- ايه ؟
- شايف البت اللي هناك دي
" بص مكان ما شاور "
- دي ، دي مقفله يـَ بني و مش ذوقك أصلاً
- وماله اخليها زوقي
- ولا يـَ مالك انت ناوي علي اي بالظبط
- علي كل خير
" قال جملته ورمي السيجاره من أيده دهسها برجله وراح ناحيه بنت كانت لابسه فستان واسع طويل و خمار و قاعده لوحدها بتقرأ "
- احم تسمحيلي اقعد معاكي
" اتفزعت وبصيت جن لقيت شاب واقف حاطط أيده في جيبه و لابس سلسه "
- عارف اني حلو
" بصيتله من تحت لفوق ومسكت شنطتها ومشيت فوقف قدامها "
- أنا مش بكلمك
"بصيتله جامد وبعد كده خدت خطوه يمين فوقف قدامها "
- طب والله عليكي جوز عيون يجننوا بلد بحالها
- لو سمحت حضرتك عايز مني ايه ؟
- كل خير , ممكن نبقي صحاب ؟
- أسفه مبصاحبش ، عن اذنك
" مشيت من قدامه بسرعه ، فضل واقف مكانه و صاحبه قرب منه "
- اوووو رفضتك يـَ معلم
- مش انا اللي اترفض والله لاندمها
- ناوي علي ايه ؟
- هتعرف ، بليل هبقي اكلمك اعرفك ، سلام
" مشي و هو في عاصفه غضب قايمه جواه ، سؤال واحد بيدور في عقله ازاي بنت زي دي ترفضه ؟ ، روح و دخل اوضته طلع تليفونه عشان ينفذ خطته "
- الو يـَ اسلام
- ايه يـَ عم أخيراً افتكرت أن ليك حد تسأل عليه
- معلش يـَ صحبي كنت مشغول المهم عايز منك خدمه
- قول
- في شويه صور هبعتهالك عايزك تظبطهالي
- صور لمين
- لبنت
- رفضتك ولا ايه
- بقولك اي هتنفذ اللي قولته ولا اشوف غيرك
- خلاص يعم ماشي ابعت انت بس وسيب الباقي عليا
- اشطا
" قفل مع صحابه وبعتله الصور ، ساب تليفونه ورمي نفسه علي السرير و غمضت عينه "
- أنا هوريكي ازاي ترفضيني
" فتح عينه لقي قدامه نور ابيض جامد مش قادر يشوف منه الرؤيه اتبتدت توضح لقاه نفسه نايم علي السرير وأهله جنبه و بيعيطوا "
- مالك يـَ بني قوم الله يرضى عليك قوم سيبتني ليه يا حبيبي هعيش ازاي من بعدك ارجعلي يـَ بني
- سيبت مين انا مسيبتش حد
" راح وقف قدامها "
- ماما ، ماما أنا اهو ، بابا ، انتوا مش شايفني ليه
" فضل يلوح بإيده قدامهم لكن محدش شايفه عينيهم علي مالك اللي نايم علي السرير او بمعني اصح جثة مالك "
- انتوا وخدني علي فين ، لا أنا مش جاهز لسه مش جاهز والله ، طب ارجع والله ومش هعمل حاجه مش هأذي حد والله خلاص حرمت ، طب ارجع اصلي فرض ، أنا مش جاهز لسه ، أدوني فرصه أكفر عن ذنوبي طيب واستغفر واسبح واذكر ربنا اخد اي حسنه ارجوكوا ، والله مش هشرب سجاير تاني خلاص ، أنا مش جاهز مش جااااهز ارجوكوا رجعوني ارجوكوا
تعليقات
إرسال تعليق