*صوت همس ضعيف بسمعه مش مميز منه اي حاجه غير ان صوت بنت صوتها رقيق بس هزيمه العالم كله فيه، بدأت أخاف عماره لسه بتجهز مفيش حد ساكنها غيري انا وصاحبي للكليه في الدور الارضي ودور فوقينا وشقه بلكونتها جمباً
_ تفتكر العماره دي قبل ماتتبني كانت اي ياعمر
_ بص يايسين انا شايف انك تذاكر عندنا آخر أمتحان الصبح في الترم، والترم التاني ندور علي سكن غير دا .
تصبح علي خير يايسين هنام أنا بقا
_ وانت من أهل الخير
كملت الليل مذاكره لحد آذان الفجر قومت صليت وقعدت علي المصليه بقول الاذكار بدأت أسمع صوت همس تاني حاولت أطنشه زي كل مره لحد م اسيب المكان هنا، بس الغريب المرادي ان صوتها كان بيردد بعض آيات القرآن كان حلو اوي وبيلمس القلب بتقرأ بطريقه صحيحه انتظرت لحد م أنتهت تلاوه وهنا أتأكدت انها مش شبح زي ما عمر الاهبل معتقد
_ صباح اللوز علي الناس الموز
_ضحكت.. روح أتوضي ياعمرو ربنا يهديك
صلي عمر ونزلنا للامتحان واكلنا ورجعنا
_ هروح أجهز أنا بقا والله هتوحشني الاسبوعين دول
_ وأنت والله ياعمر، طب ماتخليك لبكره
_ لا سافري طويل أنت عارف يايسين
ماتاجي عندنا يومين في البلد
_ لا يحبيبي شكراً
_ بسلامه ياحبيبي
_ بسلامه ياعمر، والله أتعودت علي وجودك هقعد ازاي من غيرك
بدأ يبص حواليه وهمس في ودني
_ خلي، أعوذ بالله أعوذ بالله ربنا يكفينا غضبهم .. تونسك
_ أمشي ياعمر والله هرتاح منك يلا بالسلامه بقا وقفلت الباب
كنت هقول للعمر سمعتها بتقرأ قرآن وانها بالتأكيد شخص زينا بس قررت أسكت لاني بسمعها دايما بوضوح لان عمر مش بيسمع غير همهه كده وممكن يفكر صوت رياح حسب م عقله يقوله
نمت اليوم كله من التعب والسهر وقومت الفجر صليت وقعدت علي المصليه اردد أذكاري واجهز لسافري ولكن...
=هههههههههههههه مش هقولك أستني زي كُل مره أنا اتعوت علي الوحده خلاص، انا بس معنديش غير الشكر ليك لانك خلتني انسانه جديده عارفه أنكم كلكم كذابين واننا مينفعش نتعامل بقلوبنا مع البشر، أنا خلاااص أنتصرت علي حبك أنا معدش يهمني بعدك ولا الناس ساامعني
كان نفس الصوت سمعته وانا بجهز شنطتي سبت اللي في ايدي وأتجهت ناحيه الباب فتحته وبصيت ملقتش حد بس هي لسه بتكلم والصوت مش واضح سبت الباب مفتوح ودخلت أجيب شنطتي لقيت الصوت مسموع اكتر من غرفه عمر فضلت أتمشي في الغرفه لحد م الصوت بدأ اوضح من ناحيه الدولاب زقيت الدولاب بكل قوتي لقيت وراه شباك صغير من خشب اتصنمت مكاني لدقايق وجريت بعدها قفلت بابا الشقه وفضلت واقف قدام الشباك القديم مليان تراب حولت أفتحه وأتفتح فعلا لقيت سلم خشب قررت انزل، ونزلت بالكشاف بتاع تليفوني
= أستني عندك مين سامحلك تنزل يايسين هنا
كان صوتها، فين القوه والشجاعه، عرق من كل جسمي، قلبي بيتنفض من الخوف
_ بسم الله، بسم الله أللهم أحفظني الله يخربيتك يايسين اي نزلك أنت مفكر نفسك كرشنا للانقاذ اي اللي بقوله دا
= ياسين، اي نزلك هنا، انا كنت عارفه انك ف اي وقت ممكن تلاقي النفق بس مكنتش اعرف أنك فضولي كده وهتنزل بسرعه
_ فضولي!!!!!!
= لفي وشك وتعالي ورايا وأطفي الكشاف د انا هنور نور لمبه صفرا مش بحب اللون الابيض
_ حاضر حاضر
لفيت وشي لقيت لقيت ست جميله اوي شعرها جميل لابسه فستان طويل للارض اكمامه واسعه من عند كوعها وفوق ضيق بس ضهرها ناحيتي فتحت النور، المكان مرتب مش تراب زي اي نفق كان من الحجاره الذهبيه، مليان صور ناس كتير بنات وشباب وكبار سن كان كائنات كوكب الارض عندها في الصور.
=هتفضل واقف مستغرب كدا كتير تعالي ورايا
مشيت وراها وانا لسه مش مستوعب حاجه بس عندي فضول كامل أشوفها
قعدت علي كرسي وقدامها تربيزه ميلت راسها عليها ف وشها بقي مش باين
=اقعد
_انتِ مش شبح صح؟!
= لا مش شبح، انا وهم
_وهم أزاي!!!
= زي الناس
_هي الناس وهم!
=هما اتخلقوا مش وهم بس خلونا موهومين بيهم فبقيني موهومين بحد وحد وهامنا والموضوع مشي مع الكل كدا فبقين وهم فعلا
_انتِ منزله رأسك لي؟
=لو شوفتني هتخاف
_أي حاجه ملموسه مش بخاف منها، وأنتِ أنسان هخاف منك لي
=عادي م الانسان بيأذي
_ لااا، كلنا واحد بنختلف في النيه والطيبه والصدق ودي حاجات مش ملموسه ف بنخاف منها طبيعي
=طب والحب يايسين!
قالتها بصوت غريب
_أنتِ مين، انا عايز أشوفك
_ اععع، غمضت عيني وبدأت أردد لا إله أنت أسُتعين بك في كل وقت
خايف، ومش خايف، شكلها غريب عمري ماشوفت حد كدا، بس ايداا فتحت عيني وشجعت نفسي
وبصيت ودققت فيها اكتر.
وشها يشبه راسمه مرسوم عليها وش مقسوم نصين نص مبهج سعيد ونص محطم باهت
_أنتِ موميا، لاا ، أنتِ مين؟
=سمعت عن اللعنه
قالتها وهي ماشيه لداخل مكان وانا ماشي وراها
_آه سمعت عن اللعنه
وقفت فجاه وبصتلي وقربت من وشي وقالت وهي بتضحك بصوت عالي
= أنا بقي لعنه الحب
_ يعني اي
=يعني بص حواليك، شوفت كل الناس دي أتأذت مني فحولني للعنه
_ بس انت جميلة
= بس أتأذيت من أشخاص ف وشي بقا بالمنظر دا
_ القلب اللي بيتأذي
= أنا عالجته بالقرآن لسه في علامات بس الملامح أستمرت في الباهتان
_ وصور الناس دي
= أتأذوا زيي في حياتهم
_ أنتِ عارفه اني هنزل منين وهلاقيكي!
= علشان انا اتمنيت كدا
_ لي!
= علشان متأذيش حد لما تحب، وانا واثقه من دا انت بتصلي الفجر يايسن وصلاه الفجر دي للرجال والحب بردو
اطلع يايسين أطلع
قالتها وهي بتشاور علي السلم
=اطلع، يلااا يايسن
بدأت اصعد السلم
_سلاام
=سلام، ابقي اقول لناس بره ميأذوش حد بيحبهم أحنا بندافن هنا زي ما انت شايف، حافظ علي قلبك يايسين وصلي كل يوم الفجر وأدعي بالحلال متشوهش قلبك بحاجه حرام لحد ماتحب في الحلال وأبقي ساعتها حارب وحافظ علي دا ، خلي نيتك دايما خير وعمار كده ، أوعي في يوم تأذي
_حاضر ..
قولتها وانا مصدم واقف علي السلم ببص بوشي ليها ولكل الناس اللي أتأذت دي وروحهم بهتت وملامحهم عجزت
قولت بصوت كله آنين
_هو لي أنسان ممكن يأذي أنسان زيه
_علشان أنت أتجننت وهتخليني اتلبس، فوق يا يايسين يخربيتك بتخرف وبتعيط لييييي
_ عمر انت جيت أمتي
_ جيت منين، انا لسه هسافر، انت كنت بتحلم بأي
_ولا حاجه، ولا حاجه
_ قوم صلي الفجر واجهز علشان نسافر
قومت صليت وقعدت اقرأ قران وأستغفر ربنا من الفزع اللي شوفته وسمعت صوت القرآن نفسه بس من البلكونه وعمر سمعه معايا فطلعت اجري ناحيته وعمر جاه جري ورايا
_ بقولك، بصي ناحيتي، يالعنه
_ نعم!
ايدا لا دي ست كبيره جميله بملامح بس باهته ومتحجبه وأنسانه زينا
_ أنتِ أسمك ايي
_ غفرآن يا ابني
_ انتِ عايشه هنا بقالك كتير
_ دي عمارتي اصلاا
_ عايشه وحدك لي
بصتلي ب أستغراب
_ نصيب، بس الوحده حلوه
_ علشان حبيتي وأتجرحتي صح
_ الحب من طرف واحد د لعنه
_ القرآن عالج قلبك
_ اي حاجه حلال دوا لينا من ربنا م بالك بكلام ربنا
_انصحيني نصيحه قبل م أنزل البلد ع مسافر
_ حب حلال وحافظ علي قلبك لحد ميجيلك ومتأذيش حد أوعي تأذي حد يايسين .
....................................................
عيب لما تبقي مسلم مأذي، القلب دَ أمانه هتاخده في يوم من شخص وهيبقي بين أيدك وهو من صنع ربنا حافظ عليه ارجوك ياعزيزي ..♥️
تعليقات
إرسال تعليق