بصت لمحادثة الواتس تانى وسمعت صوته في الريكودات (ريكوردات شغل بس كمان ) وبحزن وكسرة نفس قالت : امشي خلاص معتش احاول علشانك ! ،، انا غير مرغوب فيا ! ..طب ليه حسيت انك بتحبنى ليه حسيت أن جواك مشاعر من ناحيتى ..كل دا كان ليه ! ياريتني ماحبيتك وياريتنى ماقابلتك اصلا !
لأول مرة في حياتى أندم أن ف حد دخل حياتى
خلاص انا همشي معتش هحاول علشانك ..كفاية تعب معاك بما انك ماتكلمتش وماقلتليش اى حاجة ف القصة خلصانة ..القصة اصلا مكنش ينفع تبتدي قصة من طرف واحد اتعذبت فيها كتير وبكيت كتير استنيتك كتير تيجى تقولى انك بتحبنى بس الظاهر قلبى كان غلطان ،، وفي وسط الاحزان دي نامت نسيم
تانى يوم بيرن التليفون طلعت روان صاحبتها
روان : نسيم قومى قومي بسرعة المدير قالب عليكى الدنيا ..بيقول انك معاكى ورق مهم وعاوزه دلوقتى يلا يابنتى الساعة ٨ ونص معادنا ٧ ونص يانسيم
نسيم : يالهوي ،، صح طلع رن كتير بس كنت نايمة نايمة متأخر ..بصي هبعتلك الورق دا واتس وريهوله على ماجي
روان : نسيم ماتبعتيهوله مباشر يانسيم في أي ركزي
نسيم : روان مش عاوزة افتح محادثته بقا هبعتهولك أما اجى هفهمك اقفلى بقا عشان الحق اجي
ولبست بسرعة ورحت الشركة
المدير بصوت عالى : فينك ياست نسيم دا ينفع التأخير دا مخصوم منك لان دا ورق مهم
نسيم : مستر زين استن. ..
قاطعني : اتفضلي يانسيم يلا على شغلك بلاش تبريرات فاضية
خرجت بدون كلام ورحت ل روان
روان : ليه بيعاملنى كدا أنا كنت معجبة بيه وحتى والله حاولت عشانه وهو عارف ان ف مشاعر وحسيت أن في مشاعر من ناحيته بس فجاءة اتغير
روان (نزل من عينها دموع ) : معلش يانسيم اكيد لسه نصيبك مجاش
وخلص اليوم روحت بنفس الكسرة وزعل كل يوم
بفتح الفيس بوك لقيت رسالة جيالى من أكونت زميل ليا فى الشغل : ازيك يانسيم ،، بقولك شفتك انهارده زعلانة حبيت اسال عليكى بس
استغربت جدا من رسالته بس قررت أرد : ازيك يا يزن ،، بخير مفيش حاجة ..شكرا على السؤال
وقفلت ،، افتكرت صحيح مكملتش روايتى رواية ماهو الحب ؟
انا كاتبه كمان والرواية دى بنزل منها أجزاء هروح اشوف كومنتات الناس الجميلة على الجزء التانى منها
لقيت زين معلق : عندنا في الشركة كاتبه بالجمال دا
انا : يارب أنا شايفة صح ..ز ز زيييييين يالهوي اهدي يانسيم اهدي عادى زيه زي أى شخص ،، بعدين انتى قررتي تسبيه ومعتيش تحبيه فرحانة ليه ياهبلة انتى
بعد مناقشتي الجميلة دى انا ونفسي بقا قررت أرد عليه
ردي : شكرا مستر زين ،،، كملت مناقشة مع نفسى طب احط جمبها قلب احمر ولا قلب ازرق ولا لون ايه
قلب أحمر منا معجبة بيه .. طب لا لا انا تقيلة قلب ازرق هو انا اساسا بحب القلوب الزرقا ،، خلاص هو بيحب قلوب سودا هحطله اللى هو بيحبه ..ورديت على تعليقه
وبعدها بشوية لقيته مسح التعليق !
نسيم مع نفسها بردوا (هبلة عادى ياولاد ) : اى دا بقا هو مخه واجعه ..مسح تعليقه ليه دانا مصدقت يابشر
طب أنا هنكد علي الناس فى الجزء التالت من الرواية ماهو محدش يعرف أن الرواية بتتكلم على حاجات من حياتى بس الفرق انى في الرواية بضيف حاجات نفسي تحصل بس ..
لقيت يزن كمان معلق وكاتب : افضل كاتبة ، فى ضهرك حتى الوصول
بصيت للتعليق بتاعه كدا وقلت ياريت زين اللى كاتب ياريت كان هو
وعدي اليوم ،، صحيت تانى يوم قررت اني مابصش ل زين خالص ..كان نفسى مقابلوش خالص لكن للاسف هو مديري بقا هعمل ايه
اول ما وصلت الشركة وشفته بردوا حسيت بحاجة فى قلبى ناحيته طب اعمل ايه ،، بس حصل حاجة غريبة لقيته بيبص ل روان صاحبتي !
اى دا فى اى
بعدين كلمت روان وواجتها
روان : بصي بقا يانسيم هو بيحبنى وانا بحبه وناويين نتخطب
نسيم ( بصدمة ) : بيحبك ايه ياروان ،، داحنا عارفين اللى فيها ..الحكاية انك كنتى معجبه بيه وهو محبكيش وانتى مقلتليش دا انا عرفت دا بعد ماحبيته وانتى اللى حكيتى بلسانك وقررتى تبعدي . اول لما قلتلك انى معجبة بيه وفي حاجة من ناحيته قررتي تحبيه تانى ولا اى !
روان : لا يانسيم انا بحبه من زمان ..واهو دا اللى حصل الحب مش غصب يانسيم
ممسكتش نفسي وروحت ل زين المكتب : مبروك يامستر زين انت وروان ،، وسيبته وسبت الشركة ومشيت
روحت البيت وقفلت اوضتي : وقعدت أعيط صعب عليا نفسي ،، حبيبته من ٣ سنين وفي الاخر يعمل كدا رغم أن هو عارف انى بحبه طب ليه كل دا ليه يعمل كدا
طايب بقا انا لازم اعرفه انى اتحب واحب بقا .. رنيت على يزن ماهو زميلى وحاسة أن هو اللى هيساعدني
نسيم : بقولك يايزن عوزاك في حاجة ..بص احنا نتفق انك تخطبنى لفترة بس مؤقتة ونسيب
يزن : اى دا مش فاهم حاجة .. حكيتله كل حاجة وقرر يزن أن هو يساعدني
تانى يوم روحنا الشركة
نسيم : بقولك ياروان عزماكى على خطوبتي يوم الجمعة ..استنى ادخل افرح مستر زين ..ودخلت قلتله بس شكله كان زعلان حتى مقدرش يدارى بس انا مشيت بردوا
واتخطبنا انا ويزن فعلا ..يوم بعد يوم مستر زين بدأ يبان عليه الحزن وبعد اسبوعين بالظبط عرفت أن روان وزين سابوا بعض .. فرحت للاسف لان روان خانتنى لان طول عمرها بتغير وزين خلاص هيرجع ..بس أسيب يزن ولا ايه
فى نفس اليوم لقيت زين بيطلبنى على مكتبه : بصي يانسيم انا اكتشفت فعلا انى كنت معجب بيكى من الاول بس روان اللى دخلت كلمتنى وقررت انى احبها لانى مكنتش متاكد من مشاعري ناحيتك بس لما خطبتها حسيت انها مش الإنسانة المناسبة وهى كمان حست انى مش مناسب قرار الانفصال كان من ناحيتنا احنا الاتنين ..نسيم اى رأيك اتقدملك ؟
انا ( المفروض انى اكون فرحانة بس مش حاسة بردوا بالفرحة اوى عادى الموضوع : مشيت ..
كلمت يزن يومها حكيت ليه على كل حاجة وقررنا ننهي الاتفاق ونسيب بعض خلاص ...وبالفعل سيبنا بعض
وقفت قدام المراية كدا : اخيرا يانسيم اخيرا حلم حياتك زين اتقدملك ! ... طب أرد عليه اقوله ايه اتقل شوية ولا اى !
قررت اكمل الجزء الرابع من روايتى ماهو الحب وحكيت اللى حصل دا كله ..وكل الناس مستنية الجزء الخامس والاخير ان خلاص البطل والبطلة رجعوا وهيتجوزا ..النهايات السعيدة بردوا حلوة
بعدين كدا وانا بقلب كنت متابعة رواية اسمها رسالة لكاتبة اسمها ندي شريف ( انا ياولاد الحقيقة انا سيبكوا من الكاتبة نسيم ها ) ..لقيتها كاتبه اخر رسالة فى الرواية بتقول :عزيزى ،، أما بعد اخط لك هذه الرسالة الأخيرة : شكرا لانك كنت بجانبي دائما ، شكرا لانك اهتمت بكل تفاصيلى حزني وتعبي وفرحي ، لم أكن اعلم معنى الحب حتى رأيتك ..حقا كم هو قدري جميل .. ( ل : ندي شريف )
فكرت كدا ل لحظة لقيت يزن اللى عمل كدا يزن من اول ماخطبنى رغم أن هو عارف ان كان تمثيل لكنه كان مهتم بكل تفصيله ..لكن زين عمره ماعمل كدا حتى لو كان معجب بيا كان بيزعق لى لما كان بيعرف انى تعبانة بينزلنى الشغل لو عرف انى زعلانة مش بيهتم خالص لكن يزن كان حزنى بالنسبة له قضيته الاولى ..معقولة يانسيم حبيتى يزن !! ..معقولة ايه دا أكيد
بسرعة فتحت الواتساب وبعت ل يزن رسالة عارفة أن هو بيحب اللغة العربية الفصحى :
ماتَ الهوى فتعالَ نقسِمُ إرثَهُ
بيني وبينكَ والدموعُ شهود
خُذ أنتَ مني ذكرياتكَ كلها
وأنا سأحملُ خيبتي وأعودُ ..!
•جمعة جارد
يزن شاف الرسالة بسرعة كعادته : انتى بتقولى ايه يانسيم !! ع العموم لو مقلب كالعادة ف الشعر حلو اوى
نسيم : يزن انا حبيتك يايزن ومش هسيبك تضيع منى
يزن : ثوانى هقوم اجيب نضارتي حاسس انى شايف حاجة غلط بس ..
لبست النضارة ولسه شايف رسالة غريبة اوى
نسيم : يزن بقا يايزن الرسالة صح
يزن : بس اسف يانسيم انت قولتى اللى جواكى ومشاعرك بس انتى مش عارفة مشاعري خالص انا بتأسف وسكت ..
عرفت رده وقتها ..بعدها بدقائق لقيته باعت رسالة :" أأعودُ منتصِرا بكل معاركي
وأمام عَيْنيها البريئة أُهْزَمُ !
لي ألف بيتٍ بالفصيح أجدْتُها
لكنني في حبها أتلعثمُ "
-لقائله
نسيم : اول لما شافته خجلت وردت : احم انا عارفة انى جميلة يعنى المهم رجعلى الدبلة ولا انت حبيتها اوى
يزن : انا تحت البيت وطالع اجيب الدبلة اهو ى نسيم حياتى ...
نسيم اعتذرت ل زين وقررت مترجعش واتمنت ليه حد يكون افضل منها كمان وأنهت كتابة رواية ماهو الحب ؟
بزواج الابطال الحقيقة نسيم ويزن ♥️
تعليقات
إرسال تعليق