...
انا حد ميت في حياة رخمه ومُمِله
مَريض وفاكر كُل كَلامك
إوعيَ فِي يوم تِسبني
أديكي إنتي اللي سِبتيني
وبقيتي بعيده عن العين
لكن صَدقيني ساكنه القلب والروح
رافض أبوح بأي كلام عَنك
متخيلتِش تِكسَريني
لكِن ولا لوم ولا عِتاب عليكي
قلبي اللي حَبك هو السبب
في القهوة
ونِسيان الحاجات
والخنقه
والتفكير الزايد فيكي
يابِنت حواء ليه سِبتيني وفين راحت الوُعود
الوُعود في الأصل كانت زايفه وكدابه
لِلأسف صَدقتك وصَدقت حكاويكي
مُتسامح جداً في كُل الكلام اللي قُلتيه مِش فيا
بس صَدقيني
أنا لسه بِرغم الغِياب صافي النيه
بِرغم الغياب!
لما بَسمع إسمك ملامحي بتتغير تلقائي !
تلقائياً !
بَقول في نفسي هُنت عليها فَتغور
يُرد قَلبي مُستعصي عَلي كَلامي
رافِض أقوول عَليكي تِغوري
كان نفسي أفضل أبوكي وتِفضلي بِنتي
بس إنتي اللي رفضَتي
كِتير وكِتير قابلت بَعدك
رفض القَلب حتي يقول كِلمه حلوه
في الأصل يا حِلوه الحِلو كُله كان ليكي
تِشهد عليكي لَمعة عِنيكي
ورعشة إديكي
لما كُنت أقولِك
بَحِبك
للحُب
معاني كِتيره لكِن مِش بِإيدي إني حبيتك
لويرجع بيا الزَمان حَبه وحَبه كمان كُنت هحِبك برضو صدَقيني
يا بِنت حواء صدقيني الحَياة
رِخمه ومُمِله من غيرك
أنا
أنا كُنت مُصِر
لكِن إكتَفيت بيكي أكبر سِر
سِر الرِحلة
في إن سِهام اللَيل لا تُخطئ
وإن الإهتمام هو سبب الهَم
أنا أوقات كِتير بحِن وبشتاق
لحاجه خلاص
مهييش ليا
لكِن صَدقيني يا بِنت حواء
أنا لِسه برغم الغِياب صافي النيه
وعيني رافضه تشوف غِيرك
كَلامِك
أغانيكي
صوت ضِحكتك
هزارنا
كل تفاصيلك فاكِرهاك
قالولي !!
إنك نِسيتيني
وقابلتي حد غيري
عايشه تِحاربي عَلشانه
طب منا عافرت وحاربت كِتير عَلشانك
وإنتي مع أول حَرب عَشاني إنسَحبتي
ليه وافقتي عَرفيني ؟
وليه كمان وَقتها رَفضتي تِكلميني؟
ولتاني مَره ولا لوم ولا عِتاب عَليكي
عارف إنو غَصب عَنك
وإنو مِش بإيدك
كُل الأعذار عارِفها
أه مِنك يابِنت حَواء
قوليلي دِلوقتي فين لاقيه السَند والإحتِواء
يابِنت حَواء كُل يوم بِتموتي جُوايا
والغَريب إنك بِتصحي تاني
وكأن قَلبي بِيطلب هُدنه
قَلبي أصلاً في حُبك أناني
يابِنت حَواء
وأنا بَكتِب مَفيش كَلام قادر
يِوصف قَد إيه إنتي وَحشاني
الكِتابه والكَلام والشِعر
شِعري وكَلامي كُله عَليكي
قُلت يمكن تِحسي إللي جوايا
بس الغَريب إنك قَريتيه ومتهَزِتيش
يا شيخه ده أنا كِتير إترَجيتك مَتبعِديش
يابِنت حَواء أنا مَريض بيكي
أنا طِفل مِتشعلق فيكي
أنا المُؤمِن إللي قَرر يِعتكف فيكي
هِجوم وَزير وطابيه وفيل وحُصان
علي مَلك في لوحة شَطرنج
رَفضوا
يِساعدوا كُل أهلوا وأحبابه
هَجروا كُل إللي كَانوا ليه
حتي إنتي يابِنت حَواء رَحلتي وتركتيه
كُل ده كَفيل يِبكيه
مَنكرش إني بَكيت أنا بَبْكي كُل ليله قَبل ما آنام
وأقول !
كان زمانِك ويايا
بِتشاركيني فَرحي وبُكايا
عيني طَله في عِنيكي
وإيدي حاسه بِدفا إيديكي
بَسمع في كَلامِك
تِخلصي كَلامِك
وبعدها تِحُطي دماغك علي كِتفي وتِنامي
يااه يابِنت حَواء كان زمانِك أمامي
تعليقات
إرسال تعليق