- اعتقد إن السؤال نفسه غلط.
- ازاي؟!
- معنى انك سألتي السؤال ده معناه انك مابتحبيش نفسك عشان كده مش عارفه تخلي اللي حواليكي يحبوكي ، حبي نفسك الاول وأهتمي بيها أظن وقتها مش هتحتاجي حد يحبك قد نفسك.
- ايوه برضوا أخليه يحبني ازاي؟!
- حدفتني بالمخده .. تصدقي يابت خساره فيكي الكلام اللي بقولهولك.
هي مالها قفوشه كده ليه؟، وبعدين ايه ده! هي مالها بقت رضوى الشربيني ف نفسها كده !
أحِب نفسي ! انا عُمري ما فكرت قبل كده اني أحب نفسي!
انا كل اهتمامي وتركيزي مع ياسين ، شخص يمكن أكون مش من إهتماماته اساسا ! ، انا عارفه إني ضيّعت وقتي كله ف حاجه ممكن تكون مش مكتوبالي ، وعارفه كمان إني لو أتحطيت في مقارنه بيني وبين أي حد هطلع خسرانه، انا مش عارفه انا ليه عملت ف نفسي كده بجد! ليه دخلت ف دايره مش دايرتي، ليه بأذي نفسي بالطريقه دي!
- لو كنتي ف خَيار بينك وبين حاجه تانيه، إختاري نفسك دايما.
- بس ...
- صدقيني مفيش حاجه هتنفعك غيرك ، بلاش تحطي عَشمك ف حاجه ممكن اصلا تكون مش نصيبك ؛ العشم لما يكون في غير محله بيقتل، بلاش تتعشمي في حد، ولا تستني من إللي سابك مرة في عز حزنك إنه هيجي في يوم ويحس بيكي، بلاش تقتلي روحِك وأنتِ مش حاسه.
- دخلت أوضتي وقفلت الباب وانا بفكر في كلامها ؛ بصيت على نفسي في المرايا كنت بكلمني وانا واقفه قدامها ، انا استاهل .. استاهل حد يحبني من غير اي مجهود ، استاهل حد يحبني على طبيعتي ، استاهل احب نفسي وماستناش حد ، انا استاهل .. انا اتحب.
- افتكرت ياسين، افتكرت علاقتي بيه ، افتكرت أن لو انا مسألتش هو مش هيسأل، افتكرت قد ايه كنت ببذل مجهود عشان بس يحبني ويشوفني، بس اكتشف أن مع كل الحاجات دي انا خسرت نفسي وفقدت الثقه فيا ونسيت أحِبها ، نسيت إن اللي هيحبك هيحبك من غير أي حاجه وبدون سبب ، هيحبك عشان نفسك وبس.
- وقتها موبايلي جاله اشعار برساله منُه ، ياااه لسه فاكر يرد دلوقتي !
شوفت الرساله وماردِتش ، قفلت تليفوني وبصيت لنفسي وابتسمت .. انا اتحب بدون أي مجهود ، انا اختَرت نفسي عشان مَعنديش اغلى منها ، ضيّعت وقتي كله ف اللاشيء ،
وعشان كده في حاجات كتيره لازم تتغير للأحسن ، وأولهم .. أنا.
"سيأتي شخص يُحبك كما أنت ، يُهديك الأمان الذي تفتقده، يُعاملك كما يستحق قلبك تمامًا."♥️
تعليقات
إرسال تعليق