خاطرة بعنوان "عيناها اللامعتان" بقلم المبدعه «أسماء عطيه » |تورنيد مصر

صُبح والشمس لسه طالعه.. الهوا نضيف..صوت عصافير تقوم تعمل فنجان قهوه وتشغل صوت الست.. لا لا ست اى هنشغل عبد الباسط عبد الصمد وياسلام ع الروقان وانت بتتنفس هوا الصبح النقي دا و.... 

استوووب نسيت اعرف بنفسي... انا لافندر عندي 21سنه وف رابعه كليه من غير ماحد يقول ازاى فانا متقدمه سنه في الدراسه تمام! نرجع للموضوع تاني بقي

-ايوه ي مسك والله طالعه اهو 

-حساكي بتكدبي اوي وانك لسه بتلبسي، طب عيني ف عينك كدا

-عيني ف عينك ازاى ي غبيه احنا بنتكلم فون

-معلش انسجمت شويه، المهم خلصي الدكتور مش يدخلنا

-ف السكه اهو سلام

-لحقنا اهو الحمدلله عشان متزنيش ف الفون تاني 

-ياشيخه قولى الحمدلله ان الدكتور اتأخر كنا اتهزقنا

-خلاص ي ست الحمدلله اكيد

عدى شويه وسمعت صوت قرآن م ورايا بس مش اي صوت كمان ولسه الدكتور مدخلش

-مسك هو انتي مشغله قرآن 

-لا ليه

-مفيش بس حسيت اني سمعت حد مشغل عبد الباسط 

... 

-مسك والله لسه سامعه الصوت

-مش عارفه ي لافندر متدوشنيش لاقتلك بالقلم ده

-خلاص اسكتي اسكتي مش عارفه انا مصحباكي ليه

-يمكن عشان انا قمر صح! 

-دا امر بالستر ياحلوه

-نينينيني.. 

-بصيت بتلقائيه ورايا لقيت ولد بيقرأ قرآن، صوته حلو.. يلمس القلب ويحسسك بالدفئ كدا وبيحتضن قلبك بالقرآن..... لسه فيه شباب بتقرأ قران وعارفه ربنا لسه في خير الحمدلله  

-سامعه ي مسك 

-ايوه صوته حلو ماشاءالله هو مين دا

-مش مهم هو مين المهم اني اسمعه.. 

(خلصت المحاضره وبصيت ورايا وانا ماشيه لقيت الشاب دا باصصلى وبيبتسم اه والله زي مابقولكوا كدا) 

-مسك الحقي دا بيبصلى هو خد باله اني كنت بسمعه!! يكونش خد باله! 

-يكونش! اتنيلى دا انتي كنتى قربتي تقعدي جنبه من كتر انتباهك، اكيد خد باله

-لا لا اكيد مخدش باله، هو بيبصلى كدا ليه هو انا سرقت منك حاجه يابني

-لافندر يلا نشتري اكل

-(طب هو هيفضل فاكر شكلى... طب اغير لون الخمار طيب عشان ينساني ااااه فكره عبقريه معرفش جايبه الذكاء دا م....) 

-لاااااااااااااااافندر

-اي ي مسك اي خضتيني والله 

-سرحانه ف ااااااااي بتبرطمي تقولى اي ها

-مفيش حاجه ي باشا روق بس

-طب يلا نشتري اكل يلا يا ام قرآن

-قرآن اي ي بت اتلمي دا انا كنت بقول لو يعني غيرت لون الخمار مش يفتكر شكلى صح اصل عايزه اقعد كل يوم م غير مايعرفني ف سبيل اسمع صوته بس... 

-هي السناره غمزت بقي

-بت يلا عشان اطفحك ها يلا

- هه، يلا ي ڤندوستى يلا

(اشترينا اكل واكلنا وببص للميه لقيتها فاضيه) 

-طب ماتخليكي جدعه ي مسك وقومي املي ميه

-لا انا باكل قومي انتي خلصتي الله 

-خلاص متزقيش قايمه اهو

-ينهار ابيض حتي كولدير الميه عليه زحمه

(اتفضلي املي.... كان صوت واحد ف ببص لقيته اللى كان بيقرأ قران فوق... اه والله بجد) 

-لا لا خلاص شكرا مش عايزه 

-استني... يـ.. خدي.. 

(اي دا انا اعصابي سايبه ليه لافندر اهدي اهدي محصلش حاجه، نفس عميق واهدي تمااام كدا) ، 

-مسك خدي

-اي دا 

-انتي شايفه اي

-زحاجه الميه

-طب شاطره اهو يعنى لسه بتشوفي يلا روحي امليها بقي

-مملتيش ليه؟ 

-اهو وخلاص روحي املي انتي بقى

-ربنا يصبرني عليكي يـ بلوتي والله 

-يلهوي بتموت فيا 

اكلنا وخلصنا و ودعت مسك ومشينا... احساس انك تبقي بعيد عن اهلك لمجرد ان دراستك جبراك انك تسكن بعيد عنهم دا احساس وحش اوي ايوه اسالوني انا.. وحيد في مكان غريب حتى لو تعرف كل اللي حوليك بس مفيش دفئ البيت ولا ست الكل وهي جيه تصحيك الصبح وتتلموا الصبح عشان تفطروا ولما تبقي مدايق مفيش الحضن الدافئ اللي يينسيك كل حاجه ويقولك ولا يهمك ي حبيبتي ماما جنبك.. لا كله مختلف انت بتحل مشاكلك لنفسك، بتقوم تعمل اكل بنفسك بكل ملل طلع حلو او وحش محدش هيديك رأيه، وهكذا بيمشي حال يومك بكل ملل.... 

-مسك فينك انا ف المدرج وشيلالك مكان جنبي 

-قربت على الكليه اهو مسافة السكه

-ماشي يلا عشان كتير داخل المدرج وخايفه حد يقعد و...... اي دا

-اي ي لافندر حصل اي

-اقفلى دلوقتي سلام، 

-معلش دا مكان صحبتي

(لف وشه نحيتي... دا نفس الشخص بتاع القران وهو برضه بتاع الميه) 

-معلش مكنتش اعرف هقوم حاضر و..

(مكملش كلامه ولاقني قومت من جنبه وجت مسك وهزقتني عشان قومت مع اننا مش بنلحق المكان دا على طول بس مش مشكله اهم حاجه ماء وجهي اتحفظ هه) 

-مسك روحي انتي انا هستني وحده قريبتي هنا هتخلص ونرجع سوا

-ماشي عايزه حاجه 

-لا يـ حبيبتي كتر خيرك

-فكري

-افكر! بت هو انا عشان قولتلك يـ حبيبتي هتسوقي فيها اتكلى على الله يلا

-يماما اي ده ماشي سلام 

-هه سلام

-ايمان ازيك

-لافندر اخيرا شوفتك عامله اي وحشتيني جدا والله 

-وانتي اكتر بجد، عامله اي ف الدراسه

-اهو ماشي الحال الحمدلله، انتي عامله اى.. مبسوطه ف الكليه

-مش عارفه اقولك اي بس انا بحاول احب الكليه يمكن عشان بقي امر واقع مش عارفه بس لمجرد التفكير بس إنك اديلك كام سنه بتحلمي بكليه وبين يوم وليله بقيتي في كليه تانيه لا واديلك اربع سنين في الكليه كمان دي حاجه صعبه وعايزه وقت اكتر بس انا قدها إن شآء الله 

-ربنا يراضيكِ انتي قدنا و واثقه انك هتبقي حاجه كبيره ف المستقبل

-معدتش فارقه يـ ايمان والله بس اهو يارب

-يارب ي حبيبتي 

-طيب انا اتاخرت معلش بقي وهشوفك تاني اكيد ها

-اتمني دا وهكون علي تواصل معاكي

-ماشي حبيبتي توصلي بالسلامه.... 

-ماله يعني الواحد لما يمشي لوحده كدا ويشغل عبد الباسط ويتسمتع طول السكه مش احسن من النم اللي بنعمله انا ومسك والله مفيش غيرها اللى ه.... 

-لو سمحتي

(اي ده الصوت ده انا عرفاه.. نهاااار ابيض دا هو بتاع المدرج دي كانت وقعه بيضه يوم ماقعدت قدامك بجد) 

-على فكره بنادى على حضرتك 

-عفوا ! هو اى حد ينادي عليا هقفله!! 

-عجبتيني.. 

-عفوا 

-بقول اكيد لا، انتى صح 

-وبما اني صح يلا سلاموا عليكوا

-استنى معلش... ممكن اعرف اسمك

-والمناسبه!  

-عادي زمايل في الكليه

-لا دي شكلها هبت منك علي الاخر روح العب بعيد يـ سكر انا مش من النوع ده، وبلاش تاخد بالك معايا ف الرايحه والجيه

-لا عجبتيني تاني 

بصتله و رافعت حاجبي مع العلم ان كل الكلام ده كنت وانا ماشيه ومبصتش في وشه

-فضل مبلم في عيني......، معلش هو حضرتك بتشبه عليا اني سرقت منك حاجه ولا في اي

- بالعيون دي لازم تسرقيه... 

-ده اى هو دا

-مفيش حاجه متخديش في بالك 

-تمام وياريت متركزش معايا تاني 

-تمام بس بشرط

-وهو... 

-قوليلي اسمك

-هيفيد ب اي

-وانتي هتخسري اي

-عايزني اقولك اسمي عشان تمشي ف الكليه تقوله! 

- نعم! انتي شيفانا ف اولى ابتدائى

-اي ده تصدق معاك حق وسعت مني معلش... ماشي بس وعد متركزش معايا! 

-وعد

-تمام اسمي... لافنـدر

-الله اسمك حلو اوي اوي

-نعم 

-مش اسمك بس والله.. 

-طب نقول نعم تاني في حاجه!! 

-لا لا تمام شكرا 

(سبته ومشيت بس سبت حاجه صغننه هناك عارفين اي هي..... قلبـي اللي كان هيقف معرفش ليه، ومحدش يقولى انتي ليه مهزئه وخفيفه هو ده اللي حصل بقي)  

-مسك عامله اي 

-الحمدلله ي لافندر وانتي اخبارك اي

-الحمدلله كويسه اوي

-بس اي يعني وشك مورد كدا ومبسوطه

-مش عيزاني اتبسط! 

-بس يابت دا انا اكتر وحده عيزاكِ تفرحي بس عايزه اعرف السبب

-مفيش حاجه ي ستي بس حابه اقولك حاجه حصلت معايا امبارح وانا مروحه (تمت عملية سرد القصه بنجاح لمسك)

-ياعيني ياعيني وانا اقول وشك مورد يعني ومبسوطه ليه 

-بت هشش، اممم ومش القصد والله 

-اتمسكنى ياختي اتمسكني اه مانا عارفه 

-بس غريبه انه بيبصلي مع انه وعدني

-لافندر انتى هبله اوي ليه.. واحد حتى متعرفيش اسمه اى ولا اصله اى و وثقتي ف وعده ع طول كده 

-مسك انا حاسه انى هبله

-لا ي حبيبتي اتأكدي

-ماشي ي صاحبة عمري ماشي اسكتى بقي

-بلا عشان المحاضره التانيه هتبدأ

-معلش يـ لافندر بس حاسه نفسي تعبانه ومش هقدر اكمل اليوم وهروح

-تحبي اجي معاكي طيب 

-لا ي حبيبتي كملى المحاضرات وروحي السكن بتاعك ولما اوصل هرن عليكي اطمنك

-ماشي خدى بالك من نفسك 

-ماشي سلام 

-ممكن اقعد

(ببص جنبي لقيته نفس الشخص سكتت وحاولت مبينش اي ردة فعل عشان ميقعدش وبراڤو عليا الخطه فشلت وقعد عادي)، خلصنا المحاضره وتقريبا انا اخر وحده طلعت من المحاضرة بسبب اني وقعت الشنطه واللى جواها وقع وكنت بلمه... وانا طالعه م المدرج) 

-لافنـدر

-بقولك اي يـ اخ انت انت مش قولت... 

-عمر.. اسمي عمر

-(الله بحب الاسم ده اوي لافندر امسكي نفسك امسكي نفسك بقولك)، مش فارقه عمر ولا محمد المهم انت مش قولتلي انك مش تركز معايا تاني و وعدتني بكده، طب انت عارف اللى بيخلف الوعد بيحصله اي

- بيحصله اى

-هقولك بس بعد ماتقولى انك هتسبني ف حالي، اى ده انت بتقرب ليه كده عارف والله اصوت والم عليك الناس وامن الكليه و....(حط ايده على بوقي) 

-اششش بس، انا مش عايز غير انى اعرفك بس... اعرفك اكتر مانا عارفك ممكن رقم والدك

-اولا ابعد ايدك دي انت ازاى تتجرأ وتلمسني

-انا اسف مقصدش بس كنتي هتفضحيني

-مش انت اللي...

-اشش ممكن تسكتي تلت دقايق بس عايز اتكلم عن حجات نفسي اقولها من زمان ومكنش في فرصه

-زمان!! انت تعرفني منين أصلا 

-طب بدل ماحنا واقفين قدام المدرج كدا ممكن تيجي نقعد في اي مكان هادي

-نعاااااااااااام انت عايزيني اروح معاك ولوحدي

- واهي بدأت تردحلي تاني اهو، ياستي مش هخطفك والله هما خمس دقايق 

-... 

-لو اتأخرنا عن كده امشي

- اممم ماشي ممكن افكر بس ف مكان عام

-ماشي ياستي يلا بقي انتي لسه هتفكري

-بصي ياستي انا عمر كنت معاكي من سنه اولى هنا بس مسمحتليش الفرصه اني اجي اكلمك او هو مكنش وقته بس انا.. انا كنت متابعك على طول وكنت بسأل الدكاتره عليكي طول الاربع سنين دول وكنت بشوفك وانتي طالعه و وانتى داخله كنت متابع اخبارك كلها، حتي كمان مش صدفه انك تسمعي صوتي وانا بقرأ قرأن انا اللي قعدت وراكي عشان اقرأ وبقيت بقلد قرأة الشيخ عبد الباسط عشان عارفك بتحبيه، طب عارفه انا ختمت القرآن بنية انك تبقي ليا

-بس انا مخدتش بالي منك ازاى ولا من كل الحجات دي خالص

-يمكن عشان انا مكنتش عايزك تاخدي بالك وقتها وكنت شبه مختفي من قدامك

-ودلوقتي! 

-دلوقتي لازم اقولك حاسس ان خلاص ده وقته عشان حتى اعرف اتقدملك احنا خلاص في اخر سنه ف الكليه.. لافنـدر تسمحيلي اكمل معاكي باقي مشوار حياتك بحلوه وشره

-........ 

-عارف انك متفاجأه من كل دا بس لازم كنت اقولك وخدي وقتك ف التفكير، وده رقمي لو احتجتي اي حاجه وعايز اقولك حاجه.....(وقف وقرب على ودني وقلى:) خليكي عارفه اني هنا دايما واني مش هكون هنا لحد غيرك دلوقتي او بعدين واني سايبلك حاجه امانه من زمااان اوي ودلوقتي لازم تردهالي. 

-(انا زي الهبله بعلو صوتي)،بالله مش انا قولتلك انك بتشبه عليا اني سارقه منك حاجه مصدقتنيش

-انتي فعلاً سرقاه من زمان.. سرقتيه وانتي بتضحكي و كمان وانتي بتبصي ف فونك وتقولى لصحابك حد بيعرف يلف خماره زي خماري القمر ده و كمان وانتي بتاكلى ومش مهتميه باي حد ماشي جنبك وبتاكلى بتلقائيه وببرأه وكمان وانتي بتطلعي النوت بتعتك والقلم البينك وبتكتبي ف الوقت الفاضي بين محاضراتك وبتخبطي علي دماغك على اساس انك كدا بتنشطيها وهتعرفي تكتبي هبله اوي بس هبلك دا سرق قلبي وتفكيري بالله يا لفنـدر مش قادر اني اراقبك تاني من بعيد لازم تقربي.... لازم

-سابني ومشي.. انا مش عارفه انطق كلمه طب انا فرحانه ولا زعلانه ولا مصدومه لا انا مكس من مشاعر كتيره دلوقتي بس مشاعر حلوه اوي اوي معقوله في حد بيهتم بتفاصيلي الصغيره دي معقوله، بصيت لرقمه اللى كتبه على الورقه وبعدين اخدت الورقه وروحت ورنيت عليه بالليل

-احم عامل اي

-لافندر معقوله

-استني شويه انا مش برن عشان نتكلم انا بس كنت هقولك خد رقم بابا لو عايز تتعرف عليه يعني هتحبه اوي..(سمحت صوت ضحكته من الفون وقلبي كان بيرفرف معاها) 

-ماشي اديني رقم بباكي عشان عايز اشوفه يـ لافندر ونفسي اقعد معاه واكلمه كتييير اوي واحكيله كتير اوي اوي

-دا مين هو دا

-انتِ، لا اقصد بباكي

-(ضحكت ضحكه صغننه بس مطلعتش صوت) 

-لافندر انتي بتضحكي صح

-عرفت ازاى

-اصل شكل غمازتك وصل لعندي هنا لما ابتسمتي اصل انا قلبي بيعرف

-قفلت ف وشه.... ايوه انا مبحبش الكلام دا ومش بعيد اعمله بلوك لو قلى كلمه كسفتني تاني

-الو

-اممم

-بتعرفي تقفلي ف وشي اهو.، بس مكملناش ساعه اي لحقت اوحشك

-بص مش معنى اني رنيت يبقي الكلمه دي لا خالص

-كلمة اي ها

-اللى انت قولتها فوق دي 

-اه قوليها طيب 

-هقفل ف وشك تاني والله 

-خلاص خلاص متقفشيش 

-بصراحه مش قادره انام في احساس عندي بخوف ومش مطمنه، ممكن تقرألى قرآن هرتاح وانام

-اقرالك سورة اي طيب

-اي حاجه المهم اقرأ

-ماشي، بسم الله العلي العظيم 

-لافندر! 

-.... 

-اممم شكلك نمتي، ربنا يجمعني بيكِ قريب يا قرة فـؤادي

༺صبح جديد بس غريب.. غريب وجميل بتنفس هواء بكل حب العالم تشغل صورة البقره بصوت عبد الباسط وعيش اللحظه يا مان الله༻

-لافندر

-ماما..! اتفضلي

-ازيك ي حبيبتي عامله اي

-كويسه ي ماما الحمدلله مانا لسه صاحيه ملحقتش اطلع عشان يحصلي حاجه 

-بت بطلي لماضه انا كنت جيه عشان اقولك.. 

-ايوووووه ادخلي ف الموضوع على طول ماهو اكيد في حاجه بما انك قولتي حبيبتي وعامله اي علي الصبح كدا 

-بصراحه كدا في واحد اتقدملك وابوكي وافق انه يدخل البيت

-ماما انا لسه صغيره على الكلام ده ومش موافقه

-يابنتي عيب حتى عشان ابوكي ميتكسفش مع الناس معلش احهزي النهارده بالليل ربنا يراضيكي يابنتي متكسفناش

-حاضر ي ماما حاضر بس بلغي بابا انها اخر مره واني مش موافقه من قبل ما اقعد 

-ماشي ي لافندر ماشي ربنا يهديكي

-ها ي لافندر خلصتي 

-ايوه ي ماما تعالي

-اي ده لابسه خمار ليييييه دا انتي هتقابلي عريس

-ايوه يعني ملبسش الخمار ليه تقلعه يعني عشان الاستاذ اللي برا ولا اي

-بس هش هش خلاص، طالعه لمضه لمين بس

(مش كفايه ضاغطه على نفسي وطالعه لا وكمان عايزيني ابقي مبسوطه و... اي ده عمر!!!) وقفت مكاني بعد ماشوفته والصينيه كانت هتقع لحسن الحظ ان ماما كانت حنبي ومسكتها مني.. ومسك قال تقولي البسي كعب دا لو لبست كعب كان زمان رقبتي مكسوره) 

-لافندر تعالي اقعدي جنبي هنا.. 

-حاضر ي بابا اهو

-لافندر ده عمر ي حبيبتي هو معاكي ف الكليه هسيبكوا شويه تتعرفوا على بعض... 

-عامله اى 

-الحمدلله

-وانا كويس الحمدلله 

-انا عملت زى ماقولتى جيت اتعرف على بباكي واهو نقرب المسافه بدل ما ارن واكلمه فون جتلكوا البيت اى رأيك 

-شرفتنا

-بس كده! 

-رفعتله حاجبي 

-خلاص خلاص ماشي 

-ابتسمت..، لا شرفتنا ونورتنا

-لا فرقت دي بجد، ماعلينا ها اى رأيك يـ عروسه 

-اممم خليني افكر 

-انتي لسه هتفكري زغرتي يـ حماتي 

-حماتك! 

-اسكتي انتي انا عارف بقول اى 

-اممم مش هتقوليلي اي حاجه 

-حاجة اي

-بغمزه... اي حاجه بما انهم مش قاعدين 

-لا ولاااه بقولك اي ده انا حتى لسه موافقتش

-لا إله إلا الله انتى بتتحولى ليه كدا ده انا شكلي خطبت صاحبي بالغلط 

-ايوه انت صح خد يلا جاتوهك ده واتكل علي الله 

-لا ده انا خطبت ست البنات كلهم وست قلبي وعيني والله 

-لا برضه متقولش الكلام ده عشان بتكسف وممكن اقتلك برضه

-بقولك اى انا همشي... بس هيتنى تتصلى عليا بالليل 

-اممم هفكر

-ماشي يـ عمرى 

-ولاااااه

-خلاص خلاص فهمت 

-الو

-ي عمري 

-تمام اوي

-استني استني متقفليش انا آسف والله بس انتى بقيتي خطيبتي خلاص يـ لافندر 

-اى يعني خطيبتك.. قبل كتب الكتاب بساعه ممنوع برضه 

-طب وانتي مش تقوليلي.. 

-لا برضه 

- طب بعد كتب الكتاب؟ 

-امم ممكن

-وعد! 

-وعد. 

-مسك شكلى حلو! طب الشوز شكلها حلو على الديرس! انا حاسه ان خمارى مش مظبوط اي رأيك نفكه ونعمله تاني بصي ه... 

-لافندر اااااااهدي اهدي اجاوب وحده وحده، شكلك قمر وكل حاجه مظبوطه وكفايه فكيتي الخمار الف مره والله حلو ومظبوط وقمر كفايه، تعالى ي عمر خدها وخلصني منها

-عايزه تخلصي مني

-متقلقيش هديكي لايد هتصونك وتحطك في عنيها

-اذا كان كده ماشي 

-شوف البت واقعه ازاى شوف 

-دا واقعه على وشي كمان والله ♡

♕بارك الله لكما وبارك عليكما وجمع بينكما فـي خير♕

-بقيتي مراتى يـ لافندر واخيرا

-رفعت حاجبي

-لا بقولك اي الحاجب ده ميترفعليش تاني انا بقيت جوزك خلاص، يلا حبي فيا

-نعم! لا طبعا 

-انتي عارفه اللي بيخلف الوعد بيحصله اي

-بيحصله اي ي عموري

-هقولك بعد ماتقوليلي يـ عموري تاني 

-لا عموري اى تعالي بس اقولك ازاى تحط ايدك على بوقي وقت ما كنا طالعين من المدرج 

-الله متبقيش قفوشه امال، اربع سنين يـ لافندر مستني اللحظه دي

-شوفت عامر منيب قال اي

-"من اول يوم في لقانا خدني هواك... "

-"عشت معاك احلى سنين عمري يـ غالي.. "♡

-لا لا عامر منيب اي، اقرالي قرآن يلا دا انا وخداك عشان صوتك يالاه

-رفعلي حاجبه وقلي... عشان صوتي بس! 

-ولاااه اتلم ويلا قول

-اقرألك اي

-اي حاجه المهم اقرأ♡

༺ينفع نفضل سوا ! هاتي ايدك كدا ولو جدعه فُكيها بقي... ياله من مجنون لكني احبه🤎🦋༻