=يبنى على أساس أننا بنروح بدرى نروح بس نقعد نصايه على القهوة وبعدها نشوف الدرس دة
_زميلي أنا بقول كدة بردو
نزلنا قعدنا على القهوة والنص ساعه بقت ساعه وروحنا الدرس
المستر أول ما دخلنا زعق:اياد ومحمد اى عذركم المرة دى
رديت زى كل مرة بخترع فيها حجج
=محمد بس تعب شويه يامستر وفضلت معاه واهو جينا
_دة اخر إنذار ليكم المرة الجايه هبلغ أولياء اموركم
=حاضر يامستر اخر مرة
_تمم اتفضلوا ادخلوا
دخلنا الحصه وبعدها فضلت طول الحصه أرزل على محمد واحنا الاتنين شويه وكنا هنتطرد
خلصنا الحصه واحنا وطالعين وقفنا مع البنات شويه اصل برغم انى مشاغب الا انى الاول على مدرستي دحيح الدفعه يعنى
_اى يا ايدو طولته ليه المرة دى على القهوة
=انتى عارفه اللى فيها صمم أنه لازم يغلبنى ف الطاوله
_وغلبك؟!
=عيب عليكى أنا اياد بردو
لمحت بنت واقفه بعيد من الدرس معايا بس ولا مرة اتكلمنا
خلصت الدرس وروحت وعدت الايام بعدها دخلت ثانوى وانا حاطط حلمى قصاد عيني
ابتديت جد واعمل اى حاجه ينفع تحصل عشان متقفش عائق بيني وبين حلمى ف الوقت الجاى
وحياتى مشيت كالآتى ف المرحله الثانويه بين انى اتدرب واتعلم مهارات وحاجات تفيديني وبين مذاكرتى وبإنى كنت محافظ على مركزى الاول وسط الدفعه ومازلت بشوف البنت على مر أيامى كان اسمها فريدة وهى فعلا فريده من نوعها بنت غريبه مش هنكر انها غامضه شويه كانت آه مع شله البنات اللى المفروض انهم صحابى بس مصادفش مرة واتكلمنا
شلتى كانت شايفه أنها بنت مختلفه ومحدش يقدر يوصلها بسهوله
ف تالته ثانوى اتكلمنا شويه كأصحاب عارف أنه غلط بس كان نادرا بعدها جه يوم النتيجه ومستنى المجموع وطلع زى ما توقعت مجموع حلو واقدر انى ادخل بيه شرطه زى ما كنت بحلم وهى دخلت تجارة انجلش
علاقتى كانت مستمرة بيها لا بالعكس عرفتها على اختى وبقوا أصحاب
ابتديت اعمل الاختبارات واعدى وكل اختبار احس انى بقرب من حلمى اكتر لحد ما وصلت لمقابله كشف الهيئه مش هنكر أنه من طريقه الكلام أنه مختاريني بس بعدها النتيجه كانت صادمه بالنسبه ليا اخدوا شخص تانى لمجرد أنه واسطته أعلى
رجعت وحرفيا كان خيبه الامل ملازمانى حاسس ان كل شئ متقفل وتقريبا كانت نهايه العالم بالنسبه ليا
مش هنكر وقفه صحابى معايا كنت حاسس ان ليا ضهر احنا الخمسه ف كتف بعض
وكانت هى..
هى اللى صبرتنى على اللى جرى وان دى مش النهايه لا بالعكس أن كل نهاية هى بدايه لقصه جديده فقررت انى ادخل التخصص اللى بحبه
ودخلت تربيه فرنسي
وابتدت دراستى ف الكليه وكنت من الأوائل دايما
وابتدت معاها علاقتى تزيد اكتر واكتر زى أننا بقينا صحاب مش هنكر انى حبيتها وقفتها معاها ولطفها
ف الفترة دى عرفنا عيوب ومميزات كل واحد فينا
قولتلها أن حابب نكمل حياتنا مع بعض بس الافضل نفضل صحاب
وهى تقبلت دة لأننا عرفنا عيوب بعض عشان منرجعش نتفاجئ ف الشخص التانى بعد انبهار وحلاوة البدايات ما تخلص
بيني وبينكم كنت حاسس انى لما اقولها بحبك ف الحلال هتبقى افضل واحلى ويمكن كنت حابب أن ربنا يبارك لينا ف العلاقه
ابتدت الايام تعدى وحبى للقسم بيزيد
*بعد مرور 5 سنوات...*
_يعنى اى لا يا اياد ؟!
= زى ما سمعتى مفيش شغل
_بس انت وعدتنى قبل الجواز أن اشتغل
=رجعت ف كلامى يافريده
_يعنى اى بقى
رد بعصبيه :اخر كلام عندى مفيش شغل يعنى مفيش شغل ماشى
كنت اول مرة من لما اتجوزنا اتعصب كدة بس هى مش فاهمه وجهه نظري مش عاوز اتعبها
دخلت الاوضه وانا عارف انها دلوقتي بتعيط منكرش انى اتعصبت بس معرفتش امسك اعصابى بعدها نزلت من البيت من غير ولا كلمه زيادة
بعد ما هديت رجعت البيت كنت ناوى اصالحها
دورت عليها فـ كل الاوض وملقتهاش
لما رنيت عليها ردت وقالت:أنا هقعد بيت اهلى يومين وهرجع
اتعصبت اكتر بس رديت ببرود :تمم ماشى
أول مرة من يوم جوازنا تطلع من غير إذنى
فـ ناحيه اخرى
_ازاى تسيبي بيت جوزك يعنى
=عادى يا ماما
اى اروح لو قعدتى بقت تقيله
_مش كدة يبنتى بس انتى سبتى بيت جوزك ولو زيارة كان على الأقل يعرف لكن دة كان متعصب
=صدقيني دة سوء تفاهم وهيتحل أن شاء الله
_ربنا يهديكم.♡
روحت تانى يوم من الشغل لقيتها بس مرضيتش اكلمها
فضلت تتحرك ف كل حته كنت عارف انها عاوزة تعتذر بس كرامتها منعتها
بعد شويه كنت بلعب ف الفون ولقيتها جات بتقولى:احضر الغداء
رديت ببرود: لا اتغديت
وقفت وكانت مترددة تتكلم رحت كملت وقولت: محتاجه حاجه
_لا خلاص
رحت بصيت فـ الفون تانى
لما لفتت انتباهى وهى بتقول:كنت متعصبه فمشيت
حتى الاعتذار مش قادرة تقوله مش هنكر انى أنا كمان غلطت بس هى غلطها أكبر
بصيت ورجعت نزلت عيني تانى
_طيب أنا اسفه
لقيتها بتقولها هى تقريبا هتعيط
=خلاص مفيش حاجه ومعنديش مانع انك تشتغلى و..
سكت عن الكلام لما لقيتها ابتدت تعيط مش بحب اشوفها بتعيط
رحت هديتها وقولتها:صدقيني معنديش مانع خلاص اشتغلى مدام دة هيريحك
_لا مش عاوزة اشتغل بس مضايقه انك زعلان
عارف انها مش بتحب تزعلنى
كملت وقالت :أنا عارفه سبب انك رافض الشغل دة بس صدقنى دة موضوع وانتهى من زمان
عرفت انها قصدها على ابن خالها لانه كان متقدملها وهى رفضت ومش هنكر انى بغير عليها من اى حاجه أصلا
=لا مش عشان دة السبب واديني قولتلك انك لو عاوزة تشتغلى ماشى بس معايا
_وانا رجعت فـ كلامى ومش عاوزة اشتغل خلاص
=احسن أنا مش حابب انك تشتغلى اصلا مش عاوز اتعبك
ثم هل أنا مخليكي محتاجه لحاجه؟!
_لا والله بس كنت حابه اشغل وقتى
=يبقى خلاص مفيش شغل ماشى
فضلنا نتكلم هى طفله وسهل تتراضى وزى ما قولت فريدة وهى فعلا فريده
"حياتى بدونك كالجر والجيم ميم♥️ "
تعليقات
إرسال تعليق