- يا آنسه ممكن ثانيه من وقتك؟
... اتفضل حضرتك بس بسرعه عشان مستعجله
- انا اقدر احققلك امنيه واحده بس بشرط واحد
... لا انا مش فاضيه للعب العيال ده ولا فايقاله عن اذنك
ليقف امامها بسرعه حتي يمنعها من الرحيل
- علي فكره بتكلم جد تحبي تجربي؟
...
- جربي مش هتخسري حاجه بس اعرفي هحققلك اي امنيه ماعدا الصحه او الحب او النجاح او معرفه المستقبل
... طب كده يبقا فاضل ايه؟
- فيه حاجات كتير زي مثلا الفلوس الشهره اقدى اغير الماضي
... موافقه اي هو الشرط؟
- متأكده؟
... ايوه متأكده عموما انا مش بتمني حاجه ولا عايزه اغير حاجه بس خليني معاك للآخر نشوف اخرتها
- اخرتها خير متقلقيش .... عايزك بس تيجي معايا مكان كده بس
... وماله ياخويا
... (بتعب) اييييه لسه هنطلع سلالم تاني انا تعبت بعدين ايه المكان المهجور ده انت هتخطفني؟ انا قولت كده والله مكانش لازم اثق في واحد جبان زيك ياخد بنت من وسط الناس ويجيبني مكان زي ده اكيد هتبيعني اعضاء بشريه مهي الاعضاء بتكسب بر.....
ليقاطعها قائلا: بس بس صدعتيني مش ههبب فيكي حاجه ممكن تسكتي بس خمس دقايق بس تسكتيهم احنا وصلنا خلاص
... الله المنظر جميل اوي من فوق متخيلتش انه حلو اوي كده
- يعني مش جبان ولا تاجر اعضاء؟
... فشر عاللي يقول عليك حاجه زي دي
- عموما المسامح كريم وانا عشان طيب هسامح
... ربنا يخليك ممكن بقا تقولي جايبني هنا ليه؟ وايه علاقه المكان ده بالشرط بتاعك والهري ده كله؟
- لازم تبقي صبوره عن كده علي فكره انتي داخله علي سواد خلي بالك
...(بخوف) سواد ايه؟!
- مين قال سواد انا قولت سواد؟
... انت مش لسه قايل اني داخله علي سواد؟
- لا خالص مقولتش كده شكلك عايزه تكشفي علي اذن
... المهم اخلص وقول احنا بنهبب ايه هنا؟
- قوليلي بصحيح انتي اسمك ايه؟
... وعد ليه؟
- عمرك قرأتي كتب او روايات قبل كده ياوعد؟
... (متكئه علي سور المبني) انا عايشه عليهم تقريبا بستمتع بقرايتهم جدا
- مفكرتيش مره كده وتقولي يااااه لو حياتي زي البطله او لو كنت مكان البطله كده ؟ او اي حاجه تانيه يعني
... كتييييير اوي بس طبعا ده مستحيل حياتي هتفضل هي حياتي مش هتتغير
- طب لو حصل هتعملي ايه؟ هتمشي علي نفس اللي البطله عملته ولا بدماغك؟
... هتفرق ف ايه وكده كده ده مش هيحصل بس لو حصل يعني ف همشي علي دماغي انا
- طب انا هحققهالك يا وعد.... ( ليدفعها هذا الرجل لتقع من المبني ينظر اليها الرجل بإبتسامه ملوحًا بيده بمعني الي اللقاء)
وعد: ايه!!
(رؤيه ضبابيه)
- آنست...
- آنستي!
وعد( وهي تفتح عينيها بصعوبه امام الضوء) : ايه؟
- آنستي هل انتِ بخير؟
وعد(بعد ان فتحت عينيها): انا فين؟ (لتقوم فزعه من مكانها) مموتش! انا مموتش! ازااااي؟
- (الخادمه بخوف بعد ان بدأت في البكاء) : آنستي لا تقلقيني عليكِ هكذا كدت اموت خوفًا من ان افقدكي ارجوكِ لا تفعلي هذا مره ثانيه
وعد(بعدم فهم) : انتي مين؟
- آنستي كيف لا تعرفيني انا آني لقد عشت معك سنوات كيف لا تعرفيني
وعد: ثواني ثواني انتي خدامه عندي؟
آني: اجل
وعد: وانا مين؟
آني(بشهقه فزع) : آنستي العزيزه هل سقوطك من الشجره افقدك ذاكرتك؟
وعد: شجره؟
آني: اجل انستي كنتِ فوق الشجره تقرأين كتابك المعتاد الي ان جاء ولي العهد اختل توازنك فوقعتي
وعد: ولي عهد!! احنا فييين ؟ انا فين؟ لالالا اكيد ده حلم لو نمت وصحيت اكيد هيروح اكيد مش حقيقي
آني(محاوله تهدأه سيدتها) : سيدتي لا تقلقي ستسترجعين ذاكرتك بالتأكيد
وعد: سيبيني لوحدي يا آني معلش عايزه ابقا لوحدي
آني(بقلق): لا استطيع تركك وحدك هكذا آنستي
وعد: ده أمر مني اخرجي وانا لما هحتاجك هنادي عليكي
آني: حسنا اعذريني رجاءًا
*بعد خروج آني*
وعد(ببكاء) : يالهوي يالهوي يالهوي اعمل ايه؟ اعمل ايه دلوقتي؟ اروح فين؟ ولا اجي منين ايه؟ اللي حصل ده حصل ازاي؟
(متجهه نحو السرير لتنام مره أخرى)
انا هنام اكيد لو نمت تاني هصحي هلاقي كل حاجه رجعت زي ماهي اكيد ده حلم يعني....مهي تبقي مصيبه لو حقيقه
*بعد اسبوعين علي السرير*
وعد ( مخبئه وجهها تحت البطانيه وهي تبكي) : مهو اكيد ده حلم بس مطول شويه ممكن اصحي بعد شويه ف اي لحظه
*صوت طرق علي الباب*
وعد: مييين؟
آني(بقلق علي سيدتها) : آنستي لا تفعلي هذا لم تأكلي شيئا لأيام اعلم انك حزينه لكن لا يمكن الاستغراق في الحزن هكذا يجب ان تستمري بالعيش ثم بالتأكيد ستعود لك ذكرياتك هيا افتحي الباب
وعد(لنفسها) : ذكريات!؟ ذكريات ايه هي لو علي كده بس يبقا تمام لكن ايه اللي جاب القلعه جمب البحر انا ف مكان معرفش عنه حاجه ولا اعرف ناسه اعمل ايه دلوقتي؟
آني: آنستي؟
وعد: ادخلي يا آني ادخلي
آني: احضرت لكِ فطورك يجب ان تستردي عافيتك بسرعه والداكِ قلقين عليك كثيرا
وعد: وهم فين دلوقتي؟ مجوش يطمنوا عليا ليه؟
آني: آنستي حتي هذا لا تتذكرينه؟ والداكِ كثيري الانشغال يذهبون للخارج في اغلب الاحيان لذا لا يستطيعان القدوم لهنا
وعد(لنفسها) : حاسه اني دخلت قناه سبيستون
وعد: طب هيرجعوا امتي؟
آني: الاسبوع القادم تقريبا هذا ما قاله السيد في خطابه آخر مره
وعد: ييجي بالسلامه
وعد(لنفسها) : لا قناه شباب المستقبل مفيش كلام والله
لتدخل خادمه اخرى مندفعه للغرفه دون طرق الباب وهي تلهث
- آنسه داليا لقد أتى ولي العهد وهو يريد رؤيتك فورا
وعد (بصدمه) : مين!
آني(علي عجله من امرها) : هيا آنستي لا يوجد وقت يجب ان تجهزي بسرعه
وعد: انتي كنتي عارفه انه جاي؟
آني: بالطبع لا لو كنت اعرف لكنت اخبرتك بذلك ياسيدتي
وعد: طب اجهز ازاي يعني مش فاهمه؟
آني: يجب ان تستحمي بسرعه واساعدك علي ارتداء الفستان المناسب وامشط لكِ شعرك
وعد: دي فيها ساعه دي
آني: لن يأخذ اكثر من نص ساعه اذا لو تكن اقل من ذلك ثقي في خادمتك آنستي
وعد: مبقاش عندي حاجه اخسرها هثق حاضر
*بعد نص ساعه*
وعد(بإنبهار) : دي انا فعلا؟
آني(بفخر) : قلت لكِ
وعد: طب يلا ننزل بقا
آني: تفضلي من هنا سيدتي لكن تذكري آنستي ان تحيي ولي العهد بإحترام
وعد: ازاي يعني؟
آني(منحنيه بإحترام): هكذا
وعد: ده انا يجيلي فيها الغضروف دي
آني: ماذا؟
وعد: ولا حاجه.... في حاجه تانيه؟
آني: اه ثم تقولين أحيي شمس الامبراطورية
وعد: شمس لو شافت اللي بنشبههم بيها كانت حرقتنا وخلصنا
آني: لا افهمك سيدتي
وعد: احسن والله... ادخل الاوضه دي صح؟
آني: اجل
- لقد تأخرتي اعتقدت انكِ لن تأتي بسبب ماحدث اخر مره
تعليقات
إرسال تعليق