بتحبني ..
بتحبني
طب قولي ليه خنت الهوي ليه بعتني
بتحبني
ولا انت جيت علشان يادوب احتاجتني
لما سابوك وسط الطريق تايه حزين
لما سقوك علقم وضاع فجأة الحنين
راجع تداوي كسرتك في حضن مين
ملقيتش في الدنيا ونس غيري أنا
اشواك وطرحت من وجع غيري انا
واللي جنيته في حقي يوم خلص بايد غيري انا
ونسيت يا عمري ان الجراح سلف ودين
بتحبني
أصدق ساعات الصدق كانت زيف
اكبر حصاد العشق كان الالم
جيت لك بشوقي طعنتني بالزيف
سلطان غرامي اتذل وحالي اصبح عدم
الحب جنة للي ذكي الروح
عن كل حاجة تخص ناس تانيين
الحب راحة لقلب كان بيصوم
واختار حبيب واحد ما بين ملايين
الحب طاهر لما يحضن روح
يغسل همومها لو جراح سكاكين
الحب نور يسكن قلوب عشاق
يحضن براح الكون بشوق وحنين
لو كنت حبتني بصحيح
كنت ارتويت من نهر حبي وصونتني
بتحبني
بحرك يا هايج من رياح أمشير
موجك يا شايل بين شطوطك عجب
قلبك يا هاجر من هواك بضمير
ورجعت تاني بدون ما تعلن سبب
غدرك رياح عصفت بقلبي كتير
حبيت انا وجريت عليك وخذلتني
بتحبني
وعد الهوي مالوش قسايم أو شهود
العشق روح مقسومة عدل في جثتين
نرقص سوا تحت المطر علي عزف عود
نتقاسم الضحكة سوا علي شفتين
ليه بعت قلبي جنيت عليه وكسرتني
بتحبني
وفر كلامك في الهوي لقلوب عفية
انا قلبي داب و معادش حمل اللعب بيا
واعرف بأن الحب أكبر مسؤولية
إزاي تفكر اني هاقدر ابني واحد هدني
بتحبني
مسكين يا قلب الجبل لو تطرح الأزهار
تطحن قليبك نغم وتحتوي جذورها
تقسم فؤادك بالسبيل ينبوع
ترفعها عنك في السما وتحتمي بنورها
تكبر في حضنك تأسرك بخشوع
يصبح ربيعك عدم لو تعيش دونها
وانت اللي لما لقيتني بتنفس هواك كسرتني
بتحبني
إبعد وخد حبك معاك وانا جرحي ليا
قلبي خلاص مابقاش بيتحمل اسية
كان نوري قايد والغرام كحل عنيا
كان حبي جنة وانت منها بكل قسوة حرمتني
بتحبني
شكرا جزيلا يا مبدع
ردحذف