_لو سمحتي
_ بتكلمني انا!
_اه بكلم حضرتك
_ ف حاجه!
_ كنت عايز اتكلم مع حضرتك بس لو ربع ساعه
" وقفت شويه خايفه اروح معاه شكله غريب اوي بس زعلت لما شوفته قاعد ع الكرسي الملعون ده "
_ ممكن تيجي!
_ اه جايه
_ شكراً ..
_ خير اي الموضوع
_ انا اسمي سليم عندي ٢٣ سنة كنت طالب ف كلية علوم و..
_ انت جايبني تعرفني ع نفسك ولا اي!! انا غلطانه اني جيت معاك اصلا..
_ استني بس ارجوكي اسمعي.
انا مقصدش حاجه والله بس حبيت اقولك من البدايه يمكن تصدقيني و تساعديني..
_ اساعدك ف اي!!
_ ف الميد تيرم اللي فات عملت حادثه و زي ما انتي شايفه دي كانت النتيجه اضطريت اطلع من الجامعه لأن كنت ف جامعه خاصه و كنت بشتغل علشان اعرف اجيب مصاريفها ع الاقل .. بس بوضعي ده مقدرتش اعمل حاجه و فضلت عاجز و السنة راحت عليا قررت اني اطلع من الجامعه و اعمل العمليه ع اقدر ارجع زي الاول ..
_ و أهلك فين!!
انا كنت وحيد امي و ابويا و للأسف مقدرتش اكمل معاهم الباقي من عمري توفاهم ربنا ف حادثه ..
_ ربنا يرحمهم يارب ..طب انا اقدر اساعدك ازاي!!
_ بصي انا مش بشحت و لا عايز فلوس من حد و لا هقبل ده ع نفسي نهائي انا بس شوفتك قولت انتي اكيد ممكن تشوفي ليا شغل بس بوضعي ده و اقدر اقدم فيه اي حاجه و اجيب فلوس اعمل العمليه اتمني تكوني فهمتي قصدي..
_ اه فهمت طبعا.. بس انا والله لسه صغيره ع موضوع الشغل ده و معرفش حد خالص بس أنا ممكن أسأل ناس تقدر تساعدنا..
_ تكوني قدمتي ليا خير والله و هفضل فاكر جميلك ده طول عمري ..انا دورت كتير بس مش لاقي..
_ لا أن شاء الله انا هلاقي و اكلمك .. لو ينفع اخد رقمك و لو لاقيت هقولك
_ اه اكيد ثواني اكتبهولك ..
خدي ده الرقم كلميني لما تلاقي يا...
_ هَنا اسمي هَنا..
_ تمام يا هنا و شكراً مره تانيه..
" مشيت و التفكير هيقتلني اول مره حد يحملني مسؤوليه كدا و دي مش اي مسئوليه دي كبيره اوي عليا دي حياه شخص تعلميه، حياته ، كيانه كل واقف ع مكالمه تليفون.. قد اي الدنيا دي صغيره ف ثانيه الحال يتشقلب.. اوقات نقدر نتأقلم مع اي وضع و اوقات نبقي واقفين و العجز حوالينا ف كل مكان .."
" روحت و كلمت كذا حد و للاسف محدش قبل بالوضع ده و خصوصا أنه مش خريج حتي .. فكرت اني اجمع مبلغ انا و صحابي و نساعد بيه بس افتكرته و هوا بيقول مستحيل يقبل فلوس من حد"
_طب اعمل اي عدي ٣ اسابيع و مكلمتش الولد يا تري حالته اي دلوقتي .. انا لازم اتصرف ..
= انتي هبله يا هَنا انتي عارفه انتي عايزه تعملي اي ..
_ اه عادي هشتغل بعد الجامعه اي المشكله..
_مش فاهماكي والله احنا عارفين نستغل اليوم ف مذاكرتنا علشان تقوليلي شغل .. انتي مش عارفه انتي ف كليه اي ! احنا ف طب يعني مفيش اي وقت لينا نهائي..
_ ميفرقش معايا الكلام ده سليم حملني مسؤوليه و لازم ابقي قدها..
= سليم مين!!!
_ انتي غبيه ! الولد اللي قولتلك عليه
= اه معلش نسيت اسمه..
_ المهم .. انا هشتغل ف الشركه اللي منه قالتلي عليها مرتبها و مناسبه ليا
= لا مش موافقاكي خالص ليه تتعبي نفسك علشان حد منعرفهوش اصلا..
_ بس الحد ده حملني مسؤوليه..
= انتي حره..
" اشتغلت اسبوع كان متعب اوي و خصوصا اني مش متعوده ع الشغل و كنت اول سنة ف أولي طب تعبت جدا السنة دي بس النتيجه كانت خير ..
كنت بحاول كل اسبوع احول الفلوس ع المستشفي اللي بيتعالج فيها ..عرفت اسمها و روحت حولت فلوس اول اسبوع و المستشفي قالت هيبدا العلاج و يعمل العمليه و طبعا ده علشان في فلوس ..
حولت الفلوس و قولتلهم من طرف عم سليم..
_ الو استاذ سليم محمود معايا!!
_ ايوا مين!
مستشفي الأمل مع حضرتك و حبينا نقولك انك هتبدا ف العلاج و حجزنالك اوضه..
_ ازاي! انا مدفعتش لسه فلوس خالص!!
_ عم حضرتك دفع اول دفعه و حضرتك كدا تقدر تبدأ ف العلاج
_ عمي مين!! انا معنديش ولا عم ..!
_ معرفش حضرتك بس حبيت ابلغك شكرا ..
" عدي اسابيع كتير و كنت شايفه سليم بيتعالج بس كان مش مبسوط..جه ميعاد الدفعه التانيه و روحت ادفعها..."
_ لو سمحتي عايزه احول الفلوس دي لاسم سليم محمود و قوليله من طرف..
_ استني .. هوا انتي اللي بتجيبي الفلوس دي!!
_ ءءءء انا كنت حابه...
_ انا قولت اني مش عايز فلوس من حد انتي عملتي كدا ليه قولتلك شوفيلي شغل انا هشتغل انا مش صغير و لا عاجز مش الكرسي الملعون ده اللي هيوقفني .. انتي كدا دمرتيني مش ساعدتيني .. لو سمحتي خدي فلوسك و ياريت تتفضلي متشكر مش محتاج مساعده تاني و فلوس الدفعه الاولي أن شاء الله اخف و اجبهملك اتفضلي...
_ استني بس انت لازم تكمل العلاج..
_ مش انتي اللي تقولي اكمل امتا و اوقف امتا انتي كنتي معرفه و خلاص شكراً ياريت تتفضلي مش عايزك قدامي
" حطيت ايدي ع ودني بعد ما زعق جامد قدام الناس مكنتش مصدقه وضعي .. ده اللي انا اشتغلت و تعبت علشان اساعده..ده اللي انا أثرت في مذاكرتي و دراستي علشانه .. قد اي كنت بلا قيمه و صغيره اوي قدامه .."
" روحت البيت و فضلت اعيط بسبب اللي حصل اول مره حد يزعقلي مبحبش الصوت العالي و خصوصا لو بغضب مش عايزه حد يزعقلي تاني !!"
" روحت تاني يوم الجامعه لاقيت لامه كتير و ناس واقفه قدام المبني كتير اوي "
" مشوفتش قدامي غير لوحه كبيره مكتوب عليها انا ٱسف يا هنآ قلبي اتخطف جدا بعد ما قراتها لاقتيه واقف و وراه الناس و ماسكين اللوحه و هوا قاعد ع الكرسي و بيضحك بعشم اني اسامحه انا معرفش اصلا اي اللي عرفه مكان كليتي !!"
_ انا اسف
_ محصلش حاجه عادي
_ انا عارف اني كنت سخيف معاكي .. بس انتي متعرفيش انا مريت ب اي و شوفت كتير .. احساس العجز ده لوحده اصلا كفيل أنه يدمرني .. انا موافق ع فكره اخد الفلوس بس بشرط لما اعمل العمليه هتاخديهم كلهم تاني ..
_ ماشي المهم بس تعمل العمليه و تقوم بالسلامه
_ انتي الوحيده اللي كنتي معايا خطوه بخطوه عمري ما انسي وقفتك معايا
_ لا انا معملتش حاجه والله ربنا يقويك يارب
" عدي شهرين و سليم عمل العمليه و قام من تاني .. كان قوي جدا محدش قدر يهزه أو يوقعه .. كان اقوي من كل قوي .. ديما كان متفائل و عارف ان الخير كدا كدا جاي طول ما ربنا معاه ..عمري ما سمعت منه كلمة" انا زهقت" طول فتره علاجه .. كان ديما يقولي المشوار قرب يخلص و هقف من تاني "
"عدت الايام و سليم اتقدملي و طلب ايدي قالي انا مجتش علشان حاجه غير وقفتك معايا وقفتي معايا و انا غريب عنك.. و هقف انا و انتي قصاد العالم و احنا مع بعض "
_ شكلي شيك!!
_ أجمل خريج بجد..
_ بس يا طالبه جماعيه انتي ..
_ كلها سنتين و احصلك متقلقش
_ و تبقي دكتوره و اتباهي بيكي
"انتي اصلا مش محتاجه حاجه علشان الواحد يتباهي بيها،انتي لوحدك فخر ليا"
_ و السنين اللي بينا و اللي هتبقي بينا هتبقي حلوه بوجود هَنا ف حياتي
و صوت ام كلثوم في الخلفيه بيقول
" سنين و مرت زي الثواني ف حبك انت"🌎
تعليقات
إرسال تعليق