مِش فارقه أهلَك مين
ولا شَكل ولا طَبقات
أحوالك فرحه
وِسعاده وِإنبِساط
المَشاهِد بالنسبالَك مِتعادَه
الصَلاه شئ لا يمكن إهداره
البراءه مَلياك بِزياده
السِن يَدوب 15 سَنه!!
لو فاكِر شَكل آخر تَختَه
إللي بِتضُم صُحابك الصايْعين
والجَري بين الحِصه والحِصه
والجري عَلي الكانتين
وِشَنطه كُنت بِترميها
وِندمك لما حد يقولك فيها كِتاب دين
السِن يدوب 17 سَنه
أول يوم في ثانوي
جَو جِديد وِناس جِديده
فصل 1/1 والذِكرَيات الجَميله
والتلاته أربعه صُحابك
في أي خِناقه يلا بينا
والعُمر يفوت ويلف بينا
وِلسه هي هي القَعدَه
وهي هي النُكت البايخه
وإحنا لِسه مَع بَعضينا
السِن يدوب عِشرين !!
مَلامِح كُلها تَجاعيد
القَلب حَزين
بِدون إفراط في المُقدمه
بِداياتً جَرحِته
فَبدأ يِكتب عَنها
ويحكي للكُل عن ظُلمها
وقَلمه رافض يكتب عن غيرها
وعقله لو سابه علي قلبه هينفذ فيه حُكم الإعدام
مِش يمكن يادي البَنوته لو حَبتيه
مَكنش شكلهُ بقا زينا
وحياتهُ مَتِبقاش مِبهدله
ولا حَتي قرارته شَبه مِكركِبه
أو حَتي عَلي الأقل مَكنش زمانه ندمان
وِكان زَمانك المَدام
السِن خَمسه وعِشرين !!
مَلامِح نُصها تَجاعيد
القَلب نُص حَزين
هَتِفضْل الدُنيا هي الدُنيا
مَحدش يقدر يختار قَدره
ولا يجي في حَياه تَانيه
ولا حَتي يغير فيها ثانيه
أيام بِتعدي ومَبتجيش تَاني
وبتفارق كاره أو مَحبوب
السِن تلاتين!!
مَلامِح كُلها فَرحه
القَلب مَبسوط
الحُزن شئ أصبح مِن الماضي
دِلوقتي عن الحال بَقيت راضي
دِلوقتي إرتحت
أول مَره أمسك إيد تِرفَعني
لِفوق مِش لِتحت
أول مَره أنام وأنا عادي
مِش زعلان
مِش قَلقان
مِش مِتساب
مِش مَخنوق بِدون أسباب
فيِ ناس في حَياتنا روحهم باب
بيفتح تِعيش في أمان
الحَياة قَبلِك كانِت أبيض وإسود
دِلوقتي ومَعاكي بَقِت كُلها ألوان
جَواب الفَرحه كان باين عَليه
بَحِبك ومِش عارف ليه
بَحِبك ومِش عارف ليه...
تعليقات
إرسال تعليق