ـ بتعيطي ليه يانور
ــ مش بعيط ولا حاجه
ـ إنتِ لسة بتفكري في الماضي انسي يانور وعيشي حياتك
ـ مش قادرة أنسى ياضحى إزاي بعد الحب ده كله
فلاش باك!
ـ إنت هتسبني يا أحمد
ـ آه يانور إحنا مش متفقين مع بعض خالص ومش هينفع نكمل
ـ لكن إنت من الأول قلتلي أحلى حاجه في علاقتنا إننا مختلفين
ــ غيرت رأيي وأنا مش عارف أعيش معاكي كل واحد فينا عالمه غير التانى
ـ إنت شايف كده يا أحمد وبعد الحب ده كله
ـ إنتِ تستاهلي حد أحسن مني وكل شيء قسمة ونصيب
ـ ماشي يا أحمد امشي وقلعت الدبلة وادتهالو
بعد شهر
ـ احمد خطب
ـ مين
ـ تقى صاحبتك
ـ إنتِ بتتكلمي جد إزاي ده حصل
ــ أحمد كان على علاقه بتقى قبل م يعرفك وكان بيكلمها من وراكى وهوا مكنش بيحبك وكان عنده غرض بس إنو ياخدو منك لكن إنتِ كنتي بتصديه وصاحبتك دي كانت بتخدعك وتضحك عليكي وكانت بتصالحكو دايمًا لأنو كان بيطلب منها وكان مفهمها إنو هياخد منك اللِ عاوزه ويرميكي إنتِ كنتي بالنسباله نزوة بس يانور....
ـ نور سرحتي فين وبتعيطي لي تاني
ـ سرحت في الماضي في صاحبتى اللِ خدعتني في الإنسان اللِ حبيته وكان بيخدعني أنا تعبانه
ـ نور عوض ربنا حلو وربنا هيعوضك عن صاحبتك اللِ خدعتك وعن الإنسان اللِ حبيتيه ربنا مش بينسى حد وأنا أختك ومعاكي
ـ ربنا يخليكي ليا أنا هدخل
ـ ربنا معاكي يا حبيبتي
"نور محمد 19 سنة كليه صحافة بنت ذات عيون زرقاء قمحوية اللون، كاتبة"
نورـ ماما أنا خارجة
مامت نور ـ برضو كل يوم في نفس المعاد
نور ـ معلش ياماما اتعودت
مامتها ـ ماشي يابنتي ربنا يعوضك خير
نور كعادتها ف نفس المعاد بليل بتروح تتمشى وتقعد عند البحر وتكتب رواية
نور قاعده بتقرء رواية
جه واحد جمبها وكان دايمًا يشوفها ويستغرب إنها بتقعد هنا دايما وتعيط ف حب يسألها
ـ لو سمحتي ممكن أقعد معاكي
ـ أفندم عاوز إيه
ـ أنا عاوز أسالك سؤال لي كل يوم بتقعدي هنا وتفضلي تعيطي كدة وفي نفس المعاد
ـ حضرتك يخصك في حاجه
ـ ده سؤال من باب الفضول وأنا مش بحب أشوف حد زعلان ومش أساعده
ـ شكرًا مش محتاجه مساعده من حد عن إذنك وسابتو ومشيت
وهيا ماشية النوت بتاعها وقع جه ينادي عليها عشان يديلها كانت مشيت ف خد النوت بتاعها وقال هيجى بكرة يديهولها
ف حب يفتح النوت بتاعها ويقرءو لأنو فضولي فتح النوت لقى كل حاجه عنها لأنها كانت كاتبه كل حاجه عنها مش بتسيب حاجه، بتكتب أي حاجه بتحصل معاها وهوا بيقرء عينو دمعت وبيقول لنفسو قد إي مريتي بظروف وحشة إنتِ باين عليكي إنسانة كويسه وتستاهلي حد كويس أنا بشوفك على طول ف المكان ده ومكدبش إني حبيتك أنا هعوضك عن أي حاجه حصلتلك في حياتك يانور وهنورلك حياتك تاني عارف صعب تثقى فيا عشان اللِ مريتي بيه بس أنا كمان محتاجك يانور وهنورلك حياتك وهعوضك خير'' عرف إسمها لأنو مكتوب ع النوت من بره''
نور روحت البيت
مامتها ـ حمدلله على السلامة ياحبيبتي
نور ـ الله يسلمك ياماما فين ضحى
مامتها ـ جوه مستنياكي ترجعي
نور ـ حاضر يماما
دخلت اوضتها
ضحى ـ حمدلله على السلامة ياقلبي
نور ـ الله يسلمك يا توته
ضحى ـ إده الجميل جاي فرحان كدة لي إحكيلي في إيه؟
نور بضحك ـ مفيش حاجه بس حاسه إني مبسوطة سيكا
ضحى ـ لي إي اللِ حصل
نور ـ هقولك أنا قبلت شخص وحكتلها اللِ حصل
ضحى ـ حرام عليكي حد يتكلم مع حد كان عاوز يساعده كدة
نور ـ بصي ياضحى أنا معنديش ثقة ف حد ومش عارفه أصدق أي حد ياضحى
ضحى ـ حبيبتى النااس كلها مش زي بعضها مش عشان حد خدعنا يبقى كلو كدة الدنيا فيها الحلو وفيها الوحش بس برضو لازم تاخدي حظر برضو من اللِ حواليكي ا
إنتِ أختي وأنا نفسي أشوفك سعيدة دايمًا أنا بتمنى إنك تقابلي الشخص اللِ يعرف قيمتك ويعوضك خير ياحبي
نور ـ تفتكرى هلاقي الشخص ده
ضحى ـ أكيد ربنا مش بينسى حد
نور ـ يارب عوضني بالشخص ده
وراحت تصلى وتدعي لربنا انه يعوضها وتلاقي شخص كويس يعوضها عن أي حاجه حصلتلها وقالت''ياربي إحنا دعوناك كما أمرتنا فاستجب لنا كما وعدتنا''
قوله تعالى
" وَقَالَ ربكم ادعوني أَستَجِب لَكُم " صدق الله العظيم
بعد م خلصت بتدور على النوت مش لاقياها
ضحى مشفتيش النوت بتاعتي
ضحى ـ لا إنتِ مطلعتيش حاجه من شنطتك من لما جيتي
نور ـ أكيد وقعت مني وأنا جاية
ياربي آلاقيها فين يارب دي فيها كل حاجه عني
ضحى ـ اهدي هتلاقيها في المكان اللِ كنتي قاعدة فيه
نور ـ أنا هروح أدور عليها
ضحى ـ دلوقتي ياحبيبتي بكرة
نور ـ لا هروح
ضحى ـ حاضر هروح معاكي
نور ـ ماشي يلا
ضحى ونور راحو المكان وبتدور عليها مش لاقياها
نور ـ قعدت وبتعيط
ضحى ـ إي ياحبيبتي اطمني هتلاقيها والله
نور ـ دي فيها كل حاجه عني الحلو والوحش وفيها ذكريات طفولتي وفيها امضت بابا الله يرحمه ولما بابا كتبلى يوم ميلادي فيها حاجات بتفكرنى ب بابا الله يرحمه وقعدت تعيط
ضحى خدتها ف حضنها وعيطت هيا كمان وقالتلها هتلاقيها والله
يوسف شافها وهيا بتعيط راح عليها
ـ لو سمحتي
ـ نور بصلتو إنت تاني عاوز إي
ـ أنا مش عاوز حاجه بس إنتِ النوت دي وقعت منك امبارح وكنت هديهالك بس إنتِ مشيتي وجريت وراكي ملحقتكيش أنا آسف
نور ـ النوت بتاعى إنت أنا مش عارفه أقولك إي بجد نفسي أحضنك
يوسف ضحك لما لقاها فرحت ولما قالتلو نفسي أحضنك عارف إنها من فرحتها بس
نور ـ شكرًا جدًا لحضرتك والله إنت بجد مش عارفة أشكرك إزاى والله
يوسف ـ لا العفو أنا معملتش حاجه والله
نور ـ اطلب أي حاجه مني وأنا هنفذهالك يا
يوسف ـ إسمي يوسف
نور ـ اتشرفت بيك يا يوسف
يوسف ـ الشرف ليا يانور
نور ـ عرفت إسمي من ع النوت صح
يوسف ـ اه
نور ـ اطلب أي حاجه وأنا هنفذهالك عشان إنت خدمتني خدمة
يوسف ـ بصي أنا مش عاوز حاجه غير إنك تبطلي عياط عشان أنا باجي هنا من سنة تقريبا وعلى طول بشوفك وإنتِ بتجي، وتعيطي طلبي ليكِ إنك متعيطيش عشان مفيش حاجه تستاهل دمعه منك ده طلبي.
نور ـ شكرًا ليك
ضحى اتكلمت
ـ إنت بقا ياكابتن أنا كمان مش عارفه أشكرك إزاي إنك خليت أختي ترجعلها روحها تاني عشان إنت مش عارف النوت ده يبقى بالنسبالها إي بشكرك أوي
يوسف ـ لا العفو
ضحى ونور ـ اتشرفنا بمعرفتك
يوسف ـ الشرف ليا
نور وضحى ـ عن إذنك
يوسف ـ اتفضلو
ضحى ونور روحو
نور ـ أنا فرحانه أوي
ضحى ـ يارب دايمًا تبقي مبسوطه
نور ـ أنا هدخل أصلي واشكر ربنا إنو استجاب ورجعت النوت بتاعتي
ضحى ـ ادعيلي معاكِ
نور ـ من عيوني
دخلت صلت ودعت لربنا وخلصت
فتحت النوت وكتبت "سوف نبحث عن سعادتنا دائمًا وندعو لربنا كثيرًا وسيستجيب لنا بعد الصبر " قفلت النوت ونامت
تانى يوم
نور ـ ماما أنا خارجه
مامتها ـ خلي بالك من نفسك
نور ـ حاضر ياست الكل
وحضنت أمها ومشيت
كالعاده قاعدة مكانها
يوسف ـ ممكن أقعد معاكِ
نور ـ اتفضل
يوسف ـ عامله إيه
نور ـ الحمد لله
يوسف ـ برضو لسه عندي فضول أعرف إنتِ كل يوم كنتي بتجي تعيطي لي أنا باجي من سنتين تقريبًا وكنت أشوفك، وكل يوم تجي وكنتي تكتبي وتفضلي تعيطي كان نفسي أسالك لكن مكنش عندي شجاعه ممكن تحكيلي
نور اتنهدت وخدت نفس
ـ هقولك حكايتى كلها
يوسف ـ ياريت أنا سامعك
نور ـ أنا نور عندي 19 سنة كنت زمان مرتبطة بشخص وبحبو جدًا قعدنا شوية نحب بعض وبعدها جه خطبني وقعدنا فترة مخطوبين رغم إن إحنا مختلفين عن بعض لكن هوا فهمني إن دي حاجه حلوخ لعلاقتنا كان دايمًا بيعمل حركات مش كويسه وأنا كنت بقول بيحبني لكن في مرة كنت أنا وهوا بنتمشى وف مكان مش فيه حد ف حاول يقرب مني صديته وضربته بالقلم ف طبعا اتخانقنا وبعدها قالي إنو هيسبني"وحكيتلو لما سابها"
وبعد شهر لقيت أختي بتقولي أحمد خطب عارف خطب مين!
يوسف ـ مين؟
نور ـ صاحبتي أقرب صديقة ليا اللِ هوا مفيش حد غيرها أصلا في حياتي ومش عندي صديقة غيرها وكنت بحكيلها كل حاجه طلعت بتخدعني علشان تقربني من الزباله ده وطلعت بتخدعني كانت صدمتين في حياتي الشخص اللِ حبيتو من كل قلبي طلع بيخدعني وكان عندو غرض تجاهي بس والصديقة اللِ كنت بعتبرها أختي طلعت خاينة والصدمة الأخيرة موت بابا كان أقرب حد ليا مكنتش متخيله إن كل ده يحصل وبابا كان أقرب شخص ليا من وأنا صغيرة عشان كدة كنت زعلانة ع النوت عشان فى حاجات بتفكرني ب بابا كانت أصعب تلات صدمات ف حياتي والأصعب وفات بابا بقالي سنتين عايشة ومش عايشة بفضل إني آجي ف المكان ده واكتب وافضفض عن اللِ جوايا هنا هيا دي حكايتي!.
يوسف والدموع ف عينو
إنتِ مريتي بظروف وحشة أوي يانور واستحملتي ومش أي حد يستحمل الظروف اللِ مريتي بيها أنا بجد مشفق عليكِ أوي
نور بضحكة حزن ـ خلاص بقا هوا الواحد بقا خد على الصدمات ومفيش حاجه هتأثر فيا تاني
يوسف ـ لا إنتِ ربنا هيعوضك بحد كويس ويعوضك عن كل حاجه مريتي بيها عوض ربنا جميل بس الصبر
نور ـ تفتكر هلاقيه
يوسف ـ أكيد هتلاقيه قريب أوي
نور ـ شكرًا ليك بس إنت محكتليش عنك حاجه
يوسف ـ بصي أنا كمان مريت بظروف وحشه هحكيلك عشان كان نفسي أحكي لحد من زمان
نور ـ قول
يوسف ـ أنا يوسف سالم عندى 23 سنة عايش لوحدي بابا وماما اتوفو وأنا صغير مليش إخوات واتربيت في ميتم وكانت أسوء أيام حياتي تعرفي إزاى واحد عندو 5 سنين يشوف أهلو يموتو قدامو ويعيش من غير أهلو كانت حاجه صعبة بالنسبالي طفل عايش من غير أهلو ولا ليه أهل ولما كبرت خرجت من الميتم وعشت حياتي لوحدي وبقيت أتعلم واشتغل واتخرجت من كلية علم نفس وبقيت دكتور نفسي لحد م جت واحدة أعجبت بيها وحبتها واعترفتلها بحبي ليها وهيا كمان كانت بتحبني وعشنا قصة حب جميلة لحد م جه اليوم اللِ قالتلي أنا جايلي عريس وأهلي موافقين قلتلها إنتِ عارفة إني لسة بكون نفسي وأكيد هتقدملك ردت عليا وقالتلي العريس اللِ جاي مستواه حلو وشغلو كويس وحياتو حلوة وأنا موافقة عليه لأنو هعيشني عيشة حلوه أنا مش عارفه معاك أوقات هنلاقي ناكل ولا لا ده كلام كفيل يخليني مش عارف أتكلم غير قلتلها ربنا يسعدك ومن وقتها وأنا تعبان ونفسي ف حد يفهمني حتى معنديش أصحاب وأهو عايش دي حكايتي
نور بحزن ـ أنا كنت مفكره إن أنا بس اللِ حصل معايا حاجات وحشة إنت كمان عشت أيام مش كويسه وربنا يوعضك إنت كمان
يوسف ـ تفتكري هتوافق عليا ولا عشان مستوايا
نور ـ لا اللِ بيحب حد مش بيحبو عشان مستواه اللِ بيحب بيحب عشان روحه مش عشان شكله لأن شكلنا أكيد هيروح والفلوس برضو هتروح وأكيد هترضى بيك وبعدين إنت دكتور وشخص كويس
يوسف ـ ياريت تسلمي
نور ـ إن شاء الله همشي بقا عشان اتأخرت
يوسف ـ هشوفك تاني
نور ـ أنا باجي هنا كل يوم
يوسف ـ هستناكي بكره
نور ـ حاضر سلام
يوسف ـ سلام
نور روحت
نور ـ سلام عليكم
ضحى ـ وعليكم السلام
نور ـ فين ماما
ضحى ـ نامت
نور ـ بدري كدة
ضحى ـ بدري من عمرك الوقت اتأخر إنتِ إتأخرتي لي النهارده
نور ـ محستش ب الوقت والنهارده شفت يوسف واتكلمنا مع بعض
ضحى ـ احكيلي
نور ـ بصى ياستي حكتلها كل حاجه
ضحى بدموع ـ ياحرام الشخص ده عاش أيام وحشة برضو
نور ـ اه ربنا يوفقو
ضحى ـ طب يلي ندخل عشان أنا هنام
نور ـ يلا أنا كمان هدخل آكل واصلى
ضحى ـ ماشي ياقمري هنام أنا تصبحي على خير
نور ـ وإنتِ من أهل الخير يروحى
نور خلصت وصلت وحاسة براحه أوي تجاه يوسف
فتحت النوت بتاعها وكتبت كل حاجه حصلت معاها النهارده واخر كلمة كتبتها " في يوم سنبدو فخورين بما مررنا به واستحملنا كثيرًا ويكون عوض ربنا جميل "وقفلت النوت ونامت
تانى يوم نور ع البحر
يوسف ـ جيتى بدري النهارده
نور ـ إنت ظابط مواعيدى بقا
يوسف ـ حاجه زي كدة
نور ضحكت ـ طب ياسيدي عامل إي
يوسف ـ بخير لماشوفتك إنتِ عامله ايه
نور اتكسفت ـ الحمدلله
يوسف ـ تجي نتمشى شوية
نور ـ امم معنديش مانع
يوسف ـ يلا بينا
بيتمشو جمب البحر واحد بيبيع ايس كريم
يوسف ـ ثوانى وجاي
نور ـ ماشى
دقيقه ويوسف جه
نور ـ الله ايس كريم
يوسف ـ عجبك
نور ـ جامد أوي إنت عارف إني بعشق الآيس كريم أوي وكان نفسي أكل ايس كريم مع الإنسان اللِ أحبو ونجري على البحر ونلعب بس يخسارة
يوسف ـ طب تجي نعمل ده
نور ـ بجد أنا موافقه
يوسف هاتي إيدك ويلا بينا وكل يوم هحققلك حلم ماشي ياصاحبي
نور بفرحة ـ شكرًا جدًا ٱنت جتلي من السما
يوسف ـ مفيش شكر يلا بينا بقا ولا رجعتي في كلامك
نور ـ يلا
يوسف مسك ايد نور وجريو عند البحر وفضلو يلعبو وكانت نور فرحانة جدًا ويوسف
نور قعدت ـ آه تعبت من الجري
يوسف ـ وأنا كمان
نور ـ هروح بقا
يوسف ـ هستناكي بكره
نور ـ إن شاء الله باي بقا
يوسف ـ باي
نور روحت ومبسوطه
وكل يوم تروح وتقابل يوسف وكانو كل يوم يقربو من بعض أكتر في يوم بقا
نور ـ أنا خارجه ياضحى
ضحى ـ حاضر
نور ـ مالك
ضحى ـ مفيش
نور ـ بجد مالك
ضحى حاسة إني تعبانه شويه ولسه بتتكلم وأغم عليها
نور صوتت ضحى ضحى إصحي أمها سمعت الصوت وجات جري
مامتها ـ فيه إي
نور ـ وقعت يماما
مامتها ـ اتصلي بالدكتور يجي
نور رنت على الدكتور
وصل الدكتور
نور ـ اتفضل يادكتور وقعت أغم عليها ومش عاوزه تفوق
الدكتور ـ إهدي إن شاء الله هتكون كويسه
نور ومامتها بيعيطو
الدكتور طلع
نور وامها ـ اي ي دكتور
الدكتور ـ الحمدلله مفيش حاجه هيا بس مشاكل عندها لأنها مش بتظبط أكلها اتفضلي جيبي العلاج ده
نور ـ حاضر
جابت العلاج وقاعدة جمبها ضحى فاقت
ضحى ـ إي اللِ حصل
نور ـ عاملة إي دلوقتي وحضنتها وعيطت
ضحى ـ إهدي أنا كويسه والله
نور ـ طب ارتاحي وتاكلي عشان الدكتور قال كده
ضحى ـ حاضر يامامتى الصغيرة
نور ـ بتتريقي
ضحى ـ لا يامامتي
نور ـ طب يلي كلي وخدي العلاج
مامتها دخلت
امها ـ حبيبتي عامله إي
ضحى ـ الحمدلله يماما اطمني
امها ـ ربنا يبعد عنك أي شر إنتِ وأختك
نور وضحى ـ وربنا يخليكي لينا يماما
يوسف جه للمكان وقعد استني يانور مجتش، فضل وبعدها مشي
عدت اسبوع ونور مش بتروح وهوا قلق عليها
يوسف بيكلم نفسه إنتِ فين يانور كل ده غايبة أنا قلقان عليكي إنتِ فين
نور ـ أنا هنا
يوسف ـ كل ده كنتي فين أنا قلقت عليكي أسبوع ومجتيش اي كل ده
نور ـ اهدى في إي براحه
يوسف ـ براحه إي إنتِ متعرفيش إنتِ كل يوم بيعدي وأنا مش بشوفك وقلقان عليكي إنتِ متعرفيش إنتِ إي بالنسبالى يانور أنا بحبك
يوسف قال كدة وهوا متعصب ومن غير وعي
نور بصدمة ـ إيه؟
يوسف ـ أنا مكنتش عاوز أقولك بس خلاص جه الوقت اللِ أقولك فيه إني بحبك يانور بحبك من سنتين بحبك من أول م شوفتك كل يوم كنت بشوفك وإنتِ بتعيطي قلبي بيوعجني وببقى عاوز أقولك إي اللِ جواكِ وأقولك بحبك بس كنت خايف بس جه الوقت يانور اللِ أعترفلك بالحقيقة
نور ـ يوسف انت
يوسف ـ عارف إني صدمتك بس نفسي أعوضك يانور عن أي حاجه توافقي
نور ـ هتحبني وهتفضل معايا ولا هتصدمني تاني
يوسف ـ لا والله بوعدك إني مش هسيبك أنا محتاجك وإنتِ محتجاني ها موافقة
نور ـ موافقة
يوسف ـ يلا بينا
نور ـ على فين
يوسف ـ هروح اخطبك
نور ـ بسرعه كدة
يوسف ـ خلاص بقا عاوز أشوفك جمبي على طول وآجي من الشغل الاقيكي مستنياني واخدك ف حضنى وتكوني أمي قبل حبيبتي
نور ـ بحبك
يوسف ـ إي
نور ـ بحبك يايوسف
يوسف ـ مش مصدق أنا بحلم صح يلا بينا بسرعة
نور ضحكت ـ يلا
يوسف ونور وصلو للبيت نور خبطت
ضحى فتحت الباب
ضحى ـ نور حمدلله على السلامة
نور ـ الله يسلمك
يوسف ـ وأنا مفيش سلام
ضحى ـ اده يوسف إزيك
يوسف ـ إزيك ياتوتة
ضحى ـ اده عرفت الإسم ده أكيد البت دي قلتلك
يوسف ـ حاجه زي كدة
ضحى ـ البت دي برضو حكتلي عنك كتير وهيا شكلها بتحبك
نور ـ مخلاص إنت وهيا هنفضل واقفين كدة كتير
ضحى ـ اتفضلو ادخلو
مامتها مين ياضحى
ضحى ـ دي نور يماما ويوسف
مامتها طلعت
امها ـ إزيك يا ابني إنت يوسف اللِ بتفضل تتكلم عليك نور
يوسف بضحك ـ إده أنا بقيت مشهور ولا إي نور حكت لدنيا كلها عني ولا إي
نور ـ إده هتقضوها تريقة ولا إي عليا
كلهم ضحكو عليها
يوسف ـ بقولك إي يا خالتي
مامتها ـ نعم ياابني
يوسف ـ أنا عاوز اتجوز نور وطبعا إنتِ عارفه إني مليش اهل عشان كدة جيت لوحدي إي موافقة
مامتها ـ يابني مش هنلاقي حد أحسن منك وأنا عاوزة سعادة بنتي
يوسف ـ يعني موافقه
مامتها ـ اه يا إبني موافقه وإنتِ يانور
نور بفرحة ـ اللِ تشوفيه يا ماما
يوسف ـ تقرء الفاتحة
قرءو الفاتحة وأمها زغرطت وضحى حضنتها وقالتلها مبروك
يوسف ـ أه وأنا مفيش مبروك
ضحى ـ أكيد مبروك يسطا
مامتها ـ مبروك يا ابني
يوسف ـ الله يبارك فيكي يا أمي تسحميلي أفضل أقولك يا أمي دايمًا
مامتها ـ أكيد أيوة يابنى تعالى أحضنك كمان إنت إبني.
حضنتو
يوسف قالها الله كان نفسي ف حنان الأم ده من زمان
امها ـ ربنا يسعدك ياحبيبي وإنت ابني
نور وضحى بضحك ـ إحنا كدة هنغير ع ماما منك ماما لسة عارفاك وحببتها فيك واعتبرتك ابنها أمال لما تتجوز نور هتعمل اى
يوسف ومامتهم ضحكو عليهم
يوسف ـ ممكن يا أمي كتب الكتاب يوم الجمعه
نور ـ بسرعه كدة
يوسف ـ آه شان عاوزك معايا وتكوني حلالي
ها قولتي إي يا أمي
مامتها ـ أهم حاجه رأي نور
نور ـ موافقة
يوسف ـ يبقى على بركة الله
عدت أيام وجه يوم الجمعه يوم كتب الكتاب
نور جهزت نفسها وقاعده جوه وأختها معاها
ضحى ـ مبروك يا أجمل عروسة
نور ـ الله يبارك فيكي
ضحى ـ فرحانة ليكي أوي
نور ـ عقبال م أفرح بيكي يارب
ضحى ضحكت ـ الكبير اتجوز بقا باقي أنا
نور ـ هوا المأذون لسة مجاش
ضحى ـ زمانو جاي
سمعت صوت أمها بتقول حمدلله على السلامة يا يوسف
نور ـ المأذون جه
ضحى ـ تقريبا كدة
مامتها دخلت يلي يانور
نور طلعت وصوت الزغاريط شغالة جرانها وقرايبها وهيا جواها فرحانة
يوسف ـ باقي حاجه صغيرة سيكا وتبقى حلالي وملكي للأبد
نور ـ أنا فرحانة أوي يايوسف
يوسف ـ وأنا كمان أوي
المأذون ـ يلا يا ولاد
كتبو الكتاب وسمعو اخر كلمة
"بارك الله لكما وبارك عليكما وجمع بينكما في خير" هوا المأذون قال كدة ويوسف حضن نور وقالها آخيرًا ملكت
والناس كلها بتسقف واللِ بيزغرط وأمها وأختها فرحانين وعمالين يزغرطو والفرحة تمت ع خير
بعد مرور 4 شهور
يوسف ـ نور
نور ـ نعم ياجو
يوسف ـ قلب جو
نور ـ كنت عاوز إي
يوسف ـ كنت عاوز اقولك حاجه
الباب خبط
يوسف ـ روحى افتحي ياختي
نور ضحكت وفتحت الباب
نور ـ ماما وحشاني
مامتها ـ وإنتِ كمان
ضحى ـ ماما بس
نور ـ وإنتِ كمان وحشاني جامد جدي
ضحى ـ وإنتِ وحشاني جامد ستي
يوسف ـ أهلا يا أمي اتفضلي إزيك ياضحى اتفضلو
مامتها وضحى ـ إزيك يايوسف
دخلو وقعدو ضحى ونور ف المطبخ بيتكلمو ومامتها دخلت
مامتها ـ عامله إي يانور
نور ـ الحمدلله ياماما
مامتها ـ لسه مجننه يوسف
نور بضحك ـ بيقولو كده
مامتها ـ حرام عليكي يا بنتي ده يوسف جدع
يوسف دخل ـ قللها يا حماتي دي مجناني
نور ـ أنا يايوسف
يوسف ـ لا يروحي بهزر
نور ـ زعلت
يوسف ـ أنا آسف ياحبيبتي
نور ـ مسمحاك يابابا
يوسف ـ بابا هوا إنتِ
نور ـ آه يا يوسف أنا حامل
يوسف بفرحة ـ إي إنتِ حامل
نور ـ اه
يوسف حضنها وقالها يا أجمل حاجه في حياتي ربنا يديمك ليا يا أم ولادي بحبك
نور ـ وأنا بحبك يا أبو ولادي
فرحو سويا
Tha end_النهايه
"ثم يرزقنا الله بشخص يعيد قلوبنا كما كانت، ويضىء حياتنا مثل الأول"
تعليقات
إرسال تعليق