_علي فكره روياتك بتسرحي بخيالك كتير ومش حلوه خليكي واقعيه عشان متصدمناش بعد كدا، لانك بتاڤوري
_الروايات هي اللي بتاخدنا من ارض الواقع للخيال عشان نفصل دماغنا شويه عن الواقع المؤلم ونعيش حياتنا اللي احنا عايزينها ف حته تاني لما امسك كتاب واقرر اني هقراه واعيش كل لحظه فيه بشكل جميل هيكون احلي بكتير من اني اكتب عن الواقع اللي الناس بتهرب منه
_اه انا بنصحك بس عشان شايفه انه مفيش حد بيقرالك كتير ومحدش يعرفك غير صحابك شوفيلك مجال تاني غير دا لأن دي شغلانه متأكلش عيش
_الكتابه والقرايه مش اي حد هيقراها لأنها غاليه جدا وانا عارفه دا، قليل جدا اللي هيقرا وهيعرف قيمه كل كلمه هيقراها، الناس اللي مزاجها عالي وبتعرف توزن كل حاجة وعندهم حكمه ف كل شئ هما دول بس اللي هيقدوا كل حاجه بيقروها او بيكتبوها وبالنسبه للناس اللي قليله اللي تعرفني بكره هكبر ف مجالي اللي مش عاجبك وهكون من اشهر الكتّاب وهتتمني تقعدي معايا نفس القعده دي
_انا بنصحك بس انتي خدتي الموضوع جَد كدا لي انا عاوزه مصلحتك انتي صحبتي ولازم انصحك
_لا شكرا لنصيحتك انتي اكتر واحده عاوزه النصيحه ياريت لو عندك اي نصيحه ليا خليها لنفسك وشكرا لرائيك وبالنسبه للصحوبيه اللي بينا فأنا عمري عمري م اتشرفت بيها وياريت تقطعي الصحوبيه دي لانها ملهاش لازمه وعلاقه مقرفه بكل ما تحمله لكلمه بجد
قمت وانا حاسه بإنتصار رهيب واني قدرت ارد ولو جزء م اللي عملته، دي المفروض صحبتي مكنتش اعرف انها خبيثه كدا كنت هبله اول م تحصلي حاجه اجري عليها واقولها لما كانت بتبقي حاجه تفرح مكنتش بلاقي. منها ردت فعل غير انها بتضحك بمجامله وتديني كلام زي السم وبدل م كنت طايره ف سابع سما م الفرحه تنزلني سابع ارض ولما اجري عليها اكون زعلانه مكنتش بلاقيها جمبي، والنهارده وبفضل ربنا قدرت انهي ام الصحوبيه دي..
رجعت البيت ودخلت الاوضه عند تيتا
_ازيك يا ورد هانم ايدا انتي كنتي هتنامي
_اهلا يا مريوم، كنت مستنياكي
قربت بوستها وحطيت الشنطه جمبي و...
_خدتي دواكي
_ايوا خدته، يارب دايما مبسوطه اي سر انبساطك شاركيني فرحتك
_والله يا تيتا النهارده تقدري تقزلي كدا مزاحي الحلو دا مش هيتكرر تاني، فاكره البت اللي انتي مكنتيش بتحبيها
_اه اللي بتحط كيلو بودرا علي وشها ولبسها مقطع ومقضياها كافيهات
_حاولت اكتم ضحكتي: ايوا يا تيتا، النهاارده نهيت الصداقه دي
_بصتلي بحب ورضا: ربنا يريح قلبك يا بنتي
_يارب يا تيتا، رفعت عليها الغطا، اسيبك تنامي بقا، بوستها ف شعرها، يلا تصبحي علي جنه
_وانتي فيها يا مريومتي
طلعت وقفلت الباب وروحت الاوضه بتاعتي ووقفت قدام المرايا بصيت لنفسي برضا وغيرت هدومي لبست بجامه، عملت شعري الاسود ديل حصان روحت الاوضه اللي فيها المكتبه واختارت روايه"عشقني عفريت من الجن "حرفيا جامده وطلعت البلكونه اللي ملياها ورد، الناس دايما بتحط نعناع بس انا بحب الورد اكتر مني والله، قريت الروايه وبعدها طلعت النوت اللي اشتريتها جديد وبدأت اكتب "لا احب مجالس الاشخاص الذين يتركونني دائما في حاله دفاع دائمه، ادافع عن افكاري، عن مقاصدي، وعن نفسي، وعما احب ان ادافع عن آمالي وحقي وغايتي، انني اهرب حقا كلما تحولت الاحاديث إلي هذه المناطق المؤسفه ولن اعود مطلقا" قفلت النوت ومسكت مج الشاي بلبن وقعدت اتأمل السما
_بسبس
_بصيت لمصدر الصوت لقيت القمر واقف ف البلكونه اللي جمبي... هو نزل الارض وساند ع سور البلكونه؟!
_لا منزلش الارض ولا حاجه
_شهقت وحطيت ايدي علي بوقي.. هو سمعني؟!
_لا انا يعني.. هو هو ال الكلام م مش عليك خالص
_ابتسم وسنانه بانت: طب اهدي اتوترتي كدا لي
_لا ابدا ايه اللي هيوترني وبعدين ايه بسبس دي شايفني قطه
_وبتخربش
_اتكلمت وانا بقوم بلم الحاجه وهدخل جوا: قليل الذوق
_اتكلم قبل م ادخل: "عيناكِ روايه وانا أهوي القراءه"
دخلت بسرعه وقفلت البلكونه وروحت ناحيه المطبخ وانا بفكر فيه وف جملته... وسيم وعنيه سودا، رموشه طويله، طويل، عنده عضلات، صوته رجولي جدا، هيئته حلوه ينفع يكون ظابط، كله دا لاحظته ف اقل من خمس ثواني.!! ... جريت ع المرايا و بصيت لعنيا السودا ولرموشي الطويله وركزت فيها جامد...بس مشفتش حاجه انا سرحت ف اللا شئ سحر ايه وروايه ايه ياعم اتلهي.. ضحكت علي تفاهتي وروحت ع السرير، فتحت النوت بتاعتي لونها اسود وعليها نجوم وحقيقي بتخطف قلبي بشكل، فتحتها وكتبت "لا يليق بالعلاقات المسمومه إلا البتر، مجامله الافاعي جريمه"،"ا ذنب حروفنا ان كانت قلوبهم لا تعرف القراءه "قفلتها وحطيتها تحت المخده وروحت فتحت الباب علي تيتا لقيتها نايمه، اطمنت ودخلت نمت...
صحيت الصبح بدري خدت دوش وطلعت فستان تسعيناتي لونه زيتي وفيه ورد ابيض وحطيت علي شعري اسكيرڤ بيضا بعد م سرحته وطلعت عملت الفطار وحطيته ع السفره وعملت كوبايه ينسون ودخلت بيها عشان اصحي تيتا...
_صباح الخير يا ورد هانم
_صباح النور يا مريومي
_ اتكلمت وانا بديها الكوبايه: بس ايه النشاط دا يعني صاحيه بدري كدا
_اتكلمت بابتسامه مع كرمشه وشها وبغرور مصطنع: انا طول عمري نشيطه يا حبيبتشي
_ضحكت علي حركاتها وهيا بتتكلم... طب يلا تعالي عشان نفطر
_يلا، ساعدتها تقوم بعد م خدت منها الكوبايه ومسكت ايديها طلعنا و....
_بقيتي احسن دلوقتي
_اه الحمد لله بقيت احسن دلوقتي، انتي مش مدياني فرصه اشم نفَسي كل شويه ينسون، اعشاب، لمون سخن
_الله! مش عشان تخفي وترجعي احسن م الاول، تعاااليي
قعدنا ولسه هتكلم لقيت الباب خبط..
_خليكي هفتح
فتحت لقيت الكائن القمر دا.. اتصدمت ووقفت تنحت له كدا
_هتخليني واقف كتير ع الباب
_اتحمحمت وبصيت لتيتا
_مين يا مريم
_ا اا مش عارفه يا تيتا
_دخل راسه وقال: دا انا يا تيتا
دي قامتله وخدته بالحضن!!!
_تعالي يا حبيبي تعالي وحشتني والله
_والله وانتي وحشتيني اكتر
خدته ودخلت وانا لسه واقفه مكاني متحركتش... ايه دا؟ مين داااا؟؟
_تعالي يا مريوم واقفه لي
_انت جيت امتي يا واد
_جيت امبارح بليل يا تيتا
_ولما جيت امبارح مجتش لي
_والله قولت اكيد نايمه واديني جيت اهو هعوضك عن قعده امبارح
ايه الابتسامة القمر دي يوخربيتك ياواد.. وه بس يا مريم انتي بتعملي ايه فوقي بقا فوقي بقا فوقييي فوقييييي..
_تعالي يا مريم، شدتني قعدتني جمبها وهو قاعد ع الكرسي..
_دا ادم حفيدي
.......؟
_بصتله بحب وحطت ايديها ع وشه: انا اللي ربيته، هو مش حفيدي وبس هو ابني
•استنتجت انه اهلوا اتوفوا او.. انفصلوا.. مش عارفه
_مسك كف ايديها وباسها، وانا قاعدها هتشل
_دي تيتا بتعتي انا وبس
_بصلي بابتسامه
_طيب يا ولاد خليكوا لحظه لحد اما اعمل لأدم العصير اللي بيحبه واتخانقوا براحتكوا
_قومت بسرعه: خليكي يا تيتا انا هعمله
_لا يا حبيبتي انا اديلي سنه مشفتش الواد ادم وعايزا اعملهوله انا بإيدي
_طيب، تيتا راحت ع المطبخ وانا لسه واقفه عند السفره، جه وقف قصادي بنفس الابتسامه
_وانا بتاع تيتا يعني طالما تيتا بتعتك اعتبريني بتاعك م انا وتيتا واحد
_بصتله كدا اللي هو انت بتقول ايه وبعدين استوعبت كلامه روحت جريت ع المطبخ وانا بمنع ابتسامتي انها تظهر...
لي بتلغبط في وجوده...لي بحس ان قلبي هيوقف لي؟! وانا لسه عارفاه امبارح..
_فوقت من سرحاني علي جمله تيتا: مالك مسبهله لي يا مريم هانم
_ها!! لا ابدا يا تيتا انا بس كنت جايه اساعدك
_لا انا خلصت تعالي ورايا
طلعت وانا عايزا الارض تنشق وتبلعني.. طلعنا لقينا ف البلكونه
_ادم.. انت فين
_تما هنا يا تيتا، جاي اهو
_ايه حلاوه البلكونه دي، الورد اللي فيها جميل
_ضحكت وسبحبته ناحيه السفره: دي مريم هيا اللي زارعاه، بتحب الورد جدا
_وانا اقول هو قمر لي
_ضحكت وبصلتي، وانا عدلت وشي الناحيه التانيه
_بس يا واد، يلا عشان تفطر معانا يلااا
_قعدنا ع السفره وكل م ابصله الاقيه باصصلي، اقعد احرك في رجلي م التوتر واركز ف الطبق...
_مريم بتعمل كوبايه شاي انما ايه
_اتكلمت اما بلم الاطباق: عنيا حاضر
_قام ادم ودخل معايا الاطباق
_لا لا خليك انا هدخلهم
_تعالي بس، استنينا يا تيتا ف البلكونه
تيتا ضحكت تقريبا فهمت المغزي من كلامه اللي انا مفهمتوش..
_دخلت المطبخ وحطيت الاطباق ف الحوض..
_علي فكره شكلك قمر
_قال جملته وطلع يجري م المطبخ، مش عارفه ايه حكايته الواد دا... الواد؟!... الواد؟! قصدي القمر داا
غسلت الاطباق بسرعه وحطيت الشاي جمبي وانا الابتسامه م الودن للودن وجملته بتتكرر في دماغي...خلصت وطلعت الشاي لقيتهم بيتكلموا ويضحكوا ف البلكونه
_احم اتفضل
_مد ايده وهو مبتسم وعنيه محتلاني لدرجه انه وترني، وهوب الكوبايه وقعت عليه
_اااااه
_انا اسفه اسفه والله مخدتش بالي، حطيت الصينيه جمبي وتيتا قامت
_هاتي فوطه فيها ميا ساقعه وتعالي
_حاضر حاضر
•عدت بسلام كان قاعد ع الكنبه بعد م حطيت عليها مرهم...
_عاوزه حاجه يا تيتا..
كنت ف المطبخ بعمل الاكل وسمعته بيتكلم عاوز يمشي..
_رايح فين يا واد هروح عشان عندي شغل
_شغل ايه دا يا واد
_شغل والله يا تيتا هروح ولما ارجع هعدي عليكي اطمنك
_تعالي يا مريم قوليلو حاجه الواد دا
_طلعت بسرعه م المطبخ: خليك قاعد شويه عشان ايدك وكمان تتغدي معانا
كنت بتكلم بقلق.. الشاي كان سخن جامد وايده حرقاه..
_ابتسم: لا متقلقيش، انا عندي شغل ضروري والله اول م ارجع هاجي واطمنك، قالها بغمزه
_اتوترت ومسكت فستاني وحطيت عنيا ف الارض: اا ات اتفضل ت تمام ماشي
_تمام، عاوزه حاجه يا تيتا
_لا يا حبيب قلبي هستناك نتعشي سوا
حاضر.. سلام
_ايوا جيا اهو.. ادم.. تعالي ادخل
_دخل راسه م الباب: حد خالع راسه ولا حاجه
_اتكلمت تيتا بضحك:تعالي يا بكاش
_دخل، اتعشينا سوا كان بيضحك مع تيتا وضحكته حقيقي تخطف.. ويكسفني عادي جدا والقعده معاه لطيفه جدا...
_تصبحي علي خير يا تيتاا
_وانت من اهله يا حبيبي
_قرب مني وهمس: تصبحي على حاجه حلوه شبهك كده، وجري وهو بيضحك.. وانا واقفه زيي الهبله اضحك...
_بتضحكي علي ايه يا مريم انا ملاحظه انك بقيتي تضحكي بسبب وبدون سبب، ضحكيني معاكي
_ها!! ل لا يا تيتا ابدا، خدتي دواكي
_اه يا حبيبتي
_طيب تصبحي على خير، جريت ع الاوضه عشان عارفه تيتا اول م تبص ف عنيا هتعرف، انا شكلي حبيته ولا ايه يربي عليااا
_جريت ع المرايا وافتكرته لما قالي شكلك قمر... والله دا انت اللي قمر... طلعت النوت وكتبت
"مازلت تحتويني عادات الطفوله، مازلت اخجل كثيرا حين اتحدث إلي شخص لم اعرفه، مازلت اتعلق كثيرا في من احبهم واخشي فراقهم، اكره الانتظار واكرهه ان يوجعني احد بكلامه، اكره ان يرتفع صوت احدهم عليّ فتبدأ مشارعي بالتألم، واغار كثيرا علي من احبهم حد البكاء"
قفلتها ودخلت خدت دوش ولبست البيجامه الارنوب ونمت...
بقا كل يوم يجي عندنا يسلم علي تيتا قبل م يروح الشغل وهو راجع يتعشي معانا.. طلع ظابط قمر وهو لابس ميري...عرفت من تيتا ان اهلو انفصلوا وكل واحد قرر يعيش حياته،زعلت اوووي عليه بس عادشي انا هعوضه مش هبقي قره عينه وفلذه كبده ولا ايه؟! بقينا صحاب، وصحااب اووي كمان بقيت احب وجوده، بقا يشاركني تفاهتي وقرايتي وروياتي حتي كوبايه الشاي بلبن بالليل ف البلكونه مع انه بيرجع مهدود الا انه ولا مرا سابني ونام، يقعد احكيله يومي وحصل ايه فيه وانجازاتي يمكن ف نظر البعض اذا مكنتش ف نظر الكل تافهه الا انها بالنسباله انجاز عظيم.. زي اني بقيت مخفش لما اتعامل مع حد، اتكلم بجرأه شويه ...
كنا قاعدين ف البلكونه وبنقرا روايه، بقا يجيب نفس روياتي ونشوف مين فينا هيخلصها الاول..
_انتي مقدمتيش رواياتك ليه في دار النشر لحد دلوقتي
_ايه!؟ لا طبعاا دول هيرموها ف وشي دا اذا دخلوني بيها اصلاا
_ايه دااا والله الفكره جامده، بتكتبي خواطر جميله دا غير انه طريقتك حلوه ف السرد ليه متقدميهاش
_مش عارفه خايفه
_لا متخافيش طول م انتي واثقه من نفسك خلاص ولو متقلبتش هيبقوا ناس مبيفهموش والله
_دا انت عشان عارفني بس ف بتقول عليها حلوه انما غير كدا مش هتعجبهم
_ايه الهبل داا؟؟!
_يعني تفتكر هتعجبهم!؟
_سند ايده علي خده واتكلم بسهتنه: دا اكيد ومش الروايه بس دا الروايه وصاحبه الروايه وكل حاجه
_يابني هو انت ربنا خلقكك عشان تكسفني وخلاص
_ضحك: خلاص خلاص متحمريش كداا
_خدت من ايده الكوبايه: تصبح علي خيييير روح نااام عشان السهر وحش عليك
_طب عندكوا شامبو
_ايه؟!
_ عندكوا شاامبوو
_لا معندنااش
_امال عندكوا ايه.. قمرات
_سبته ودخلت وانا مانعه نفسي بالعافيه اني اضحك..
_تفتكر الروايه هتعجبهم!؟
_دي حاجه انا متأكد منها
_يارب..
روحت انا وهو قدمنا ا الروايه ف الدار ورجعنا قعدنا ف البلكونه بعد م اشترالي شاورما وبيبسي..كنت خايفه متتقلبش،انا دايما بقول عادي اصلا انا بكتب مش عشان حاجه.. بس عشان انا بطلع طاقتي فيها فرحي، زعلي، لو جتلي فكره بحب اشارك حد، بس حتي لو مش موهوبه مش بحب حد يقولي كدا
_انتي ازاي كاتبه ومش بتشربي القهوه!؟؟
_يبني مش لما تتقبل، وبعدين انا بشربها عادي وايه علاقه القهوه مع كوني كاتبه!
_اصل مفيش كاتب مش بيحب القهوه او بالتحديد لما بيكتب اسكريبت او روايه يعني عشان يركز، لكن انتي بتشربي شاي بلبن وهوهوز ؟! شاي بلبن وهوهوز يا قادره؟!
...!!
_خلاص متبصيش كدا، دا انا لو غلطت فيكي شخصيا مش هتبصيلي كدا
_روح روّح بيتكوا، انت بقيت تقعد عندنا اكتر م بتقعد ف بيتك..
_هالله هالله، تعالي يا تيتا شوفي حفيدتك بتطردني
_ملكيش دعوه بحفيدي يبت، تعالي ف حضني يا واد
_وأنا مليش نصيب م الحب دا ولا دا مش بيطلع غير لآدم، اه صحيح م انا مش آدم مش آدم انا..
_باااس اييه تعالي، بلاعه اتفتحت.. جريت عليها حضنتها..
_ايه مأموريه؟!
_اتكلم : ايوا يا مريم
_اتكلمت بحزن وانا بحاول اخلي دموعي متنزلش وانا حاطه عيني ف الارض: ط طب ه هترجع ا امتي؟
_مش عارف والله ب بس والله هرجعلك متخافيش، هرجع
_دمعه خانتني ونزلت فبصتله: تروح وتيجي بالسلامه
_مسح دموعي بحنيه: هرجع متخافيش ومش هسيبك ابداا
_طلع سلسله فضه من جيبه علي شكل سحابه ونازل منها خرز علي شكل مطر..
_قربي..
_قربت ولبسهالي وعنيه كان مليانه دموع..
_ قرب من وشي ورفع راسي بصوابعه واتكلم بصوت هادي: هرجع..
_وانا هستناگ..مع السلامه
_تعالي كلي يا مريم
_مش عاوزه يا تيتا
_جت قعدت جمبي: مالك بقا
_ابتسمت بتعب: مليش يا تيتاا
_علياا بردوا، متخافيش هيرجع وهيكون بخير
_بصتلها بصدمه: ايه؟!
_انتي فاكراني نايمه علي ودااني اياك، عنيكي فضحاكي لما بتبصيله بتبقا فيها لمعه ودي لمعه الحب يا مريوم، ادعيلو ربنا يرجعه بالسلاامه
_حضتنها، كنت محتاجه احضنها جداا...
قمت لقيت نفسي نايمه ع السرير ومتغطيه عرفت انه هياا تيتاا... روحت دخلت اوضتها لقيتها مش موجوده.. طلعت لقيتها ف البلكونه
_بنسوار هانم
_ابتسمت: بنسوار ياختي
_مالك يا سيد قافش ليه
_سيادتك طول النهار نايمه وسيباني وحدي
_معلش تعبانه والله
_حبت تنكشني: اه يا اختي م انا لو آدم كنتي فضلتي طول النهار تلفي زيي النحله
_ابتسمت: ربنا يرجعه بالسلامه
_بصتلي بسهتنه وحطت ايديها علي خدهاا: ياا رب يأوختشي ضحكت عليها ولقيتها قامت
_رايحه فين كده؟!
_هحط الاكل
_لا لا خليكي انتي انا هحطه
_طب استني هساعدك
_يا بنتي سيبيني اقف لوحدي انتي علي طول لازقه فياا كداا
_ضحكت وعرفت انها عايزه تسيبني لوحدي فسبتها...
طلعت النوت اللي اشترهالي وكتبت"غَيم وشتاء ليت ثالثهم لُقي"..
عدي يوم، اتنين، تلاته، شهر، وكل م يطلع نفس مني ادعيله ربنا يرجعهولي بالسلامه.. لحد م لقيت مسدج ع الواتس من رقم غريب
_مين
_مسؤل دار النشر، انسه مريم؟
_اه اه اهلا وسلا
_اهلا بيكي، احنا بنبلغك موافقتنا علي الروايه بتاعتك هبعتلك المواعيد عشان تمضي العقد
_تمام تمام
قفلت ودخلت بسرعه اقول لتيتا وانا بتنطط
_تيتا يا تيتا الروايه اتقبلت الروايه اتقبلت..
_مبروك يقلب تيتاا
•ببعد م كنت بتنطط افتكرت انه وعدني انه هيوقعمعايا العقد.. هو مش معايا
_تيتا سابت اللي ف ايديها وقعدت جمبي، انشاء الله يحضر تكريمك علي نجاحك..
_ابتسمت وانا بطبطب عليها:انشاء الله
نزلت اشتري فستان اروح بيه، اشتريت فستان أسود وهيلز سودا،..
_بصي يا تيتا
_وريني يا عيون تيتا..
ورتها الحاجات وفرحت جداا،..
•جه اليوم اللي هروح امضي العقد بعد م المسؤل بعتلي الميعاد..
*"انا وقلبي دائما معك"*♡.!
*"علاقتنا غريبه ورائعه انا الغريبه وانتَ الرائع"
قفلت النوت وقمت خدت دوش ولبست الفستان والهيلز، الفستان كان لونه اسود وفيه قماشه شفافه وتحتها بطانه وليه حزام ف النُص كله يجنن وعملت شعري كحكه من تحت ونزلت خصلتين من شعري بعد م حطيت روج احمر وبرفاني وخدت الشنطه واهم حاجه اني كنت لابسه السلسله اللي آدم حبهالي.. تقريبا رايحه فرح مش رايحه امضي العقد..
_تيتا تيتا شكلي حلو
_قمر يخواتي
_انتي لسه ملبستيش، قولتلك مش هروح وحدي وهتيجي معايا
_مش قادره با مريم
_رميت الشنطه من ايدي وجريت عليها، اتكلمت بلهفه: انتي انتي كويسه فيكي حاجه يعني حاجه وجعاكي ها ها قولي ساكته لي
_انتي مدياني فرصه اتكلم، وبعدين لا يستي انا مصدعه بس
-الجرس رن: انتي مستنيه حد يا تيتا
_بصتلي بتوتر: م مش عارفه طيب شوفي
قمت والجرس مكنش مبطل رن
_زعقت وطلعت سيد اللي جوايا
ايه ايه جيا الله في ايي..
_آدم.. كان لابس قميص ابيض وبنطلون كحلي ومسرح شعره وحاطط البرفان اللي بحبه، اول م شفته قلبي اتنفض وطلع من مكانه..
_ابتسمت تلقائي وعيني دمعت فاتكلم:"مفيش بين القلوب حاجز، البعد كان يدوب عاكس، والمسافات نغازات في القلب بتجيلي، كل الكلام يتلخص ف كلمه "وحشتيني" وحشتيني يا مريمه..
_ضحكت ببلاهه مكنتش عارفه ارد اقول ايه شهرين غايب عني شهرين من غير اشاكل فيه، من غير م يكسفني، من غير م احكيله يومي،من غير م يشاركني روايتي والشاي بلبن ف البلكونه بالليل ..
_مسك ايدي برقه وباسها وجري علي تيتا باس راسها وسلّم عليها وانا واقفه مكاني لسه
_جه وقف قصادي واتكلم: تقبلي تتحوزيني ونقعد انا وانتي ف بلكونه واحده واشاركك افكارك لرواياتك..
_بصيت علي تيتا لقيتها بتبتسم بحب وهزتلي راسها بمعني واقفي
_هزيت له راسي بمعني مواقفه، عينه لمعت وابتسامته كبرت وفجأه لقيته بيقول...
_تعالي يا شيخناا
_لقيت المأذون دخل وقال جملته الشهيره. "بارك الله لكما وبارك عليكما وجمع بينكما في خير"
_واقفه قدام المرايا بفستان بيبي بلو وهيلز سودا وروج وردي وعامله شعري كحكه لتحت بس.. رايحه اتكرّم لنجاح روايتي
_وقفت قدام الجهمور وايدي ف ايد آدم اللي مسابنيش لحظه والجمهور كله بيحييني.. واقفه عشان اقول كلمتي لنجاحي..
"كلما خطيت سطرا وجدتك مُلهمي وإمام فكري.."
تعليقات
إرسال تعليق