في إحدي غُرف المصحة يوجد فتاة لم تري إشراق الشمس منذ خمس سنوات ولم يستطع أحدً من الأطباء التعامل مع حالتها لأنها لا تتفوه بحرفٍ ولا تجيب علي أسالتهم ومن ثم تبوء محاولتهم بالفشل معها ولكنهم لم يكتفوا بهذا القدر فقط بل إنهم يخضعوها للجلاسات الكهربائية رغمًا عنها ويعيدوها إلي غرفتها المظلمة مرة أخري ومنذ السنوات الخمس يتكرر هذا العذاب والجحيم التي تعيش فيه تلك الفتاة بأنتظام ومن طبيب لأخر إلي أن تولي طبيب جديد حالة هذه الفتاة.
_________________
الطبيب يمسك بملف التعريف عن حالة الفتاة ويقرئه بعناية: رهف محمد خالد ، 21 سنة ، بتدرس في جامعة الالسن بالقاهرة.
الطبيب محدث نفسه بصوت مسموع: غريبة حاسس من المعلومات اللي قريتها عن البنت دي إنها شخص مثقف يا تريٰ اي سبب دخولك المصحة واي معناه إن دكاتره كبار يفشلوا في علاجك أكيد حكايتك كبيرة.
شخصً ما يطرق الباب: اجابه الطبيب ، اتفضل ، دخل الشخص وإذا به طبيب رهف السابق الذي سوف يأخذ الطبيب الجديد لرؤيه حالتها فابدأ قائًلا: شرفت يا دكتور سليم المستشفي نورت بحضرتك
الدكتور سليم : بنور حضرتك يا دكتور عمر ، اقدر اشوف حالة المريضة رهف دلوقت .
دكتور عمر: أكيد طبعًا اتفضل يا دكتور لكن أحذر لان الحالة دي تقريبًا اصعب حالة شوفتها في تاريخي المهني ومش انا بس دي لحد دلوقت مفيش دكتور عرف يوصل لنتيجة 1% لتحسن حالتها، حتي إني معتقدش انها هتتحسن ابدًا دي فشل معاها اكبر دكاتره العالم.
دكتور سليم :ياه لدرجادي حالتها معقدة وصعبة.
دكتور عمر : هتشوف بنفسك اهو يا دكتور وهي فعًلا حالة معقدة مقدرناش نوصل لإي تشخيص لحالتها لانها رافضة الكلام نهائيًا كل اللي بتعمله إنها كل مايجي دكتور جديد عشان يشوف حالتها بتبتسم وكانها بتقوله هتفشل زيك زيهم ومفيش جديد حتي لو جبتولي اعظم دكتور في العالم.
دكتور سليم : انا متأكد إن الحالة دي في سبب محدش يعرفه في إنها رافضة العلاج وسبب اكبر في دخولها المصحة.
دكتور عمر : اديك هتشوف بنفسك اتفضل معايا عشان اوريك اوضتها.
ذهب الدكتور عمر ومعه دكتور سليم إلي غرفة رهف وإذا بهم يصلون إلي الغرفة ويقومون بفتحها وكانت الغرفة مظلمة لا يظهر منها سوي ضوءٍ خافت وتجلس رهف علي سريرها وتضم قدمها وهي مطئطه الرأس وحين دلف الطبيبان رفعت رأسها ثم ابتسمت للطبيب سليم ثم نظر لها سليم نظرة حسرة وأيضًا نظرة حيرة وعدم فهم.
الدكتور عمر : زي ما قولتلك يادكتور سليم بتكرر نفس اللي بتعمله مع اي دكتور واديك شوفت بنفسك ابتسمت ورجعت لوضعيتها تاني وهي دي حالتها.
دكتور سليم : عندك حق يا دكتور عمر خلينا نخرج وانا هبدأ من بكرا علاج الحالة دي ومش هسيبها غير لم تتحسن .
دكتور عمر بستهزاء : في دكاتره كتير قبلك قالوا كده بس يمكن زي ما بتقول تتحسن علي ايدك.
خرج الطبيب عمر والطبيب سليم من الغرفة واغلقوها و نظرة لهم رهف مره اخري وعادت لوضعها المعتاد.
الدكتور عمر: كده حضرتك استلمت الحالة رسمي يا دكتور سليم وإن احتاجت حاجه اطلبني فورًا .
دكتور سليم : متشكر جدًا يا دكتور عمر علي تعبك معايا واكيد لو احتاجت حاجه هكلمك علطول.
ثم ودع الطبيبان بعضهم البعض وجلس الطبيب سليم يتفحص باقي اوراق حالة رهف حتي انتهي منها وعاد إلي منزله.
______________
في اليوم التالي ذهب الطبيب سليم إلي عمله الجديد في المصحة وبدأ يعد كل شئ لبدء كورس العلاج مع المريضة رهف ولكنه قرر انه قبل ان يعالجها ان يعرف منها السبب الحقيقي وراء دخولها لمصحي عقلي وكيف فشل في علاجها العديد من الاطباء، ذهب الطبيب سليم إلي غرفة رهف ووجدها كما المعتاد تجلس علي الفراش دون تغيير لو ضعيتها المعتادة ثم بدأ في فتح أحد النوافذ و إضائة الانوار مما بدي علي وجه رهف بالأنزعاج ثم جلس بجانبها علي المقعد وأخد يتحدث معها.
_______________
دكتور سليم: أسمي دكتور سليم الدكتور الجديد اللي هتولي حالتك واظن انك شوفتيني أمبارح انا ودكتور عمر، كلهم قالوا ان حالتك معقدة ومن خمس سنين لحد دلوقت محدش عرف يوصل معاكي لحاجه، انا عارف إنك مكنتش بتتكلمي مع حد فيهم ولا كنتي بتردي عليهم وعارف كمان إنك مش هتردي عليا دلوقت وانا كمان مش مستعجل لكن عايزك تعرفي إنك كده بتضري نفسك بقالك خمس سنين مرمية الرمية دي ومحاولتيش تساعدي نفسك إنك تتعافي وتخرجي من المكان ده ، وبحسب معلوماتي اللي قريتها عنك إنك كنتي طالبة جامعية متفوقة في جامعتك يعني مستقبلك كان كويس جدًا وده السبب اللي مخليني عايز السبب الحقيقي ورا دخولك مصحة عقلي ، أصل شخصية بالوصف ده وفي جامعة محترمة وليها مكانتها زي السن يدل إنك مكنتيش طالبة عادية يدل انك كنتي شخص متفوق ومثقف ، وإنك لو شخص مريض نفسي ولو حتي 50% مكنتيش هتوصلي للمكان ده حتي لو كنتي وصلتي اكيد كان في اي موقف يحصل يدل علي إنك مش طبيعية إنما بحسب معلوماتي إنك كنتي شخص مش بيثير اي مشاكل ولا خناقات فاموضوع إنك دخلتي المصحة ده زي ما هم كاتبين إنك حاولتي الاعتداء بالقتل علي معيد كان بيدرسلك في الجامعةو ده سبب مش مقتنع بيه وكمان كاتبين إنك كان تعاملك عدواني مع زمايلك وإن كان في موقف ليكي مع احد زمايلك وإنك اتخانقتي معاه وهددتيه هو كمان بالقتل وكل مابتشوفيه بتقوليله مش هسيبك، بس اقولك علي حاجه انا مش مصدق الكلام ده.
نظرة له رهف نظرة تعجب من حديثه
دكتور سليم : متستغربيش من كلامي بس كل الدكاتره اللي قبلي جايين عشان يعالجوا مريضة عقلية ونفسية علي السبب اللي شيفينه في الورق ده، وعشان كده كلهم فشلوا وكل كام شهر بيغيروا الدكتور ومش عارفين يوصلوا لحل معاكي ، لكن يارهف عايز اقولك إنك مش مجنونة ولا مريضة عقلية.
______________
خرج الطبيب سليم من غرفة رهف وتركها في زهول مما قال ويعلم أنها تعجبت لقوله بأنها ليست مريضة وظل يكرر هذا كل يوم يذهب إليها ويتحدث معها وهي لا تجيبه بل تنصت لحديثه وتكتفي بالنظر إليه فقط وهو يكرر عليها بأنه ليس علي عُجالة من أمره وظل هذا الوضع لمدة شهر كامل والطبيب لا يمل من هذا إلي أن جاء يوم دخل فيه الطبيب سليم إلي غرفة رهف للحديث معها.
______________
دكتور سليم : عامله ايه عارف إنك مستغربه إني ازاي مملتش وإني مطلبتش نقل لحالة تانية واني كل يوم بكلم معاكي وانتِ مبترديش وانا بقولك إني مش مستعجل وإن لو اي دكتور تاني مكاني كان هيقول دي حالة معقدة واستحالة تتعافي ، بس الأنسان اللي يفضل خمس سنين علي وضعة زيك كده كفيلة الوحده تموت اي أمل جواه بأنه يخرج من المكان ده وفكرة إنك بعد ما كنتي شخص حر بقيتي مقيده ومرميه في اوضه ضلمه واربع حيطان ده يخلي اي انسان يبقي عنده لا مبالاه خاصة إن كل اللي بيجوا يعالجوكي مش فاهمين بيعملوا اي غير إنهم بيدوكي جلسات كهربه وخلاص ، لكن الشخص بيبقي محتاج حد يسمعه حد يفهم اللي جواه حد حتي لو مش هيساعده يسمعه علي الاقل يشيل هم الكبت عنه، الهروب والمعارك اللي بتحصل مع الشخص وخاصة معاكي بعد ما المكان ده يتقفل وكله يروح ويبقي عتمه ومفيش صوت يتسمع غير صوت المرضي وصراخهم و الفرق بين الاصوات دي في المكان المقرف ده وبين حريتيك وبيتيك واهلك واخواتك واصحابك فرق كبير جدًا ومحزن لاي شخص حر ومش مريض ولا مجنون زيك يا رهف
رهف: نظرة له وبدأت الدموع تسيل من عيناها كالشلال ولكن ملامحها بارده وعيناها زابِلتان وبها كسره يحزن القلب لرؤيتها وحينها نظر لها الطبيب سليم وقال " الدموع مش وحشه الدموع ساعات بتريح الإنسان " ومش بس بتريحه هي يمكن وسيلة التعبير عن خذلان البشر والعالم للشخص من غير ما يتكلم ، والدموع مش ضعف زي ما كتير مفكرين، البكا والدموع ممكن تكون سبب نجاه للشخص بعد كل المعارك اللي بتحصل معاه ومش عارف ينتصر عليها يمكن الدموع أحسن من الهروب اللي الكل بيفضله الهروب بيقسي القلب لكن الدموع بتريحه.
___________
خرج الطبيب سليم من غرفة رهف ويبدوا عليه الحزن علي حالتها وحين رأته رهف يخرج من الغرفة وزادت من بكائها وبدأت تحدث نفسها وهي تبكي بصوت متحشرج لا يمكن سماعه وكأنه لا يريد الخروج وبدأت تقول وسط بكائها.
__________
وحشتني اوي يا بابا سبتني لوحدي مع مراتك اللي ورتني اسود ايام حياتي بعد موتك مش انت قولتلي انك هتفضل جانبي يعني ماما سابتني وانا عندي 13 سنة وانت يوميها اخدتني في حضنك وقولتلي مش هسيبك ابدًا وفضلت ليا كل حاجه في حياتي وبعد ما
اتجوزت الست اللي ظلمتني ورمتني في مصحة عقلي وقالوا عليا مجنونه بسببها وانت موجود مكنش كل ده هيحصلي مكنتش تتجرأ وتعمل كده وانت موجود كانت بتعاملني كويس قدامك بس يابابا سبتني انت وماما وشوفت حصلي اي بقيت المجنونة العالم كل قسي عليا في غيابك ، العالم مش ساوي وظالم ومكنش معايا حد اتسند عليه بعدك وكلهم داسوا عليا بعدك يابابا.
________
ظلت رهف تبكي وتحدث نفسها عن مأساه ما حدث لها حين فقدت اباها حتي ذهبت في رحلة نوم عميقة من كثره بكائها، وفي صباح اليوم التالي وكالعادة اذا بالطبيب سليم يدخل لها مبتسمًا وقائلًا لها.
_______________
صباح الخير واظن أنك مكنتيش بخير امبارح وإنك بعد ما سبتك كان وقت مش لطيف عشان الانسان بيفتكر هزايمه كلها لم عيونه بتبوح بالدموع خاصة لو كان بقاله خمس سنين وهو بيهرب من مواجهة نفسه ، نظرة له رهف بتعجب معتاد لانها اعتادت انه دائما ما يقوله يكون قد حدث معها بالفعل ،ثم جلس الطبيب سليم علي المقعد ونظر لها وهي مازالت تجلس جِلستها المعتاده ولكنها تنظر له هي الاخري ثم ابعدت وجهها عنه ونظرت للنافذه بأعين نصف مفتوحه بسبب الضوء الذي يصدر من النافذه ونظر الطبيب سليم إلي ما تنظر اليه.
_______
دكتور سليم : فرق كبير بين الضلمة والنور مش كده؟ اكيد طبعًا فرق كبير ؛الضلمة بتاخد الانسان معها لمكان عتمة زيها وكله يأس وتراجع وفقدان امل وبتخليك تفتكر كل هزايمك وإنكساراتك ،لكن النور بياخد الانسان معاه لمكان كله منور وفيه أمل ونشاط والحياة لازم يكون فيها ضلمه ونور لكن لو بقت ضلمتك اكبر من نورك حياتك هتسود.
__________
رهف بصوت متحشرج لا يكاد أن يخرج من حلقها : *"هتسود اي اكتر من كده "*
وهذه كانت اول جملة تنطق بها رهف من خمس سنوات نظر لها الطبيب سليم بدهشة لانها تحدثت ثم ابتسم لانه نجح في خطوته الاولي بأنه يجعلها تتحدث وتخبره عن حالتها ولم يقاطعها في الحديث واكتفي بالنظر والاستماع إلي كل ما تقول باهتمام
رهف : الحياة مش محتاجة تسود بنسبالي لانها بقالها خمس سنين سوده بالفعل من اول لم ماما اتوفت ودي اول صدمة ليا لكن قدرت اتخطاها بوجود بابا معايا وفي ضهري ووقف جمبي ونساني فراق ماما ويوم ما اتجوز الست اللي كانت بتعاملني اسوء معامله لكن طول ما بابا موجود مكنتش تجرأ انها تقربلي بعد وفاة بابا ودي تاني اصعب صدمة في حياتي واللي مقدرتش اتخطاها لان العالم كله وقف في وشي وداس عليا بعد وفاة بابا بعد ما كنت في تالته جامعة وفاضلي سنة واتخرج بقيت شخص وحيد وانطوائي ومنعزل عن كل العالم لان " العالم مش بيرحم بينهش في الضعيف ويدمره وانا كنت ضعيفة بعد بابا و مكتفتش بكده كمان الست اللي كان متجوزها بابا زلتني وخلتني اشتغل عشان اصرف عليهم وتعذيب واهانه وشتيمه وبقت تقول عليا مجنونه وفي جامعتي بقيت منعزله عن الكل وكان في معيد بيدرسلي في الجامعة مضطهدني دايمًا ومش سايبني في حالي لحد في يوم حاول يتحرش بيا وساعتها دافعت عن نفسي وفي المقابل اتقال عليا مجنونه واني حاولت اقتله والجامعة كلها كانت مفكراني مجنونه وفي ولد من زمايلي كان بيضايقني ودايما بيضحك عليا وبيقولي يمجنونه واتخانقت معاه وكلهم اقتنعوا اني مجنونه لكن انا مش مجنونه مش مجنونه مش مجنونه
________
بدأت رهف في الصراخ بأعلي صوت وتكرر جملتها ' أنا مش مجنونه' وبدأت تكمل حديثها ولكن لم يعد حديثها متواصل قبل انفعالها وبدي انها تتعتع في الحديث وتبكي بهستيريا والطبيب سليم بدأ علي وجهه أثر الصدمة والتعجب مما تقوله رهف وينصت لها باهتمام دون التفوه بحرف
__________
رهف : انا مش مجنونه " المجانين اللي بجد بره المصحة" الناس اللي موجوده في مكان العقاب مش هم اللي المفروض يتعاقبوا بس الدنيا بتيجي علي الضعيف وبتظلمه جامد ووو و يادكتور سليم المصحة مش كلها مجانين كل الناس اللي بره ا ل ال المصحة دول عايز تفهمني انهم مش مجانين " كلنا مرضي نفسيين " كلنا بنعاني " لكن اللي بره جريمتهم اكبر بكتير من اللي جوه المصحة لازم يتعاقبوا كلهم ،الناس اللي بره دول كلهم وحشين العالم كله وحش ومريض العالم كله ناس مؤذيه وو ومبيحبوش حد وتعرف ا ا اكيد انت لاحظت اني بتهته في الكلام وده ده كان من ضمن سبب دخولي لمصحة عقلي لأني كل كل ما كنت بتعصب كنت بتهته في الكلام وكانوا كانوا بيتريقوا عليا وبيضحكوا وكل ده بسبب ناس بره ومش جوا المصحة وهم اكتر ناس ازوني كل العالم اشترك في ازيتي حتي حتي الدكاتره اللي قبلك يا يا دكتور سليم كانوا بيدوني صدمات وجلسات كهربه وانا مش مش مريضة كل كل ده شارك في تعذيبي وحولوني لكائن عدواني بجد انا انا كنت شخص طبيعي جدًا لكن يظهر اني لازم اكون زي ما بتقولوا عليا لان العالم ده مش بيقبل غير المجانين بشر مجانيين وغير صالحين للحب كلهم كدابين كلهم غدارين كلهم بدون استثناء كلهم عايزين عايزين يتعاقبوا
____________
سقطت رهف مخشيًا عليها من فرط البكاء وكثرة الألم التي تُخبئة في قلبها والعذاب والظلم التي تعرضت له منذ وفاة ابيها وتكاتف العالم بأجمعه عليها ووقوفهم ضدها أخذ الطبيب سليم يحاول ايفاقتها لكن دون جدوي ثم قام بالنداء علي احد مساعديه واعطاها مهدأ وتركها لكي تنام وطلب منهم الاعتناء بها حتي تفيق وظلت رهف نائمة حتي صباح اليوم التالي ودخل الطبيب سليم ليطمئن عليها.
_________
دكتور سليم : صباح الخير يا رهف
رهف : نظرة له ولم تجيبه
دكتور سليم: مكنش قليل اللي حصلك ولا كان سهل اللي مريتي بيه وفعلًا كلنا مرضي نفسيين ومعاكي إن اساس الجريمة مش اللي جوه السجن او المصحة بالعكس سبب الجريمة واساسها اللي بره مكان العقاب لان لو كانت الجريمة بتُقف علي اللي بيتعاقبوا بس كان زمانا عايشيين من غير اي جرايم ولا انحرافات لكن اللي بره بيشارك بالجزء الكبير واللي جوه دفع تمن وطول عمر الدنيا كده لا انا ولا انتِ هنغيرها بس نقدر نغير نفسنا عشان نواجه كل ده ماهو لو استسلمنا هنبقي ضحايا المجتمع لكن لو كملنا واتحدينا واصرينا هنقدر نواجه كل ده اه الموضوع مش سهل لكنه مش مستحيل وانا دايما بقول " المستحيل ميخصكش " بمعني اني اي حاجه مستحيلة متقدرش تقف قصادي مادام انا عاوزها هعملها حتي لو صعبه لكن عمرها ماتكون مستحيلة والظلم بقا شئ مسلم بيه في المجتمع لان احنا في الدنيا بختصار يا رهف مش هينفع تفضلي كده ومش هينفع تفضلي في المكان ده لانه مش مكانك انتِ مكانك في حته تانيه خالص في حاجه تليق برهف المتفوقة الموضوع مش مستحيل يارهف وكمان مش سهل انا هساعدك ولاني عارف من اول ما قريت ملف حالتك انك مش مجنونه انا طلبت إذن من المستشفي بتصريح لجامعتك إنك ترجعي وتدرسي السنه اللي بقيالك في الجامعة وتخلصي وهتشتغلي وتشوفي مكانك الحقيقي فين يارهف .
رهف نظرة له بأعين دامعه : يادكتور متتعبش نفسك انا مش هرجع ولا هكمل في الجامعة ولا هعمل حاجه انا مش عايزه اخرج اصلا اخرج ليه اخرج عشان ي ي يرجعوا يقولوا عليا مجنونه ويضحكوا عليا يادكتور انا هفضل هنا للأبد
دكتور سليم : مفيش حاجه اسمها هتفضلي هنا للابد حتي لو مش عشانك عشان بباكي وعشان مامتك دول محتاجين تحققي حلمهم وإنهم وثقوا فيكي لوكان بباكي عايش كان هيقولك كده وكان هيشجعك وكنتي هتوافقي وهتبذلي كل طاقتك عشان تفرحيه اعتبريه موجود معاكي وانك هتنجحي وتتخطي كل ده عشان تفرحيه
رهف بدموع : بس انا مش هقدر
دكتور سليم : انتِ جربتي عشان تقولي انك متقدريش جربي يا رهف وانا معاكي وهساعدك وهتحققي حلمك وحلم بباكي ومامتك.
رهف : هحاول وهبدأ من تاني زي ماكان بابا بيقولي اقعي وقومي لكن متستسلميش وانا هرجع اعافر .
دكتور سليم : كده ممكن نبدأ من دلوقت انا جبتلك كل المراجع وكل الكتب والمحاضرات اللي ممكن تحتاجيها وانتِ بقا الدور عليكي وانا وقت الامتحانات هقدم طلب وهدخلك وهتتخطي كل ده وهتبقي حاجه كبيرة.
رهف : انا مش عارفه اشكرك ازاي يا دكتور سليم من غيرك كنت هفضل في هنا لحد ما اموت.
دكتور سليم : انا معملتش حاجه ده واجبي ودلوقت المكان يدخله نور من كل مكان عشان تبدأي مذاكره وخلينا متفقين ان المكان اللي فيه نور قاطعته رهف قائلة "بياخد الانسان معاه لمكان كله منور وفيه امل ونشاط" رد عليها دكتور سليم مبتسمًا بظبط كده واظن انك اخترتي طريق النور وده هو مكانك وطريقك الصحيح.
_____________
منذ أخر مره تحدث فيها الطبيب سليم إلي رهف بأنها تكمل السنه المتبقيه لها في الجامعة لكي تتخرج وهو يتابعها ويساعدها قدر الامكان وكانت رهف تعمل بكل طاقتها وتذاكر بجد وبدأت تعود إلي طبيعتها وبدأ تعتعتها في الحديث قلية بل قد تكون نادرة وبدأت اختبارات الجامعةوكنت قد طلبت طلب بحضور رهف الاختبارات وتمت الموافقة عليه واليوم هو اخر يوم لها في اختباراتها وسوف تحضر إلي المصحة وايضا هي تعافت تماما وقمت بكل الإجراءت بخروها من المصحة ولكن لن اخبرها الا عند ظهور نتيجة الاختبارت .
________
رهف : دكتور سليم النهاردة اخر يوم في الامتحانات وكنت محتاجه اشكرك علي كل حاجه عملتها معايا وعلي وقفتك جمبي ومساندتك ليا وحقيقي مفيش شكر يوفي كل اللي عملته معايا انت رجعتني من إنسانه فقدت الامل في الحياة وعايشة بين اربع حيطان لشخص بيرجع بالتدريج لحياته الطبيعية وشخصيته الطبيعية انا عايزه اقولك إنك دكتور عظيم وأني ممتنه ليك ولمجهودك معايا ولكل تعبك وان فضلك عليا مش هنساه طول عمري.
دكتور سليم : متشكرينش انا اشكري نفسك انها قدرت تتخطي كل الهزايم دي وإنها رجعت تحاول تاني وبعدين ده واجبي وانا فخور إنك وصلتي للمرحلة دي وهبقي فخور اكتر لم اعرف انك بقيتي معيدة جامعة السن القاهرة حقيقي هبقي فخور إنك وصلتي لمكانك اللي تستحقيه وحققتي حلمك وحلم بباكي ومامتك.
رهف : حتي لو ده محصلش يا دكتور انا كده بنسبه لحالتي حتي لو محققتش حاجه انا عملت حاجه عمري ماكنت افكر لمجرد تفكير اني هعملها وهوصل لكده انا اتحولت من رهف المريضة العقلية والنفسية لرهف الطالبة اللي بتعافر عشان توصل لحلمها ده انجاز عظيم في حقك انت يا دكتور بجد ممتنه ليك
دكتور سليم : انا بكده تكون رحلتي انتهت واقدر اقول انك مش محتجالي وتقدري تكملي لوحدك ولا محتاجة لدكتور نفسي ولا عقلي .
_______
أتي يوم ظهور نتيجة رهف وبالفعل ظهرت وهكذا تكون رهف قد اصبحت معيده في جامعتها لانها قبل دخولها للمصحة حصلت علي تقدير في الثلاث سنوات في الجامعة وايضا بعد خمس سنوات في مصحة عقلي لم يؤثر ذلك علي مستوي رهف الدراسي وحصلت بالفعل علي تقدير هذا العام وطلبت الجامعة حضور رهف لحفل التخرج.
______
دكتور سليم : مبروك يا رهف ولا اقول يا دكتورة رهف بأنك بقيتي عميدة جامعة الالسن .
رهف : الله يبارك فيك يادكتور مكنتش هوصل لده من غير مساعدتك ليا فرحانه إني حققت حلم بابا وماما وفرحانه اكتر ان كل تعبك واصرارك ومجهودك اني ارجع زي ما كنت مرحش علي الفاضي انا بشكرك للمرة المليون يا دكتور
دكتور سليم : انا كمان فرحان إنك وصلتي للحلمتي بيه انتِ واهلك وحققتيه وفخور إني كنت مؤمن بقوتك وانك تقدري تتخطي كل ده ودلوقت الجامعة طلبت حضورك عشان حفلة التخرج وكمان مش عايز اشوفك تاني هنا لانك اخدتي تصريح خروج من زمان بأنك بكامل قواكي العقلية وكنت مخليه لحد ما تظهر نتيجتك ودلوقت اقدر اقولك انك حرة وتقدري تعيشي حياتك طبيعية وإن مهمتي انتهت لحد هنا لكن ده ميمنعش إني في اي وقت موجود وجمبك وهسمعك ولو في اي مشكلة معاكي تعالي فورًا واي حاجه تحتاجيها انا تحت امرك.
رهف : اكيد يا دكتور مقدرش انسي اللي اخدني من الضلمة لطريق النور
*لا تجعل الظلام يطفئ النور بداخلك :'*
تعليقات
إرسال تعليق