- تعالي يا حبيبتي
- هو أنتِ منتظرة حد
- اه بابا قالي استنيني هنا وجاي
- عارفه أنا بابا قالي كده بس من زمان بس مجاش هو مش بيحبني صح علشان كده سابني
- لا يا حبيبتي بيحبك هو أنتِ قاعده هنا لوحدك
- لا يا طنط انا واصحابي بنام هنا علشان نقوم بدري نبيع مناديل
- فين اصحابك ، وأنتِ اسمك اي
- هما اخواتي زين ومالك هما الولاد اللي معايا بينزلوا يشتغلوا بالليل وانا بنهار بس
- وانتِ اسمك اي
- انا إسمي عائشه
- وانا نور اسمك جميل جدا يا عائشه
- اسمك انتِ احلى
- نور لا أسمك على اسم السيدة عائشة رضي الله عنها زوجة الرسول وام المؤمنين
- عائشة عايزه اكون شبها لما اكبر
- نور في اي
- البس زي ما كانت بتلبس واحفظ قران واحفظ
- نور اي رأيك احفظك قرأن أنتِ موجوده هنا كل يوم
- عائشه ايوه ولو ملقتنيش هكون موجوده عند عمي صالح البقال لحد ما اصحابي ييجو
- نور اتفقنا بكرة بأذن الله هاجي نفس المكان واجبلك مصحف واحفظك
- عائشة شكرا جزيلا ، عائشة هو أنا ممكن اتصور معاكِ
- نور اكيد كنت لسه هقولك
- عائشه هو أنا حلوة كده بجد ولا التليفون هو الي مخلي شكلي حلو
- انتِ حلوة احسن من صور الفون يا عائشة
- بجد يعني انتقب
- نور فكرة حلوة بس مش شايفه انك لسه صغيره على النقاب
- عارفه يا طنط انا ماما كان لبسها كله اسود وكانت بتلبس نقاب كمان بس هيا مش موجوده
- نور كان عندك قد اي لما جيتي هنا
- عائشة
كان عندي سبع سنين لما بابا جابني هنا من بعد ما ماما ماتت هو اتجوز غير ماما وماما الجديدة كانت بتضربني
- نور وهيا بتاخد عائشة في حضنها اي رأيك يا عائشة تيجي تعيشي معايا
- عائشة مينفعش مالك هيزعل لأني وعدته مش همشي واسيبه
- نور مالك عنده كام سنه
- هو اكبر واحد عنده ١٥ سنه
- نور طيب بيشتغل اي
- مش عارفه بس هو بيكمل تعليم
- ازاي
- هو هرب من أهله لأنهم كانوا بيضربوه
جات عربيه ونزل منها راجل كبير في السن وقال
- أنا آسف يا نور بس العربيه عطلت في السكه علشان كده اخرت عليكِ
- نور ولا يهمك يا بابا احب اعرفك بصديقتي الجديدة عائشة
- والدها اهلا وسهلا يا يا قمر
- عائشة شكرا يا عمو
- الشكر لله يا جميل يلا يا نور إركبي
قربت من عائشة وحضنتها وقولتها زي ما وعدتك بكرة بأذن الله هكون عندك
- عائشة وعد هتيجي تاني
- وعد
ركبت العربيه وروحت أنا وبابا مول وجبت لـ عائشة جاكت وفستان ومنسنش اهم حاجه وهيا المصحف وقولت لبابا اني هروح بدري بكرة علشان اقعد معاها شوية وافرحها
تاني يوم قومت جهزت نفسي وروحت نفس المكان الي اتقابلنا فيه امبارح ولكن ملقتهاش روحت لـ عم صالح البقال وسألته ودلني على مكانها
طلعت الطريق ولقيتها بتبيع ورد
- نور اي ده غيرتي فكرتك
- عائشة لا بس مالك مريض ونزلت ابيع شغله
- نور طيب وهو فين
- عائشة في الاوضه بتاعتنا على السطوح
- نور طيب يلا نروح نشوفه
- عائشه مينفعش امشي غير لما اخلص اللي معايا
الطريق كان زحمة وسمعنا صوت زعيق ولما قربنا لقينا شاب بيخانق مع حبيته علشان اتأخروا على معاد شغلهم وان عندهم اجتماع
- نور اي رأيك تروحي تديها الورد ده وتقولي لها لن يصيبنا الا ما قد كتبه الله لنا
- عائشة حاضر
قربت من العربيه بتاعتهم وخبط على الازاز
- اتفضلي يا أنسة هدية بمناسبة افتتاحنا ، وانت يا أستاذ متزعلهاش تاني، بصلي وهو مغمض جزء من عينيه وباين عليه الغضب وقال ما هيا السبب لو مشينا من الطريق التاني ولو مقعدتش تغير كذا طقم كان زمان وصلين
- البنت يعني مش انت الي قولت اني لبسي مش حلو ولازم أعيرة
- اه بس معرفش إنك هتقعدي ساعاتين تغيري
- عائشة اعتذرلها
- لي بقى أن شاء الله هو أنا غلط
- اه لأنك بتكلمها بصوت عالي والبنت مش بتحب حد يكلمها كده عاجبك كده اهي عيطت
- الشاب وهو بيبص لها وزعلان على حزنها أنا آسف
- عائشة بغمزه خد الورد ده صالحها بيه
اخذ الورد وعطاه للبنت الي معاه وقالها حقك عليا متزعليش أنا آسف ، ولقيتها مرة واحده وشها قلب احمر من الكسوف وهيا بتقوله سامحتك
- الشاب خدي ثمنه بقى
- عائشة أخذته لما صالحتها متزعلهاش تاني
- البنت وهيا بتقرب لـ عائشه شكرا ليكِ يا قمر وقربت وحضنتها
نور كل ده يا عائشه
- معلش مكنش لازم اسيبهم غير لما يتصالحوا يلا علشان نروح لِ مالك
- نور هو ماله طيب اي اللي عنده
- عائشه حرارته عاليه
- نور يبقى نروح الصيدليه نجيب علاج الاول
بعد ساعه
نور فاضل قد اي علشان نوصل
- عائشة دور واحد بس يا قمر
- نور طيب لو في شقه فاضيه في العمارة قوليلي
- عائشه اسألي البوب هو هيعرفك
- نور ماشي يا لمضه
طلعنا فوق في اوضه على السطوح
عائشه يا مالك أنا خلصت
لقيته واقع على الأرض جه شاب وشاله ركبنا عربية نور وروحنا اقرب مستشفى كان عنده هبوط وعلقنا ليه محلول والدكتور قال إنه لازم يبقى موجود هنا لحد ما الحرارة تنزل
بعد يومين
نور حالته اتحسنت يا دكتور
- خالد الحمد لله يقدر يخرج بس محتاج شوية راحه
- نور شكرا جزيلا
- الشكر لله
وصلنا العمارة
نور موجها كلامه ل مالك
- الشقه دي خلاص بقت ملك ليكم وان شاء الله نجهزها حاجه حاجه وانا هاجي كل يوم اشوف اي الي ناقصكم
- عائشة يعني الشقه دي بتاعتنا أنا ومالك وزين
- نور اه يا حبيبتي
- عائشة أنا بحبك اوي
- نور وانا بحبك كل واحد ليكم ليه اوضه وجبت ليكم كام غير لحد ما ننزل سوى ونجيب على زوقكم
- مالك ولي كل ده غرمتي نفسك
- نور لأني في يوم من الأيام كنت في ملجأ وكنت مجربه كل ده والحمد لله ربنا رزقني بعيلتي الي أنا فيها دلوقتي وكان لازم ارد الخير بخير وعمري ما انسى اني لولاهم كنت هكون خدامه في بيت حد دلوقتي لكن كملت تعليم وبقى معايا شهادة وشغاله مع بابا في شركته وحققت كل احلامي
- مالك اوعدك لما هكبر هرد الخير علشان يستمر
- نور وعايزاك توعدني أنك هتاخد بالك من عائشة وتقف جنبها لحد ما ربنا يرزقها بابن الحلال
- مالك ولي ما أنا موجود
- عائشه ايوه يا طنط نور أنا عايزه اتجوز مالك لما اكبر
- نور من عينيا وانا الي هتكفل بجوازكم
- مالك أن شاء الله اخد الشهاده واشتغل
بعد مرور ١٠ سنوات
مالك بغضب كنتي فين كل ده يا عائشه
- كنت في المحاضرة ولما خلصت خرجت في احضر الندوة
- مالك مفيش تاخير تاني بعد النهارده
- عائشه حاضر
الباب خبط ورحت افتح
- نور ممكن اعرف صوتكم عالي ليه
- عائشة مفيش حاجه يا طنط
- نور مش عليا
- عائشه اتأخرت شوية بس
- مالك خارجه من الساعه تسعه الصبح ودلوقتي الساعه سته بالليل ومش بترد عليا وبتتجاهلني
- نور على فكرة عائشه عرفتني أنها هتتأخر
- مالك طيب وانا تسيبني قلقان كده
- نور أنا هاخد عائشه تسكن معايا لأنها مينفعش تسكن معاك
- مالك وانا مش موافق
- نور ده أخر كلام عندي
- مالك بس انا مش موافق
- عائشه بصفتك اي تقرر عني
- مالك بصفتي بحبك وخايف عليكِ ومش عايزك تبعدي عني
- نور هو ده السبب الي هيخليني ابعدها عنك
- مالك أنا عندي شقتي وشغلي الخاص اظن مفيش حجه علشان اترفض
- نور اظن الجواز مش بالعافيه هشوف ردها الاول
دخلت عائشه اوضتها وقفلت الباب ونور لحقتها
- نور ممكن اعرف مالك
- عائشه دايما عصبي كده تعرفي إن ده الوقت الوحيد الي كنت اتمنى وجود اهلي فيه ، قربت عليها وحضنتها اعتبريني فرد من أهلك ومش هغصبك عليه موافقه تتجوزيه
- عائشه هصلي استخارة وارد عليكِ
- نور خدي وقتك
بعد مرور يومين وغياب مالك عن البيت
نور فكرتي في الموضوع
- عائشه موافقه
- نور ادخل يا مالك
- مالك أنا آسف يا عائشه اوعدك هش هتعصب عليكِ تاني وهحافظ عليكِ طول عمري لأني معنديش حد يكون لي نصيب الحلو في دنيتي غير وجودك وانك معايا طول العمر
بعد مرور شهر كان حفل زفافهم ومالك عمل الي عليه علشان ميحسيهاش انها ناقصة حاجه وعزم كل أصحابه وتم الزواج على خير .
تعليقات
إرسال تعليق