_____
في الحواري بدأت تبان مين هي لو تعرف قول
بنت بضفاير وفيونكه يمكن هي ويمكن صاحبة الفستان
تعالا ندور أنا وإنتا ونشوف مين خاين مين كداب
مواصله في مواصله وهنوصل قوام
تعالا معايا وهات قلمك وسيب الباقي لصاحب الدكان
هنتمشي أنا وأنت ونتفسح مش علي الكورنيش ولا عند المزلقان
عند الهرم لا وكمان مش هتشرب حمص شام
بتقول مجنون طب إسمع كده
مش سامع ازاي آنين في القلب عاجز عن وصفه اللسان
اهو شوفت أنا وأنت هنتفسح فين
في قلبي يمكن يمكن في قلبي الفسحه جنان
هعديك علي شرايين محبه واوريك جرام الحزن عندي بكام
ايه ده هو انتا كمان مش عاوز تدخل قلبي
طب استني نسيت اقولك المشوار مجان
اهو كده هتيجي معايا اهو كده سامعك بتقول حلو الكلام
سيبت الباقي لصاحب الدكان جبت القلم طب يلا قوام
في غيرك مستني كتير وانا عشان عيونك مداري العنوان
كنت هتنسيني إستني إستني
عرفت مين اللي في الحواري ابتدأت تبان
ولا اقولك بلاش تعرف سلام سلام♥️🦅
تعليقات
إرسال تعليق