• هعضك مِن ودنك لوّ ما سكتش.
- يا بت اتلمي.
• ياض أسكت.
- أسكتي أنتِ الناس بتتفرج علينا.
• هفتح دماغك واخلي الناس تتفرج بجد.
- ٢ سنتي بتتكلم.
• أمي جايه علينا أسكت.
_ يا ألف مبروك، أخير يا ورد شوفتك عروسة..
• يا ماما عايزة أقوم اضربه.
_ أسكتي شوية .. أنا ما صدقت خلصت.
- هه أحسن.
_ ما انيل مِن سيدي إلا ستي.
• ههه .. أحسن.
- طب هاتي أيدك خلينا نخلص والبسك الخاتم والليلة دي تعدي على خير.
• دا أنا هطلع عينك بس أصبر..
_____________________
• يا ماما أنا مليش فِي جواز الصالونات دا.
_ يا حبيبتي نفسي اشوفك أحلى عروسة.
• بس مِش بالطريقة دي.
_ طب أنتِ مصاحبه؟
• لأ.
_ بتحبي؟
• لأ.
_ عينك على حد؟
• لأ.
_ اومال بقى، وبعدين ماله علي إبن طنط زيزي ... وبعدين أصلًا أتفقت مع أمه تتقابلوا النهاردة الساعة ٨ ما تكسفنيش بقى يا ورد علشان خاطري ... وبعدين حاسه إن أجلي قرب.
• حاضر يا ماما علشان خاطرك، قولتي إسمه إيه بقى؟
_ علي يا حبيبتي، وبعدين عايزة تبيني أنك عاقله قصاده وتجذبي انتباه.
• أفتح دماغه يعني يا ماما؟
_ لأ يا حبيبتي أكسري أيده علشان يأخده باله.
• حاضر يا ماما.
_ يا رب صبرني، ورد خليكِ عاقله بس.
• مِن غير ما افتح دما...
_ مِن غير ضرب خالص، وبلاش مشاكل ... ووحياة اهلك بلاش تتخانقي مع حد فِي الشارع.
• حاضر يا ماما.
_ جدعة، قومي بقى ألبسي علشان تنزلوا تتقابلوا.
• حاضر.
__________________
" وصلت الكافية اللي هقابل فيه الأستاذ، دا أنا هخليه يتعقد مِن الجواز ... كُنت وافقة بفكر فِي أفكار جهنمية قبل ما ادخل ولكن وقفي حد خايف مِن القطة وبيهشها وشه مكنش باين أوي"
• أساعدك؟
- آه ونبي الله يكرمك خايف أوي.
" مسكت القطة وجريت وراه علشان يخاف كويس مِن القطط ويهشها كمان"
- أنتِ مجنونة؟، ابعدي عني.
• دي قطة جميلة خالص خُد تعاله بس .. كُنت بلعب معاكَ..
" داخلت الكافيه وقولت كفايه لعب خليني أشوف حكاية العريس اللي جاي متأخر دا ... لقيت ماما بترن"
• آه وصلت، لسه مجاش، أنا معرفش شكله صحيح.
_ هبعتلك صورته واتساب.
• خلصا، هو عرفني؟
_ آه.
• حلو أوي، سلام علشان فِي حد داخل عليَّ.
- ورد؟
• أيوة، علي صح؟
- دا أنا هتخانق معاكِ.
• ءن عملت ءيه؟، دا أنا لسه شايفك.
- بتاع القطة.
• طب حااسب فِي قطة وراكَ
" نَط لقدام بخوف، وأنا فضلت أضحك"
- حسبي الله ونعم الوكيل، يخربيت دي جوازة ... أنا ماشي.
• أنتَ ياض أقعد.
- نعم.
• أقعد بطل ما اطلع المطورة اغزك.
" تقريبا خاف فقعد"
• عرفني بنفسك.
- علي كلية هندسة ومِش خايف.
• ورد بكالوريوس حضانة.
- نعم؟ إيه الكذب دا؟
• بتقول حاجة يا علي؟
- ابدأ يا معلمة، كان نفسي فِي واحدة معاها كجي ون بس ربنا كرمني ببكالوريوس حضانة..
• الطمع وحش، طب أنتَ عارف نشيد الطماع والدجاجة.
- لأ.
• طب هقولهالك.
- لأ.
• هقوله ... كـان البخـيـل عـنـده دجــاجة، تكفيه طول الدهر شر الحاجة.... أوف نسيته.
- قدر ولطف.
• نتكلم جد شوية؟
- آه ياريت
• هنتخطب أسبوعين بالكتير علشان ماما ونسيب بعض ولا كأن شيء حصل.
- علشان إيه؟
• علشان خاطري.
- بعد الرعبة دا كُله علشان خاطري ...
• ماما هتزعل أوي لو رفضتك أنتَ كمان.
- هو كان فِي قبلي؟
• كتير يا جدع.
- موافق.
• تتفتح فِي وشك أبواب الدُنيا والآخرة.
- خلاص يا شحاته.
• هتيجي بكرة بقى تتقدم رسمي، والخطوبة يوم الخميس.
- أتفقنا.
• أنتَ لابس جزمة زي ليه؟
- ليه مصممة تخوفيني منكِ.
• عيل قلود.
- يا رب نطلع مِن فصل تانية تالت على خير.
• قصدك إيه بالقلام ضدا؟
- تأكلي كبدة؟
• آه ومخلل.
- ماشي.
• بس سبيلي الجزر.
- حاضر.
________________
" فات أسبوع بعد ما اتقدم متقبلناش ولا مرة ولا أتكلمنا غير إمبارح علشان خطوبة النهاردة ... تقريبًا مِن أول يوم وأحنا بنتخانق"
- لمي لسانك دا.
• هعضك مِن ودنك لوّ ما سكتش.
- يا بت اتلمي.
• ياض أسكت.
- أسكتي أنتِ الناس بتتفرج علينا.
• هفتح دماغك واخلي الناس تتفرج بجد.
- ٢ سنتي بتتكلم.
• أمي جايه علينا أسكت.
_ يا ألف مبروك، أخير يا ورد شوفتك عروسة..
• يا ماما عايزة أقوم اضربه.
_ أسكتي شوية .. أنا ما صدقت خلصت.
- هه أحسن.
_ ما انيل مِن سيدي إلا ستي.
• ههه .. أحسن.
- طب هاتي أيدك خلينا نخلص والبسك الخاتم والليلة دي تعدي على خير.
• دا أنا هطلع عينك بس أصبر..
- خطيبة الندامة.
• اتكلم بأسلوب أحسن مِن كدا.
- بس شكلك حلو النهاردة.
• وقبل كدا كان وحش؟
- تاني مرة اشوفك أصلًا.
• أصلًا .. تمام، هنخلص الخطوبة دي وتخرجني.
- ما تموتني ونخلص مِن فيلم الرعب دا.
• ههه .. دمك تقيل أسكت بقى.
- تمام، هروح أغير هدومي واجيلك.
• اتفقنا.
______________
- عايزة نروح فين يا ستي؟
• وسط البلد.
- تأكلي ايس كريم.
• آه، أنتَ لابس جزمة زي ليه؟
- أنا قلود أنا عارف..
• ولذيذ.
- أخير كلمة واحدة حلوة.
• ما تتعودش على كدا... أنا أصلًا عندي شروط عل اللي هتجوزه.
- زي؟
• مِش هتضحك؟
- ادينا بنرغي.
• يبقى عارف الدعسوقة، أنا أصلًا عايزة اتخطب بالحَلق بتاعها وهو بالخاتم.
- بحب لوكا أوي.
• بجد؟ وأنا كمان.
- وبحب آليا.
• كدا أنا بدأت أحبك.
- طب تعرفي أنتِ داني الشبح؟
• دا كان كراشي الأول.
- يخسارة القناة اتقفلت.
• يا بني التليجرام بقى بينزل كُل حاجة.
- أنتِ لازم تبعتلي لينك القناة.
• اتفقنا.
- اخيرنا اتفقنا على حاجة.
" ابتسمت"
- شكلك حلوة وأنتِ بتضحكي، استني اصورك.
• واضح أنك لطيف.
- وأنتِ جميلة.
• طب أنا لازم اروح.
- حاضر .. طلعتي بتتكسفي.
___________________
" حسيت أن مِش عايزة الخطوبة تخلص ولا الاسبوعين يعدوا أنا حبيته ولا إيه؟"
• بقولك حبيته يا بسملة.
- آه وفين المشكلة؟
• مِش عايزة أحبه.
- اتجوزي بقى عايزة البس فستان سواريه.
• يا ستي مِش طايقه.
- طب أنتِ رايحه فين دلوقتي؟
• نازله اقابله ... سسسس سلام.
______________
• هنروح فين؟
- مكان لذيذ.
• هو فِي ألذ منكَ؟
- أنتِ يا ورد.
• ماشي خلاص.
" روحنا كان لذيذ فعلًا أغلبيته ورد واستإذنة اروح الحمام .. رجعت لقيته واقف مع واحدة روحت جبتها مِن شعرها"
- أنتِ بتعملي إيه سبيها.
• وافقة معاكَ دي ليه؟
- واحدة زميلتي يا ورد سبيها وبطلي جنان.
• وأنتَ مالك.
- سبيها يا ورد بقولك.
• بتعلي صوتك؟، تمام ... سبيتها اهي، واهي الدبلة.
- أصلًا كُنا هنسيب بعض النهاردة .. وبعدين أنا مستحيل احب واحدة زيك لاسعة ولسانها طويل ...
• ماشي يا علي .. أنا ماشيه.
__________________
- بتعيطي ليه دلوقتي؟
• علشان حبيته يا بسملة وهو قالي كدا حسيت أن كرامتي فِي الأرض.
- ورد فوقي أنتِ شتماه بأمه مرتين والراجل سكت.
• حصل خير، مكنش قصدي.
- يعني الراجل يوم ما جيه اتكلم تعملي فيه كدا؟
• بس أنا مِش لاسعة يا بسلة.
- لأ طبعًا يا حبيبتي.
• بيرن عليَّ.
- ما ترديش.
• أيوة يا علي ... أيوة تعاله لماما قولها أننا خلاص كدا وكُل شيء قسمة ونصيب.
- حسبي الله ونعم الوكيل ... أمشي يا ورد.
• بطردني مِن بيتك؟
- آه امشي... حسبي الله ونعم الوكيل.
• تمام أنا هروح عند أمي ولا تقولي حسبي الله ولا تقولي برا.
- فوقي يا ورد أمك عايزة تجوزك وترتاح.
• تمام أنا ماشيه، أشوف الراجل اللي هيجيب أجل ماما دا.
- وطمنيني.
• حاضر.
______________
- مِش أنا سايبك الساعة ١٢ جايه الساعة ٤ ليه؟
• وأنتَ مال اهل..
_ أتلمي يا ورد عيب تقولي لجوزك كدا.
• جوزي مين؟
_ علي جيه يحدد ميعاد الفرح، هقوم اعمل شربات.
• مِش اتفقنا هنسيب بعض؟
- أيوة واتجوزك.
• مِش عايزة واحدة لاسعة زي؟
- لاسعة مِش مجنونة يا ورد تفرق، وبعدين جيت حَلق الدعسوقة؟
• بجد؟
- آه.
• يعني بتحبني؟
- أول ما شوفتك قولت هي دي اللي هسيب الجزر علشانه وأكُل أنا اللفت.
• الله يكرمك.
- أنتِ لابسة جزمة زي ليه؟
• بحب أقلدك الآه.
تعليقات
إرسال تعليق