-تقي تقي، فوقي خليكي معايا.
-لسه شيفاها قدامي لما كانت بتجري و بتلعب معايا وأنا صغيرة، وهي بتحضني وبتحاول تهون عليا كل حاجه،أمتحانات، زعل، كانت كل حاجه وكانت أطيب حاجه.
-بس أنت عارفه أنها في مكان أحسن.
-وده اللي مصبر قلبي لكني مش قادرة أتحمل كل ده مع بعضه، سبيني لوحدي لوسمحتي.
الفراق والموت أكتر حاجتين بيوجعو ووجعهم مش سهل يروح يمكن الموت أهون من الفراق مع شخص أنت عارف أنك هتشوفه كل شويه وبعد ما كان كل حاجه ما بقتش عارف تبص في عينه أصلا يمكن الفرق أن الموت محدش بيرجع منه لكن الفراق مع كل صدفه تخليك تشوفو تاني جرح قلبك بيفتح.
التأقلم مع الوضع صعب عقلي رافض فكره الموت أصعب ما في الموت الفراق وانك مش هتشوف الشخص ده تاني.
يمكن دلوقتي مابقتش عارفه أنهي أصعب أنه سابني وأتفارقنا وأن رجعنا التقينا هنتلاقي أغراب، ولا أن جدتي ماتت ومش هعرف أشوفها تاني وأنها كانت اللي بتوسيني وهتخرجني من كل ده، أكتر حاجتين يكسروا جولي في أسبوع واحد.
خلصت كتابه في مذكراتي زي العاده وقفلت النور ونمت، عايزه أهرب من كل الدوشه ديه.
-أصحي ياتقي.
-مش هخرج يا جليله أنا مرتاحه كده.
-هترجعي تنعزلي عن الناس تاني، هتبعدي وتسيبي قلبي تاني قلبك بقي وحيد ومش شايف قلبي فبتعقبيه علي حاجه ماعملهاش، وأنا ذنب قلبي أيه؟!.
عيط هي كمان منغيري بتوه بس مش قادرة أواجه حد ولا أواجها ولا عايزة أحمل حد فوق طاقته كفايه لحد كده.
-عيط، أمشي عشان خاطري ما تصعبيش عليا وجعي أكتر وأمشي لما أقدر هجيلك.
-اللي يريحك.
عدي شهر مش مده قليلة وأنا مش عارفه أتحرك من مكاني مع محاولات جليله لمواساة قلبي وأنا كإني جسد منغير روح معاها، مقدره حبها ليا وخوفها عليا لأدخل في أكتئاب تاني من الأحداث ديه وأروح لدكتور مروان اللي زهق مني.
-جليله أنا زي الفل مش محتاجه كل ده.
-محتاجه أنا قولت، يلا هم يا جمل،القطر رايح فين.
-أنِت بتأكلي بنت أختك في أيه يا بنتي.
-كلى وأنتِ سكته.
-حاضر يا فندم.
-تقي تقي،تعالي ننزل.
-لا هدخل الأوضه تاني.
-عقلك مش هيسيبك تعالي أقعدي معايا أنهارده.
-ماشي جايه.
روحت معاها عشان مش هترتاح وأنا مش جمبها، بس أنا مش عارفه أبقي كويسه حتي لو عايزه.
نمنا ونامت وهي حضناني كأنها خايفه إني أروح منها.
-لا لا سبوها هي اللي متبقيه بلاش لا.
-تقى تقي في أيه أصحي ده حلم.
-صحيت مخضوضه، حلم بجد طب الحمد لله.
-حصل أيه.
-حلمت بأهلي.
أنا وجليله جيران و صحاب من واحنا صغيرين لحد ما أهلها ما سافرو، من ساعه ما جدتي ماتت وهي قاعده معايا.
-حضنتها بسرعه.
-اهدي اهدي ده حلم بس كله كويس أنا معاكي.
-مش هتسبيني زيهم صح؟.
-عمري ما أسيبك مش هعرف أصلا أهدي.
-نمت في حضنها، سعتها حسيت إني لازم أرجع لدكتور مروان رغم كل اللي عملته ما نفعش و مشاكلي و أكتئابي أثروا عليا تاني.
نزلت منغير ما جليله تعرف وبعتلها رساله عشان ما تقلقش، قولت فيها إني عندي شغل في الشركه كتير وممكن ارجع متأخر.
-أذيك يا دُكتور.
-أذيك يا تقى، أيه الأخبار؟
-مش عارفه حسه إني رجعت لنفس الزعل والتفكير، الأحلام وإني مش عارفه أبقي كويسه.
-طب تمام كله هيبقي كويس، هتأخدي العلاج تاني وهتجيلي بعد أسبوع للجلاسات الجماعيه عشان أنت محتاجه ده وعشان ترجعي وتتعاملي مع الناس.
-تمام يا دكتور شكرًا.
روحت وعدي الأسبوع بسرعه، وكانت أول جلسه أنهارده كنت متوتره ومش عارفه هعرف أتكلم ولا لا هعرف أقول اللي جوايا ازاي؟!
-جليله عايزه اقولك حاجه بس ماتزعليش.
-أيه قولي؟
-أنا رجعت أروح لدكتور مروان، عشان حسه إني مش كويسه وأنِت رجعتي تشيلي همي تاني وأنا مش عيزاكي تتعبي أكتر من كده.
-كانت بتعيط وحضنتني، يمكن خافت أرجع زي الاول لوحدي مش بخرج مش بشتغل ومش بتكلم كتير.
-ماتخفيش، هبقي كويسه أنا رجعت للدكتور عشان ما أسبكيش وارجع سكته تاني، وأنا سبت الشغل لحد ما أخف؛ أنا ما كنتش في الشركه يومها.
-أنا بحبك أبقي كويسه عشاني أنا، أنا محتجاكي.
-حاضر أنزل بقي كفايه عياط بقيتي دراما أوي.
-أنا برضه طب أمشي بدل ما أحدفك بحاجه.
-سلام ده الطيب أحسن.
روحت ودخلت كنت خايفة يمكن عشان بقالي فترة مش بتعامل غير مع جليله بس معتزله الكل.
-أذيك يا تقي كويس أنك جيتي.
-لأزم أجي يا دكتور عشان عايزة أبقي كويسه.
-ديه خطوة حلوة جدا إنك عايزة كده بنفسك و مقتنعه، طب يلا مستعدة؟.
-مش أوي أنا خايفة.
-طبيعي عشان أول مرة هتتعودي مش لازم تتكلمي من أول مرة.
-تمام.
-أذيكم يا شباب، يوم جديد وجالسه جديدة، أهم حاجه أنكم تبقوا عايزين تبقوا كويسين فجيتوا هنا بنفسكم محدش جابكم غصب عنكم، و أول حاجه أنكم تتكلموا و تحاولوا تخرجوا اللي جواكم عشان الجلاسات ديه عشان
نساعد بعض ونعرف كل واحد حصلوا أيه ونتعافي من اللي حصل.
-يلا يا شباب مين يبدأ؟
-أنا.
-أتفضل.
- اذيكم هحاول أقول قد ما أقدر اللي جوايا، اسمي فارس،٢٠سنه عندي شركه جديدة، شركه مقاولات، من سنتين كده كنا طالعين مصيف كلنا ومبسوطين، فجأه في أقل من ثانية لقيت عربيه بابا وماما خبطتها عربيه تانية و أتقلبت وأنا واقف مش عارف أعمل حاجه، كنت مع ولاد خالتي في العربيه التانية ولما نزلنا لسه فاكر شكل الدم، روحت لبابا لقيته مش بيرد عليا وقتها حسيت إني بقيت في عالم تاني، روحت أشوف ماما علي الأقل حد منهم يفضل معايا لسه فاكر شكل عينيها وهي بدمع من الوجع حاولت أقرب منها مسكت أيديها لقتها بتقولي بصوت مش واضح، ماتخفش كله هيبقي كويس وحاولت تمسك ايدي بس أتوجعت، لسه فاكر عنيها ولما حست أن مفيش أمل وأن الوجع كتير قعدت تقولي أنت قوي مش ضعيف خلي بالك من نفسك و أتشاهدت حاولت أقولها تفتح عينيها أكتر الإسعاف قربت بس ما نفعش، سعتها حسيت أن كل حاجه أنتهت وإني يمكن كنت هبقي معاهم لو كنت ما ركبتش مع ولاد خالتي يمكن ما كنتش هحس بكل الوجع ده.
بدأ يعيط، و صحبه حضنُه.
فكره أن حد في أول حياته ويخسر أكتر أتنين بيحبهم صعبه اوي وشكله كان متعلق بيهم.
-شكرا يا فارس، فارس بيتعالج بقالو فتره وكان كويس بس رجع تاني تعب وكان لازم الجلاسات ديه أنتو اللي هتعرفوا تساعدوا بعض، شكرا ليكم أنهارده ونتقابل كمان يومين.
-كانت طول الجالسه سكته بس حسيت بوجعوا ما أنا مجرباه فقررت أكلمه.
-لوسمحت يا أستاذ فارس.
-أيوا أتفضلي.
-كانت عايزه أقولك إني حسه بوجعك عشان برضه خسرت أهلي؛ وأنك مالكش ذنب في موتهم ده قدر ومكتوب ويمكن أنك ما كنتش موجود في العربيه أكيد ليه حكمه أنت ما تعرفهاش، وأنهم أكيد عايزينك أحسن حد وشايفينك دلوقتي.
-شكرا لكلامك ده بجد مش عارف أقولك أيه.
-ولا يهمك ماتقولش عن أذنك.
مش عارفه كنت بقول الكلام ده ليه ولا ليا، بس أنا حاولت كتير أبقي كويسه وكل مرة كانت تحصل حاجه ترجعني للصفر مش ذنبي.
روحت وحكيت كل حاجه لجليله وطبعا جليله تسكت لا.
-قولتيلي بقي كلمتيه عشان صعب عليكي ولا كان حلو قوليلي.
-يابنتي انت فاضيه انا في أيه ولا أيه دلوقتي قومي من وشي أنا غلطانه.
-ماشي بكره نشوف وتقولي جليله قالت.
-نينيني أمشي من هنا يا بت.
عدي اليومين بسرعه وانهارده معاد تاني جالسه أو تاني حكايه هنسمعها أعتقد إني اللي هتكلم المرادي.
-يلا يا شباب مين هيتكلم انهارده.
-أنا.
-تقدم حلو يا تقي اتفضلي.
-شكرا يا دكتور، أنا تقي محاسبة، ٢٠سنه،زي دلوقتي من سنتين خسرت أغلي حاجه في حياتي أبويا وأمي،كانوا مسافرين وبعدها معرفناش حاجه عنهم وجي خبر أن الطياره غرقت ومحدش عاش، دخلت بعدها في حاله أكتئاب وروحت أتعالج عشان تيتا خافت عليا، روحت لدكتور مروان فضلت متابعه معاه كذه شهر والتزمت بالعلاج وبقيت أحسن بعدها أتخطبت لحسن وكنت بطلت علاج وبقيت أحسن، وبعدها بفترة أتغير وطلع في واحده تانيه وسبني عشانها.
فكره أنك معملتش حاجه غير الحب وده يبقي المقابل صعبه أوي، حاولت أبان كويسه وأن الموضوع عادي عشان تيتا ما تزعلش بس معرفتش كنت سعات بزعل وبعيط في جنب عشان ماتشوفنيش، و تيتا ماتت بعدها فالموضوع بقي صعب عليا أكتر بس بحاول أبقي كويسه عشان جليله ما ينفعش أخوفها عليا برضه، وهي كانت جانبي كتير ماينفعش أسبها.
-خلصت وحسيت أن في حمل من عليا قل شويه؛هو الكلام بينفع كده؟!، يمكن أه، وفكره أن كل اللي حواليك عاشوا حاجه زي كده بتحسسك أنك مش لوحدك وانك هتبقي كويس.
-أذيك يا تقي.
-الحمد لله يا فارس، في حاجه؟.
-مفيش كنت جاي أقولك أنك أستحملتي كتير وأنك قوية فعلا وهو مايستهلكيش.
-شكرا تسلملي، تحسنا عملين جلاسات دعم لبعض بعد ما كل واحد يتكلم يجي يقوي التاني، ويعتبر اللي بنقولو لبعض بنبقي عايزين نقولو لنفسنا.
-اتفق معاكي في ده جدا، المهم كنتي بتقولي أنك محاسبة أنت شغاله في حته ولا لا.
-لا للاسف سايبه الشغل من شهر.
-طب حلو.
-حلو ازاي ؟
-أقصد إني لسه بفتح شركتي واكيد عارفه انها هتحتاج محاسبين ومديرين ومهندسين طبعا، فلو ينفع أعرض عليكي شغل.
-بجد والله، أكيد أه شكرا اوي بجد.
-ممكن رقمك بقي.
-اه اكيد اتفضل011....
-تمام هبعتلك التفاصيل.
-جليلههه جليلههه سيبي المواعين وتعالي بسرعه.
-في أيه يا بنتي أتجننتي خلاص، مالك في أيه؟.
-خد رقمي جايبلي شغل.
-مين ده، يا خساره تربيتي فيكي.
-تربيه ايه فوقي بقول جايبلي شغل هو جاي يتقدم.
-أه صح كملي مين؟.
-ده فارس اللي معايا في الجلاسات.
-ااااه فارس قولي كده.
-تصدقي أنا غلطان إني جيت هنا أنا ماشي.
-اقعدي هنا ماتتحركيش.
-بترفعي عليا المغرفه، يا خساره الصحوبيه.
-اقعدي احكي كل حاجه.
حكتلها كل حاجه حصلت عشان ترتاح واخلص من التحقيق ده.
-وبس كده يا ستي يلا تصبحي علي خير.
وهربت منها أخيرًا.
-لسه داخله أنام لقيت رساله جت علي التلفون.
-أذيك يا تقي.
-مين؟.
-أنا فارس.
-اه تمام الحمد لله أنت أذيك.
-أنا كويس، لو فاضيه بكره ممكن تجيبي السي في و تيجي بكره الساعه ١٠ عشان تأخدي الشغل.
أيه السرعه ديه مالو ده، ممكن يخطفني؟!، يخطف مين الأفلام أثرت عليا.
-أه تمام هاجي بكره.
-مستحيل أحكي لجليله ديه هتجوزنا وهتقعد تتريق عليا
After one minute
-جليلههه نمتييي أصحي لاااا أصحي.
-أيه في ايه يا هبله خضتيني.
-فارس بعتلي.
-يا عيني ياعيني.
-أنا قولت ما أجيش هنا بس أعمل أيه صحبتي.
-عايزني أروح بكره ١٠ أخد الشغل.
-وماله هنستنا ونشوف.
-حدفتها بالمخده نامي أنا غلطانه.
-عايزة تجبيلي أرتجاج.
-بالمخده هجبلك أرتجاج بالمخده طب تعاليلي.
قعدنا نجري وراي بعض ونضرب بعض بالمخدات لحد ما تعبنا و نمنا.
-تقييييي اصحي يا تقي.
-ايه في ايه البيت وقع حصل ايه.
-يلا العريس مستنيكي.
-عريس مين قوليلوا مش عايزة، قصدك فارس صح هقوم أضربك.
-يلا هتتأخري.
-قايمه أهو حاضر.
روحت في العنوان اللي بعتهولي، أيه كل ده هي ديه الشركه الصغيرة، طب تمام.
-أذيك يا فارس.
-الحمد لله، نبدأ.
-أه أتفضل السي في أهو.
-طب تمام حلو أوي، ممكن نبدأ من دلوقتي لو فاضيه.
-أه تمام.
-تعالي هعرفك كل حاجه.
عدي اليوم وكان لطيف، كملنا علي الجلاسات شهر كده لحد ما أتحسنا.
-أقدر أقول أن ديه أخر جالسه وأن كلكم بقيتوا كويسين لما عرفتو بعض و أتكلمتوا مع بعض، أتمني محدش يتعب تاني و يجيلي وتعيشوا حياتكم.
-شكرا يا دُكتور.
خلصنا وروحنا و تاني يوم رحت الشغل.
-تقي بسرعه عايز ملف حسابات المشروع عندنا أجتماع أنهارده.
-حاضر.
-في غلط في الحسابات ازاي ده يحصل.
-مخدتش بالي انا أسفة.
-ازاي ما خدتيش بالك يعني، دلوقتي حالًا تصلحيها الاجتماع ناقص عليه ساعتين.
-حاضر دقيقه، كنت هعيط هو ليه بيزعقلي كده مش هو اللي متوتر وبيزعق لغبطني، يلا مش مهم لازم أخلص.
خلصت قبل الساعتين ما يعدو وأديتوا الملف وخرجت، روحت البيت وحكيت لجليله ونمت.
-سلامه عليكم.
-وعليكم السلام، مين؟.
-أنا فارس، تقي موجوده؟.
- أه أتفضل.
-تقي تقييي أصحي فارس جيه.
-أيه اللي جابه هنا.
-معرفش شوفي أنِت.
-والله، قوليلو مش هنا.
-قولتلو أنك هنا.
-خلاص خلاص طالعه.
-خمس دقائق وجايه تشرب أيه.
-طب تمام، شاي لو سمحتي.
-نعم عايز أيه حضرتك.
-حضرتك ؟!، أنا فارس في ايه، عارف إني زعقتلك أنا أسف والله بس الأجتماع كان مهم ومنغيرك ما كنتش هعرف أعمل أي حاجه، حقك عليا.
-خلاص ماشي.
-طب بالمناسبه ديه كنت عايز أقول حاجه.
-أتفضل.
-عايز أقول إني بحبك وعشان كده جيت زعلك ما يهونش عليا، وجودك خلاني أبقي أحسن، تقبلي تتجوزيني.
لقينا صنيه الشاي وقعت.
-هو قال أيه؟!.
-معرفش تعالي أقرصيني.
ضحك بصوت عالي.
-بحبك.
-وأنا كمان.
"من ظلام وحزن وخذلان، إلي أمل ونور يعيد إليك الحياة، فبعد كل حزن سعادة وبعد كل خذلان عوض أجمل وأيام أفضل، فكنت أنت حلو أيامي اللذي جاء بعد المر فكيف لا أسعد بوجودك ."
تعليقات
إرسال تعليق