_بت يا جهاد
_يبني اقعد ساكت بقي احنا في فينال هسقط بالله
_قومي اعملي عصير و تعالي
_هي خالتوا بعتتك علشان تذاكرلي ولا علشان تسقطني
_لا علشان احبك
_بتقول اي
_مبقولش حاجه قومي اعملي عصير
_يبني عندي امتحان بكره الله يخليك اقعد واشرحلي بقي علشان انجح
_حد قالك اتمرقعي طول السنه و تعالي ذاكري دلوقتي
_بالله عليك يعني انت عايزني عندي ابن خالتي معيد قمر كده في الكليه و اذاكر طول السنه
بس في عيوني _يعني انا قمر
اتوترت و ضحكت _يعني انت سبت كل حاجه و مسكت في كلمه قمر طبعا يبني انت زي القمر يلا بقي اشرحلي
_قومي بقي اعملي عصير و تعالي اشرحلك
قومت بزهق_استغلالي حقير
_طب والله اشيلك الماده
_انا اسفه والله انا عيل صغير
_طيب يلا انجزي انتي بضيعي في وقتك ووقتك
_اسم الله عليك يا اخويا وانت مشغول اوي
حط رجل علي رجل _يلا يا بت بسرعه و إلا مش هشرحلك
_يخربيت الزولم
"ضحك روحت المطبخ و رجعت بعصير بصلي باستغرابه وحطيته قدامه و ضحكت
_انتي لحقتي عملتيه
_لا طبعا ماما عملته
_وانا اللي قولت البت شاطره و هتطلع نافعه في حاجه
_اهه طبعا ما انا شاطره يلا بقي يا اخي هسقاااط
_اسكتي طيب ويلا نكمل
"بدأ يشرحلي وانا كنت مركزه بس ثواني اي رموشوا دي دي طويله و تقيله اتقلي من روموشي الله دي عيونو عسلي
_جهاد انتي مركزه معايا
_هه اهه عسلي
ضحك _هي اي دي اللي عسلي
_هه لا بقولك مركزه مركزه جاامد
_والله طيب يلا ركزي هتسقطي يبنتي
_طيب يلا
"قعد يشرح شويه وبعدها اتكلمت بذهق
_يووه انا زهقت من الكليه و المزكره دي جوزوني بقي
_مش لما حد يعبرك يبنتي هنجوزك
_لاعلي فكره انا عرساني كتير و معجبيني اكتر انتوا بس اللي مش واخدين بالكم
مسكني من زعبوطي _هما مين دول
ضحكت بخوف _بهزر يا رمضان اي مهزرش
_يسلام!
_انت قفوش كده لي يا حازم
_اخلصي يا جهاد عصبتيني
_انا ده انا حتي كيوت و قمر اعصبك ازاي
قرب راسه شويه انا اتوترت _ما انا عارف
_ع عارف اي
_انك زي القمر
_حازم !
_يلا يبنتي خليني اخلص بقي ركزي ها
"خلصنا و شويه وهو روح بيتهم وانا نمت ،تاني يوم امتحنت و خرجت لقيته واقف قدام المبني قرب عليا بلهفه
_ها عملتي اي
_حليت كويس الحمدلله
حط أيده علي قلبه _طيب الحمدلله ها هتروحي
_لا انا جعانه و عايزه اروح الكافيتريا اكل
_امم انا عارف انك استغلاليا قدامي علي الكافيتريا
_لا انا هروح لوحدي انا مش عايزه استغلك
_امممم لا يا اختي يلا قدامي
_ماشي ياحازم ماشي
ضحك _يلا يبنتي بلاش زن
"كلنا و بعدها جه واحد و قالوا الدكتور محتاجه هو مشي ،حازم ابن خالتي دايما معايا و بيدعمني حقيقي يعني مش عارفه من غيره كنت عملت اي !
_انسه جهاد
التفت_نعم
شد كرسي وقعد _بصي بصراحه عايز اقولك حاجه
_اتفضلي طبعا في اي
_انا اسمي احمد معاكي في القسم و طالب ايدك بحبك والله اتمني توافقي
_طالب ايدي
_اممم اي رايك
_اخويا جاي دلوقتي ممكن تطلب ايدي منه الدكتور حازم انت عارفه
_هو اخوكي انا توقعت كده برضه لاني بشوفكم مع بعض دايما
_طيب هو جاي اهو
"جه و قرب مننا بحده
_في اي يا جهاد
بصتله ببراءه_دكتورحازم احمد طالب ايدي
_نعم انتي بتقولي أي!
_اهه يا دكتور حازم انا طالب ايد اختك جهاد اتمني توافق
بصلي شويه و بعدها بصله _الراي رأيها
_ها اي رايك يا جهاد
بصتله شويه وبعدها بصيت ل احمد _سيبني افكر بس الاكيد هوافق يعني
_طيب بعد اذنكم فكروا و رودي عليا
"سابني و مشي وانا مشيت جنب حازم اللي متكلمش خالص ركبت معاه ووقف قدام البيت وبصلي
_انزلي
_حازم ا
_انزلي يا جهاد انزلي
"بصتله و كان شكله متضايق طلعت علي فوق وهو مشي ،كملت مزاكره و كنت قربت اخلص الامتحانات بس الفتره دي مشوفتش حازم خالص كنت مفتقداه كنت طالعه من المبني بصيت لقيته ماشي مشيت بسرعه و لحقته
_حازم حازم
لفلي وبصلي كان شكله متغير تحت عيونه اسود و دقنه كبرت شويه بس بصراحه بقي قمر
_اي يا جهاد
_انت مبتجيش تاخدني لي و حتي رسايلي مبتردش عليها !
_مش خلاص مادتي خلصت اعمل اي
_حازم انت متغير كده لي معايا
بصلي بحده _اسمي دكتور حازم متنسيش احنا هنا في الكليه انا معيد و انتي طالبه
بصتله بصدمه حاولت اخفيها_دكتور حازم حاضر بس ده مش كان كلامنا
_وبقي كلامنا في حاجه
_لا مفيش بعد اذنك
بلهفه مسك ايدي_جهاد استني هوصلك
بعدت أيده _لا مينفعش انا هوصل نفسي حضرتك دكتور وانا طالبه !
"سيبته ومشيت وانا متضايقه هو لي اتغير معايا كده روحت البيت و كان انا و ماما و بعد شويه لقيتها بتقولي خالتوا و حازم جايين عندنا ،قعدت احفظ نفسي انا هسلم علي حالتي و مش هكلمه
"هما جم وانا طلعت عند خالتي و سلمت عليها
_اي مش هتسلمي عليا يا جهاد
_لا مش هسلم عليك
_لي كده يبنتي انتوا حتي مكنتوش بتسيبوا بعض وبعدها تتكلموا في التليفون كمان
_اسأليه انتي يا خالتي بعد اذنك
"سبتهم و دخلت البلكونه و زي ما توقعت لقيته جاي ورايا و قف وبصلي
_انتي زعلانه مني لي
بصتله بعتاب _انت متعرفش انت عملت اي
بصلي بحزن _ما انتي يا جهاد نرفزتيني
_لي
_يعني متعرفيش انتي قبلتي انه احمد يتجوزك
_لا انا رفضته النهارده
_بجد مش قولتي هتوافقي
_ما هو بصراحه مش الإنسان المناسب
قرب مني و بصلي في عيوني _مين الشخص المناسب يا جهاد
بعدت عيوني _معرفش
بتمثيل حزن_متعرفيش انا قولت اجي اطلب ايدك النهارده وبعد الامتحانات نتجوز بس يخساره
بصتله بلهفه _احلف بالله
ضحك_يعني انا الشخص المناسب ولا لا
_طبعا ا
_اي انت بتضحك عليا صح
_لا طبعا انا بتكلم بجد ماما و مامتك بيتفقوا علي الخطوبه بره اصلا و هيقراوا الفاتحه دلوقتي
"شدني من ايدي و خرجنا بره و فعلا قرأنا الفاتحه انا حقيقي مينفعش قعدي يوم من غير من غير ما يكون في حياتي
_جهاد
_اممم
_اي بقي مواصفات الشخص المناسب بالنسبالك
_شخص لطيف و حنين يكون معايا و يشاركني افراحي و أحزاني يطبطب علي قلبي وقت الحزن و يقف جنبي و يدعمني
_انا ده
_انت كل حاجه حلوه دخلت حياتي
"مسك ايدي و باسها _ربنا يخليكي ليا و تفضلي منوره حياتي
_واخر حاجه يكون بيحبني
بص في عيوني _انا بعشق مش بس بحبك
ابتسمت _اي بقي مواصفات فتاه احلامك اللي كنت بتتمناها قبلي
"تكون طيبه ورقيقه تكون جدعه امي و اختي و صحبتي و حبيبتي
_هو انا كل ده ؟
_انتي اكتر من كده انتي دنيتي كلها بس سؤال بقي بتحبيني
_لا
"مسك هدومي _بتقولي اي
ضحكت و بصتله بتوهان _انا دوبت فيك
"انتمي إليك بكل تفاصيلي وارغب في الحصول على جزء من قلبك 🧡🦋
تعليقات
إرسال تعليق