= أنا أسفه بس مش هقدر اكلمك .
___________________________________________________________________
ندى : مالها دى سرحانه ف اى !
منه=مش عارفه ، اللى واخد عقلك يا ست منى ؟
منى: هوا فى غيره
ندى: يا بنتى انتِ لسه فاكره زمانه نسيكى دول 10 سنين وانتو كنتوا عِيال .
منه = ايوا يا حبيبتى ندى عندها حق .
منى : لأ أكيد ما نسينيش ، انتِ مش مُتخيلة أنا كنت فرحانه قد اى ساعتها انه بيبادلنى نفس الشعور ف لأ أكيد ف يوم هشوفه.
منه : طيب يا ستى بس ما توجعيش قلبك على ماضى.
منى : ماشى يا فصيله انتِ وهيا قوموا انتوا اى مقعدكم عندنا أصلا.
منه وندى = كده كده احنا كنا قايمين هه.
___________________________________________________________________
أنا مُنى الشناوى ،23 سنه، خريجة كلية صيدلة ، وعندى صيدلية .
و دول ندى ومنه أغلى ناس ف حياتى وعشرة عمرى ، ندى صاحبتى وجارتى من زمان خريجة كلية علوم ، ومنه عارفاها من ثانوى وزيي ف كلية صيدلة وشريكتى ف الصيدليه .
هيجبولى شلل بس لو هشحت مش بحب قدهم ،
واللى بتكلم عنه محمود حُب عمرى من واحنا صغيرين مكنتش مصدقه يوم ما قالى انه بيحبنى بس ولو أنا مش متربيه على كدَ او انى ارتبط او حتى اكلم ولد غريب .
___________________________________________________________________
فى الصيدليه *
ندى : ازيكم يا عيال .
منى = أهلا أهلا باللى خطوبتها قربت .
منه = محدش قدك يا عم .
ندى : عقبالكم يا سناجل يا بائسين .
منه =لاااا لو سمحتى يا ماما انا بحب وعمورى هيتقدملى قريب .
منى : باااس انا اللى سنجل اسكتوا بقا..
-احم ، سلام عليكم
منى "بهمس " : بس انتِ وهيا بقا ، وعليكم السلام اتفضل حضرتك
-لو سمحتى عاوز بنادول
منى : حاضر ثانيه واحده
-تمام براحتك
منى : اتفضل
- شكرا اتفضلى الحساب
منى : لو سمحت
-افندم
منى : انا اعرف حضرتك ؟
- اى لا انا اول مره اشوفك
منى : طيب تمام انا اسفه .
-ولا يهمك عن اذنك .
ندى : تعرفيه؟
منى = لأ بشبه عليه
منه : يا ستى اتنيلى انتِ تعرفى حد غيرنا
منى = شبه محمود اوى
ندى : يخلق مِن الشبه أربعين وبعدين اكيد شكله اتغير دا عدى زمن
منى : اكيد ما علينا يلا نروح عشان تعبت
منه وندى : يلا
___________________________________________________________________
قبل خطوبة ندى بأسبوع *
ندى : انا زهقت من اللف بقا
منى = انتِ ما تنطقيش عشان مافيش حاجه بتعجبك
منه : والله عندها حق انا مضيعه وقتى معاكم وقرة عينى جاى يتقدملى بكره
ندى: بقى كده يا مهزءه خليه ينفعك
منى : آآآه مش تحاسب يا استاذ
-أنا آسف مكنتش اقصد
منى: ابقى خد بالك بعد كده دا اى دا
-ما قولنا اسف عن اذنك
منه : مش دا اللى جالنا الصيدلية مره
منى = آه هوَّ
ندى : وانتِ اى حد بيجيلك بتفتكريه يا منمن؟
منى : بس يا مهزءه عشان شبهت عليه بس
ندى = يلا ياختى انتِ وهيا عشان نكمل قدامنا موال
منه ومنى : يلا
___________________________________________________________________
يوم قراية فتحة منه *
منه : شكلى حلو ؟
منى = ياتى زى القمر ربنا يحميكِ يا قلبى .
ندى : احلى الحلوين يا منون .
مامت منه : يلا يا حبيبتى عشان تقعدى مع عُمر .
منه = هوا لازم ؟
مامت منه : يا بنتى يلا الناس بره .
منه = حاضر
منى وندى : يلا يا حبيبي روحى
القعدة خلصت واتفقوا هيعملوا خطوبه وكتب كتاب .
منى و ندى : مبارك يا حبيبتى
منه = الله يبارك فيكم عقبالك يا منمن
منى : ان شاء الله يا حبيبي
___________________________________________________________________
عمر : انتِ هتلبسى البتاع الضيق دا ؟
منه = ااااه هوا من اولها عمورى يا حبيبي دا خطوبة البيست فاهم يعنى اى البيست ف خليك فريش كده وحياتك عشان انا مسحوله من الصبح مع البنات ، وآخر مره هلبس حاجه ضيقه سورى فك بقا .
عمر : عشان خطوبة صاحبتك بس
منه =مسيطره همشيك مسطره
عمر : ما بلاش لا اقلب
منه = خلاص ياسطا قلبك ابيض
عمر : ياسطا !! ألفاظك بقت بيئه اوى يا بيبي
منه : بس يلا
عمر = انا بقول أمشى أحسن هروح لِ ماهر ونيجى ناخدكم من البيوتى سنتر
منه : ماشى يا حبيبي مع السلامه
___________________________________________________________________
عند البنات *
ندى : جماعه انا هعيط
منى و منه = واحنا كمان
منى :خلاص بس بس عشان الميكب يا بنات
ندى ومنه =حاضر
ندى : ربنا يخليكوا ليا
ندى ومنه = ويخليكِ لينا
~فيرست لوك~
ماهر : اى الحلاوه دى
ندى = مش احلى منك يا قلبى
عمر : يلا يا روميو وجويلت الناس مستنيينا ف القاعه
ماهر = يا اخى دا انت فصيل فصلان
عمر : يلا يا اخويا
ماهر = يلا
ف الخطوبه *
منى : الاه بقا الواد دا اى اللى جابه هنا
منه = هوا تانى
منى = تعالى تعالى نروحلهم
ماهر : دا محمود صاحبى من أيام الجامعه
ودا عمر
محمود : اهلا يا عمر
عمر = حبيبي
ماهر : ودى دكتوره منه خطيبة عمر ودى دكتوره منى
محمود : اتشرفت بيكم
منى : طيب يا جماعه عن اذنكم معلش
___________________________________________________________________
محمود : واقفه لوحدك لى يا دكتوره؟
منى = وانت مال حضرتك؟ قصدى يعنى اى اللى جابك هنا ؟ يووه انت متاكد انك ما تعرفنيش ؟
محمود : اعرفك بس ؟
منى " بدموع " : انت محمود صح ؟ انا كنت حاسه والله كنت حاسه
محمود :عشان خاطرى ما تعيطيش انا ما صدقت لقيتك تانى وحشتينى اوى يا منى 10 سنين مافيش يوم واحد مجيتيش على بالى تعبت ع ما لقيتك تانى كنت قاصد اجيلك الصيدليه ،كنت قاصد اخبط فيكِ ، كنت عاوز اشوف هتعرفينى ولا لأ أنا هوفى بوعدى اللى وعدتهولك من 10 سنين " نزل على ركبته وطلع خاتم " تقبلى تتجوزيني؟
منى " بدموع فرح " موافقه طبعا
من وراهم صحابهم بيسقفولهم .
___________________________________________________________________
"بارك الله لكما وبارك عليكما وجمع بينكما فى خير "
منى :لقيت نفسى متشاله ومحمود بيلف بيا
محمود "ب همس " : بحبك ، اخيرا بقيتى ليا يا حرمى المصون.
منى = وانا بعشقك .
وقابلتك انتَ لقيتك بتغير كل حياتى .🥺🤍
تعليقات
إرسال تعليق