خاطرة بعنوان "عيناها اللامعتان" بقلم المبدعه «أسماء عطيه » |تورنيد مصر

أظن أن الخيال أفضل الصفات التي أتسم بها .. فهو يجعلني قادرة علي وضع نفسي في مواضيع أحبها لن تحدث 🖤

*بسيطه من 3 سنين عملت حادثه من شدتها فقدت النطق بس مستسلمتش للحاجه اللي بحبها مبطلتش اكتب اصور اضحك وارقص مبتطلعتش أي حاجه بس من يوميها بقيت مش بختلط بحد معظمهم مش حابين وجودي حاليا ف اضطريت اجر شقه من صاحبه البيت اللي في وسط البلد هنا هي في الاول رفضت وقالت مينفعش بنت تسكن لوحدها .. بس بعد ما حكيت ليها علي الورق فهمتني وعرفت اني مليش حد بعد الحادثه دي وبدور علي شغل عشان الفلوس قربت تخلص مني الست فتحيه طلعت أصيله وعاملتني زي بنتها خدت مني نص الاجره بس وكمان جابتلي عفش الاوضه كنت مبسوطه بشويه الهوا اللي بيجو من السطح ودوشه الناس كنت بحس بونس مع أني لوحدي كل يوم كانت بتخبط عليا تتطمن عليا كانت بتدور معايا لشغل لحد ما قالت هسالك الشاب اللي ساكن قصادك أبن ناس أووي ومخرج كبير وبيحتاج ناس ليه يمكن يشوفلك شغل .. شاورتلي علي السلسه اللي لبساها قولتلها دي كانت اخر هديه عيد ميلاد ليا وتعتبر اكتر حاجه مقدر استغني عنها عيني دمعت طبطبت علي كتفي بحزن ممزوج بكلمه ربنا جنبك راحت خبطت عليه وسمعتها بتحكيله عني خرج ومعاه شابين .. كنت خايفه من نظراتة اللي كانت غريبه قعد يسالني شويه أسئله وقالي هخليكي مؤقتا سكرتيره لامجد ..

_ هو صعب حبتين بس هو بيحب الشغل جدااا خلي بالك

* هزيت راسي بحاضر اكيد هستحمل *

_ أنا أحمد .. صديق أمجد من صغرنا وشركا كمان في المسرح

_ وانا صفوت كمان يا ستي تقدري كده تعتبرني اخوكي بالظبط واي حاجه تتطلبيها من غير كسوف ..

* ضحكت حسيت أن السما أبتدت تصفي والجو بقي زي زمان حلو وفي الدفا والسعاده وبس .. خرج من وسط زحمه الابتسامات واقف بسكون واقف بيبص بعيونه اللي كانت بتلمع غرور واقف بيفكر في ملايين الحاجات وكأن عبء و زدت عليه .. بصلي بملامح جامده وعيونه اللي كانت غريبه بتحوم حواليا بطريقه غريبه كان زي روجدي أباظه يمكن ولا شكل عمر الشريف يمكن كان ليه هيبه وخوف وحب مكتوب من سنين معرفش ليه قرب مني وسال كذا سؤال ..

 _ شكلك مش من هنا .. غريبه شعرك ضحكتك وملامحك عنينكي تنفعي نجمه او انتي نجمه .. انتي 

_ أيه يا عم الكاتب براحه عليها كده بتخوفها منك ..

_ انتِ هتبقي سكرتيرتي صح

_ ... * قولت اه *

_ أزاي بتسمعي ..؟

_ هي فقدت صوتها بسبب حادثة مؤقت بس لكن هي بتسمع عادي .. 

_ طيب يا شاطره اعتبر نفسك بقيتي من العيله خلاص دخلتي عيله المقدم .. هااااي هييي

_ طويل العمر يطول عمره وينصره علي مين يعاديه هااي يهيي..

* كنت مبسوطه رغم أني كنت حاسه بخوف كلام الناس برضو مش هيتسكت عليه بنت مع تلت شباب .. أول يوم كان مليان ارتباك سمعت خبطت بسيط علي الباب وانا لسه معرفش هلبس أيه !

_ صباح الخير

_ ...

_ بصي عارف أنك محتاره ومش عارفه تلبسي أيه ف جبتلك الكام حاجه دول اختاري منهم هيليق عليكي الاسود اووي ف البسيه ولما تخلصي تعالي عشان هتفطري معانا 

_..* سالته مين اللي جاب اللبس ده ؟

_ هتعرفي بعدين .. يلا عشان صفوت وامجد مستنين 

* كنت مبسوطه اووي فعلا الاسود كان حلو عليا جداا لبست وكنت مكسوفه اخبطت اخش ولا لا .. معرفش لحد ما الباب اتفتح مره واحده لاقيت أمجد بيبص لعنيا وقفنا شويه لحد ما جه صفوت وشده ودخلني .. 

_فطار متواضع ميلقش بالسندريلا بتاعتنا بس علي القد ..

_ كولي كولي متتكسفيش اتعودي علي كده كل يوم 

_ ها تحبي تشربي شاي ولا قهوه زي امجد

* جت الست فتحيه وسالت هناكول ايه علي الغدا .. حسيت أني في وسط عيلتي وخناقه بابا وماما كل يوم علي الفطار واخويا واختي لما كانوا بيتناقرو علي الاكل بسيط ودمعت شويه ومسحتها بسرعه المهم جت القهوه مع أسطوانه لام كلثوم .. وهي بتقول 

❤حيرت قلبي معاك وانا بخاف واخبي قولي أعمل أيه وياك ولا أعمل أيه وياا قلبي .. بدي أشكيلك من نار حبي بدي أحيلك علي اللي في قلبي ❤

*كان بيبص بحيره لحد ما خلصنا القهوه وروحنا المسرح قد أيه هو غريب وشديد وعفوي في مليون شخصيه غريبه يوم والتاني كنت ببقي قريبه منه اكتر بياخد راي وبيسجل الملاحظات بتاعتنا .. بجد معرفش هو انا ساكته ليه كل ده .. بعد ضحك كل يوم والضحكه اللي مفارقتنيش من يوم وجوده .. اقصد وجودهم ..

 💙وبين شوقي وحرماني وحيرتي ويااا كتماني💙*

* أزاي مجتش علي بالي قررت هكتبله جوابات وكأني معجبه مجهوله بأسمي ذات الميم هما عارفين ان اسمي فريده .. اسم الست فتحيه سمتهوني عشان كان نفسها تخلف بنت بالاسم ده مسكت ورقه وقلم وكتبت ..

_ عزيزي يا من أعز علي حياتي .. أصبحت حياتي تشرق بك بغرور الطاووس الذي يمكن بداخلك بعيناك التي تشبهه الصقر في قناص قلبي .. أصبحت أعشق أعشقك ولما لي غير عشقك في صمت بليغ بالكلمات الساكنه .. 

_ذات_الميم

 _ مين ذات الميم دي ده رابع جواب يا أمجد البنت دي بتوصفك اووي وبتحكي عنك و..

_ كلام فاضي ومبخدش بالكلام ده

_ يبني البنت شكلها معجبه بيك وبتحبك

_ حب أيه دي بتتداري وسط الورق والله واعلم يمكن شكلها مش حلو او عنيها مش بني زي مابحب ولا يمكن يمكن صوتها وحش ولاا

_ خلاص يا اخي دي البنت خساره فيك

_ايه يا فريده ده مالك مش مظبوطه ليه في ايه انهارده راجعي علي الورق ده تاني ..

*في يوم لاقيت خبط كتير علي الباب أحمد قعد يقول كلام كتير وقال أمجد قلبي وجعني جريت عليه مش قادر ياخد نفسه .. جريت علي المطبخ وجبت مايه ليه قعدته لاقيته سخن وبيترعش .. خدت كفه بين ايدي وعيني كلها دموع ..

_ طب هنزل اجيب حاجه تنزل الحراره 

_ وانا هعمل حاجه تدفيه

_ قعدت جنبه ببدله الكمدات .. معرفش قام باس عيني ازاي وحضن كفي ونام .. حسيت ان جسمي كله بقي بردان .. عدي اليوم وكل يوم بصاته بتسحرني بتخليني جميله حتي لو انا وحشه .. لمسه ايدي وياه لما بنضحك او لما بيتوتر .. لما بنشارك القهوه سوا 

💙انا لك علطول خليك ليا .. خد عين مني وطل عليا وخد الاتنين واسئل فيا 💙

 كنت كل يوم بستني رايه يتغير وفي الاخر يرد الرد البايخ ده كنت بتعب كل يوم عشانه .. 

_ ممعايش فلوس تكفي يا صفوت ممعايش فلسنا وشكلنا كده هنقغل المسرح

_ يااابني استهدي بالله شوف بس هتتحل

_ تتحل ازاي بس تتحل ازاي

_ بص انا ممكن اسافر واجيب فلوس من اهلي في الصعيد  

_ وانا هحاول ادبر فلوس 

 * مسكت ورقه ولميت كل حاجه ليا يمكن تجيب فلوس الخاتم والساعه و.. سلسله امي رهنتها وجبت فلوس ورجعت ليهم وادتهومله بالنسبه للشكر بتاعه كان بيطلعلي جناحات ضحكته وشيل همه كان بالنسبالي هم كبير وانزاح من علي قلبي ..

_ مش عارف اقولك ايه يا فريده شكرا شكرا ..

"يمكن من كتر الفرحه كنت في حضنه كنت بطير فرحت خلاص مفيش اي حاجه هتزعلنا تاني .. 

_ بص بقي يا سيدي انهارده الجواب غير..

 _عايز ايه دي كمان 

_ يبني انتا بتبوظ مشاعرها ليه مش يمكن سمعاك 

* لاقيت أحمد بيغمزلي شكله عرف عرف من نظراتي اكيد *

_ يبني دي تحس علي دمها معندهاش حياء

_ بس المره دي بتودعك فيها 

_ بتودعني ازاي

_ معرفش بس كل الجواب بتقولك انها هتمشي

_ ما تمشي 

" صفوت جه بيجري لاقيته بيقول هدي جت .. مين هدي! أمجد طار من مكانه وجري .. كانت في حضنه وبيبتسم كان شكلها مش بتحبه بس كانت جايه عشان ...انا مدايقه ليه 

_ هتروحي ليه 

* قولت اني دايخه وتعبانه بتهرب ليه من ايه اصلا *

_ اوصلك كده كده هروح 

* فضل يتكلم وحسيت اني عايزة اعيط

_ عارف انك بتحبي أمجد زي ما انا بحبك برضو بس هنعمل ايه في قلبنا اللي بيحب وهو مش واخد باله تعرفي كنت بحب كل حاجه فيكي ضحكتك سكوتك كان كله كلام يمكن لو كنتي شوفتيني كنتي حبتيني بس هي كده الصدف وهو ده المكتوب .. اسف نسيت اقولك كل ده .. 

* معرفش ليه مسكت ايده وطبطت عليها يمكن كنت مش باصه للي حواليا ومعميه بشخص واحد وبس ..يوميها روحت واحمد كان معايا قالي اعتبري كل حاجه انتهت وكل حاجه هتبتدي من جديد .. 

_ صحيح جالك جواب انهارده .. وللاسف فتحته انتي ليه ماجله العمليه ..

_ * عشان اللي كنت هعمل بيه دفعته لامجد*

_ امجد ميستحقش كل ده كل مره بتطلعيله حلول مره المسرح مره فكره للمسرح مره اسم لمسرحيه مره لبطل المسرحيه كل ده في حبه الورق اللي بتحكيله فيه ..

*عارفه انه بيحب غيري وبيحبها هي وبس لكن ليه مش انا اكون اللي بيحبها

_ هتصرف و

* شكرا*

* خرج وانا كل يوم وحالتي بتسوء اكتر من كتمه الحب ولا من كتمه الوجع يمكن كنت بخبي الدم بالمنديل عشان محدش يلاحظ ..

_ ذات

* برقت لما احمد ندهه عليا باسمي *

_ ايه الدم ده؟

* عملت بايدي انه يسكت كل حاجه بخير .. بس مسكتش

_ ياااجمااعه 

* مسكت ايده عشان يسكت مش عايزه توتر وبكره عرض المسرحيه .. وهتبوظ بسببي *

_ ايه يبني 

_ خير 

_ مفيش بس هاخد فريده وهنروح

* روحت محستش باي حاجه غير لما لاقيت نفسي في المستشفي .. امجد واحمد وصفوت حواليا .. مكنتش قادره اصحي او افوق .. 

_ كتمتي في نفسك ليه ؟

* كلهم خرجوا وامجد فضل *

_ كتمتي في نفسك ليه .كل ده عشان حبتيني وخايفه عليا انا اسف والله اسف انا 

" الدكتور دخل وقال ان الحاله مش مبشره خالص.. العمليه نسبتها 40ف الميه لو نجحت 

_هتنجح باذن الله 

* خرجوا وسمعتهم بيتفقوا علي فلوس العمليه وسمعت صفوت حكاله اني انا ذات الميم اللي بكتبله بص ليا بشفقه يمكن ليه ياخد واحد تعبانه زي .. حسيت اني قليله عليه من ورا الستاير وقال عشان تنجح العمليه هيحاول يمثل انه بيحبني غمضت عيني ومشيت من المكان ..

 مقدرتش اقوله اني بحبه كنت زي ما قال فعلا بهرب بين الورق روحت لبيت تاني روحت لمكان بعيد سنه وكان كل ما يقربوا من مكاني كنت بهرب مش عارفه بهرب مني ولا منه .. عملت العمليه وبقيت محجوزه في البيت لاقيت خبط علي الباب سندت علي الحيطه 

_ ممكن نتكلم !

_مش هينفع عشان هشتاق ليك تاني ..ومش هسيبك بعد ما كنت بهرب منك 

_بس استني!

_ هتعمل ايه لو لقيت حد يحبني زي ما كنت بيهتم بيك بيخاف بيبعدني عن الاذي واتا مش واخده بالي استهترت بمشاعري ومحستش باي حرف قولته.. 

_هكون غيران 

_ انتا هتحبني شفقه صح! زي مقولت

_هفضل احبك 

_بتكدب .. بتكدب أنا عارفاك .. 

* كنت بعيط لاول مره بخنقه اني انا اللي اخترت اللي يوجعني وموافقاه .. للاسف الحاجه اللي توجع ان هو شخصيته دي هي اللي كانت في حلمي وهي اللي كانت نفسي فيها مغرور ، غريب ،ملامحه جامد، غريب هو فعلا بقي غريب حتي شكله اتغير .. ملامحه اتغيرت بقي مش الشخصيه الجامده اللي عنيها بدب الرعب فيا .. بصتله بقله حيله ..

_ هتتمسك بيا ..؟ أنا عارفة اني كنت عبء عليك غريبه بكسر كل حاجه ببعتلك بحروف وبستخبي فيها كنت بخاف للتأذي كنت بحبك بس انتا وجعت قلبي اكتر من وجع تعبي .. 

            * قرب مني وحضني * 

_بسليك بس بوجع صح .. 

_لا لا خالص لا 

_ هتحبني !

_ انا بحبك وخايف لاجرحك بشخصيتي وتعبي اللي مش مفهوم انا مش بخلي حد يقرب مني ببعدهم عني وده اسوء ما فيه .. مش عايز اخسرك لما مشيتي عرفت انك فرقتي كتير في حياتي .. مسعتش تكتكه القلم ضحكتك اللس ببترسم علي وشك .. هدوئك خوفك فكرك محستش بقله الاهتمام ده 

_ طب طب ليه قولت كده!

_عشان انا اناني 

_فكرت اني هكون اكتر سعاده معاها بس بس محستش بده

_يعني يعني عرفت وفهمت انها مش بتحبك زي؟

_ايوه

_هتفتقد وجودي صح مش مش هيحبك حد زي ما حبيتك انا محدش هيحبك زي صدقني بس كان حبي مش مكفيك !

_ انا بحبك

_ وانا بحبك .. 

* وقعت بعدها وكنت في المستشفي العمليه فشلت عشان مرتاحتش .. كتبتله جواب كنت حاسه اني هبعد المره دي بعيد خالص..

_بصي جايبلك ايه حته فستان وكمان بصي بصي خاتم عليه شمس يشبهلك.. ذات .. ذات

 * أسفه بس همشي حاسه اني مليش مكان هنا معرفش يمكن حاسه اني مبقتش مرتاحه .. انا هسافر و..

_ رايحه فين هتمشي تاني مش هسيبك المره دي

_ انا مرض

_ وانا عايز ابقي مريض بيكي علطول

_ هتزهق

_ هحبك

كل ما أردته أن يضم أحدهم روحي المتهالكه، أن يباغت أحدهم شعوري، أن يضم أحدهم أسمي بين طيات قلبة مع الله أن يقول اللهم قلبها وما لي الا هي💜