-حسناء لـ أنس وأنس لـ حسناء.
----------------------
ابتسمت بحُزن لـ ذكرى مَر عليها 20 سنة.
انا وأنس ولاد عم وكُنا عايشين فـ بيت عيلة لكن بابا جاله شُغل فـ القاهرة فـَ سافرنا.
-يعنى إيه هتسافروا يا حسناء ؟
-بابا هو اللى قالى اننا هنسافر.
-هو انتِ فرحانة يعنى؟
-ايوة يا أنس فرحانة جدًا عشان هروح اماكن جديدة.
-مش زعلانة انك هتسيبينى؟
-مش زعلانة عشان انت وعدتنى هتفضل جنبي بـ قلبك.
-وانا هكون قد وعدى.
كلام ممكن يتشاف أهبل من ولد عنده 10 سنين وبنت عندها 7 سنين بس الكلام ده كان طالع من قلوب صافية .. لكن للأسف هو موفاش بـ وعده وتقريبًا ميعرفش عنى حاجة غير انى اتخطبت واتسابت.
-يعنى ايه نسيب بعض يا مازن؟
-يعنى نفُضها سيرة.
-ودة ليه بقي؟
-انا مقدرش أكمل مع واحدة تعبانة وكل شوية تعب ومستشفيات.
-بوجع: تمام يا مازن اتفضل دبلتك.
-اتمنى تقدرى موقفي
هه اقدر موقفه؟ وهو ليه مقدرش موقفي وانى مليش ذنب فـ انى مريضة قلب؟؟ الموضوع ده محدش يعرفه غير بابا وماما وأخويا يوسف.
دق دق
-ممكن أدخل؟
-مَسحت دموعي: اتفضل يا حبيبي.
-حبيبت اخوها كانت بتعيط ليه بقي؟
-هاا لا لا مفيش.
-عليا انا بردو! احكيلى مالك.
-موجوعة يا يوسف أكن قطر عَدى عـ قلبي بدون رحمة .. انا مكنتش بحبه اوى بس كنت قابلاه وقابلة وجوده فـ حياتى .. ليه أتخلى وباع بالشكل دة؟ هو انا مستاهلش افرح يعنى؟
-مَسح دموعى وخدنى فـ حُضنه: تستاهلي يا قلب أخوكى هو اللى ميستاهلش دموعك وهو اللى هايندم ان كان فـ ايده كنز زيك وسابه .. صدقينى ربنا هيعوضك انا واثق من دة.
-ربنا يخليك ليا يا حبيبي.
-ويخليكى ليا يا قلب أخوكى.
متهيألى مفيش أجمل من انك يكون عندك حُضن تترمى فيه لما تكون مدايق او تعبان .. حد يسمعك ويهون عليك ويحاول يفرحك ولو معرفش يزعل معاك .. حد يطبطب عـ قلبك لما الدُنيا تقسي عليك .. اهو يوسف بقي هو أجمل حاجة فـ حياتى عامةً.
-حسناء يا حسناء.
-ايوة يا ماما.
-تعالى يا حبيبتى.
-خير يا ماما في حاجة ؟
-جَهزى شنطة سَفرك عشان جدك رَن عـ باباكى واتفق معاه نروح نقضي اجازة الصيف هناك.
-تمام يا ماما.
انا بحب جدو وبحب الصعيد بس قلبي بيوجعنى اوى لما أشوف أنس بيعاملنى أكنى واحدة غريبة .. قلبي بيوجعنى ان الانسان الوحيد اللى حبيته مـ ساعت مـ وعيت عـ الدُنيا مش بيحبنى.
-حبيبت قلب جدو حمدالله عـ السلامة.
-حَضنته: الله يسلمك وحشتنى اووى يا جدو.
-وانتِ كمان يا حبيبتى .. تعالى يا أنس سَلم عـ حسناء بنت عمك .
يسلم عـ مين يا عم جدو انت؟ والنبي ده لو نطق اسمى هترمى فـ حُضنه واقوله بحبك .. زى مـ بقولكم كدة اصل انا كرامتى اتوزعت فـ أكياس شيبسي اه والله.
-مَد ايده: ازيك يا حسناء.
-سَلمت عليه: بخير وانت؟
-كويس.
مشي وسابنى المشمحترم القمر دة! وانا قلبي المُهزق امال يدُق مـ ساعت مـ قال اسمى.
-عندى خبر حلو ليكم وبالأخص ليكى يا حسناء.
-خير يا جدو.
-خالد ابن العُمدة طلب ايدك منى.
ياللهول! الواد خالد ده قمر ومفهوش عيوب هرفضه ازاى بس!
-مرفوض يا جدو.
-انا أديته معاد وهاييجى بكرة نقرا الفاتحة ومعنديش كلام تانى.
سيبت الأكل وطلعت جرى عـ أوضتى .. ليه الكُل مُصمم يدوس عـ قلبي بالشكل دة! ليه اتجبر عـ واحد وانا مبحبش ومش هحب غير أنس! يترب انا تعبت من كل حاجة.
-ممكن اعرف بتعيطى ليه؟
-عيزانى اعمل ايه يا آية افرح وانا هتجبر عـ واحد معرفهوش!
-مقولتش كدة انتِ لسة هتقابليه وفي فترة خطوبة اتعرفوا عـ بعض فيها.
آية بنت عمى وهى اخت أنس.
-بس انا مبحبوش.
-إدى لـ نفسك فُرصة يمكن تحبيه.
اتفقت مع نفسي لو أنس معملش اى حاجة من دلوه لـ بكرة انا هوافق عـ خالد .. مانا مش هفضل متعلقة بـ حبال دايبة!
-إيه رأيك فـ خالد با أنس ؟
-كويس.
-يعنى اوافق؟
-براحتك.
-يعنى هو كويس ولا لا؟
-زَعق: يووه قولتلك كويس.
يغتى قمر وهو متعصب
-تمام بلغ جدو انى موافقة.
بصلى بـ نظرة مش فهماها هى حيرة ولا عتاب ولا فرحة ولا حُزن؟ دقيقة بالظبط ومشي من قُدامى وانا طلعت اوضتى عيطت لحد مـ نمت.
-حسناء إصحي إصحى.
-في ايه يا آية عايزة إيه؟
-مش انا اللى عايزة أنس هو اللى عايزك تحت.
نزلت معاها وانا مش فاهمة هو عايز ايه؟ ومصحينى ليه وكُل الناس نايمة؟!!
-خير يا أنس في ايه؟
مردش عليا مَسك إيدى وسحبنى وراه لحد العربيةوانا مش فاهمة حاجة!
-في ايه يا أنس مـ تنطق ؟
- ....
-قولى رايحين فين طيب؟
- ....
-يابنى طب انت سامعنى؟
-ممكن تسكتى شوية انتِ كلتى دماغي.
-مش لما أفهم في ايه؟
-مش مُهم تفهمى.
-يوووم والله انط من العربية ومش هايهمنى حاجة!
-لو تقدرى نُطى.
بصيت للطريق اللى شبه الصحرا فـ خوفت وسكت.
-هه يعنى سكتى؟
-خلاص يا جدع كنت بضحك معاك.
-والله.
-اه والله.
-حيث كدة بقي مسمعش صوتك لحد مـ نوصل.
-بس...
-حسنااااااء
-نامت .. حسناء نامت.
فضل ماشي شوية لحد مـ وصلنا عند بيت قديم سيكا بس شكلُه لَطيف.
-ممكن أفهم جايبنى هنا ليه؟
-بقي عايزانى أبلغ جدو انك موافقة صح؟
-ايوة موافقة.
-ودة من إيه ان شاء الله؟
-وأنت فاكرنى هافضل من غير جواز يعنى!
-حيث كدة بقي طالما ملهوفة عـ الجواز فـ انتِ مش هتكونى لحد غيرى يا حسناء.
-ماشي حاض...إيه قولت إيه؟
-قولت مش هتكونى لحد غيرى.
-ودة لية ان شاء الله؟
- ...
-سكت ليه مـ تقولى ليه؟
- ...
-هاتنطق ولا أخبطك بالعربية اللى مش بعرف اسوقها دى؟
- غمز: مش جايز بحبك يا جميل.
بالنسبة لـ حسناء احنا نلغيها لان حواراتها كترت.
اوووه مااى جوود أنس بيحبنى يلهوى يلهوى بيحبنى هيييه هيه.
-ايه يا بنتى روحتى فين؟
-بستوعب الصدمة.
-إيه اىصدمة فـ انى بحبك يا هبلة انتِ؟
-يعنى انت بجد بتحبنى؟
-لا بحبك كدة وكدة.
-وانا كمان بحبك بردو.
ماله دة؟ هو متنح كدة ليييه؟
-يابنى انت!
-احلفي بالله كدة انك بتحبينى؟
-انا شكلى حبيت واحد مجنون.
-ابتسم بـ فرحة: جه الوقت انفذ وعدى ليكِ.
-ابتسمت: كُنت واثقة إنك هتكون قد الوعد.
روحنا البيت وقولت لـ جدو كُل حاجة وبدل مـ تكون قراية فتحتى عـ خالد بقت قراية فتحتى عـ أنس.
-انتِ مش مُتخيلة انا فرحان قد ايه.
-وانا والله حاسة انى هطير مـ الفرحة.
-مكنش ينفع اسيبك لحد غيرى .. مانا مش هفضل 20 سنة بحبك وفالأخر تضيعي منى.
-20 سنة!!
-ايوة مـ ساعت مـ سافرتوا وانا منستكيش وكنت بستنى الكام يوم اللى تيجوا فيهم عشان أملى عنيا منك .. كنتِ بتوحشينى اوى والله .. ولما عرفت انك اتخطبتى الدنيا اسودت فـ عينى.
-كُنت فاكراك نسيتنى ونسيت وعدك ليا.
-عُمرى مـ نسيتك .. محدش بينسي روحه يا حسناء .. عايز اقولك الشهرين اللى فضلتِ مخطوبة فيهم كانت اسوء فترة فـ حياتى بس روحى رَدت فيا لما عرفت ان محصلش نصيب بينكم.
-انا اسفة عـ الوجع اللى كُنت انا السببفيه.
-متتأسفيش انا كمان كُنت غلطان انى معترفتش وماخدتش خطوة.
-مَسكت ايدُه: سيبك مـ كل دة المهم اننا مع بعض دلوه.
-قلبي بيحبك اوى يا حسناء.
-وحسناء بتحبك اوى يا أنس
-----------------
-حسناء اصحييييي.
-نعم يا ست آية عايزة ايه؟
-مش انا اللى عايزة.
-اومال مين؟
-اناا.
بصيت عـ الباب لقيته واقف بيبصلي بـ حُب .. لا يجماعة اكاد من فرط الجمال اذووب اه والله هذةب.
-اطلعى انتِ يا آية دورك خلص.
آية حبيبتى وصحبتى واكيد مش هتسيبنى لوحدى اكيد لا.
-يلا سلام يا سوناا.
-آه يا ندلة.
دَخل هو وساب الباب مفتوح وقعد عـ طرف السرير.
-نتمنى الإقامة تكون عجبت حضرتك يافندم.
-ياريت كوباية شاى يا حسناء والنبي.
-ضربته بـ المخدة: شاى ايه يا حيلتها انت فاكر نفسك فـ فُندق!
مسك المخدة وقرب عليا وأنا ببعد.
-يسطا اكتر من كدة هانط مـ البلكونة!
-وانا ميرضنيش تنُطى مـ البلكونة.
-كُنت عارفة انى مش ههون عليك.
-انا عرميكِ مـ البلكونة بنفسي
-صدق الاستاذ أحمد سعد لما قال مُعظم جراحنا بتيجى مـ اللى احنا اديناهم.
-هرمونات بتتكلم! اول مرة اشوف هرمونات بتتكلم.
-والله لو اتريقت عـ هرموناتى تانى لهتبقي دم يا سيد.
-اتكلمى عـ قدك.
-لا يابا مش عشان انت اطول منى وبتبرقلي وبتزعقلى وبتمسكنى من قفايا يبقي هخاف منك لا فوق لنفسك كدة.
فيها ايه لو سكت ولميت لسانى بدل مـ انا متعلقة زى الهدوم اللى بننشرها كدة!
-نزلنى يا أنس والنبي.
-مش انتِ عاملة فيها اللى قادرة عـ التحدى وعـ المواجهة .. استحملى بقي.
-يا جدع بفرفش معاك ميبقلش خُلقك ضيق كه .. اجيبلك خُلق استريتش؟
اسكت يا لسانيييييي ياللى مش هترتاح غير لما يرمينى مـ البلكونة.
-عايزة تجبيلى خُلق استريتش مش كدة؟
-والله مـ حصل يا باشا.
-قصدك ان انا كداب يعنى؟!
-محصلش عليا الطلاق محصلش.
-مش لما نتجوز الاول يا هبلة تبقي تحلفي بالطلاق!
-صح انت صح.
-يخربيتك نستينى انا كُنت جاى ليه!
-ايوة صحيح عايز اايه؟
-عايزك تجهوى عشان كتب كتابنا هيكون بليل؟
-اجهز عشان كتب كتاب مين؟!
-انا وانتِ.
-ايوة انا وانت هنروح كتب كتاب مين بقي؟
-لا مـ هو بـ غباءك دة هتكون قراية الفاتحة عـ روحى ان شاء الله.
-ياعم بعد الشر .. قولى بقس الولية اللى كتب كتابها بليل دى انا أعرفها؟
-اللى هى انتِ؟ لا متعرفيهاش.
-اوصفها كه.
-هى جميلة اووى وتخطف القلب كدة.
-زيي يعنى.
-شوفتى!! سبحان الله لا وكمان واخدة نفس غبائك.
-حظك حلو.
-انا ماشي قبل مـ اموتك .. سلام.
-استنى طب هجبلك بونبونى.
مشي وسابنى المُهزق اللي بحبُه دة! يلهوى يعنى انا كتب كتابي بليل؟!!! يا دى النيلة السودة .. وحدد المعاد من غير مـ يقولى حتى! دة انا هنكد عليه الليلة دى.
"بارك الله لكما وعليكما وجمع بينكما في خير"
بعد مـ سمعتها حسيت بـ فرحة غريبة اوى .. أكن كل الدُنيا بتطبطب عـ قلبي.
لقيت يوسف جاى يعيط.
-حَضنى: خلاص بقيتى عروسة يا حسناء.
-ضحكت: تخيل حسناء الهبلة بتتجوز.
-هتمشي وتسيبينى خلاص.
-لا طبعًا هاجيلكم كُل يومين تلاتة كدة.
-تنورى يا قلب أخوكى.
-حبيبي.
الأخ ده نعمة كبيرة ومهما تتخانقى معاه هيفضل هو اول حُب وأول راجل فـ حياتك .. حافظوا عـ اخواتكم يجماعة وقولزلهم انكم بتحبوهم عشان الاخوات دول جُمال اووى بجد.
-باس راسي: اوعى تنسي فـ يوم ان حُضنى مفتوح وهاحب اسمعك دايمًا ولو الواد أنس دة عملك حاجة قوليلي وانا هطلقك منه علطول.
-أنس جِه: ماله أنس بقي؟ مـ هو سايبك تحضُنها براحتك مع ان مفروض انا اللى احضُنها.
-تحضُن مين يابا دة فـ احلامك.
سيبتهم ودخلت الاوضة وهو فعلًا كان عايز يحضنى ؟؟! دة طلع مشمحترم بقي!
-تؤتؤ عيب يا سونا لما تقولى عـ قرة عينك انه مش محترم.
-خضيتنى حرام عليك.
-سلامتك مـ الخضة يا جميل.
-اطلع برا.
-انتِ بتطردينى؟! طب مش طالع.
-يا أنس!
-قلبه والله.
-سكت فـ ابتدى يقرب وهو بيبصلى بـ خُبث: كنتِ بتقولى انى مش محترم صح؟
-بتوتر: لا لا طبعًا مقدرش اقول كه.
-قرب أكتر: مُتأكدة؟
-احم اااه اه طبعًا.
-فرحانة يا حسناء؟
-انا طايرة مـ الفرحة والله.
-قرب: وانا مش قادر اوصفلك فرحان قد ايه ان أجمل وأهم حلم فـ حياتى اتحقق.
-حَضنى: انا بحبك اوى يا حسناء.
-وحسناء بتحبك اوى يا أنس.
وفي الخلفية صوت عمرو حسن وهو بيقول
"عاوزين يعرفوا حَبيتك ليه؟ ييجوا يشوفوا، القَمر إللى سلامُه بِعنيه مش بِكفوفُه"♥️
تعليقات
إرسال تعليق