_كنت عايزة اسألك سؤال واحد وياريت تردى بصراحه
چنى بانتباه: اسألى
سما: هتفضلي كدا لحد امتى
چنى: كدا فيا ايه ما انا زى الفل اهو
سما بعصبية: بطلى بقا شغل الجنان دا مش عشان واحد باعك تبيعي الدنيا عشانه هو ميستهلكيش انتى تستاهلى واحد احسن منه ليه مش قادرة تشوفي بابكى ومامتك اللى هيموتو من الخوف عليكى وبيتحايلوا عليكى عشان تبدأى العلاج والدكتور بتاعك قال في امل ليه عايزة تدمرى حياة اللى حوليكى ليه عايزة تموتى نفسك بالبطئ
قاطعتها جنى وقالت بنرفزة: انتو مفيش حد فيكو حاسس بيا كلكم شايفين ان دى حاجه عادية انو يسبنى لوحدى في اكتر وقت محتاجه ليه سبنى قبل فرحنا بشهرين انا بقالى خمس سنين بحبه وانتي اكتر واحدة عارفه كدا ، ثم تابعت ببكاء وعيون حمراء انا مش عايزة حاجه من الدنيا دى مش عايزة اعيش ولا اشوف اليوم اللى شعري يقع فيه انا عايزة اموت وظلت تبكى
فحتضنتها سما وقالت بهدوء ومحاولة التحكم بدموعها:
_بس انا وكل عيلتك عايزينك انتى عايزة تموتى وتسبينى لوحدى اهون عليكى دا انا مليش صحاب غيرك، عشان خاطري وافقي واتعالجى انا محتجالك وكلنا محتاجين ليكى
خرجت چنى من حضنها واردفت: ب بس انا خخايفة ومش هقدر
سما: انتى لازم تتعالجى وتبقي احسن من الاول كمان واثبتيلو انك هتقدرى تكملى من غيرو انتى طول عمرك قوية واما بتحطى حاجه في دماغك لازم تنفذيها وتابعت حديثها بترجى يلا بقا وافقى عشان خاطرى
هزت چنى رأسها بأيماء بسيطة وقالت بخفوت: م موافقه
احتضنتها سما بسعادة بالغة واردفت: ربنا يخليكي ليا يا احلى جوجو في الدنيا
عندما ذهبت الى منزلها واخبرت اهلها عن قرارها وانها سوف تبدأ بالعلاج فرحوا بشدة بعدها دلفت لغرفتها وظلت شاردة فتذكرت وعوده بالبقاء معها وعدم تركها وتذكرت كم الحب وكلامات الغزل التى كانت تسمعها منه تذكرت اول لقاء بينهم، ظلت تبكى الى ان نامت
استيقظت على اذان الفجر
ابتسمت بشحوب ثم قامت وادت فرضها واخذت الاسكتش خاصتها وجلست بالشرفة لتتابع الشروق وترسم بعد فترة انهت الرسمة وفي هذا الوقت دلفت والداتها اليها ثم قبلت رأسها وقالت: صباح الخير يا حبيبتي يلا عشان تفطري
اومأت لها ثم خرجت مع والداتها وكانت عائلتها تمزح معها ليخففوا عنها وهى فقط تبتسم
وبعدها نادى عليه والداها
لتنتبه له وتقول بهدوء: نعم يا بابا
تنحنح والداها وقال: انا كلمت الدكتور وقال ان لازم نروح النهاردة
چنى وهى تبتلع غصة مريرة بحلقها: حاضر يا بابا
•••••••••••••••
ها هى الان تقف امام المستشفى تشعر بأنها غير قادرة على الحركة تريد التراجع عن قرر العلاج لكنها لن تكون السبب بمعاناة اهلها وخاصة انهم سعدوا بشدة حينما تلقوا هذا الخبر وفي اثناء تفكيرها وجدت من يضع يده على كتفها فنظرت للخلف فرأت سما صديقتها فاسرعت باحتضانها وقالت بصوت هامس والدموع تملأ مقلتيها: كنت محتاجاكى جمبي
سما: انا معاكى وهتخفي وتبقي زى القردة
چنى بأنزعاج طفولى: بس متقوليش قردة
سما بصوت منخفض: شوفي باباكى ومامتك واقفين خايفين ازاى اوعى تضعفى وتغيرى رايك خليكى قويّة عشانهم نظرت چنى لوالديها فرأت امها وابيها ينظرون لها بعيون حمراء دامية فذهبت لهم وقبلت رأس كلاهما ثم قالت بمرح كى تخفف عنهم : يلا بقا ندخل ونشوف المستشفي دى بتقول ايه لان واضح ان صاحبها مكلف نفسه اوى
ضحكوا جميعا وابتسمت هى لكن ابتسامتها لأجلهم فقط اما بداخلها خوف كبير من ما هو آت دخلت معهم وهى ترتجف تتمنى ان ينتهى اليوم بسرعة وتعود لمنزلها
دلفت للداخل واجريت الفحوصات التى طلبها الطبيب منهم ثم حدد اول جلسة ستكون بعد ثلاث ايام انقبض قلبها وشعرت انها على وشك البكاء ولكن تماسكت من اجل والديها
...............
يوم بعد يوم وبعد مرور شهر من العلاج والجلسات وعائلتها ورفيقة دربها معها يدعموها ولا يتركوها ابدا ....قامت اليوم من نومها ورأت شعرها متساقط علي الفراش ظلت تنظر له ثم قامت تصلي
وتناجي ربها ان يخفف عنها.....
جالسة بغرفتها تقرأ وردها فدخل عليها والدها يردف بحب:
_حبيبة بابا عاملة ايه
چني بهدوء: كويسة يا حبيبي
خالد: انا كنت عايز اتكلم معاكي وياريت متقوليش قرارك غير اما تفكري كويس
چني بانتباه: اتفضل
خالد: بصراحة كدا في عريس متقدملك هو مهندس
وعارف ربنا وانا عارف ابوه وهما ناس طيبين
چني بمقاطعة :بس هو ميعرفش ان انا عندي كانسر والا مكنش هيفكر ييجي يتقدم
خالد: لاء يا بنتي هو عارف وكمان كان عايز ييجي يخطبك من فترة بس كان لسه متخرج وبيدور علي شغل وبعدها
جالي طلب ايدك ومكنش يعرف انك اتخطبتي
واول ما عرف انك مابقتيش مخطوبة جه يتقدم تاني...فكري براحتك وردي عليا بس ياريت متاخديش اي قرار غير لما تقعدي معاه
اديله فرصة وصلي استخارة...واللي فيه الخير يقدمه ربنا
جلست بمفردها تفكر من هذا الشخص الذي سيرضي ان يرتبط
بمريضة مثلها....قامت تصلي وتناجي ربها ومن ثم خلدت للنوم
..........................................
_يعني انتي دلوقتي رفضتي تقابليه
_يا سما ما الموضوع مريب برضه يعني مش عارفه حاسه اني متلغبطة
_يا حبيبتي هو احنا قولنا هتتجوزيه دا انتي هتقابليه بس وبعدها القرار ليكي...وبعدين انتي قولتي صلتي استخارة وحسيتي انك مرتاحة في ايه لدا كله
_انا خايفة يا سما ومعرفش ليه وكمان انا لسه ببدأ الجلسات
وشكلي بقي يخوف هقابله ازاي....انا مبقتش ابص في المراية
ولو لمحت نفسي صدفة في المراية بقعد اعيط وببقي مش عايزة اكمل العلاج....انا مش هقدر اشوف نظرة شفقة او رفض من حد تاني
احتضنتها سما وقالت بدموع:
_هتفضلي قمر ومش شوية تعب هيخليكي تزعلي كدا...حبيبتي انتي حلوة من جوة ومن برة وملامحك قمر وانتي قمر....انا بقولك قابليه عشان هو مُصر برضو بعد ما رفضتي اتحايل علي باباكي انو يقعد معاكي وعايز يعرف انتي رفضاه ليه....في حد يلاقي شخص يحبه كدا في الزمن دا ...واضافت بمزاح تعرفي لو كان اتقدملي
انا كنت هعمل فرح الواد مز برضو
خرجت چني من حضنها وقالت بتوتر:
_هو حلو يعني
سما: قمررر الواد بصراحة يتاكل اكل حتة بسبوبة بالنوتيلا حاجه كدا محصلتش
چني: خلاص ايه مفيش حياء ابدا
سما بمزاح: اصلك مشفتهوش معذورة
چني بضحك: والله مجنونه
.......................................................
_ ينفع تبصيلي، انا عارف انك مكنتيش قابلة تشوفيني
بس بجد في حاجات كتيرة لازم تعرفيها واول واهم حاجه اني بحبك ومستعد اعمل اي حاجه في سبيل وراحتك...
ولو عايزاني امشي ووجودي مضايقك همشي
كان علي وشك الرحيل فنظرت له بهدوء:
_ انا عايزة اعرف حاجه واحدة وياريت تكون صريح معايا
حمزة بصدق:اكيد هكون صريح، اتفاضلي اسألي
چني: ليه عايز ترتبط بواحدة زيي، مريضة وايامها في الدنيا معدودة
حمزة بحنان: عشان بحبك
چني بعصبية: اللي هو ازاي يعني.. انا اول مرة اشوفك وحبتني امتي لو كلامك صح ولو نفترض انك بتحبني بتحب فيا ايه وشي الباهت والا شكلي والا شعري اللي وقع بتحب ايه بالظبط
حمزة: بحب روح چني، بحب كل حاجة في چني، انا عمري ما كنت شخص سطحي لدرجة اني احبك عشان شكلك
انا بحبك بجد يا چني...يمكن انتي اول مرة تشوفيني بس انا اعرفك من زمان ومش متخيل ان تكون شريكة حياتي وعمري غيرك انتي
چني :چني اللي انت حبتها زمان غير چني بتاعت دلوقتي الفرق بينهم زي السما والارض
حمزة بحنان: وانا بحب چني في كل الاوقات وبحبك كل يوم اكتر من اليوم اللي قبلو...اديني فرصة واوعدك انك عمرك ما هتندمي
چني بتردد: بسس
حمزة بترجي: مبسش، انا مش طالب منك غير فرصة
فأومات چني برأسها فنظر لها حمزة بسعادة مفرطة
فقالت چني بتوتر: طب واهلك وو
فقاطعها حمزة بسعادة: اهلي عارفين ونفسهم توافقي عشان ييجوا يطلبوكي رسمي
...........................................
بعد مرور ثلاثة اشهر وخلالهم تم خطوبة چني وحمزة
كانوا يجلسوا جميعا بمنزل خالد والد چني
چني: حمزة لو سمحت بلاش تضغط عليا
ثم نظرت لوالدها فقال:
_انا شايف ان حمزة معاه حق..يعني هيبقي كتب كتاب بس عشان تبقوا براحتكو عن كدا
فرد حمزة بسرعه:شوفتي اني صح...وافقي بقا وانا اجبلك شوكلاته كتير
چني نظرت لحمزة بضعف :هييجي يوم عليك وتزهق وتسبني
وبعدين خلينا نأجل الموضوع دا لحد ما اخف علي الاقل
محدش عارف بكرة فيه ايه يمكن ا
حمزة بسرعة وغضب :چني بلاش كلامك دا وبلاش الاستسلام اللي فيكي دا...انتي مش اول والا اخر واحدة تتعبي والدكاترة قالوا
ان احتمال الشفا كبير...وبأذن الله هتخفي وتبقي زي الفل
تفائلوا بالخير تجدوه
وتابع بحب: وعمري في حياتي ما اعملها واسيبك ..دا انا ما صدقت تديني فرصة وتوافقي
چني:خلاص موافقة بس الشوكلاته تيجي الاول
فقام حمزة وغمغم متلهفا: فوريرة وتبقي عندك
بعدما ذهب نظرت لها والدتها وقالت: ابن حلال بيحبك اوي..وامه زي العسل هتعاملك زي بنتها وهطمن عليكي وانتي معاها
............................
"بارك الله لكما وبارك عليكما وجمع بينكما في خير"
وبعدها لم تشعر بنفسها سوي وهي بين ضلوعه وهو يقول بخفوت
احمدك واشكر فضلك يارب ... الحمدلله
ثم نظر لها بعيون دامعة واردف بشغف: النهاردة بقيتي علي اسمي
اوعدك حياتك الجاية كلها هتبقي فرح وسعادة ومش هخلي عيونك الحلوين دول تبكي ابدا..اوعدك هبقي ابوكي واخوكي وصحابك
وحبيبك وابنك..زي ما انتي بالنسبالي كل حاجه بحبك
چني: انا يمكن اعرفك من فترة صغيرة بس حاسة اني اعرفك
من زمان ..بطمن وبفرح بوجودك وبتوحشني وبحب اسمعك
واشوفك بحب خوفك عليا وغيرتك عليا اللي شوفتهم معاك
الفترة اللي فاتت ..بشوف في عيونك حب وبس وعمري ما
شوفت فيهم شفقة ابدا..اول ما اشوفك قلبي بيفضل يدق وببقي
متوترة وبفرح اوي فلو دا الحب فانا بحبك
حمزة بسعادة:وانا بعشقك يا عوض ربنا ليا
.............................
_حمزة بص شعري بقا اد ايه
اردفت هذه الكلمات بسعادة وهي تتطلع بالمرأة بعدما استعادت جمالها من جديد
فجاء اليها وعنقها ويده علي بطنها المنتفخة فها هي اصبحت بشهرها السابع ظل ينظر لصورتهم بالمرأة واردف بعشق:
_حبيبي قمر في كل الحالات...بحبك يا جنتي علي الارض..ربنا يخليكوا ليا..بحبببك
نظرت له بحب: ويخليك لينا يا حموزي..بحبك اد البحر وسمكاته
تعليقات
إرسال تعليق