قد اي انا طلعت غبيه قد اي طلعت بظلم قلبي ونفسي ف حب شخص بيتعمد يوجعني وياذيني جملته بتتردد ف عقلي وقلبي كل يوم انا فعلا استاهل يتحارب علشاني استاهل يتفاز بيا
دخلت مريم علشان تقطع تفكيري وتقولي انها طالعه مع احمد لاكنها لاحظت اني ع وشك اني اعيط قد اي يمريم انا طلعت غبيه اخدتني ف حضنها وكانها عارفه اني محتاجاه فضلت اعيط وكاني بغسل قلبي بالدموع دي فوقت ع كلمتها مش بكفايه كدا وجع لقلبك يحبيبي ' لو كان خير لبقي ' سكت وهي كملت هو محاولش علشانك هو اختار الطريق الاسهل ليه والاوجع لقلبك ولقلبه هو هيندم وقتها انتي هتكوني فوقتي مش كل مره لازم يرجع يلاقيكي مستنياه مش كل مره هيوجعك ويمشي مش كل مره تعرفيه ان قلبك مستباح للاذيه منه فووقي لازم تفوقي الدنيا مش بتقف ع شخص ولا ع حاجه يا فرح انتي لازم تدي نفسك فرصه تعيشي حياتك من حقك ترحمي قلبك
- كل الكلام اللي بتقوليه صح لاكن اي الفايده وانا مش بقدر اول ميحتاجني مبعرفش اسيبه مبعرفش اديله طهري مبعرفش اتخطي انو هو حزين واني مليش دعوه بيه انا فعلا مش طايقه قلبي علشان كل دا بجد تعبت من كوني مستنياه ديما
- عارفه انتي اللي عامله كده ف نفسك انتي اللي عايزه تبقي مكسوره فوقي هو سابك فضل غيرك عليكي وهو قالهالك هو لو بيحبك كان حارب علشانك مستنيه اثبات اي تاني علشان تفوقي وتشوفي مستقبلك محدش هيحس بيكي قدي وانا مش قادره اشوفك كدا اوعديني انك مش هتدي فرصه لنفسك انك تفكري فيه
- هحاول
- قصدك هنحاول وانا معاكي وجنبك
-بسرعه خبطت ع دماغي اووف نسيت انك طالعه مع احمد معلش انا اسفه
- انا اصلا بعتله رساله قلتله مش جايه
- ربنا يخليكي ليا
- يارب ياقلبي اسيبك تنامي شويه
- دي اختي الصغيره وكل حاجه ليا ف الدنيا احنا عايشين انا وهيا وماما من بعد وفاة بابا لاكن احنا قدرنا نتخطئ كل حاجه حبنا لبعض بيقوينا وديما مع بعض واحمد دا ابن خالتي و خطيب مريم و فنفس الوقت حب عمرها برغم اي حاجه حصلت بس فعلا فرحانه ل مريم انها عرفت وقدرت تختار وفرحانه ل احمد انو فاز بمريم
- تاني يوم جيه احمد علشان يوصل مريم للكليه وطبعا لازم يعدي يغلس عليا لاني بعتبره اخويا قبل ميكون ابن خالتي
- ازيك يافوفو
ملكش دعوه
ليه بس كدا
- علشان وعدتني هتخرجني ومخرجتنيش
- لا كدا انا فعلا غلطان وعلشان كدا يستي اجهزي النهارده هعدي عليكي ونخرج
- وناخد مريم معانا حرام
- لا سيبيه هتعكنن علينا الخروجه
- الحقي يمريم خطيبك هيخرجني ومش عايز ياخدك معانا
- خلاص بلاسلامه انتو وانا هنام
- بجد معقده بدل متقولي يافيها يخفيها
- هموت وانام يجدعاان عايزه اناام
- نامت عليكي حيطه
- بتقول حاجه يااحمد
- برضو كدا انا بدعيلك يقلب احمد
- هي فين خالتو بصحيح
- لسه فاكر تسال يااحمد
- والله ياخالتو بناتك مش مديني فرصه
- بصيت انا ومريم لبعض بصة انتقام ل احمد
- الحقي يخالتو هياكلوني
- ضحكنا جامد بعدها وبعدها اخد مريم ونزلو وانا رجعت الاوضه علشان ادور ع شغل اون لاين لاني مبحبش الناس او مش بحب التجماعات وده مش عشان انا معقده بس علشان الناس فعلا منافقه كلها بتجيب ف سيره كلو انا مبحبش النفاق وقف تفكيري مسدج من الفون
- وحشتيني
- بصيت للفون خمس دقايق تقريبا وصلت رساله تانيه
- عارف اني مستاهلش بس انا محتاج اتكلم معاكي
- فضلت مصدومه مش عارفه اقرر ياترا ارد عليه واوجع قلبي بايدي تاني ولااسيبه ومردتش وصلت رساله تانيه
- انا عارف انك بتحبيني عارف انك عايزاني اديني فرصه تانيه
- وهنا قررت ارد
- انتا قصدك اديلك فرصه للمره الاف وكمان ع فكرا انا بطلت احبك فعلا مكرهتكش لاكن صدقني رصيد حبك خلص ف قلبي عارفاك فاكرني لسه بحبك ومستنيه رجوعك بس احب اقولك اني مع تراكمات وجعك ليا تخطيت حبك صحيح انتا فعلا متستهلش اني ارد عليك لاكن كان لازم تفهم اني كدا خلاص قلبي مش حملةاذيه تاني كمان لو انتا اخر راجل ف العالم ف انا مش هختارك تاني اتمنالك حياه سعيده بس بعيد عني وبعيد عن قلبي . وعملت بلوك وقفلت الفون وانا راضيه جدا عن نفسي وعن اللي عملته ومريم كان عندها حق انا لاامتي هفضل مستنياه لامتي هوجع قلبي بسببه هيفضل يبعد بمزاجه ويقرب لما يحتاجني خلاص عنلت حاجه مكنتش اتوقع اني اقدر اعملها
" فاانا ايضا استحق الكثير من المحاربه للفوز بي "
قرت ان لازم يبقالي كريري الخاص بي لازم اعمل حاجه ابقي فخوره بيها ف النستقبل صحيح انا خريجة تجاره ومن المفروض ابقي محاسبه دلوقتي مشغلتش دماغي بالشغل لاكن حان الان اني اعمل كدا فنزلت فااكتر من جروب غير اللي كنت منزله فيهم الاول وها واخيرا جات مسدج من شركه انها محتاجه محاسبه ولاكن تكمن المشكله فاانهم عايزينها ذات خبره علشان دي حساابات مش لعب وقررت اني احاول واقدم عليها واحاول اقنعهم اني مش ديما الخبره لازم وقدرت اخد ميعاد الساعه 9 صباحا يوم الاثنين : ايدااه بجد لا بتهزرو لااا دا بكره ايدااه اجمدي كدا مش انتي اللي عايزه يبقالك كرير يختي اجمدي كدا نديت ع مريم علشان تفيدني بس اختي لا تبااالي والله يجدعان فندهت بصوت اعلي
- اي مالك يافرح مااالك
- انا لقيت شغل وبكره المقابله
- بدات تتكلم انا طول عمري بقول هيا الصغيره لاكن العاقله والله فضلت تفهمني ان اهم حاجه اني اكون واثقه من نفسي واني ابقي فاهمه هما بيقولو اي وارد بهدوء
- بااااس دي مش مقابله دي اللي هتخليني روبرت يستيي
- قامت وسبتني وهي بتقول انا غلطانه اني سايبه مذكرتي اصلا ولسه هتطلع قولتلها
- ع فكرا يمريم عمار كلمني ملامح وشها اتغيرت وانا فاهمه انها خايفه اكون كلمته بس كملت بسرعه لاكن انا فهمته اني مش مستباحه ليه واني مش ديما موجوده مش انا اللي اتحط ع الراف وقت ميحتاجني يلاقيني حسيت بملامح وشها اللي بتتغير لفرحه حضنتني جاامد وطلعت وهي بتقول كنت واثقه فيكي
طلعت وفعلا هستمر ف محاولاة ان عمار يطلع من قلبي بس لاول مره ابقي مرتاحه كدا مش حاسه اني عايزه اجلد ذااتي نمت وانا بخطط خطط كتير لمستقبلي وكمان من غير ميكون عمار جوا الخطط دي مبسوطه من نفسي لاني استاهل وهقدر اثبت دا مع مرور الوقت
'في اي ظروف ايآ كانت فنحن نستحق اقامة حرب من اجلنا لايليق بنا الا الفوز ♥️'
تعليقات
إرسال تعليق