-لا أبدا مفيش
-والله ما اسيبك غير لما تقولي
-يوووه مخنوقة وعايزة أقعد لوحدي.
-وانا قولت مش هسيبك، وايوة أنا باردة ومعنديش دم، لأ ومش بس كدا دا أنا شغالة بالكهرباء.
-طيب، اسكتي بقى.
-انا عايزة اعرف أنتِ زعلانة لي ، قوليلي مالك هو مش أنا صاحبتك.
-أنا مخنوقة وزعلانه وعايزة أقعد لوحدي ، ومش عايزة أقعد مع حد، عايزة اعيط.
-انتِ هتقلبيها نكد روحي صلي الظهر تلاقيكي لسة ما صلتيش
-صليت، وأنتِ عارفة إني بصلي الفرض بفرضه ومش بفوت ولا فرض وكمان بقرأ قرآن.
-بقولك أي دي أعراض الاكتئاب أنا عارفاها يا ريمان ، أختي كانت بتمر بيها ، بس راحت عند دكتور ممتاز وتابعت معاه ، واتعالجت
- إكتئاب أي بس هو أنا اتجننت.
-بقولك أي إلبسي ويلا ، بصي رجلي على رجلك ومش هسيبك، يلا.
-حاضر ، طيب يا ست ورد.
"أنا مش مهتمة، أي جرالي أو مالي ، زعلانة، حبيتين ،تلاتة، عشرة ، مش مهم يكفي إن في حد مهتم بيا وبزعلي"
رحنا أنا ورد عند الدكتور اللي كتبلي علىٰ علاج مضاد للاكتئاب، وكمان انتظم في إني أروح الجلسات.
-ريمان، ماتستهونيش بالاكتئاب وأنتِ صاحبة المرض ، دا مش سهل.
وكمان عايزة أقول لك أنتِ وأي حد بيستهون بالاكتئاب ، الاكتئاب مرض نفسي خطير ، بيكون سببه حاجات كتيرة زي:الضغظ النفسي ، أو مشاكل حصلت لك وانت صغير...
سيببه التراكمات..
..لما تحس إنك زعلان فضفض لأي حد بتحبه حتىٰ لو لنفسك المهم .. تفضفض.. وماتشيلش نفسك هم.. ومحدش يستهون بالإكتئاب ...
وأخيراً ريمان اتعالجت بعد ما انتظمت بالعلاج والجلسات..
بس في آخر جلسة الدكتور قال لورد وريمان: أنا حابب افكركم بأول مرة جيتو أنا قولت أي.
-حضرتك قولت يا دكتور إن في فرق كبير بين الحزن والاكتئاب.
كملت ورد وقالت: وإن الإنسان الحزين ممكن لو طلع واتفسح وانبسط ينسىٰ إنه كان زعلان، لكن المكتئب ، ممكن يضحك ويهزر ويخرج ويتفسح بس هو برضوا مكتئب... شكرا جدا لحضرتك...
_ ورد أنا حابة أشكرك ربنا أوي إنك جنبي ومعايا
-بس يا هبلة، أنا دائماً معاكي.
"ما أحلى الدنيا مع صاحب يحبك ويكون جنبك"
تعليقات
إرسال تعليق