بالمُصطلح اللي إسمه الفضفضه
أنا قلبي فيه الحزن مِداري باللغبطه
أبويا شاب
وأخويا غاب
وظني في الصحاب خاب
وأمي ست كبيره بقالي في الدنيا
فسعات كتير هي بتشوف دموعي بحس
سكاكين بتقتلها
وإكمن رب الكون مِديها حنيه
بلاقيني مهما كِبرت مكسور وبخذلها
من غير ما بنطق حرف بتاخدني الي حضنها
بلقا النتيجه
إن مفيش مفيش من حُزني شئ للذكر
وألقا إن حزني إنضاف الي حزنها
أنا قلبي فيه الحزن مداري بالغبطه
الناس زي الهِدوم ألوان
دَورت بينهم علي الحُب
ملقتش ولا مانيكان
دِلوقتي مُش زي زَمان
خَلينا مِتفقين
إن الصُحاب غَيورين
وِحشين
خَاينين
مش كُلهم ولَكن!
في الغَالب الأغلَبيه مِش بيحبوا الخير ليك
دَفتر الأزمات مفيهوش أسامي لحد
الكُل بيبقا فارس بس مش شرط وقت الجد
واللي تحسه مُخلص وتقول عليه هيدوم
جايز في يوم
تشوفه أرخص من أبو وشين
....
تعليقات
إرسال تعليق