وعشره عشان نفضل متمسكين للآخر وعشان ميتقلش علينا بايعين بنجي علي نفسنا وناذي روحنا في علاقات الطرف التاني بيقولنا فيه عادي يعني لو بعدنا اي كان نوع العلاقه صحاب وخطوبه زواج
*كل تفاصيلك كانت جميلة اوي النهارده فستانك وميكب وضحكتك وفرحتك كنت فرحانة ليكي من قلبي كانت الدموع ف عيني والله ربنا يسعد قلبك ياقلبي "
-شكرا وعقبالك أن شاء الله .
تعليقات
إرسال تعليق