زُهر بخوف وانهيار : ايوه ايوه انا عرفاها دي …
"بتساؤل ممزوج بفضول "
-مستر هو ليه معظم البنات مش موجودين مع أن في امتحان النهارده ؟
بهدوء شديد ~عادي يـَ ليل وبعدين ده هينقص من درجاتهم .
"صمتت ليل عندما أخذت ورقه الامتحان وبدأت في الحل ولكن كان يدور في ذهنها العديد من الشكوك ."
"ليل فتاه في أخر سنه من سنوات الثانويه العامه، ذات شعر بني فاتح وطويل ويتميز بجماله، تتميز ليل بالعيون العسليه، رشيقه ونحيفه وجسمها متناسق، نبره صوتها هادئه لكن متحمسه، وطولها متوسط"
"اليوم الثاني تحديداً في السنتر"
~كُله موجود ؟
ثم أكمل ~ طيب أنا هقول الدرجات .
بعد ما قال بعض الاسامي بدرجاتهم .
بأبتسامه ~ليل ١٥ من ١٥ مبروك .
" أبتسمت ليل في سعاده وذهبت لأخذ ورقتها وكان الورق بجانب دفتر الاعمال لمستر علي و رأت أن بعض الطلاب الذين لما يأتو الى الحصه في يوم الامتحان أخذو العلامات الكامله مما أدى الى زياده شكوك ليل ."
" علي مُدرس جيولوجيا، شعره أسود مفرود، عيونه بُنيه واسعه، يمتاز بجسم رياضي قليلاً، نبره صوته بها القليل من الحِده، وطويل القامه ."
في الليل .
كانت ليل تتصفح جروب درس الجيولوجيا لمستر علي وكانت تتصفح الاسماء المتواجده في الجروب و شد انتباهها أسمين مِلان و زُهر، زادت افكار ليل في الدخول في مغامره ليست في الحسبان .
بعد اسبوع …
قررت ليل بالاتصال بمِلان وزُهر لمقابلتهم .
-الو
_الو مين معايا ؟
-حضرتك مِلان ؟
_ايوه مين معايا ؟
-انا ليل معاكي في السنتر في درس الجيولوجيا .
_عرفاكي .. اتفضلي كان في حاجه ؟
-كنت حابه اقابلك بس عاوزه اقولك حاجه .
_لازم ؟
-اه معلش .
_تمام بكرا ان شاء الله نتقابل .
"أغلقت ليل الاتصال و بدأت في البحث عن رقم زُهر ."
"مِلان تتميز بشعرها الغجري الأسود، ذات لون أعين رماديه جذابه، رشيقه وطويله"
-الو ، أزيك يـَ زُهر ؟
–الحمدلله مين معايا ؟
-انا ليل معاكي في درس الجيولوجيا.. كنت حابه اقابلك لو ينفع ؟
–طيب تمام .. هبقى اكلمك اقولك امتى .
-تمام .
"أنتهت ليل من المكالمتان وهي في قمه سعادتها لأن المغامره قد بدأت ."
"زُهر محجبه، ذات ملامح لَطيفه، عيون واسعه ولونهم ازرق، ذات جسم رياضي قليلاً ولكن أنثوي."
——————
جاء موعد لقائها بمِلان وذهبت الى بيتها و دار الحوار بينهم كالآتي .
-عامله ايه ؟
_الحمدلله بخير ..
-كنت حابه أسألك هو انتِ ليه مش بتحضري الدروس ؟ مع انك كنتي منتظمه اللهم بارك
_لا عادي انا عندي شويه ظروف مخلياني مش قادره اجي بس مش اكتر .
" لاحظت ليل بعض علامات التوتر على مِلان خصيصاً بعد سؤالها عن عدم حضورها لكن أحبت بأنها تسأل سؤال اخر وتلاحظ تصرفات مِلان ."
بشك -ازاي وامبارح المستر كان بيقول الدرجات وانا شوفت درجتك ودرجات طلاب تانيين محضروش الحصه وكلكو جايبين كامل ؟
_لا عادي ما هو المستر بيديني دروس خصوصيه مش اكتر .
" زادت علامات التوتر والقلق على مِلان ، حاولت ليل بأن تسحبها في الكلام ولكن لم تنجح في هاذا .. عادت الى منزلها على امل بأن تقول زُهر شيئًا اخر ."
—————
جاء موعد لقائها بزُهر .
بأبتسامه –نورتي يـَ ليل اتفضلي
-بنوركم يـَ زُهر .
–كنتي حابه تتكلمي في ايه بقى ؟
-هو كنت حابه أعرف ليه مش بتيجي الدروس بتاعت مستر علي مع أنه عمل امتحان ؟
–شويه ظروف بس باخد دروس خصوصيه معاه .
-ازاي و لما شوفت الدفتر بتاع مستر علي كان كل الطلاب اللي محضروش الامتحان اغلبهم جايبين كامل ؟
" نظرات زُهر كانت مليئه بالقلق ولكن كانت تحاول ان تبدو طبيعيه ."
–مِش عارفه الصراحه يمكن بيديهوم دروس خصوصيه او بيزود في الاعمال ؟
-طيب تمام ، المهم اتطمنت انك بخير فرصه سعيده .
" عادت ليل الى منزلها وكان ذهنها به الكثير من الشكوك واحساسها كان لا يطمئن و لم تحاول مع زُهر كما حاولت مع مِلان لأن كان واضح جداً بأن زُهر لا تريد أن تتحدث بشيء أخر، ولكن ليل فضولها زاد و عِنادها وشعرت بأن هناك سر خفي وراء الدروس الخصوصيه لأن الفتاتان كانا يتوتران عندما يتحدثان عن الدروس الخصوصيه، وقررت بأن لن تذهب الى الحصه القادمه وستتحدث مع مستر علي لأخذ دروس خصوصيه."
🤎🤎🤎
"بداية اليوم الثاني"
" دخلت ليل الى خانه المحادثه لمستر علي و قالت له انها تريد دروس خصوصيه بسبب عدم فهمها لبعض الاشياء "
بعد نصف ساعه رن موبايل ليل برساله .
" تمام عادي يناسبك النهارده الساعه ٤ ؟ ."
اتفقت ليل مع علي بأنهم سيتقابلون في الموعد المحدد بعد تأكدها من أن هناك أمرأه في المنزل معهم وأخذت العنوان وكُل ما يلزم ."
•الساعه ٣:٤٥ دقيقه•
وصلت ليل الى الحاره الذي تم ذكر اسمها والتي يسكن فيها مستر علي .. و كانت الحاره شعبيه لكن ليست بسيطه ومخيفه قليلاً لكن ليل تحدت هذا الخوف بعِنادها و أكملت طريقها الى البيت المحدد وعلمت بأن العِماره التي تتكون من خمسة ادوار هي مِلك مستر علي بأكملها .
"دقت ليل الجرس وفتح لها مستر علي بأبتسامه ترحيبيه، وكانت الشقه بسيطه تتكون من مطبخ وحمام وغرفه واحده فقط و صاله ليست بكبيره ."
جلست ليل على الكرسي الموجود امام طاوله دائريه الشكل و جاء علي بصِنيه الشاي المعروفه ولكن ليل رفضت بشكل لطيف بأنها لا تريد أن تشرب شيء الان، وبدأ علي في حصته وبدأ في شرح الدرس، لكن في نصف الشرح قاطعهم دخول أمرأه ثلاثينيه في العمر ولكنها رشيقه ليست بعجوز .. فعرفت ليل بأنها زوجه مستر علي وتسمى ساره .
"ساره أمرأه ثلاثينيه العمر، تتميز بجسمها الرشيق، وطويله القامه، شعرها طويل ولونه بُني باهت، لون عيناها أخضر ."
كانت ليل تنظر بطرف عيناها على نظرات علي و ساره لبعضهم، فشعرت أن نظراتهم لبعض كانت غريبه، فقررت أن لا تبالي للأمر .
~وكده نبقى خلصنا .
-متشكره لحضرتك جداً بجد فهمت حاجات كتير مكنتش فهماها .
"وهو يلمس دراعها ."
~عادي ولا يهمك ده واجبي .
" أزاحت ليل يده وقفت ليل بغضب طفيف وذهبت أتجاه الباب .. شدها علي وحاول أن يلمسها وكان رده فعل ساره بأنها تحاول أن تساعده… ولكن ليل كانت اسرع قليلاً منهم وشدت دراع علي ولوحتها وضر*بته في بطنه وهربت مسرعه على السلالم حتى وصلت الى الحاره وحمدت الله بأن لم يحدث شيئاً لها ."
•الساعه الثامنه ليلاً •
ذهبت ليل الى بيتها، وبعد كم يوم ذهبت الى الحصه في السنتر بشكل طبيعي وكانت تتحدث مع مستر علي بشكل طبيعي و طرقت في بالها فكره .
" بعد السنتر "
ذهبت ليل لمِلان وزُهر وفعلت نفس التصرفات ، دار بين ليل ومِلان حوار كالآتي .
وهي تتصنع البكاء لكن بشكل محترف .
-مش مش عارفه ايه اللي حصل انتو انتو بجد حصل معاكو نفس اللي حصل معايا ؟، ده حاول يتحر*ش بيا يـَ مِلان انا مش عارفه اعمل ايه .
"بكت مِلان مع بكاء ليل واحتضنتها ولم تتحدث بشيء ولكن ام مِلان هي التي تحدثت"
=ليل ينفع ثانيه ؟
وهي تمسح دموعها .
-ايوه طبعاً اتفضلي .
بوشوشه =انا مش عارفه حصل ايه مع بنتي لما اخدت درس عند مستر علي وهي مش عاوزه تتكلم بس انا مكنتش مستريحاله ابداً، انا خايفه يكون حصل حاجه ؟ .
"حاولت ليل أن تخفف عنها وطمئنتها ولم تتحدث بشيء و ذهبت لزُهر لتكمل خطتها وبالفعل حدث نفس الشيء ولم تتحدث ايضاً زُهر بشيء ..
انتهت المقابلات وشعرت ليل بأنها تريد ان تنتقم وتساعد الفتيات .. وبدأت بالبحث عن حل .. وكان الحل أنها تحاول مع مِلان وزُهر بأنهم يتحدثو عن ما حدث ولكن للاسف كانا مِلان وزُهر خائفين من التحدث عن ما حدث معهم،وعدت فتره من الاستسلام بعد محاولات كثيره حاولتها ليل لتنتقم .
🤎🤎
" بعد شهر "
لاقت ليل اتصال من فتاه تدعى ليليان و دار حوار بينهم .
ليليان : مساء الخير
-مساء النور مين معايا ؟
ليليان : انا ليليان اخت جنى وجيلا هما معاكي في درس الجيولوجيا.
-ايوه عرفاهم اهلا وسهلا اتشرفت بيكي .
ليليان :حبيبتي يـَ ليل .. البنات قالولي انه انتِ بتشكي في مستر علي و حاولتي تتكلمي مع بنات من اللي غابو ومحدش قالك حاجه .
بأستغراب -اه فعلاً عندك حق، انتِ عرفتي منين ؟
ليليان : والله انا عرفت من اخواتي بس شكلهم عاملين نفس العمله بتاعتك وسألو عن البنات بس متقلقيش امان .. المهم عاوزين نساعدك بقى كلنا لان انتو شككتوني فيه انا كمان .
بنبره فرحه -ايوه ايوه ماشي انا موافقه نتقابل بكرا الساعه ٦ .
ليليان : تمام وقت مناسب جداً .
-سلميلي على البنات واشكريهم اوي .
ليليان : حاضر يـَ حبيبتي يلا سلام .
" أغلقت ليل المكالمه والابتسامه على شفتيها وشعرت براحه كبيره، وشعرت بأن المكالمه اعادت لها القليل من الامل لتكمل مغامرتها ."
————————
"اليوم التالي، تحديداً بعد حصه مستر علي"
جيلا : بسبس
"التفت اليها وهي تضحك على بسبستها."
-عوو .
ثم أكملت -عاملين ايه ؟
ليليان : الحمدلله
جيلا : انا زي الفل
جنى : كويسين انتِ عامله ايه ؟
-انا الحمدلله كويسه .. المهم بقى ندخل في الموضوع بصو اللي حصل …..
" سردت ليل ما حدث معها وما لاحظته في الفتاتان وكانت تلاحظ علامات الاعجاب بين الاخوى الثلاث .."
جيلا : طيب انتِ كده عملتي كُل حاجه سيبي الباقي علينا .
جنى : ايوه سيبي الباقي علينا احنا فهمنا بيتعاملو ازاي .
ليليان : هنظبط كُل حاجه، خلاص انتِ عملتي اللي عليكي .
————
" بعد اسبوع "
-الو
ليليان : ايوه يـَ ليل
-وصلتو لحاجه ؟
ليليان بحزن : لا، روحنالهم وبرضو مش عاوزين يتكلمو .
-طيب شكراً يـَ ليليان .
" اغلقت ليل المكالمه وهي تشعر بالاحباط الشديد، لكنها ظلت تذهب لدروس مستر علي بشكل طبيعي وكانت تراقبه بشده على امل انها تلاحظ شيء ."
" بعد شهر "
لاقت ليل رسائل من الثلاث فتيات .
جنى : "ليل عاوزه اقابلك بعد السنتر "
جيلا : "ليل عاوزه اشوفك بعد السنتر مع جنى"
ليليان : "اجهزي بعد السنتر عشان عاوزين نقابلك"
"ضحكت ليل على كم الرسائل منهم ولكنها اجابه على كلاً منهم، وشعرت بأن هنآك شيئًا جديد في الموضوع ."
———
" الساعه ٦:٣٠ م "
-في ايه بقى قلقتوني ؟
" مدت ليليان يدها بالسماعه لليل، وجنى بالتلفون "
جيلا : اسمعي يـَ ليل كده عشان دي حاجه غريبه.
"فتحت ليليان المسجل وما ان فتحته و وجدت ليل وجهها ابتسم من الفرحه و كانت مذهوله بشكل كبير… كان المسجل به اصوات الفتاتان مِلان وزُهر وهم يتحدثان عن ما حدث بالتفصيل مع الادله ."
بذهول - ازاي ؟ ازاي ؟ عملتوها ازاي ؟ جيبتو المعلومات ازاي؟
جيلا بضحك : هفطس اهدي اهدي هنعرفك كُل حاجه .
تحدثا ليليان وجنى بنفس الوقت .
: لا دي سر الصَنعه .
ثم اكملت ليليان : لا لا خلاص بجد هنقولك اللي حصل .
-فلاش باك .
" ذهب كُلاً من ليليان وجنى وجيلا الى منزل مِلان وزُهر في ايام مختلفه و ظلا يحاولون في سحب الكلام وبالفعل نجحت جيلا بفعل ذلك مع مِلان لان جيلا تتميز بسحب الكلام، و نجحت جنى في سحب الكلام من زُهر وكانت ليليان تذهب معهم لتسجل ما حدث "
•في احدى المقابلات•
جيلا : يـَ مِلان يـَ حبيبتي قولي متقلقيش .
ببكاء _لا انا خايفه وطبعاً مش هقول انتِ عاوزاه يعرف واروح في مشكله وهتبقى مصيبه .
جيلا بمكر : متقلقيش هغير صوتك ومش هبين وشك والتسجيل اهو والبرنامج بتاع تغيير الصوت اهو .
بتوتر _لا مش مصدقه .. سجلي لنفسك ووريني هيغير قد ايه ؟
" وبالفعل جيلا سجلت صوتها واستخدمت البرنامج، وكان التغيير كبير و وافقت مِلان للتحدث عن ما حدث ."
تحدثت مِلان ببكاء .
_لما اخدت معاه درس خصوصي حاول يلمسني ولما جيت ابعد ضر*بني جامد مش فاكره بإيه بس بصي .
" شهقت كُلاً من الثلاث فتيات عندما رفعت مِلان كُم الجاكيت وظهر علامات زرقاء من اثار ضر*ب بشكل مبرح، واكملت مِلان بالكلام."
جيلا بهدوء : طيب انتِ عارفه البنت دي ؟
مِلان بخوف : آه عرفاها، هي دي اللي حاولت تساعد علي بأنهم يضرب*وني .
جيلا وهي تحاول ان تخفف عنها : متقلقيش حقك هيرجع صدقيني انا اسفه على اللي شوفتيه صدقيني هيحصل فيه مصايب اهدي بس ومتخافيش خالص الحمدلله انه ماحصلش حاجه تانيه كويس انك عرفتي تهربي وانها جات على قد كده .
——-
"اما عند جنى، بعد عده محاولات واخيراً اقنعت زُهر بالتحدث بعد ان اقنعتها بفكره التسجيل وتغيير الصوت و وعدتها انها لن تتحدث عن هويه المتكلم في التسجيل ."
زُهر بأحباط : اداني كوبايه فيها مايه وشربت شويه منها بس لما حسيت بطعم غريب سيبتها وبعدها بشويه حسيت نفسي دُخت بطريقه غريبه لحد ما غيبت عن الوعي وقومت ولقيت نفسي في اوضه و علي بيحطني على السرير براحه، كان شال حجابي وشعري باين، من الخوف فضلت مغمضه عيني لحد ما حسيته بيقرب مني بس في حد نداه وانا عرفت اهرب قبل ما يحصل حاجه .
جنى بهدوء : طيب انتِ عارفه البنت دي ؟
" رفعت جنى الجوال بصوره ساره ولكن لم تتوقع رده فعل زُهر ."
زُهر بخوف وانهيار : ايوه ايوه انا عرفاها دي اللي دخلت علينا وهو بيشرح بس كانت بتساعده والله قبل ما اغيب سمعتها وهي بتقوله يلا بسرعه دخلها والله .
" اتجهت ليليان لزُهر واحتضنتها محاولتاً لتهدئتها ."
————
باك .
ليليان : بس كده يـَ ستي اللي سمعتيه دلوقتي في التسجيل ده من غير ما نغير صوت عشان تعرفي انه هما بس فاضل حاجه واحده .
-ايه هو ؟
جيلا : تسجيلك انتِ .
بفرحه - ايوه طبعاً يلا نسجل .
" انتهى كُلاً منهم من التسجيلات ولكن رفضت ليل بتغيير صوتها وعدت الاسابيع وجاء اليوم الذي غير كُل شيء ."
اتصلت ليل على جنى وجيلا وليليان وقالت لهم ان يأتون أمام السنتر و ينتظرونها .
" بعد انتهاء الحصه. "
-اهلاً اهلاً ادخلو يلا بسرعه .
جنى : في ايه
ليليان : هتدخلينا جوا السنتر ليه
جيلا : يـَ بنتي اهدي بس داخلين اهو
" شدتهم ليل الى نصف السنتر في الساحه وفتحت المايكرفون الموصل بالسماعات ."
-احم احم .. لو سمحتم تركزو كلكم.
" فتحت ليل التسجيلات لمِلان وزُهر وهي"
جيلا بحماس : العب يـَ ليلووو
جنى : ينهار ابيض .
ليليان : يالاهوي على الجمدان لا جامده.
غمزت لهم ليل بمكر وبعد أن خلص جزء من التسجيلات الثلاث، ذهب كُلاً منهم لبيته وارسلو لمِلان وزُهر ما فعلته ليل وكان رده فعلهم سعيده لأنهم شبه انتقمو من علي ولكن لما يقف الانتقام الى هنا .
" بعد اسبوعين ."
ليليان : يالاهوي الفيديو طلع تريند .
جنى : لازم نروح لليل .
جيلا : ايوه بقى التريندات بقى يـَ كشي يارب يتف*ضح اكتر ما هو مفضو*ح الحزين .
" ذهبو الى ليل و فتحت ليل الفيسبوك والانستجرام وشاهدت الكثير من الايكات والكومنتات والشير منهم المعارض ومنهم الذي يريد ان الشرطه تعتقل علي ومنهم من يدعي للبنات الضحايا والمساعدين في نشر الخبر وكأن الخبر تحول لقضيه رأي عام ."
" وهي تقفز على السرير بفرحه ."
-هيههههههههه انتقمناااا ووووووو .
ليليان : استنو استنو في اتصال .
ثم اكملت : الو .
—مساء الخير .
ليليان : مساء النور اتفضل حضرتك .
—انا اللواء عصام الأحمدي، احنا شوفنا الفيديو اللي حضرتكم نشرتوه وعاوزينكم تيجو النهارده عشان ناخد اقوالكم وعشان في مفاجأه صغيره .
ليليان بذهول : حاضر تمام هنجيلك حالاً .
" صرخت ليليان بعد ان اغلقت الهاتف وذهبو كلهم الى قسم الشرطه، في الغرفه مع اللواء ."
—يـَ عسكري، دخلوهم يلا .
ليليان : ينهار ايهههههه
جنى : اهلا بالجز*م
جيلا : يجمالو يخواتي دول عملو معاكم الصح .
-ينهااار ععععاااا، قبضتو عليهم ازاي ؟
بضحك —متقلقوش مربوطين مربوطين.
ثم أكمل بجديه — قبضنا عليهم ازاي ده شغلنا عرفنا نقبض عليهم لما كان بيحاولو يهربو برا مصر، و اه صح شُكراً ليكم انتم السبب من بعد ربنا في عدم خوف البنات ومساعدتنا في اننا نقبض على الناس دي .
" ابتسموا الأربعه وبدأو في أخذ اقوالهم وكان الوضع مابين نظراتهم لعلي وساره وفرحتهم بأنهم تخلصو منه، وبعد ان انتهى اللواء من أخذ الاقوال طلب أن يأخذ التسجيلات ويزيل التأثير ليتعرف على هويه الضحايا."
"بعد فتره ليست بقليله "
" كان الأربع بنات مع بعضهم في بيت ليل وقاطع فرحتهم رنه الجرس وكانت مِلان وزُهر ."
-ععععاااااا
ليليان : اهلاااااا
" اما جنى وجيلا ذهبو لأحتضانهم، وبعد الأحضان الكثيره والبكاء تكلمو ."
–مش عارفه اقولكم ايه متشكره اوي انكم جيبتو حقي وطبعاً الشرطه اخدو اقوالي لكن بجد فرحتوني اوي، خلتوني اواجه علي بطريقه مكنتش متخيلاها.
_فرحتوني اوي اوي انا بحبكم جداً، جيبتولي حقي تالت ومتلت كمان .
-يبقى كده نقعد مع بعض كُلنا ونتغدى .
"أجابو جميعاً."
-يلااااااااااااااا .
-أنتهت الحدوته بنهايه سعيده، وأنتهى مَسير علي و ساره بالسجن لمده ١٥ سنه .
تعليقات
إرسال تعليق